Valerii Postojanov

Valerii Postojanov
Valerii Postojanov
Roindupäivy	11. ligakuudu 1941 или 11. syvyskuudu 1941
Roindukohtu	Irkutsku[d], Ven'an federatiivine socialistine nevvostotazavaldu[d], Nevvostoliitto;
Kuolendupäivy	7. tuhukuudu 2018 (76 vuottu)
Kuolendukohtu	Petroskoi, Ven'a;
Mua	Ven'a; Nevvostoliitto;
Toimindu	ampumaurheilija
Palkindot da arvonimet

Valerii Ivanovič Postojanov (ven. Валерий Иванович Постоя́нов; 11. ligakuudu 1941 или 11. syvyskuudu 1941, Irkutsku^[d] — 7. tuhukuudu 2018, Petroskoi) on sportumies, vintouhkaspäi ambui, Ven’an arvostettu sportumuasteri (1970), Karjalan avtonoumizen socialistizen nevvostotazavallan fiskul’tuurualan arvostettu ruadai (1974), Petroskoin kunnivoeläi^[1].

Eloskerdu

Postojanov oli roinnuhes Irkutskah vojennoin pereheh. Vuvves 1957 häi eli Petroskois. Harjaittamah sportua rubei ambujien kluubas, hänen harjaittelijannu oli J. G. Dmitrijev.

Vuozinnu 1963—1966 Postojanov oli Nevvostoliiton Armies.

Vuvvennu 1971 loppi Petroskoin valdivonyliopiston fiiziekku-matemuatiekan tiedokunnan.

Vuvven 1976 talvikuus oli Karjalan avtonoumizen socialistizen nevvostotazavallan sportukomitietan piälikön sijahine, vuozinnu 1983—1989 — sen piälikkö.

Vuozinnu 1976—1994 kuului Kanzoinvälizeh sportuammundan federacieh.

Oli enzimäzenny olimpiuadutulen kandajannu vuvven 2014 Sočin Olimpiuadutulen estafietas Petroskois^[2].

Kuoli 7. tuhukuudu vuvvennu 2018. On pandu muah Petroskois Suolusmäin kalmužiman kunnivokohtah.

Vuvvennu 2022 Postojanovale kuoltuu annettih medali "Arvoruadolois Karjalan tazavallan hyväkse"^[3].

Suavutukset sportas

Mustolaudu Petroskois taloil Sverdlovan uuličal, 19

Postojanov kaksitostu kerdua oli voittajannu Muailman bul’kuammundan kilvois;
Kaheksa kerdua sai hobjumedalin Muailman bul’kuammundan kilvois;
Jevroupan kilvois häi kaksi kerdua oli voittajannu da kaksi kerdua sai hobjumedalin;
Nevvostoliiton kilvois häi oli 25 kerdua voittajannu kui iččenäzis, mugai joukkokilvois;
Viijen vuvven aigah oli Nevvostoliiton ambujien joukon kapituanannu;
Vuvven 1972 Olimpiuadan kezäkižois piäzi nelländele sijale amubujien keskes juoksii meččypočči -pualin ozuandas;
Otti ozua vuvven 1976 Olimpiuadan kezäkižoih;
Oli arbitrannu kolmes Olimpiuadukižois, niilöin luvus oldih vuvven 1980 Olimpiuadan kezäkižat Moskovas^[4].

Palkindot da arvonimet

Medali "Arvoruadolois Karjalan tazavallan hyväkse" (2022);
Ven’an arvostettu sportumuasteri (1970);
Karjalan avtonoumizen socialistizen nevvostotazavallan fiskul’tuuran alan arvostettu ruadai (1974);
Petroskoin kunnivoeläi (2013);
On palkittu medaliloil, Karjalan avtonoumizen socialistizen nevvostotazavallan Korgeviman Nevvoston da Kogo Nevvostoliiton Leninan kommunistizen nuorižoliiton keskustoimehpaniikomitietan kunnivokirjazil^[5].

Musto

Vuvvennu 2021 Petroskois taloil Sverdlovan uuličal, 19, kus hätken aigua eli sportumies, on azetettu mustolaudu hänen kunnivokse^[4].

Huomavukset

↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД "ПетроПресс", 2009. — С. 413—464 с.: ил., карт. ISBN 978-5-8430-0125-4 (т. 2)
↑ Ушёл из жизни почетный гражданин Петрозаводска Валерий Постоянов (рус.). rk.karelia.ru. Kačondan päivymiäry: 5. kylmykuudu 2025.
↑ Указ Главы Республики Карелия от 21 июля 2022 года № 38 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 5. kylmykuudu 2025.
↑ ¹ ² Мемориальную доску Валерию Постоянову сегодня открыли в Петрозаводске (рус.). rk.karelia.ru (11. ligakuudu 2021). Kačondan päivymiäry: 5. kylmykuudu 2025.
↑ К 80-летию со дня рождения Валерия Ивановича Постоянова (1941-2018), 12-кратного чемпиона мира по пулевой стрельбе, заслуженного мастера спорта СССР (рус.). rkna.ru. Kačondan päivymiäry: 5. kylmykuudu 2025.

Ссылки

[1] Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД "ПетроПресс", 2009. — С. 413—464 с.: ил., карт. ISBN 978-5-8430-0125-4 (т. 2)

[2] Ушёл из жизни почетный гражданин Петрозаводска Валерий Постоянов (рус.). rk.karelia.ru. Kačondan päivymiäry: 5. kylmykuudu 2025.

[3] Указ Главы Республики Карелия от 21 июля 2022 года № 38 "О награждении государственными наградами Республики Карелия" (рус.). publication.pravo.gov.ru. Kačondan päivymiäry: 5. kylmykuudu 2025.

[ВП-4] ¹ ² Мемориальную доску Валерию Постоянову сегодня открыли в Петрозаводске (рус.). rk.karelia.ru (11. ligakuudu 2021). Kačondan päivymiäry: 5. kylmykuudu 2025.

[5] К 80-летию со дня рождения Валерия Ивановича Постоянова (1941-2018), 12-кратного чемпиона мира по пулевой стрельбе, заслуженного мастера спорта СССР (рус.). rkna.ru. Kačondan päivymiäry: 5. kylmykuudu 2025.

[1]

[2]

[3]

[4]

[5]