Varoikivi
| Varoikivi | |
|---|---|
 | |
| Korgevin kohtu | |
| Verdualline korgevus | 3,2 metrii |
| Sijoittumine | |
| 61°14′14″ с. ш. 32°10′24″ в. д.GЯO | |
| Mua | |
| Aloveh | Karjalan tazavaldu |
| Piiri | Pitkänrannan piiri |
 Медиафайлы на РУВИКИ.Медиа | |
|
Ven'an Federacien kanzoin |
Varoikivi (ven. Варашев (Варачев) камень) on endine parallelopipedan muodoine rajamerki Luadogan rannikon rouzankarvazes graniittupalas. Se seizou Vareckoin (Varečnoin) niemen nenäl 30 metrin piäs Luadogan järvirannas kolmen puolenke kilometrii lounahah päi Karjalan tazavallan Pitkänrannan piirin Rajakonnun pos’olkas. Kuuluu Karjalan tazavallan kul'tuuruperindön objektoin luvetteluh[1].
Kuvailu
Kiven suurus on 5,7×3,9 metrii, korgevus − 3,2 metrii. Kiven yläpuoleh on kaiverdettu pyörikös olijan nellin’okkazen ristan kuva. Sen piäl on kirjutettu vahnoil sluavilazil kilrjaimil "Kezä vuvvennu 7126 " (1618), kuvan ual ristah luajittu ven. ТМВШ-kirjutes, kudamas jäi vai Т-kirjain.
Histourii
Nygözel aijal kiven rodiemisty pietäh luonnon alguperäzenny. 27. tuhukuudu vuvvennu 1617 Ven'a da Ruočči suadih piätökseh Stolbovan rauhusobimuksen, rajan merkittäväkse vallittih Varoinkiven. Stolbovan sobimuksen rajakirjah on pandu, gu "täyzivaldazet kerävyttih Novgorodan ujezdan Anuksen pogostan da Korelan muan Solomannin pogostan välil, Luadogan järven lähäle Varoikivellyö (ven. у Варачева камени, Варачина тож), da se on kirjutettu rajal Luadogan järvellyö Varoikivellyö". Vuvves 1721 rajan muutandan jälgeh sidä heitettih pidiä rajamerkinny.
Vuvvennu 1785 kiven tutki da kuvai akadiemiekku Nikolai Jakovlevič Ozereckovskii. Kuva kives enzikerdua painettih Rahvahan opastusministerstvan žurnualas vuvvennu 1839[2].
Vuvvennu 1878 Anuksen gubernuattoran G. G. Grigorjevan miärävös kives otettih fotokuvua Moskovan arheolougiiseurah niškoi.
Huomavukset
- ↑ Варашев камень. Kačondan päivymiäry: 20. ligakuudu 2025. Arhiviiruittu 1. heinykuudu 2018
- ↑ Варашев камень. Kačondan päivymiäry: 20. ligakuudu 2025. Arhiviiruittu originualaspäi 1. heinykuudu 2018
Kirjalližus
- Договорная запись, учиненная в Стокгольме между дворами шведским и российским // Полное собрание законов Российской империи. — СПб., 1830. — Т. собр. 1, т. 1, № 19.
- Отчет о деятельности Олонецкого губернского статистического комитета за 1875—1884 гг // Олонецкие губернские ведомости. — 1885. — 16 января (№ 5).
- Иванов А. Варашев камень и камень на Сердобольском тракте // Олонецкий сборник: Материалы для истории, географии, статистики и этнографии Олонецкого края. Вып. 2. — 1886. — С. 70—73.
- Варашев камень // Олонецкие губернские ведомости. — 1841, 1885. — № 4, 98.
- Дрыгин Ю. Загадка Варашева камня // Комсомолец. — 1970. — 14 ноября.
- История в камне : Варашев камень- пограничный знак 1617 г // Новая Ладога. — 2002. — 16 августа.
- Аксентьев. А. Варашев камень — порубежный знак : об истории границы в Питкярантском районе // Вести Приладожья. — 2016. — 1 июня (№ 21). — С. 15.
- Судаков, В. П. Варашев камень // Россия и страны Северной Европы: из истории приграничных отношений в XVI—XX вв. : материалы международной научно-практической конференции (17 августа 2002 г.). — Петрозаводск, 2003. — С. 83—89. — ISBN 5-87870-003-4.