Ven'an da Ukrainan nevvottelut (2025)

On otettu Рувики-späi
Ven'an da Ukrainan nevvottelut
Российско-украинские переговоры в Стамбуле 16-05-2025.jpg
Päivymiäry 16. oraskuudu vuvvennu 2025; 2. kezäkuudu vuvvennu 2025
Paikku Stambul, Dolmabahče; Čiragan

Ven'an da Ukrainan nevvottelut (2025) ollah kohtinazet nevvottelut ukrainalazen konfliktan sellitändäs, niilöi kehoitti algua Ven’an piämies Vladimir Putin 15. oraskuudu vuvvennu 2025 Stambulas[1]. Nevvotteluloin enzimäine oza piettih Turcien avul Dolmabahčen dvorčas 16. oraskuudu[2]. Kaksičuassuhizien nevvotteluloin tuloksii da jälles olijua Putinan da Dinal’d Trampan telefonpaginua niilöin ozanottajat, toizet poliitiekat da politoulogat arvostettih vägi hyvänny progresannu konfliktan sellitändäs.

Nevvotteluloin toine oza piettih 2. kezäkuudu Stambulas[3]Čiragan-dvorčas[4]. Ven'a da Ukrainu vaihteltih konfliktan sellitändän projektoi, sovittih uvves vangittuloin vaihtamizes, ga muailman lehtistön mugah katkelmus ozapuolien pozicielois on endizelleh[5].

Histourii

11. oraskuudu vuvvennu 2025 Ven’an Federacien piämies Vladimir Putin keräi žurnalistoi Kremlin dvorčan Malahiittufoijees valdivoloin johtajien, kudamat oli tuldu Suuren Ižänmuallizen voinan Voiton 80-vuozipäivän pidoloih, vastavuksen tuloksien yhtehvedämizekse[6].

Ven’an piämies mustoitti, ku Ukrainu ozutellen ei noudanuh 30-päivähisty moratouriedu energetiekkuobjektoi myöte ambujes, se toimi kevätkuun 18. päiväs sulakuun 17. päivässäh. Kijev sežo rikoi Äijänpäivän välirauhan läs viittytuhattu kerdua. Ven'an Voiton päiväkse kehoitetun välirauhan vastavuksennu Ukrainu pidi ylen suurii atuakkoi. Niilöih otti ozua 524 piluotattomua lendolaitehtu da 45 laivastokunnattomua kuaterii.

Täh kaččomattah Ven’a kehoitti Kijevan vallasoilijoile uvvessah pidiä kohtinazii nevvotteluloi 15. oraskuudu vuvvennu 2025 Stambulas, kudamien piendän hyö katkattih vuvven 2022 lopus, edukädehizis ehtolois sobimattah[7].

11. oraskuudu vuvvennu 2025 Putinan da Turcien piämiehen Redžep Taijip Erdoganan nevvotteluloin aigah jälgimäine kaikkineh kannatti alguhpanon Moskovan da Kijevan kohtinazien nevvotteluloin piendäs da uskaldi andua piendykohtan niilöih niškoi da kaikelleh kannattua[8].

Vladimir Zelenskii kirjutti X-sociualuverkos: «Minä rubien vuottamah Putinua nellänpiän [15. oraskuudu vuvvennu 2025]»[9]. Ga Turcien piämiehen hallindos ilmoitettih, ku heil ei ole tieduo Zelenskoin Turcieh tulendas 15. oraskuudu[10]. Ven’an piämiehen lehtistösekretarin D. Peskovan tiedoloin mugah Putinal oli reknailtu ruadovastavukset Moskovas 15. oraskuudu, häi ei reknailluh ottamah ozua nevvotteluloih Turcies; Ven’an puolen mielen mugah valdivoloin piemiehien tazozet vastuvukset tarvitah hyviä da hätkenaigastu varustandua[11].

13. oraskuudu vuvvennu 2025 Donal’d Tramp ilmoitti, ku Amierikan Yhtysvaldoin valdivolline sekretari Marko Rubio da toizet amierikkalazet virguniekat tullah Stambulah reknailtuloih nevvotteluloih[12].

14. oraskuudu vuvvennu 2025 Putin pidi istundon nevvotteluloin valmistamizekse ukrainalazen puolenke Stambulas. Ozanottajien joukos, piämiehen hyväksytyn Ven’an nevvottelukunnan ližäkse, oldih: ulgoazieloin ministru Sergei Lavrov, puolistusministru Andrei Belousov, Rosgvardien piälikkö Viktor Zolotov, Turvalližuon nevvoston sekretari Sergei Šoigu, Piäštuaban piälikkö Valerii Gerasimov, Federuallizen turvalližuon palvelun johtai Aleksandr Bortnikov  (ven.) (olo. da kai Erillizen voinuoperacien joukkoloin piäliköt[13].

Yöl 15. oraskuudu erillizen kezäjoukon lendokoneh «Rossija», kudai vedelöy Ven’an vallasolijoi, lendi Stambulah. Lendopalvelulois «Interfaksale» ilmoitettih, ku Ven’an delegatsii tuli Atat’urkan lendoazemale aijoi huondeksel[14]. Enziallus reknailtih pidiä delegacieloin vastavus 10:00 Moskovan aijan mugah Dolmabahče-dvorčas, ga ku ukrainalastu delegaciedu ei olluh, nevvottelut siirrettih tossupäiväkse[15].

15. oraskuudu Ven’an Federacien piäkonsul’stvas Stambulas lehtistön puoleh kiändyjes Vladimir Medinskii  (ven.) (olo. ilmoitti, ku Ven'an delegatsii pidäy nämmii nevvotteluloi rauhanprocesan jatkonnu, kudai katkattih vuvvennu 2022, sil ollah kai tarvittavat kompetenciet da täyzivaldažuot[16]. Kohtinazien nevvotteluloin tarkoituksennu on aijoi libo myöhä tulla pitkyaigazen rauhan sovindah, hävittiä konfliktan perussyyt[17].

Samannu piän Turcien piäministru Hakan Fidan vastavui Ven’an delegatsienke[18].

Illal 15. oraskuudu TASS ilmoitti, ku Ven’an da Ukrainan delegatsieloin nevvottelut algavutah 16. oraskuudu[2]. Zelenskoin nevvoju viestindän puoles ilmoitti, ku ukrainalaine ozapuoli tulou Stambulah myöhä illal 15. oraskuudu[19].

The Guardian:n tiedoloin mugah Amierikan Yhtysvaldoi nevvottelulois Stambulas ezitti Valdivollizen departuamentan poliitiekan planiiruičendan johtai Maikl Anton[20].

16. oraskuudu oli erimuodohizii vastavuksii: kolmenpuolizet nevvottelut Ven’an, Ukrainan da Turcien välil sego kolmenpuoline vastavus Amierikan Yhtysvallat — Ukrainu — Turcii[21], kudamah otti ozua Amierikan Yhtysvaldoin Valdivolline sekretari Rubio da erilline poslu Ukrainan mugah Kit Kellog. Ukrainaspäi sih otti ozua prezidentan ofisan piälikkö Andrei Jermak da ulgoazieloin ministru Andrei Sibiga. Turciedu nevvottelulois ezitti ulgoazieloin ministru Fidan[22].

16. oraskuudu ven’a-ukrainalazien nevvotteluloi enne Vladimir Medinskii vastavui Amierikan Yhtysvaldoin ezittäjienke[23].

28. oraskuudu vuvvennu 2025 ulgoazieloin ministru Sergei Lavrov ilmoitti, ku Ven’an Federacien da Ukrainan nevvotteluloin toine oza roih 2. kezäkuudu Stambulas[3].

29. oraskuudu vuvvennu 2025 Ven’an Federacien ulgoazieloin ministerstvan virralline ezittäi Marija Zaharova sanoi, ku nevvottelulois 2. kezäkuudu Ven’an delegatsii roih sama kuigi 16. oraskuudu vuvvennu 2025[24]. Ukrainalaine delegatsii muutettih. Vladimir Zelenskoin käskys sit otettih iäre Ukrainan ammundutarbehil varustettuloin voimien Piäštuaban Juuridizen keskushallindon kanzoinvälizen da operaciioigevuon hallindon piälikkö Aleksei Malovačkoi. Sidä paiči delegatsieh ruvettih kuulumah net, ket ei otettu ozua vastavukseh 16. oraskuudu. Se oli Ylimäzen Radan vallitun ezittäi ristikanzan oigevuksien puoles turvalližuon elimien da puolistuksen sistiemas Jurii Kovbasa, Ukrainan ammundutarbehil varustettuloin voimien Piäštuaban varapiälikkö Jevgenii Ostr’anskii da kanzoinvälizen oigevuksen ozaston piälikkö — Ukrainan ammundutarbehil varustettuloin voimien Piäštuaban Juuridizen keskushallindon kanzoinvälizen da operaciioigevuon hallindon varapiälikkö Andrei Fomin[25].

1. kezäkuudu vuvvennu 2025 Ven’an delegatsii tuli Stambulah[4], Vladimir Zelenskii sežo sanoi, ku hänen delegatsii tulou[26].

2. kezäkuudu vuvvennu 2025 Stambulas Čiragan-dvorčas piettih nevvotteluloin toine oza[27]. Niilöi enne delegatsieloin piäliköt Vladimir Medinskii da Rustem Umerov piettih kahtenpuolizen vastavuksen, kudai kesti 2,5 čuassuu[28].

Nevvotteluloin meno

Enzimäine oza

16. oraskuudu vuvvennu 2025 Ven’an, Turcien da Ukrainan nevvotteluloi piettih Stambulas. Vastavustu enne Turcien piäministru Hakan Fidan sanoi tervehtyssanat[29]:

Vuvven 2022 kevätkuus se on enzimäine vastavus mualoin välil. Meil pidäy ottua čottah tämä mahto. Joga hätkestyspäivy suattau vaiku suurembih hävityksih da katastrouffoih. Voinan jatkujes pidäy loppie ammundu. Myö yhtes piätämmö tulielois askelis. Tämä vastavus miäriäy mualoin piämiehien tulien vastavuksen[30].

Nevvotteluloi enne — Turcien ulgoazieloin ministran Hakan Fidanan algusanat

Ven’an da Ukrainan nevvottelut jatkuttih läs kahtu čuassuu[31] lehtistös salvatus ruadotavas[32].

Tulokset

Nevvotteluloin jälles Medinskii ilmoitti, ku Ven’an ozapuolel on hyvä mieli tuloksis da se on valmis jatkamah kontaktua[33], sidä paiči:

  • Ven’a da Ukrainu sovittih tarkah ezittiä oma mieli mahtonalazes ammundan lopendas[34];
  • Ukrainan delegatsii kyzyi pidiä kohtinazii nevvotteluloi mualoin piämiehien välil, Ven’a otti sen huomavoh[35];
  • lähipäivinny Ven’a da Ukrainu vaihtellah vangittuloi formuatas 1000 1000:h[36].

17. oraskuudu vuvvennu 2025 telefonnevvotteluloin aigah Amierikan Yhtysvaldoin Valdivollizen sekretarin Marko Rubionke paistes Ven'an Federacien ulgoazieloin ministru Sergei Lavrov tovesti, ku Ven’an on valmis ruadamah yhtes Amierikan Yhtysvalloinke ukrainalazen konfliktan sellitändäs. Häi pani merkile Amierikan Yhtysvaldoin pozitiivizen roulin, kudamat avvutettih sit, ku Kijev ottas vastah kehoituksen nevvotteluloin uvvessah piendäs Stambulas. Omas puoles Rubio pani merkile sen, ku Vašington iellehgi rubieu avvuttamah ukrainalazen konfliktan sellittämizen eččolois[37]. Jälles valdivolline sekretari ilmoitti Putinan da Trampan telefonpaginan valmistamizes 19. oraskuudu da tulies Ven’an da Amierikan Yhtysvaldoin piämiehien vastavuksen järjestämizes[38].

23. oraskuudu vuvvennu 2025 Ven’an Federacien puolistusministerstvu ilmoitti vangittuloin vaihtamizes. Virraston tiedoloin mugah Stambulas 16. oraskuudu luajittuloin sobimuksien mugah Kijevan tarkastettavannu olijas alovehes annettih 270 Ven’an sodamiesty da 120 siviilihengie, heijän joukos oldih Ukrainan ammundutarbehien voimil vangitut Kurskan alovehen eläjät. Ukrainu sai 270 Ukrainan ammundutarbehil varustettuloin voimien vangittuu vojennoidu da 120 siviilihengie[39].

24. oraskuudu vuvvennu 2025 Ven’an 307 sodamiesty tuli kodih, saman verran hengie oli annettu Ukrainan ammundutarbehil varustettuloile voimile[40].

25. oraskuudu vuvvennu 2025 Ven’an puolistusministerstvu ilmoitti, ku Kijevan tarkastettavas alovehes annettih vie Ven’an 303 sodamiesty, Ukrainu sai Ukrainan ammundutarbehien varustettuloin voimien 303 vangittuu vojennoidu[41]. Nenga loppih vangittuloin vaihtamine muvvos tuhat tuhandeh.

Toine oza

2. kezäkuudu vuvvennu 2025 Stambulas Čiragan-dvorčas piettih nevvotteluloin toine oza. Turcien ulgoazieloin ministru Hakan Fidan sanoi tervehtyssanat, toivoi, ku rodieu «konkriettine progressu lyhyös aijas»[42]. Häi sežo ilmoitti, ku huavatah ottua paginale mualoin piämiehien vastavus[43].

Delegatsieloin vastavus kesti vähästy enämbän čuassuu[27] da meni ven’an kielel[44].

Ven’an da Ukrainan nevvotteluloin toine oza 2. kezäkuudu vuvvennu 2025

Tulokset

Nevvotteluloin loppiettuu Ven’an delegatsien piälikkö Vladimir Medinskii pani merkile, ku Ven’a jäi hyväh mieleh vastavuksen tuloksis. Häi ilmoitti, ku[45][46]:

  • Ven’a andoi Ukrainale konfliktan sellitändän memoranduman projektan, Kijev otti dokumentan tutkittavakse; dokumentan piäkohtinnu ollah[47][48]:
    • ammundan heitändän kaksi variantua:
      • Ukrainan ammundutarbehil varustettuloin voimien tävvelline iärelähtendy Ukrainan okkupiiruittulois Ven’an alovehis Doneckan da Luganskan rahvahan tazavallois, Zaporožjan da Hersonan alovehis da niilöin työndämine ozapuolien sovitule välipalale Ven’an Federacien rajaspäi;
      • pakiettukehoitus, kudamas on kieldo voiskien paikanmuutandas, mobilizacien azetandas da ulgomualoin soda-avun Kijevale tuondas, demobilizacien allus, kolmanzien mualoin sodaolendan lopendu, diversielöin lopendu Ven’ua vastah;
    • kanzoinväline da oigevukselline Kriman, Doneckan da Luganskan rahvahan tazavaldoin, Zaporožjan da Hersonan alovehen Ven’an liityndäh tunnustandu;
    • Ukrainan neitralitiettu, sen kieldävymine sodabloukkih liityndäs;
    • kieldo toizil valdivoloil pidiä sodatoimindua Ukrainal;
    • Ukrainan ydinoružatoi stuatussu;
    • Ukrainan ammundutarbehil varustettuloin voimien da toizien sodaozastoloin rajallizen miärän hyväksymine, rajallizen oružan luvun da sodatehniekan da niilöin mahtonalazien ominažuksien hyväksymine, sego Ukrainan nacionalistoin ozastoloin Ukrainan ammundutarbehil varustettulois voimis da Nacgvardies hajottamine;
    • käyttöh otettuloi sankcieloi Ven’ua vastah iäreottamine;
    • keskenäine kieldävymine tavoittelemizis bojutoimilois roinnuos vahingos;
    • ven’ankielizien oigevuksien da vällyzien turvuamine Ukrainal, ven’an kielele virrallizen kielen stuatusan andamine;
    • kieldo nacizman urholližuokse azetandas;
    • rajoituksien ottamine Ukrainan pravosluavizen kirikön toimindas;
    • vaihieloinmugaine diplomuattu- da talovusvälilöin elävyttämine Ukrainanke;
    • kyzymyksien sellittämine, kudamat liitytäh perehien uvvessah liityndäh da siirrettylöih ristikanzoih;
    • valličuksien piendy Ukrainal[49];
    • rauhansobimuksen allekirjuttamine, sen hyväksymine juriidizesti liittyjän Yhtistynnyzien Kanzukundien Turvalližuon nevvoston rezol’ucienke[50].
  • Ven’an Federacii yksipuolizesti andau Kijevale kuuzi tuhattu ukrainalazen saldatan rungua;
  • ozapuolet sovittih suurimas vangittuloin vaihtamizes (kogonaine vaihtamizen lugu rodieu ei vähimilleh yhtytuhattu hengie joga puolespäi, ga voi olla suurembigi; voimattomii da jygiesti ruanittuloi vaihtetah kaikkii kaikkih -periuattehen mugah; ozapuolet vaihtellah vähembi 25 vuottu olijoi sodamiehii sežo kaikkii kaikkih -periuattehen mugah);
  • ozapuolet perustetah komissien, ku suas ilmai poliittizii piätöksii vaihtella jygiesti ruanittuloi sodamiehii;
  • Ven’a kehoitti Ukrainale «konkriettizen ammundan lopendan» kahtekse-kolmekse päiviä frontan erillizil ozil, ku piäliköt voidas ottua omien saldattoin rungii, Ukrainu uskaldi lähiaigua sellittiä kehoituksen;
  • lapsien järilleh annandan tiemu oli keskimäzenny nevvottelulois: Ven’a sai Ukrainaspäi luvettelun, kudamas on lapsien 339 sugunimie, hyö puututtih jygieh tilah konfliktan periä, Moskovu andau Kijevale lapsii, ku lövvytänneh heijän vahnembat libo zakonallizet ezittäjät.

Medinskii ilmoitti, ku Kijev luadi lapsien "varrastandan" aihies «šoun serdobol’noloih jevrouppalazih nähte», ei ole niyhty lastu, kudaman olis varrastannuh Moskovu, on vaiku Ven’an saldattoin pellastettuloi lapsii. Ven’an delegatsien piälikön sanoin mugah Ven’a ruadau perehien uvvessah liittymizekse, kudamat oli erottu Ukrainan konfliktan periä[45].

Ukrainan puolistusministru Rustem Umerov ilmoitti brifingal, ku ozapuolet sovittih uvves surman suannuzien saldattoin rungien vaihtamizes luvus kuuzituhattu kuudehtuhandeh[51]. Ukrainan delegatsien piälikkö sežo sanoi, ku Ukrainu kehoitti pidiä nevvotteluloin uuzi oza menijän kuun loppussah — 20.—30. kezäkuudu[52].

Ven'an delegatsii

Illal 14. oraskuudu Vladimir Putin hyväksyi Ven’an delegacien, kudai rodieu nevvottelulois Stambulas. Sen piälikökse rodih Ven’an Federacien piämiehen abuniekku Vladimir Medinskii[53]. Häi oligi Ven’an nevvottelijoin piälikönny vuvvennu 2022[54]. Delegatsieh sežo ruvettih kuulumah:

  • Ven’an Federacien ulgoazieloin ministerstvan varapiälikkö Mihail Galuzin,
  • Ven’an Federacien ammundutarbehil varustettuloin voimien Piäštuaban varapiälikkö Igor’ Kost’ukov,
  • puolistusministran sijahine Aleksandr Fomin[55].
Ven’an delegatsii (nevvottelut 16. oraskuudu vuvvennu 2025)

Paiči delegatsien piäozanottajii Stambulas Ven’ua ezitti nelli azientiedäjiä:

  • Piäštuaban tiijoituksen hallindon piälikön enzimäine sijahine Aleksandr Zorin,
  • Ven’an Federacien piämiehen hallindon varapiälikkö gumanituarizel alal Jelena Podobrejevskaja,
  • Ven’an ulgoazieloin ministerstvan Iččenäzien valdivoloin yhtymän toizen departuamentan johtai Aleksei Poliščuk,
  • Ven’an Federacien puolistusministerstvan Kanzoinvälizen vojennoin yhteisuavon piähallindon varapiälikkö Viktor Ševcov[56].

Ukrainan delegatsii

Illal 15. oraskuudu Vladimir Zelenskoin ofissu sanoi käskys Ukrainan delegatsies nevvottelulois Stambulas[57]. Sen piälikökse rodih puolistusministru Rustem Umerov.

Ukrainan delegatsii (nevvottelut 16. oraskuudu vuvvennu 2025)

Delegatsieh sežo ruvettih kuulumah:

  • ulgoazieloin ministran enzimäine sijahine Sergei Kislica,
  • Ukrainan turvalližuon nevvoston varapiälikkö Aleksandr Poklad,
  • Ulgopuolizen tiijustelun palvelun enzimäine varapiälikkö Oleg Lugovskii,
  • Ukrainan ammundutarbehil varustettuloin voimien Piäštuaban varapiälikkö Aleksei Ševčenko,
  • Tiijustelun piähallindon varapiälikkö Vadim Skibickii,
  • Lendovoimien johtoštuaban varapiälikkö Jevgenii Šinkar’ov,
  • Soda-merivoimien johtoštuaban varapiälikkö Aleksandr Djakov,
  • Ukrainan ammundutarbehil varustettuloin voimien Piäštuaban Juriidizen keskushallindon kanzoinvälizen da operacien oigevuon hallindon piälikkö Aleksei Malovackii,
  • Ukrainan ammundutarbehil varustettuloin voimien Piäštuaban Piäopreatiivuhallindon vahnembi oficieru Aleksandr Šerihov,
  • Ukrainan ammundutarbehil varustettuloin voimien piälikön turvuamisapparuatan protokolan oficieru Georgii Kuzmičov,
  • Ukrainan piämiehen ofisan johtajan nevvoju Aleksandr Bevz[58].

Kaksi Ukrainan delegatsien tehniellisty ozanottajua pajettih nevvotteluloin aigua Stambulas. Ylimäzen radan endizen deputuatan Spirodon Kilinkarovan sanoin mugah kiändäi Golovko da abuniekku-sekretari Samoilenko käytettih hyväkse mahton mobilizacien pellastamizes da ei tuldu järilleh Kijevah[59].

Nevvotteluloin toizekse ozakse Ukrainan delegatsii oli muutettu. Vladimir Zelenskoin käskyn mugah sit otettih iäre Ukrainan ammundutarbehil varustettuloin voimien Piäštuaban Juriidizen keskushallindon kanzoinvälizen da operacien oigevuon hallindon piälikkö Aleksei Malovackii. Sih liitettih Ylimäzen Radan vallitun ezittäi ristikanzan oigevuksien puoles turvalližuon elimien da puolistuksen sistiemas Jurii Kovbasa, Ukrainan ammundutarbehil varustettuloin voimien Piäštuaban varapiälikkö Jevgenii Ostr’anskii da kanzoinvälizen oigevuksen ozaston piälikkö — Ukrainan ammundutarbehil varustettuloin voimien Piäštuaban Juuridizen keskushallindon kanzoinvälizen da operaciioigevuon hallindon varapiälikkö Andrei Fomin[25].

Reaksii

17. oraskuudu vuvvennu 2025 Ven’an Federacien piämiehen lehtistösekretari Dmitrii Peskov ilmoitti, ku Vladimir Putinan da Vladimir Zelenskoin vastavustu Kremli pidäy mahtonalazennu, «ga juuri ruavon tuloksennu da tiettylöin tuloksien suandannu kahten ozapuolen sovittuu»[60].

Amierikan Yhtysvaldoin piämies Donal’d Tramp pozitiivizesti sanoi Vladimir Putinan kehoitukses uvvessah pidiä kohtinazii nevvotteluloi Ukrainanke[61]:

Toinah se on ylen suuri päivy Ven’ah da Ukrainah nähte. Duumaikkua sadoin tuhanzien eloksis, kudamat roijah pellastettu, konzu tämä "tappavo" lopeh. — Truth Social

Tramp sežo kuhkutti Ukrainua «kiirehel suostuo» nevvotteluloih Stambulas[62] da ilmoitti, ku prižmiy vastavuksen piendiä. Häi ilmoitti, ku duumaiččou omas tulendas Stambulah[63].

Olen sidä mieldy, ku sie pidäy olla kahtel piämiehel (Ven’an Federacien da Ukrainan — toim.). Minä duumaičin lähtie sinne. Minä en tiijä, kus minä roimmos nellänpiän, dai minul on ylen äijy vastavustu, ga minä toven duumaičin lendiä sinne. Duumaičen, moine mahto on.[64]

Endine amierikkalaine tiijustelii da Yhtistynnyzyien Kanzukundien inspektoru Skott Ritter sanoi Putinan kehoituksen «loistavakse man’ovrakse»[65]:

Kehoitus kohtinazis nevvottelulois ottau iäre kačeltavis kyzymyksis kyzymyksen 30-päivähizes välirauhas. Minun mieles se on Vladimir Putinan loistavu man’ovru. Häi järilleh andau Ven’ale iniciatiivan da mahton diktuija ehtoloi ukrainu-jevrouppu-amierikkalazele bloukale, kudai ei ole valmis da kygyine sih askeleh.

2. kezäkuudu vuvvennu 2025 Turcien piämies Redžep Taijip Erdogan sanoi Ven’an Federacien da Ukrainan delegatsien vastavuksen «ylen hyväkse», kannatti sobimustu vangittuloin da surman suannuzien rungien vaihtandas, sanoi nämmii luguloi «ylen suurikse». Turcien piämies sežo ilmoitti, ku tahtou, ku "Putin da Zelenskii vastavuttas Stambulas libo Ankaras"»[66].

Putinan da Trampan telefonpagin 19. oraskuudu vuvvennu 2025

19. oraskuudu vuvvennu 2025 Moskovan aigah 17.00 oli Vladimir Putinan da Donal’d Trampan  (ven.) (olo. telefonpagin, kudai oli omistettu 16. oraskuudu vuvvennu 2025 Ven'an piämiehen alguhpanos algavunnuzile rauhan nevvotteluloile Stambulas[67]. Amierikan puolen ilmoituksen mugah paginan aigua ukrainalazen konfliktan ližäkse paistih kahten muan talovuollizes yhteisruavos. Tramp tarkendi, ku jälles paginua Ven’an piämiehenke häi huavuau paista telefonas Ukrainan poliittizen johtokunnan da NATON mualoin piämiehienke[68]. Ven’an Federacien da Amierikan Yhtysvaldoin piämiehien telefonpaginan, kudai kesti enämbän kahtu čuassuu, Vladimir Putin sanoi «konstruktiivizekse». Ven’an piämies pani merkile sen, ku Moskovu da Kijev ruvetah valmistamah memorandumua mahtonalazeh rauhansobimukseh nähte[69].  

Huomavukset

  1. ↑ Путин предложил прямые переговоры с Киевом 15 мая в Стамбуле, РБК (11.05.2025). Kačondan päivymiäry: 11. oraskuudu 2025.
  2. ↑ 1 2 ТАСС: переговоры РФ и Украины в Стамбуле стартуют 16 мая, TACC (15 oraskuudu 2025). Kačondan päivymiäry: 15. oraskuudu 2025.
  3. ↑ 1 2 Лавров анонсировал второй раунд переговоров между РФ и Украиной в Стамбуле, Известия (28 oraskuudu 2025). Kačondan päivymiäry: 29. oraskuudu 2025.
  4. ↑ 1 2 Российская делегация вылетела в Стамбул на переговоры с Украиной, РБК (1 kezäkuudu 2025). Kačondan päivymiäry: 1. kezäkuudu 2025.
  5. ↑ «Обе стороны были далеки друг от друга». Мировые СМИ оценивают новый раунд переговоров между Россией и Украиной, Коммерсантъ (3 kezäkuudu 2025). Kačondan päivymiäry: 3. kezäkuudu 2025.
  6. ↑ Прямые переговоры без промедления и условий в Стамбуле. Главные заявления Путина, TACC (11.05.2025). Kačondan päivymiäry: 11. oraskuudu 2025.
  7. ↑ Заявление Президента России для СМИ, Президент России (11.05.2025). Kačondan päivymiäry: 11. oraskuudu 2025.
  8. ↑ Путин обсудил с Эрдоганом свою инициативу возобновления переговоров с Киевом, TACC (11 oraskuudu 2025). Kačondan päivymiäry: 11. oraskuudu 2025.
  9. ↑ Зеленский заявил, что будет ждать Путина в Турции, РИА Новости (11 oraskuudu 2025). Kačondan päivymiäry: 11. oraskuudu 2025.
  10. ↑ В Турции заявили, что не знают о планах Зеленского посетить страну, РИА Новости (11 oraskuudu 2025). Kačondan päivymiäry: 11. oraskuudu 2025.
  11. ↑ От Владимира Путина ждут участия. Как идет подготовка к встрече РФ и Украины в Стамбуле, Коммерсантъ (17 oraskuudu 2025). Kačondan päivymiäry: 13. oraskuudu 2025.
  12. ↑ Трамп: Рубио и другие эмиссары США полетят на встречу по Украине в Стамбуле, TACC. Kačondan päivymiäry: 13. oraskuudu 2025.
  13. ↑ Песков рассказал о совещании у Путина по переговорам с Украиной, РБК (15 oraskuudu 2025). Kačondan päivymiäry: 15. oraskuudu 2025.
  14. ↑ Стали известны время и место переговоров России и Украины в Стамбуле, РБК (15 oraskuudu 2025). Kačondan päivymiäry: 15. oraskuudu 2025.
  15. ↑ Начало переговоров в Стамбуле запланировано на 10 утра - Российская газета, Российская газета (15 oraskuudu 2025). Kačondan päivymiäry: 15. oraskuudu 2025.
  16. ↑ Мединский высказался о делегации России в Стамбуле, РИА Новости (15 oraskuudu 2025). Kačondan päivymiäry: 15. oraskuudu 2025.
  17. ↑ Мединский назвал цель прямых контактов с Украиной, TACC (15 oraskuudu 2025). Kačondan päivymiäry: 15. oraskuudu 2025.
  18. ↑ ТАСС: в Стамбуле началась встреча главы МИД Турции с российской делегацией, TACC (15 oraskuudu 2025). Kačondan päivymiäry: 15. oraskuudu 2025.
  19. ↑ Украинская делегация приедет в четверг вечером, заявил советник Зеленского, РИА Новости (15 oraskuudu 2025). Kačondan päivymiäry: 15. oraskuudu 2025.
  20. ↑ The Guardian узнала имя представителя США на переговорах России и Украины, РБК. Kačondan päivymiäry: 16. oraskuudu 2025.
  21. ↑ ТАСС: 16 мая в Стамбуле намечена трехсторонняя встреча Турции, России и Украины, TACC (15 oraskuudu 2025). Kačondan päivymiäry: 15. oraskuudu 2025.
  22. ↑ ТАСС: в Стамбуле завершилась встреча представителей Турции, США и Украины, TACC (16 oraskuudu 2025). Kačondan päivymiäry: 16. oraskuudu 2025.
  23. ↑ Мединский встретился с представителями США в Стамбуле, Коммерсантъ (16 oraskuudu 2025). Kačondan päivymiäry: 16. oraskuudu 2025.
  24. ↑ МИД рассказал о составе российской делегации на переговорах 2 июня, РИА Новости (29.05.2025). Kačondan päivymiäry: 29. oraskuudu 2025.
  25. ↑ 1 2 Зеленский изменил состав украинской делегации для второй встречи в Турции, РБК. Kačondan päivymiäry: 2. kezäkuudu 2025.
  26. ↑ Зеленский подтвердил участие Украины в переговорах в Стамбуле 2 июня, РБК (1 kezäkuudu 2025). Kačondan päivymiäry: 1. kezäkuudu 2025.
  27. ↑ 1 2 ТАСС: переговоры России и Украины завершились, TACC (2 kezäkuudu 2025). Kačondan päivymiäry: 2. kezäkuudu 2025.
  28. ↑ Стало известно о двусторонней встрече Мединского и Умерова до начала переговоров, Известия (2 kezäkuudu 2025). Kačondan päivymiäry: 2. kezäkuudu 2025.
  29. ↑ Встреча представителей России, Украины и Турции началась в Стамбуле. 1tv.ru (16. oraskuudu 2025). Kačondan päivymiäry: 16. oraskuudu 2025.
  30. ↑ Полная расшифровка слов главы МИД Турции перед переговорами, РБК (16 oraskuudu 2025). Kačondan päivymiäry: 16. oraskuudu 2025.
  31. ↑ Встреча российской и украинской делегаций в Стамбуле завершилась, РИА Новости (16 oraskuudu 2025). Kačondan päivymiäry: 16. oraskuudu 2025.
  32. ↑ Переговоры России и Украины проходят без прессы, РИА Новости (16 oraskuudu 2025). Kačondan päivymiäry: 16. oraskuudu 2025.
  33. ↑ Мединский: РФ удовлетворена результатом переговоров и готова продолжать контакты, Коммерсантъ (16 oraskuudu 2025). Kačondan päivymiäry: 16. oraskuudu 2025.
  34. ↑ Мединский: РФ и Украина представят свое видение возможного прекращения огня, TACC (16 oraskuudu 2025). Kačondan päivymiäry: 16. oraskuudu 2025.
  35. ↑ Мединский: Украина запросила прямые переговоры между Зеленским и Путиным, Коммерсантъ (16 oraskuudu 2025). Kačondan päivymiäry: 16. oraskuudu 2025.
  36. ↑ Мединский подтвердил подготовку крупнейшего обмена пленными с Украиной, РБК (16 oraskuudu 2025). Kačondan päivymiäry: 16. oraskuudu 2025.
  37. ↑ Лавров и Рубио обсудили итоги переговоров в Стамбуле, РИА Новости (17 oraskuudu 2025). Kačondan päivymiäry: 17. oraskuudu 2025.
  38. ↑ Рубио заявил о желании Трампа встретиться с Путиным как можно скорее, РБК (17 oraskuudu 2025). Kačondan päivymiäry: 17. oraskuudu 2025.
  39. ↑ Россия вернула из плена 270 военных и 120 гражданских, TACC (23 oraskuudu 2025). Kačondan päivymiäry: 23. oraskuudu 2025.
  40. ↑ Россия и Украина обменялись пленными по стамбульской договоренности, РБК. Kačondan päivymiäry: 24. oraskuudu 2025.
  41. ↑ Россия и Украина завершили обмен пленными по формуле 1000 на 1000, РИА Новости (25.05.2025). Kačondan päivymiäry: 25. oraskuudu 2025.
  42. ↑ Фидан: во 2-м раунде переговоров планируется изучить вопрос о встрече лидеров, TACC (2 kezäkuudu 2025). Kačondan päivymiäry: 2. kezäkuudu 2025.
  43. ↑ ТАСС публикует видео выступления Фидана перед началом переговоров РФ и Украины, TACC (2 kezäkuudu 2025). Kačondan päivymiäry: 2. kezäkuudu 2025.
  44. ↑ ТАСС: переговоры РФ и Украины шли на русском языке, TACC (2 kezäkuudu 2025). Kačondan päivymiäry: 2. kezäkuudu 2025.
  45. ↑ 1 2 Мединский рассказал о переговорах в Стамбуле, РИА Новости (2 kezäkuudu 2025). Kačondan päivymiäry: 2. kezäkuudu 2025.
  46. ↑ Заявления глав делегаций России и Украины по итогам второго раунда переговоров, Коммерсантъ (2 kezäkuudu 2025). Kačondan päivymiäry: 2. kezäkuudu 2025.
  47. ↑ Опубликован полный текст российского меморандума по Украине, РИА Новости (2 kezäkuudu 2025). Kačondan päivymiäry: 2. kezäkuudu 2025.
  48. ↑ Предложения РФ (Меморандум) по урегулированию украинского кризиса. Текст, Interfax.ru (2 kezäkuudu 2025). Kačondan päivymiäry: 2. kezäkuudu 2025.
  49. ↑ Меморандум РФ предполагает выборы на Украине и подписание мирного договора, TACC (2 kezäkuudu 2025). Kačondan päivymiäry: 2. kezäkuudu 2025.
  50. ↑ Меморандум России предусматривает одобрение резолюцией СБ ООН, РИА Новости (2 kezäkuudu 2025). Kačondan päivymiäry: 2. kezäkuudu 2025.
  51. ↑ Умеров: Украина и РФ договорились о новом обмене телами погибших, TACC. Kačondan päivymiäry: 2. kezäkuudu 2025.
  52. ↑ Украина предложила провести новый раунд переговоров с Россией до конца июня, TACC. Kačondan päivymiäry: 2. kezäkuudu 2025.
  53. ↑ Путин утвердил состав делегации России на переговорах с Украиной, TACC (14..05.2025). Kačondan päivymiäry: 15. oraskuudu 2025.
  54. ↑ Путин утвердил состав российской делегации на переговорах в Стамбуле, РБК (14.05.2025). Kačondan päivymiäry: 15. oraskuudu 2025.
  55. ↑ Путин утвердил состав делегации для переговоров с Украиной в Стамбуле, Известия (14 oraskuudu 2025). Kačondan päivymiäry: 15. oraskuudu 2025.
  56. ↑ Кто вошел в переговорную группу России в Стамбуле. Инфографика, РБК (14.05.2025). Kačondan päivymiäry: 15. oraskuudu 2025.
  57. ↑ Зеленский утвердил состав делегации для переговоров с РФ в Стамбуле, Известия (15 oraskuudu 2025). Kačondan päivymiäry: 15. oraskuudu 2025.
  58. ↑ Состав делегации Украины для участия в переговорном процессе с РФ в Стамбуле, TACC (15 oraskuudu 2025). Kačondan päivymiäry: 15. oraskuudu 2025.
  59. ↑ Килинкаров: члены украинской делегации сбежали в Стамбуле от мобилизации, AiF (19.05.2025). Kačondan päivymiäry: 20. oraskuudu 2025.
  60. ↑ В Кремле назвали условие для встречи Путина и Зеленского, РИА Новости (17 oraskuudu 2025). Kačondan päivymiäry: 17. oraskuudu 2025.
  61. ↑ Трамп приветствовал предложение Путина возобновить прямые переговоры с Украиной, TACC (11.05.2025). Kačondan päivymiäry: 11. oraskuudu 2025.
  62. ↑ Трамп потребовал от Украины немедленно согласиться на переговоры с Россией, РИА Новости (11 oraskuudu 2025). Kačondan päivymiäry: 11. oraskuudu 2025.
  63. ↑ Трамп допустил свой визит в Стамбул во время встречи делегаций России и Украины - Газета.Ru | Новости, Газета.Ru (12 oraskuudu 2025). Kačondan päivymiäry: 12. oraskuudu 2025.
  64. ↑ Трамп допустил поездку в Стамбул в четверг, РИА Новости (12 oraskuudu 2025). Kačondan päivymiäry: 12. oraskuudu 2025.
  65. ↑ В США назвали предложенные Путиным прямые переговоры Киеву блестящим маневром, Известия (11 oraskuudu 2025). Kačondan päivymiäry: 11. oraskuudu 2025.
  66. ↑ Эрдоган назвал встречу России и Украины в Стамбуле великолепной, РБК (2 kezäkuudu 2025). Kačondan päivymiäry: 2. kezäkuudu 2025.
  67. ↑ Мир по телефону, Коммерсантъ (18 oraskuudu 2025). Kačondan päivymiäry: 19. oraskuudu 2025.
  68. ↑ Песков подтвердил, что телефонный разговор Путина с Трампом готовится, TACC (17.05.2025). Kačondan päivymiäry: 19. oraskuudu 2025.
  69. ↑ Заявление Путина после разговора с Трампом. Текст, РБК. Kačondan päivymiäry: 19. oraskuudu 2025.
Lähteh - "https://olo.ruwiki.ru/w/index.php?title=Ven%27an_da_Ukrainan_nevvottelut_(2025)&oldid=126361012"