Firsov Vasilii Nikolajevič

Vasilii Nikolajevič Firsov
Roindupäivy	19. kylmykuudu 1951(1951-11-19)
Roindupaikku	Zapan'[d], Nižnejerogodskoi kyläkundu[d], Velikii Ust'ugan piiri[d], Vologdan aloveh[d], Ven'an federatiivine socialistine nevvostotazavaldu[d], Nevvostoliitto
Kuolendupäivy	9. heinykuudu 2010(2010-07-09) (58 vuottu)
Kuolendupaikku	Petroskoi, Ven'a
Kanzalližus	Nevvostoliitto→  Ven'anmua
Toiminduala	kirjuttai, folkloristu
Luomisruavon vuvvet	1979—2010
Ala	foklouruala
Žanru	ven'an folklouru
Tevoksien kieli	ven'an kieli
Enzitevos	1979
Palkindot	—

Vasilii Nikolajevič Firsov (ven. Василий Николаевич Фи́рсов, 19. kylmykuudu 1951, Zapan'^[d], Vologdan aloveh^[d] — 9. heinykuudu 2010, Petroskoi) on ven'alaine kirjuttai, suarnansanelii, folkloristu. Hänen luomisruavon piäalannu oli Ven’an pohjazen folklouran perindölöin literatuurumuokkuandu da kehittämine, nimenomah Voulogdan alovehen da Karjalan tazavallan.

Eloskerdu

Keskiškolan loppi Ošta-pos’olkas. Jälles sluužbua Pohjazel laivastol Gremihan vojennoin merilaivaston tugikohtas, vuozinnu 1971—1975 häi ruadoi Kaman avtozavodan nostanduruadolois raudusepänny, kaivandukonehenšouferinnu.

Piäzi opastumah Literatuuruinstituuttah, opastuttuu vuvven tuli Zapan’-kyläh kaččomah voimattomua muamua, ruadoi lespromhouzas.

Hänen enzimäine kerdomus painettih Sever-žurnualas vuvvennu 1979.

Petroskoile muutettuu vuvvennu 1984 zaočno loppi Karjalazen valdivollizen pedagouguyliopiston filolougien tiedokunnan, ruadoi Oniegan traktoruzavodal puristuskonehenmuasterinnu, Prionežje-piirilehten korrespondentannu.

1990-luvul nähtih päivänvalgien suarnoin kogomusket ven. «Сказки деда Северьяна» (1992), ven. «Чужой домовой» (1992) da ven. «Слово за щекой» (1998). Vuvvennu 1998 Firsovua otettih Ven'an kirjuttajien liittoh.

Tulieloinnu vuozinnu häi jatkoi luomisruaduo: vuvvennu 2002 julgai Sever-žurnualas kirjutuksen ven. «Писатель – самоучка Мирон Смирнов», a vuvvennu 2003 piäzi ilmah hänen kogomus ven. «Озорные сказки». Aigu vuvves 2006 vuodessah 2010 oli eniten tulokselline krijuttajan ruavos — sit aijas kirjuttai krijutti läs 300 uuttu suarnua. Часть из них вошла в его последнюю прижизненную книгу "Заветные сказки от Василия Фирсова" (2009).

Kuoli vuottamattah 9. heinykuudu vuvvennu 2010 Petroskois. Suurin vuitti hänen tuotandos, enämbi puoli jälgivuozinnu kirjutettulois suarnois, jäi julguamattah.

Luomisruado da stiili

Vasilii Firsovan luomisruavon piäalannu on ven’an pohjazen folklouran perindölöin literatuurumuokkuandu da kehittämine. Hänen tevokset on kiingieh sivottu Voulogdan alovehen da Karjalan tazavallan folklouruperindölöih, kus häi eli da ruadoi.

Firsovan suurin vuitti tevoksis ollah kirjutetut suarnat, kudamien pohjannu ollah syvät rahvahan kul’tuuran, eloksentaboin da kielen tiedämizet. Kirjuttajes häi käyttäy rahvahan paginua, suarnoin elementoi da juondehii, kudamien pohjannu ollah Ven’an pohjazen mifolougii da eloksentavat. Nenga ven. «Озорные сказки»-kogomukses rahvahan perindölöih pohjavujen kirjuttai azui rahvahan harakteriloin kogonazen gallerein. Vasilii Firsovan kirjutandualua voibi miärätä kui folklouruala ven’alazes prouzas.

Bibliogruafii

• Поздравление: повесть, рассказы. — Петрозаводск, 1988. — 192 с. — ISBN 5-7545-0028-9.
• Сказки деда Северьяна. — Петрозаводск, 1992. — 128 с. — ISBN 5-7545-0359-8.
• Чужой домовой: сказки. — Петрозаводск, 1992. — 192 с. — ISBN 5-8430-0006-0.
• Слово за щекой: сказки. — Вытегра, 1998.
• Озорные сказки. — Петрозаводск, 2003. — 135 с. — ISBN 5-7545-0834-4.
• Заветные сказки от Василия Фирсова. — Петрозаводск, 2009. — 61 с.
• Киндасовские сказки. — Петрозаводск, 2015. — 143 с.

Musto

Jälles kirjuttajan kuolendua jatkui ruado hänen tuatondon painamizes. Vuvvennu 2011 Sever-žurnualah painettih ven. «Заветные сказки от Василия Фирсова»-kogomus, a vuvvennu 2015 "Kindahankylän suarnat".

Suuri rouli Firsovan perindön säilyttämizes kuuluu hänen ystäväle, žurnalistale da taidoilijale Dmitrii Moskinale. Häi valmisti painettavakse kirjuttajan painamattomii tevoksii da keräi kaksi kogomustu hänen elaijas da ruavos: ven. «Материалы к биографии Василия Фирсова» (2011) da ven. «О раннем периоде жизни и творчества Василия Фирсова» (2012).

Vuvvennu 2021 kirjuttajan 70-vuozipäiväkse piettih mondu piduo. Elokuul nägi päivänvalgien broš’uuru, kudamah painettih ven. «Деревня дураков»-ozutelmu hänen tevoksien mugah, a pakkaskuul jullattih suarnan audio ven. «Как пятак по земле катился». Karjalan tazavallan kanzalline arhiivu sežo julgai Firsovan eloksele da luomisruavole omistetun kirjutuksen.

Huomavukset

Kirjalližus

• Фирсов Василий Николаевич // Писатели Карелии: биоблиографический словарь. — Петрозаводск, 2006. — С. 74—76. — ISBN 5-98686-006-3.
• История литературы Карелии / ред. тома Ю. И. Дюжев. — Петрозаводск, 2000. — Т. 3. — 458 с. — ISBN 5-9274-0033-7.
• Летопись литературной жизни Карелии (1997—2001) / ред. тома Ю. И. Дюжев; Имен. указ.: (Фирсов В. Н.). — Петрозаводск, 2011. — Т. 3. — С. 221, 242. — 245 с. — ISBN 978-5-88170-208-3.
• Материалы к биографии Василия Фирсова (К 60-летию со дня рождения) / сост. Д. Н. Москин. — Петрозаводск, 2011. — 156 с.

Linkat

• Фирсов В. И.