Ven'an Federacien valdivollizen flavun päivy

On otettu Рувики-späi

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Ližiä tieduo

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Materjualoih
Ven'an Federacien valdivollizen flavun päivy
Ven'an flagu
Ven'an flagu
Tiippu Valdivolline pruazniekku
Pandih alguh 20. elokuudu vuvvennu 1994
Pietäh Ven'a
Päivymiäry 22. elokuudu
Liittyy on hyväksytty Ven'an flavunnu vuvvennu 1991
Логотип РУВИКИ.Медиа Медиафайлы на РУВИКИ.Медиа

Ven'an Federacien valdivollizen flavun päivy (ven. День Государственного флага Российской Федерации) on Ven'an virralline pruazniekku, kudamua pietäh joga vuottu 22. elokuudu. Sen virralline piendy hyväksyttih elokuul vuvvennu 1994[1]. On ruadopäivänny.

Pruazniekku on omistettu Ven'an Federacien kanzallizele kolmevärizele flavule.

Histourii

Ven'an histouriellizennu valdivollizennu flavunnu on valgei-sini-ruskei flagu, kudai enzikerdua nostettih Ven'an Or'ol-laival  (ven.) (olo. tsuari Aleksei Mihailovičan halličendan aigah vuvvennu 1668.

Vuvvennu 1693 kolmevärine flagu rodih tsuari Pedri I:n omakse štandartakse.

XVIII vuozisual — XIX vuozisuan enzimäzel puoliškol valgei-sini-ruskiedu flaguu käytettih kauppulaivoil da Ven'an meritutkimuslaivoil[2].

Vuvvennu 1883 piäzi ilmah Aleksandru II: n käsky, kudamas sanottih: "Pruazniekkutapahtumis, konzu sai čomendua taloloi flaguloil, käytös oli vaiku Ven'an flagu, kudamas oli kolme junuo: ylähäine — valgei, keskimäine — sinine da alahaine — ruskei"[3].

Ven'an valdukunnan Meriustuavan pygäl 1142 (vuvven 1885 painos) flavun mustu-valgien kuvanke

Vuvvennu 1896 Merivirraston johtajan suuren kniäzin generualu-admirualu Aleksei Aleksandrovičan  (ven.) (olo. ezitelmän mugah imperuattoru Nikolai II "Tunnusti kaikis tapahtuksis kanzallizennu valgei-sini-ruskiedu flaguu"[4].

Valgei-sini-ruskei flagu oli Ven'an valdivollizennu simvolannu Ligakuun vuvven 1917 vallankumovuksessah.

Vuvvennu 1918 Nevvosto-Ven'a kieldävyi kolmevärizes lipus da otti käyttöh uvven ruskien lipun[4].

22. elokuudu vuvvennu 1991 Elokuun putčan aigah Moskovas Halličuksen taloin piäl Krasnopresnenskoin randupihal enzikerdua nostettih histourielline valgei-sini-ruskei flagu, kudai tuli nevvostolazen ruskien flavun sijah[5]. Se rodih Nevvostoliitos perustetun valdivollizen hädätilan komitietan  (ven.) (olo. luajitun vallan kumovuksen romahtuksen simvolakse[2].

Boris Jel'cin, Gennadii Burbulis, da muut. 22. elokuudu vuvvennu 1991. Moskovu

22. elokuudu vuvvennu 1991 Ven'an federatiivizen socialistizen nevvostotazavallan Korgein Suudo hyväksyi azetuksen "Ven'an federatiivizen socialistizen nevvostotazavallan Kanzallizen flavun virrallizes hyväksyndäs da käytändäs".

1. kylmykuudu vuvvennu 1991 flavun hyväksyi Ven'an federatiivizen socialistizen nevvostotazavallan Rahvahan deputuattoin kerähmö. Ven'an peruszakonan 181. pygälän mugah Ven'an federatiivizen socialistizen nevvostotazavallan valdivolline flagu oli "kohtikulmikkomuodoine flagu yhty suuruttu olijoin junoloinke: ylähäine — valgiedy värii, keskimäine — taivahankarvaine da alahaine — verenkarvaine"[6]. Flavun levevys sen piduhuttu kohtah oli 1:2[3].

11. talvikuudu vuvvennu 1993 Ven'an piämies Boris Jel'cin allekirjutti käskyn "Ven'an Federacien valdivollizes flavus", kudaman mugah taivahankarvaine väri muutettih sinizekse, a verenkarvaine — ruskiekse. Muutui sežo flavun levevys sen piduhuttu kohtah — 2:3[6]. Annettih luba käyttiä flaguu endizien tazapuoližuksienke vuvven 1995 pakkaskuun 1. päivässäh[3].

Vuvvennu 1994 Jel’cin virrallizesti hyväksyi Ven'an flavun päivän 22. elokuudu da luadi päiväs valdivollizen pruazniekan[2].

Ylen suuri Ven'an flagu Novorossiiskan lagevol. Vuozi 2024

25. talvikuudu vuvvennu 2000 Ven'an Federacien piämies Vladimir Putin allekirjutti federuallizen peruszakonallizen zakonan "Ven'an Federacien valdivollizes flavus". Sit sanotah: "Ven'an Federacien valdivolline flagu on Ven'an Federacien valdivollizennu simvolannu da se on kohtikulmikkomuodoine paltin kolmes yhty suuruttu olijas gorizontuallizes junos: ylähäzes — valgies, keskimäzes — sinizes da alahazes — ruskies. Flavun levevys piduhuttu kohtah on 2:3"[7].

Ven'al vuvves 1999 flavun luadimizes voimas on valdivolline standartu, sen mugah flavun junoloin värilöil pidäy olla kui värilöin atlasas, kudaman luadi Kogo Nevvostoliiton tavarluvun da kebjien tevolližuon keskus, libo olla Amierikan Pantone Inc-laitoksen luajitun standartiziiruitun värilöin valličussistieman mugazinnu[3].

Kogo Ven'an ven. «Цвета Родины»-akcien ozanottajat. Vuozi 2025
Polimersaves azuttulois rouzien avavumattomis halvazis kerätty flagu. Vuozi 2023

Piendyperindöt

Ven'an Federacien valdivollizen flavun päivy on kogokanzalline pruazniekku, kudamua pietäh kogo muas. Tavan mugah sinäpiän pietäh erilazii pidoloi, kudamien tarkoituksennu on virrallizen valdivollizen simvolan merkičyksen lujittamine. Pidoloin joukkoh kuulutah: prezidentan da deputuattoin hyvittelyt, valdivollizien palkindoloin juandu, konsertat, pruazniekkukullut, sportukilvat. Pidoloih otetah ozua poliittizien partieloin ozanottajat da nuorižon ižänmuansuvaičusyhtistyksih kuulujat[8]. Piätapahtumii on pruazniekalline valdivollizen flavun nostandu Ven'an gimnan soitandan aigah[5].

Monis kul'tuurukeskuksis, joudoaijan laitoksis da kirjastolois pietäh pruazniekallizii tapahtumii, luvendoloi, onlain-akcieloi da flešmoboi. Kirjastonhoidajat luajitah kniiguozutteluloi, kudamii omistetah flavun histouriele, järjestetäh temuattizii kvestoi da kilboi. Pruazniekan ozanottajile annetah mustolahjoi — lentoi, galstukkoi, flaguloi valdivon simvouliekanke.

Taloit da pihat pruazniekallizesti čomendetetah, erähis linnois taivahah työtäh valgieloi, sinizii da ruskieloi ilmumiäččylöi[2].

Vuvvennu 2020 Moskovan alovehel parašutistat levitettih taivahas flavun, kudai oli enämbi 5 tuhattu nellikkömetrii. Se rodih kaikkii suurembakse flavukse muailmas, kuduan kel laskiettihes[9].

19. elokuudu vuvvennu 2023 Podgorodn'aja Pokrovka -kyläs Orenburgan alovehel Ven'anmuan valdivollizen flavun päivän kunnivokse luajittih muan rekordu. Rahvas levitettih flavun, kuduan piduhus oli 1588 metrii da levevys 4,5 metrii. Suavutus on kirjutettu Ven'anmuan rekordoin kniigah[10]. Samannu vuon Tatarstuanan eläjät kerättih kaikkii suuremban Ven'an flavun muailmas, se oli luajittu käzil luajittulois rouzien avavumattomis halvazis. Net azuttih polimersaves enämbi 300 neroniekkua muan eri alovehispäi. Ruavon tuloksen pani kirjoile Kanzoinväline kanzallizien da muailman rekordoin kirjoilepanenduagenstvu[11].

Vuvvennu 2024 Moskovas sadoi mašinoi flaguloinke ajoi Sadurengastu myöte. Kurskan alovehel aktivistat da volont’uorat levitettih läs 2500 nellikkömetrii olijan flavun Kurskan tora -mustomerkin luo. P'atigorskas läs 150 Mašuk-nuorižofouruman ozanottajua nostettih Ven'an flagu samanimizeh  (ven.) (olo. mäinharjah[2].

Vuvvennu 2025 Federualline nuorižoazieloin agenstvu pidi Kogo Ven'an akciedu ven. «Цвета Родины» Ven'an Federacien valdivollizen flavun päiväkse. Se oli 18.-22. elokuudu. Pidoloin joukos oldih vastavukset erillizen voinuoperacien veteruanoinke, flavun salgoloin da flaguloin azettamine, flavun levitändän seremouniet, lentazien valdivollizen simvouliekanke juandu, akciet, luvendot, flešmobat. Projektan hantuzis ven. #ОкнаРоссии -akcien ozanottajat čomendettih kodiloin, školien da laitoksien ikkunoi temuattizil piirustuksil da jullattih fotokuvii sociualuverkolois tietyn hešteganke[12].

Huomavukset

  1. ↑ Указ от 20 августа 1994 г. № 1714. Kačondan päivymiäry: 22. elokuudu 2025. Arhiviiruittu 25. elokuudu 2012
  2. ↑ 1 2 3 4 5 День государственного флага России 2025: история и традиции праздника, РИА Новости (20 elokuudu 2025). Kačondan päivymiäry: 22. elokuudu 2025.
  3. ↑ 1 2 3 4 История и характеристики государственного флага России, TACC (22 elokuudu 2021). Kačondan päivymiäry: 22. elokuudu 2025.
  4. ↑ 1 2 Соболева Н. А. Историческое прошлое российского триколора: факты и мифы // "Военно-исторический журнал". — 2014. — Вып. № 8. — С. 53—60..
  5. ↑ 1 2 22 августа — День Государственного флага Российской Федерации. Управление Министерства юстиции Российской Федерации по Пермскому краю (20. elokuudu 2025). Kačondan päivymiäry: 22. elokuudu 2025.
  6. ↑ 1 2 Высочинский, И.. История Дня Государственного флага РФ, TACC. Kačondan päivymiäry: 22. elokuudu 2025.
  7. ↑ Федеральный конституционный закон от 25.12.2000 г. № 1-ФКЗ, www.kremlin.ru. Kačondan päivymiäry: 22. elokuudu 2025.
  8. ↑ "В Ульяновской области пройдёт торжественное шествие в честь Дня Российского флага" (рус.). www.regnum.ru. Kačondan päivymiäry: 22. elokuudu 2025. Arhiivukoupii 13 oraskuudu 2009 Wayback Machine 22 августа 2008 года
  9. ↑ Парашютисты развернули самый большой в мире флаг России в небе Подмосковья, TACC. Kačondan päivymiäry: 22. elokuudu 2025.
  10. ↑ Есть рекорд: в Оренбуржье развернули самый длинный в России триколор, orenburg.kp.ru (19 elokuudu 2023). Kačondan päivymiäry: 22. elokuudu 2025.
  11. ↑ Самый большой в мире флаг России из розочек ручной работы изготовили в Казани, Татар-информ. Kačondan päivymiäry: 22. elokuudu 2025.
  12. ↑ Всероссийская акция «Цвета Родины». АО "Камчатское авиационное предприятие" (18. elokuudu 2025). Kačondan päivymiäry: 22. elokuudu 2025.

Kirjalližus

  • Антошин, М. К. Государственный флаг Российской Федерации // Герб, флаг и гимн России. Изучение государственных символов Российской Федерации в школе. — М., 2003.
  • Вилинбахов, Г. В. Флаги России // Наука и жизнь. — 1990. — №  12. — С. 88-91.
  • Дегтярёв, А. Я. История российского флага. Легенды, факты, споры.. — М., 2000.
  • Пчёлов, Е. В. Рождение российского флага // Государственные символы России — герб, флаг, гимн. — М., 2002. — С. 94—98..
  • Сапрыков, В. Н. Над Россией флаг России // Наука и жизнь. — 1992. — № 2. — С. 65-68.

Linkat

Lähteh - "https://olo.ruwiki.ru/w/index.php?title=Ven%27an_Federacien_valdivollizen_flavun_päivy&oldid=126353854"