Valamoi (suari)

On otettu Рувики-späi
Täl terminäl ollah toizetgi merkičykset, kačo. Valamoi (merkičykset).
Valamoi
2018.09.24 IMG 3998a Валаам, причал и Спасо-Преображенский собор (The Saviour-Transfiguration Cathederal).jpg
Ominažuot
Pinduala29,8 km²
Korgevin kohtu58,2 m
Sijoittumine
61°22′00″ с. ш. 30°56′00″ в. д.GЯO
SuaristoValamoin suaristo
AkvatouriiLuadogu
Mua
Ven'an Federacien subjektuKarjalan tazavaldu
PiiriSordavalan piiri
Логотип РУВИКИ.Медиа Медиафайлы на РУВИКИ.Медиа

Valamoi (ven. Валаа́м, suom. Valamo "korgei, mägimua") on suari Luadogan pohjazes ozas, suurin Valamoin suariston suarilois. Suarel on Valamoi-kylä, kudai kuuluu Sordavalan linnukundah da ven'alazen puuarhitektuuran mustomerki — Valamoin miesmanasteri.

Valaam on kuulužu matkailukohtu.

Muantiedo

Suaren pinduala on enämbi 2/3 kogonazes Valamoin suaristos. Suaren piduhus on 9,6 kilometrii, levevys 7,8 kilometrii. Suarespäi lähimäzeh randassah on 22 kilometrii.

  • Nägö Miikulan skiitale

    Nägö Miikulan skiitale

  • Kallivot Valamoin suarel

    Kallivot Valamoin suarel

  • Valamoin Spuasan manasteri

    Valamoin Spuasan manasteri

Muantiijolline sijoittumine

Suari on Luadogan järves. Konevec-suaressah on 60 kilometrii, suarespäi lähimäzeh linnassah on 42 kilometrii, Piiterissäh on enämbi 220 kilometrii[1] vetty myöte, niilöis 40 kilometrii Neva-jogie myöte (linnan ulgorajassah), mašinal ajua tulou 316 kilometrii[2].

Geolougine rakendeh

Kui kai suaristo Valamoin suari on pinnale nossuon mugan sanotun Valamoin sill-kerrostumu — se on keskuččah päi kaldvavui (3—10°) lačču čuašanmuodohine intruziikogonažus vägevyöl läs 200 metrissäh. Intruziikogonažuon muvvustastajien gabbro-doleritoin iga on miärätty svinču-svinčan medoudal da sil ≈1560 miljonua vuottu. Rannikol da alahazil mualoil kandukivion peitetty myöhäs-pleistocienukavven hiekkazil morienoil[3].

Luonnon olot

Luonnon ominažuot riputah suaristos sijoittumizes Jevroupan suurimas Luadogan järves.

Luonnon aloveh

Valamoin suariston aloveh kuuluu taigualovehen keskitaigan alaaloveheh.

Gidrolougii

  • kaksi syväinjärvie äijäl leikatun randuliinienke, niilöin pinduala on läs 100 gektuarua, net on yhtistetty keskenäh da Luadogan järvenke kanualoil avul;
  • yheksä piendy meččylambie;
  • melioratiivuojien šuarakas verko (XIX vuozisada).

Reljeffu

Taktounine. Äijäl laikattu tiippu. Merkit meren pinnaspäi ollah — 5,1 metris 58,3 metrissäh.

Ilmasto

Kevät tulou kevätkuun lopus. Kezäl Valamoil päivypastopäivii on 30-35 enämbi, migu manderel. Heinykuun keskilämbötila on +17 °C. Talvi lumenke algavuu talvikuun allus. Tuhukuun keskilämbötila on −8 °C.

Valamoin ilmasto
Tunnus Pak. Tuh. Kevätkuu Sul. Oraskuu Kezäkuu Heinykuu Elo. Syv. Lig. Kylm. Talv. Vuozi
Keskimäine absol'uuttulämbötila, °C −8 −7 −2 4 12 17 20 17 12 5 −1 −6 5
Keskimäine minimunlämbötila, °C −15 −13 −8 −3 3 8 11 9 5 0 −6 −11 −2
Vihmu- da lumimiäry, mm 15 10 15 15 25 35 60 70 60 40 20 15 380
Otettu:
Valamoi jälgimäzen kymmenen vuvven aigah (vuozinnu 2009 - 2018) ilmasto
Tunnus Pak. Tuh. Kevätkuu Sul. Oraskuu Kezäkuu Heinykuu Elo. Syv. Lig. Kylm. Talv. Vuozi
Absol'uuttulämbötila°C 4,1 4,3 8,5 16,8 25,4 26,7 34,3 29,0 21,2 13,7 10,1 7,2 34,3
Keskimäine absol'uuttulämbötila, °C −3,8 −3,8 −0,1 5,2 11,7 14,9 20,9 19,7 14,6 7,6 3,5 −0,1 7,5
Keskimäine lämbötila, °C −5,7 −5,8 −3 2,1 7,8 11,0 17,5 16,8 12,5 5,9 2,1 −1,7 5,0
Keskimäine minimunlämbötila, °C −7,6 −7,8 −5,7 −0,3 4,7 7,6 14,8 14,6 10,7 4,4 0,7 −3,3 2,7
Absol'uuttuminimun, °C −21,7 −28,5 −22,4 −11,3 −2 1,2 6,1 7,9 1,3 −7,5 −14,3 −22,1 −28,5
Vihmu- da lumimiäry, mm 51 37 29 34 40 60 57 81 59 56 63 60 627
Otettu: Компиляция данных с метеостанции

Kazvimuaimu

Suaren alovehel on enämbi 480 lajii, äijii kazvattetih monuahat. On säilytty savut, kudamien fruktupuuloile on enämbi 150 vuottu[4]. Suarel enimyölleh kazvau havvumeččiä (läs 65 % — pedäjiköt).

Histourii

Ven’an poštubloukku, vuozi 2010

Suaren nimi voi olla rodieu suomi-ugrilazes sanas "valamo" — korgei (mägi-) mua, liittyjen prorokku Valaaman nimeh. Vuvves 1407 tiä oli pravosluavine manasteri.

Vuodessah 1917 suari oli Suomen suuren kniäzikunnan ozannu, kui kuului Ven’an valdukundah. Suarele äijän kerdua käydih imperuattorat Aleksandru I da Aleksandru II, toizet imperuattorusuguh kuulujat. Valamoile kävyi sežo pyhä Ignatii (Br’ančaninov). Valamoin luondo innostutti taijon da tiijon kuulužii ristikanzoi, sinne käydih taidoilijat I. I. Šiškin, F. A. Vasiljev, A. I. Kuindži, kirjuttajata da runoilijat N. S. Leskov, F. I. Tytčev, A. N. Apuhtin, I. S. Šmel’ov, B. K. Zaicev, säveldäjät P. I. Čaikovskii, A. K. Glazunov, taidoilijat N. N. Mikluho-Maklai, D. I. Mendelejev da äijä toizet. Vuozisual XIX oman Ven'ale matkan aigua suarele kävyi Aleksandr D’uma-tuattah.

Kuulužat ollah Valamoin kuvat, kudamii mualattih I. I. Šiškin (ven. «Вид Валаама», 1860), A. I. Kuindži (ven. «На острове Валаам», 1873) da Nikolai Rerih (ven. «Святой остров», 1917). Tundietukse yhtenaigalazien keskes rodih obrazoinmualuaju Alipii. Vuozinnu 1970-х mustu-valgieloi kuvii luadi Karjalan kuulužu taidoilii-gruafiekku A. I. Avdišev, omisti omii ruadoloi Valamoile sordalalaine taidoilii Kronid Gogolev.

Valamoin suaren da sih liittyjien suarien kartu

Konzu Suomi rodih iččenäzekse valdivokse vuvvennu 1917 suari jäi sen ozakse, da rubei kuulumah Nevvostoliittoh Talvivoinan jälles. Vuvvennu 1950 Karjal-suomelazen socialistizen tazavallan Korgeviman Nevvoston käskys Valamoil endizen manasterin Talvihotelin talois rodih Valmoin niistielöin taloi[5]. В 1989 году началось возрождение Валаамского монастыря, на которое в начале XXI века тратились серьёзные деньги из государственного бюджета[6].

Demogruafii

Valamoin suarel (F’odor Vasiljevan kuva, 1869).
Rahvahan lugu, hengie.
1959 1970 1979 1989
1351 1132 937 487

Kylä

Piäkirjutus: Valamoi

Vuvvennu 2003, konzu hyväksyttih zakonan paikallizis ičehaldivolois, rodih Valamoin kylän stuatusas. Sen mugah Ven’an Federacien subjektois pidä rajoittua paikallizien ičehaldivoloin elimii — pidäy miärätä linnu- da kyläkunnat, niilöin rajat. Moine zakon hyväksyttih Karjalan tazavallasgi[7]. Valamoin kylä sit sai iččenäzen Valamoin kyläkundu stuatusan. Ga vuvven 2005 lopus Sordavalan piirin piälikön S. V. Rižkovan alguhpanos Valamoin kyläkundu rubei kuulumah Sordavalan linnah. Sidä vastustettih erähät Valamoin kyläkunnan eläjät. Annettih Karjalan tazavallan Ylimäzeh suudoh, sit Ven’an Federacien Ylimäzeh suudoh. Heinykuul vuvvennu 2006 sih deiloh rubei ottamah ozua patriarhu Aleksii II[8].

Mieroeländykohtal Valamoil vuvves 2006 sen hävitändässäh ei ollu virrallistu hallindollistu stuatussua. Mierovalamolazet tahtottih, ku heijän kylä suas virrallizen stuatusan, mi andas mahton yhtymäh municipualuvalličuksih. Heijän vuadimuksien zakonalližuon tovesti Karjalan tazavllan Ylimäine suudogi, ga manasterin johtokundu vastusti sidä, vönytti processua virrallizen stuatusan annadas[9][10][11][12][13][14]. Nämä tapahtumat roittih pitkyaigazekse vastustuksekse: manasterin johtokundu prižmiu kaikkien mierolazien eläjien ajandua manderele. Sordavalan kirikködengoih nostettih eländytaloloi, kudamis annettih fatieroi niilöile, ket tahtottih jäätiä suaren, a niil;i, ket tahtou jiäjä, monuahat opitah ajua iäre[15]. Paikallizet eläjät työttih avvonazii kirjazii Karjalan tazavallan piämiehele da patriarhale, ga nimidä ei suadu[16]; opittih panna alguh parluamentan tutkimus, ga sit ei roinnuh tolkuu[17].

A. V. Gine, ven. «Буря на Валааме»

Hil’l’akkazin suurin oza sociualualaitoksis oli salvattu suarel. Vuvvennu 2007 paloi Kezähotelin taloi, sen sijah jälles nostettih hoteli VIP-palomniekkoih nähte; 1. oraskuudu vuvvennu 2016 rodih suuri tulipalo Talvihotelin talois — erähäs kolmes monifatierahizes kois suarel, kus elettih mierolazet rahvas da kus oli Valamoin škola[18]. Viäritetyn sytyttäjän dielo loppiettih vastupuolien sovindan periä[19], ga škola da kul’tuurutaloi jälle tulipaluo salvattih[20], а ragvahil, kudamat elettih talois, pidi lähtie iäre suarespäi. Eländykohtua toziazies ei roinnuh. На начало 2018 года на острове было постоянно зарегистрировано около 100 граждан.

Infrastruktuuru

Eländykohtas on ambulatourii, poštan ozasto, policien punktu, sodaozasto, palo-ozasto, einehlaukku.

Huomavukset

  1. ↑ …до Санкт-Петербурга расстояние более 220 км. Kačondan päivymiäry: 5. kezäkuudu 2016. Arhiviiruittu 20. tuhukuudu 2020
  2. ↑ Расстояние от Санкт-Петербурга до Валаама 316 км
  3. ↑ Степанов К. И., Санин Д. М., Санина Г. Н. Государственная геологическая карта Российской Федерации масштаба 1:200 000, серия Карельская, листы P-35-XXIV, P-36-XIX / под ред. Ю. Б. Богданова, В. Г. Легковой. — 2-е изд. — М.: МФ ВСЕГЕИ, 2013. Arhiivukoupii 16 tuhukuudu 2020 Wayback Machine
  4. ↑ К. В. Кондрашова, И. В. Кондрашова Продуктивность и устойчивость сортов яблони в монастырских садах Валаама. Arhiviiruittu 9. elokuudu 2012 / Вестник МичГАУ, № 1
  5. ↑ Евгений Петрович Кузнецов: "Валаамская тетрадь" // ISBN 5-94668-021-8
  6. ↑ Глеб Яровой. Валаамские миллиарды. Об экономическом чуде Валаамского монастыря, 7x7. Arhiviiruittu 18 syvyskuudu 2020 . Дата обращения: 5 elokuudu 2020.
  7. ↑ Закон Республики Карелия от 1 ноября 2004 г. за № 813-ЗРК "О городских, сельских поселениях в Республике Карелия"
  8. ↑ Битва за Валаам, 19 июля 2006. Kačondan päivymiäry: 27. kevätkuudu 2012. Arhiviiruittu 7. elokuudu 2020
  9. ↑ Депутат парламента Карелии: Валаамский монастырь вмешивается в деятельность законодателей республики. Kačondan päivymiäry: 11. tuhukuudu 2009. Arhiviiruittu 24. heinykuudu 2018
  10. ↑ Дмитрий Синица «Мы стали бесправными жителями в Монастыре». Kačondan päivymiäry: 11. tuhukuudu 2009. Arhiviiruittu 16. pakkaskuudu 2013
  11. ↑ «Валаамский монастырь борется за „деловую репутацию“». Kačondan päivymiäry: 11. tuhukuudu 2009. Arhiviiruittu 16. pakkaskuudu 2013
  12. ↑ Михаил Поздняев. Нечастный случай. Arhiviiruittu 16. pakkaskuudu 2013
  13. ↑ Михаил Поздняев. «Вон с Валаама!». Arhiviiruittu 16. pakkaskuudu 2013
  14. ↑ Исковое заявление о защите деловой репутации Валаамского монастыря. Kačondan päivymiäry: 11. tuhukuudu 2009. Arhiviiruittu 16. pakkaskuudu 2013
  15. ↑ Глеб Яровой. Самоустранение государства. Почему на карельском острове Валаам хотят закрыть единственную школу?, 7x7 (15 oraskuudu 2015). Дата обращения: 5 elokuudu 2020.
  16. ↑ Глеб Яровой. #валаам2015. Местные жители продолжают борьбу за право остаться на острове, 7x7 (9 ligakuudu 2015). Arhiviiruittu 30 kylmykuudu 2020 . Дата обращения: 5 elokuudu 2020.
  17. ↑ Глеб Яровой. Члены комитета по законности и правопорядку Заксобрания Карелии не поддержали создание рабочей группы по проблеме Валаама, 7x7 (23 kevätkuudu 2017). Дата обращения: 5 elokuudu 2020.
  18. ↑ Глеб Яровой. Пожар в «Зимней гостинице» на Валааме: что известно к этому часу, 7x7 (2 oraskuudu 2016). Arhiviiruittu 15 kezäkuudu 2021 . Дата обращения: 5 elokuudu 2020.
  19. ↑ Глеб Яровой. В Карелии прекращено дело о поджоге здания Зимней гостиницы на Валааме. Обзор «7х7», 7x7 (31 heinykuudu 2018). Arhiviiruittu 7 kevätkuudu 2021 . Дата обращения: 5 elokuudu 2020.
  20. ↑ Глеб Яровой. На Валааме закрыли школу и Дом культуры, 7x7 (8 heinykuudu 2016). Arhiviiruittu 30 kylmykuudu 2020 . Дата обращения: 5 elokuudu 2020.

Kirjalližus

Linkat

Lähteh - "https://olo.ruwiki.ru/w/index.php?title=Valamoi_(suari)&oldid=126181555"