Valamoi
| Pos’olku
Valamoi 
Ozuta/peitä kartoi
|
Valamoi (ven. Валаам, suom. Valamo) on Karjalan tazavallan Sordavalan piirin Sordavalan linnukunnan pos’olku.
Se on Valamoin suaren pohjasrannal Luadogan järves.
Nygyaigaine pos’olku perustettih vuozinnu, konzu loppih Suuri voinu. Silloi Luadogan Karjalan aloveh, kudai liityi Suomeh, rubei kuulumah Nevvostoliittoh. Suomelazii työnnettih rajan tuakse da tälle alovehele tuldih Nevvostoliiton rahvahat.
Vuvvennu 1950 Valamoin suarel perustettih Voinuveteruanoin da niistielöin taloi. Vuvvennu 1984 se muutettih manderehele (Videleh, Karjalan tazavallan Anuksen piiri).
Sidä paiči Valamoin suarel ruadoi muzei (1979 – 1992), Valamoin mečänhoidotila, meteostansii, kylän bol'ničču, škola, lapsienpäivykodi, Kul'tuurutaloi, yhtevysozasto, kirjasto.
Vuvven 2016 allus pos'olkas ruadau Valamoin škola, ambulatourii, kul'tuurutaloi, yhtevysozasto, laukku, policiipunktu.
Rahvahan lugumiäry
| 1959 | 1970 | 1979 | 1989 | 2009 | 2010 | 2013 |
|---|---|---|---|---|---|---|
| 1351 | ↘1132 | ↘937 | ↘487 | ↘372 | ↗447 | ↗466 |