Belousov Andrei Removič

On otettu Рувики-späi
RUWIKIS on kirjutustu toizis ristikanzois sugunimenke Belousov.
Andrei Removič Belousov
Андрей Рэмович Белоусов RIA cut.png
Флаг
Ven'an Federacien puolistusministru
Флаг
14. oraskuudu vuvvennu 2024
Halličuksen piämies Mihail Mišustin
Prezidentu Vladimir Putin
Ielolii Sergei Šoigu
Флаг
Ven’an Federacien halličuksen enzimäine varapiälikkö
Флаг
21. pakkaskuudu vuvvennu 2020 — 7. oraskuudu vuvvennu 2024
(vt. 7.—13. oraskuudu vuvvennu 2024)
Halličuksen piämies Mihail Mišustin
Prezidentu Vladimir Putin
Ielolii Anton Siluanov
Jatkai Denis Manturov
Флаг
Ven’an Federacien piämiehen abuniekku
Флаг
24. kezäkuudu vuvvennuя 2013 — 21. pakkaskuudu vuvvennu 2020
Prezidentu Vladimir Putin
Ielolii El'vira Nabiullina
Jatkai Maksim Oreškin
Флаг
Ven’an Federacien talohuskehityksen ministru
Флаг
21. oraskuudu vuvvennu 2012 — 24. kezäkuudu vuvvennu 2013
Halličuksen piämies Dmitrii Medvedev
Prezidentu Vladimir Putin
Ielolii El'vira Nabiullina
Jatkai Aleksei Ul’ukajev
Флаг
Ven’an Federacien talohuskehityksen varaministru
Флаг
8. tuhukuudu vuvvennu 2006 — 17. kezäkuudu vuvvennu 2008
Roindu 17. kevätkuudu 1959(1959-03-17) (66 vuottu)
Moskovu, Ven’an federatiivine socialistine nevvostotazavaldu, Nevvostoliitto
Tuatto Rem Aleksandrovič Belousov (1926—2008)
Muamo Alisa Pavlovna Belousova (1934—2015)
Akku Larisa Vladimirovna Belousova (roinnuhes vuvvennu 1961)
Lapset Pavel (roinnuhes vuvvennu 1994)
Partii partieh kuulumatoi
Opastus Moskovan Lomonosovan nimine valdivonyliopisto
Oppiarvo talohustiedoloin douhturi (2006)
Ammatti ekonomistu
Uskondo pravosluavii[1]
Palkindot
Verkosivusto government.ru
Armii
Arvonimi Действительный государственный советник РФ 1 класса (Генерал армии)г.png
Ven’an Federacien 1. astien toimii valdivolline nevvoi
Логотип РУВИКИ.Медиа Медиафайлы на РУВИКИ.Медиа

Andrei Removič Belousov (roinnuhes 17. kevätkuudu 1959, Moskovu, Ven’an federatiivine socialistine nevvostotazavaldu, Nevvostoliitto) on Ven'an valdivomies, tiedomies-ekonomistu, Ven’an Federacien puolistusministru vuvven 2024 oraskuun 14. päiväs[2]. Ven’an Federacien Turvalližusnevvoston alalline ozanottai vuvven 2024 kezäkuun 11. päiväs[3].

Iččenäzien valdivoloin yhtymän Puolistuksen ministroin nevvoston piälikkö vuvven 2024 heinykuun 3. päiväs[4].

Ven'an Federacien halličuksen enzimäine varapiälikkö 21. pakkaskuudu vuvvennu 2020 — 7. oraskuudu vuvvennu 2024. Ven’an Federacien talohuskehityksen ministru 21. oraskuudu vuvvennu 2012 — 24. kezäkuudu vuvvennu 2013[5]. Ven’an Federacien piämiehen abuniekku talohuskyzymyksis 24. kezäkuudu vuvvennu 2013 — 21. pakkaskuudu vuvvennu 2020[6][7]. Ven’an Federacien halličuksen piämiehen virras toimii (ku oli taudi COVID-19 Ven’an Federacien halličuksen piämiehel Mihail Mišustinal) 30. sulakuudu — 19. oraskuudu vuvvennu 2020[8][9][10].

Ven’an raududorogat -laitoksen johtajien nevvoston piälikkö"[11]. Ven’an luonnontiedoloin akadiemien korrespondentu-jäsen. Ven'an tiedoakadiemien Rahvahan talohuon ennustamizen instituutan tiedo- da väitösnevvoston ozanottai[12][13]. ven. «Проблемы прогнозирования»-žurnualan tiedo-toimitusnevvoston ozanottai[14]. Ekonoumiekkutiedoloin douhturi (2006). Ven’an Federacien arvostettu ekonomistu (2007). Ven’an Federacien 1. astien toimii valdivolline nevvoi (2011).

13. talvikuudu vuvvennu 2024[15] Belousovua viijekse vuottu pandih Soda-rakenduslaitoksen tarkailunevvoston piälikökse[16].

Eloskerdu

Juuret da opastus

Andrei Belousov on roinnuhes 17. kevätkuudu vuvvennu 1959 Moskovas nevvostolazen ekonomistan Rem Belousovan pereheh, muamah Alisa Pavlovna oli radiohiimiekannu, jälles harvinazien elementoin hiimien ruadolois[17]. Rem Belousov oli nevvostolazen tiedoškolan perustajannu hindoinluajindan da ohjuandan alal, kuului Kosiginan uvvistuksen valmistajien joukkoh[18], jälles tutki Nevvostoliiton talohushistouriedu.

Toizen fiiziekku-matemuatiekan školan loppiettuu Andrei Belousov piäzi opastumah Moskovan M. V. Lomonosovan nimizen valdivonyliopiston ekonoumiekkutiedokunnale, kudaman loppi kiitettävien arvosanoinke vuvvennu 1981 ekonoumiekkukibernetiekku -opastusalan mugah. Opastundan aigah algoi yhtehizen ruavon ekonomistoin joukonke Aleksandr Ančiškinan johtol, kudai vuozinnu 1977—1981 oli ekonoumiekkutiedokunnan ekonoumiekkutiedokunnan laitoksien erähii johtajii[18].

Karjieru

Korgeiopastuksen diploman suaduu Belousov jatkoi opastundan Nevvostoliiton tiedoakadiemien Ekonoumiekku-matemuatiekan keskusinstituutan[ru] aspirantuuras. Samal aigua algoi tiedoruavon, enzimäi oli harjaittelii-tutkijannu, sit nuorembannu tiedoruadajannu Ekonoumiekku-matemuatiekan keskusinstituutan ristikanzu-mašinoin sistieman modeliiruičendulaboratouries[19], sen johtajannu oli E. B. Jeršov. Ekonoumiekku-matemuatiekan keskusinstituutan varajohtajannu oli Jurii Jar’omenko (vuvvennu 1994 häi rodih Ven’an tiedoakadiemien akadiemiekakse).

Tuhukuul vuvvennu 1986 Ekonoumiekku-matemuatiekan keskusinstituutan monien tiedozastoloin pohjal luajittih Nevvostoliiton tiedoakadiemien ekonoumiekan da tiedo-tehniellizen progresan ennustamizen instituuttu. Instituutan piäruavonnu oli ekonoumiekkuennustamine. Belousov siirdyi sinne ruadoh, kus peräkkäi oli vahnembannu tiedoruadajannu, tiedoruadajannu da vahnembannu tiedoruadajannu. Hänen tiedoruavonnu oli makroekonoumiekan tendensieloin ennustamine, sežo infl’aciet da struktuurukriizissu nevvostolazen tiipan talohuos[18].

Vuvvennu 1988 Belousov puolisti kandiduatan väitösruavon aihies ven. «Имитационное моделирование механизмов формирования и использования оборотных средств (многоотраслевой подход)». Kolmen vuvven peräs, vuvvennu 1991, händy pandih Nevvostoliiton tiedoakadiemien ekonoumiekan da tiedo-tehniellizen progresan ennustamizen instituutan laboratourien johtajakse, vahtoi sit virras E. B. Jeršovua. Sit virras Belousov oli vuodessah 2006, samal aigua ruadoi toizis laitoksis da jätti sen ruavon vaiku valdivollizeh palveluh lähtiettyy. Belousovan alguhpanos laboratouries piästettih ilmah analiittistu žurnualua talohuos[20].

Kylmykuul vuvvennu 1991 perustettih Ulgopoliitiekan associacien analiittine joukko, kudamua toiči sanottih "Kuolemattomien joukokse" (sen perustajan, Nevvostoliiton endizen ulgoazieloin ministran Aleksandran Besmertnih mugah). Sen ruadotavannu oli alallizien temuattizien paginoin, mielenvaihtopaginoin luajindu. Jälles stenogrammoi rasšifruittih da net roittih syvän tutkimuksen kohtakse, erähis tapahtuksis niilöi käytettih tiedoruadoloi kirjuttajes[21]. Belousov liityi "Kuolemattomien joukkoh" vuozien 1990 allus da otti ozua monien tiemoin valmistandah. Yhtes hänenke joukos ruadoi Andrei Klepač, tuliel aigua — Belousovan sijahine Ven’an talohuskehityksen ministerstvas[20].

Vuvves 1999 Belousov kuului Talohusministerstvan kolliegieh[22][23], oli erähien piäministroin nevvojannu: Jevgenii Primakovan, Sergei Stepašinan, Mihail Kasjanovan da Mihail Fradkovan (Kasjanovan da Fradkovanke ruadoi ylimiäräzenny nevvojannu[18][19]).

Vuvvennu 2000 Belousov perusti da rodih piälikökse Makroekonoumiekan sellittelyn da lyhytaigazen ennustamizen keskukses, sen pohjal vuvvennu 2005 julgai ezitelmän ven. «Долгосрочные тренды российской экономики: сценарии экономического развития России до 2020 г.»[20]. Ezitelmäs Belousov ennusti vuvven 2008 muailman talohuskriizisan, sidä paiči sanoi mahtonalazes talohuon alenemizes vuozinnu 2011—2012 da valdivollizen ohjuandan sistieman pettämizes vuuozinnu 2015—2017[24][25].

8. tuhukuudu vuvvennu 2006 Belousoval algavui uuzi eloksentaival: häi siirdyi valdivollizeh palveluh. Ven’an Federacien talohuskehityksen ministran German Grefan kučus rodih hänen sijahizekse[26][27]. Samal aigua häi lähti kaikis virrois (jatkajannu Makroekonoumiekan sellittelyn da lyhytaigazen ennustamizen keskukseksen piäjohtajakse rodih ekonoumiekkutiedoloin kandiduattu J. A. Abramova).

Samannu vuon Belousov rodih ekonoumiekkuteidoloin douhturikse, puolisti douhturin väitösruavon aihies ven. «Противоречия и перспективы развития системы воспроизводства российской экономики»[28] (08.00.05 — ekonoumiekku da rahvahan talohuon ohjuandu -opastusalan mugah).

Ministerstvas Belousov valvoi makroekonoumiekan ozua, sit luvus investiciiymbäristön parandamizen kyzymyksii, federuallizien ohjelmien todevutandua, Vnešekonombankan investiciitoimindua[29]. Hänen johtol valmistettih Pitkyaigazen sociualu-talovuollizen kehityksen koncepcii (ven. КДР-2020) da zakonuprojektu "Kauppah nähte" (hyväksyttih 28. talvikuudu vuvvennu 2009[30]).

Ruadudorogan ruadajien kerähmöl 29. talvikuudu vuvvennu 2017

Vuvvennu 2007, konzu Gref lähti iäre Ven’an talohuskehityksen ministerstvaspäi, ministrakse pandih El’vira Nabiullinua, kudai enne sidä oli varaministrannu. Belousov jäi omah virgah, a sit 17. heinykuudu vuvvennu 2008 siirdyi korgiembah virgah Ven’an Federacien halličukses: piäministru Vladimir Putin pani händy Ven’an Federacien halličuksen apparuatan talohuon da rahavaroin departuamentan johtajakse[31]. Vähästy enne sidä, kezäl vuvvennu 2007, Belousov sai Ven’an Federacien arvostettu ekonomistu -arvonimen[32].

Ven’an halličuksen talohuon muvvostundas vuozinnu 2008—2012 vastattih Ven’an Federacien halličuksen piämiehen enzimäine varapiälikkö Igor’ Šuvalov[33], Belousov da El’vira Nabiullina.

Ven’an Federacien halličukses Belousov vastai b’udžietan muvvostundan kyzymyksis, valdivon investicielois, investiciiymbäristön parandamizes. Hänen aigah perustettih Stratiegiellizien alguhpanoloin agenstvu da sen pohjal pandih rattahile muga sanottu "Kanzalline biznesmiehien alguhpano", kudaman tarkoituksennu oli biznesruavon todevutandan ololoin parandamine Ven’al[18][20][34].

Oraskuul Vladivolline Duumu vallitun piämiehen Putinan ezitändäs hyväksyi Ven’an Federacien halličuksen piämiehekse Dmitrii Medvedevan. Kodvazen peräs ilmoitettih uvves halličukses: Belousovua pandih Ven’an Federacien talohuskehityksen ministrakse[5][19]. Joukkoviestimien tiedoloin mugah Belousovua sežo duumaittih panna Ven’an Federacien piämiehen abuniekakse talohuskuzymyksis, ga sit piätettih panna sih virgah El’vira Nabiullinan[35].

24. kezäkuudu vuvvennu 2013 Belousov rodih Ven’an Federacien piämiehen abuniekakse talohuskyzymyksis[6][36], Nabiullina lähti sit virraspäi Ven’an Federacien keskusbankan piälikökse[37].

17. kezäkuudu vuvvennu 2015 — 29. syvyskuudu vuvvennu 2017 Belousov oli ven. ПАО «НК „Роснефть“-laitoksen johtajien nevvoston piälikönny[38].

21. pakkaskuudu vuvvennu 2020 Belousov rodih Ven’an Federacien halličuksen piämiehen enzimäzekse sijahizekse uvves Mihail Mišustinan halličukses[39].

Vuvven 2020 kevätkuus Belousov on Ven'an raududorogat -laitoksen johtajien nevvoston piälikönny[40][41].

30. sulakuudu[8] — 19. oraskuudu vuvvennu 2020[10] oli Ven'an halličuksen piämiehen virras toimijannu, ku Mihail Mišustin läžindylipun mugah oli COVID-19-voimattomannu.

12. oraskuudu vuvvennu 2024 Ven’an piämies Vladimir Putin kehoitti Federacien Nevvostole panna Belousovua Ven’an Federacien puolistusministrakse[42]. 14. oraskuudu Federacien Nevvosto pidi nevvottelun[43], samannu piän Ven’an Federacien piämies allekirjutti käskyn virgah miäriändäs[2].

11. kezäkuudu vuvvennu 2024 Ven’an piämies Vladimir Putin hyväksyi Belousovan Ven’an Federacien Turvalližusnevvoston alallizien ozanottajien joukkoh[44].

3. heinykuudu vuvvennu 2024 Belousovua vallittih Iččenäzien valdivoloin yhtymän Puolistuksen ministroin nevvoston piälikökse Minskas pietys Puolistuksen ministroin nevvoston istundol[4].

13. talvikuudu vuvvennu 2024[15] Belousovua viijekse vuottu pandih Soda-rakenduslaitoksen tarkailunevvoston piälikökse[16].

10. kevätkuudu vuvvennu 2025 Ven’an Federacien piämiehen käskys Belousovan täyzivaldažuot loppiettihes Ven’an kohtinazien investicieloin fondan tarkailunevvoston ozanotos (ven. Российский фонд прямых инвестиций)[45].

Pereh

Tuattah — Rem Aleksandrovič Belousov (1926—2008), ekonomistu, ekonoumiekkutiedoloin douhturi, talohuon histourientutkii[46].

Muamah — Alisa Pavlovna Belousova (Travnikova) (1934—2015), hiimiekku, hiimiekkutiedoloin kandiduattu[47].

Died'oi muaman puoles Pavel Ivanovič Travnikov — agronoumu, Moskovas pani alustan Travnikovan savule[ru].

On toizen kerran naizis. Akkah — Larisa Vladimirovna Belousova (Avdejeva) (roinnuhes vuvvennu 1961).

Enzimäzen akanke hänel on poigah Pavel (roinnuhes vuvvennu 1994). Moskovan Baumanan nimizen valdivollizen tehniellizen yliopiston loppenuh[48].

Nuorembi velli Dmitrii — Makroekonoumiekan da lyhytaigazen ennustamizen keskuksen ekspertu[17].

Kluassučiinu

  • Ven’an Federacien 1. astien toimii valdivolline nevvoi (2011).

Palkindot

  • Medali «Moskovan 850-vuozipäivän mustokse» (1997).
  • Ven'an Federacien piämiehen kiitändy — arvoruadolois Ven'an Federacien Valdivollizen nevvoston toimindan turvuamizes (1. syvyskuudu vuvvennu 2005)[49].
  • Ven'an Federacien arvostettu ekonomistu (12. kezäkuudu 2007) — arvoruadolois valdivon talohuspoliitiekan todevutandas da monivuodizes kunnollizes ruavos[32].
  • Kunnivon kunnivomerki (14. kezäkuudu vuvvennu 2009) — suadulois ruadotuloksis da monivuodizes kunnollizes ruavos[50].
  • Medali «100 vuottu Soda-lendovoimil» (2012).

Tiedoruado da julgavot

Tiedomiehenny Belousov kuuluu talovuollizen strukturalizman školah. Täl aigua (kylmykuu 2019) Hiršan indeksu Ven'an sitiiruičenduindeksan mugah Belousovan tiedoruadoloih niškoi on 18, kogonah Tiedosähkökirjaston eLIBRARY mugah — 19[51].

  • 1995 — kirjutus ven. «Структурный кризис советской индустриальной системы»<ref>«Иное. Путеводитель.» «Хрестоматия нового российского самосознания» (1995). Kačondan päivymiäry: 4. elokuudu 2012. Arhiviiruittu originualaspäi 19. talvikuudu 2013 </ref>[52] kogomukses ven. «Иное. Хрестоматия нового российского самосознания».
  • 1999 — Belousovan da J. A. Abramovan yhtehine ruado ven. «Интегрированные матрицы финансовых потоков (методический и инструментальный подходы)» об опыте построения в России Social Accounting Matrix.
  • 2000—2001 — Belousovan johtol Makroekonoumiekan da lyhytaigazen ennustamizen keskuksen azientiedäjät luajittih kirjutuksien sarjan ven. «Проблемы прогнозирования»-žuarnualas[53], kudamis oli kriizisanjälgehizen elavutandan enzimäzen ozan slllittely da Ven'an talohuon pitkyaigaine kehityksen ennustamine.
  • 2003—2004 — Belousov oli ven'alazen talohuon struktuuran sellittelyh da kehityksen faktoroih nähte kirjutuksien sarjan valmistandan johtajannu (ven. «Развитие российской экономики в посткризисный период (макроэкономический аспект)»[54], ven. «Развитие российской экономики в среднесрочной перспективе: анализ угроз»[55] и др.).
  • 2005—2007 — oli kniigan ven. «Российское экономическое чудо: сделаем сами. Прогноз развития экономики России до 2020 года» kirjuttajien joukon johtajannu[56]. Kniigan kaksi ozua jullattih erillizinny kirjutuksinnu žurnualah ven. «Проблемы прогнозирования»[57][58].
  • 2006 — piäzi ilmah kniigu douhturin väitösruavon pohjal ven. «Эволюция системы воспроизводства российской экономики: От кризиса к развитию»[59].

Huomavukset

  1. ↑ «Троицкая Православная Газета», № 86, апрель-май 2007, г. Троицк, стр. 4 «Дни рождения. Крестины». Kačondan päivymiäry: 1. heinykuudu 2012. Arhiviiruittu originualaspäi 3. talvikuudu 2013
  2. ↑ 1 2 Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  3. ↑ Путин включил Белоусова в число постоянных членов Совбеза. ТАСС (11. kezäkuudu 2024). Kačondan päivymiäry: 11. kezäkuudu 2024.
  4. ↑ 1 2 Белоусова избрали председателем Совета министров обороны СНГ, TACC (3 heinykuudu 2024). Дата обращения: 3 heinykuudu 2024.
  5. ↑ 1 2 Кабинет заместителей. Новые лица правительства Медведева, Газета.Ru (21 oraskuudu 2012). Arhiviiruittu 27 syvyskuudu 2012 . Дата обращения: 7 ligakuudu 2012.
  6. ↑ 1 2 Андрей Белоусов назначен помощником Президента, Официальный сайт президента РФ (24 kezäkuudu 2013). Arhiviiruittu 25 kezäkuudu 2013 . Дата обращения: 24 kezäkuudu 2013.
  7. ↑ Улюкаев стал министром экономического развития, Белоусов - помощником президента, Вести.ру (24 kezäkuudu 2013). Arhiviiruittu 27 kezäkuudu 2013 . Дата обращения: 24 kezäkuudu 2013.
  8. ↑ 1 2 Указ Президента Российской Федерации от 30.04.2020 года «Об исполнении обязанностей Председателя Правительства Российской Федерации». Kačondan päivymiäry: 1. oraskuudu 2020. Arhiviiruittu 1. oraskuudu 2020
  9. ↑ Мишустин заразился коронавирусом и временно сложил полномочия премьера. Kačondan päivymiäry: 30. sulakuudu 2020. Arhiviiruittu 30. sulakuudu 2020
  10. ↑ 1 2 О признании утратившим силу Указа об исполнении обязанностей Председателя Правительства. Kačondan päivymiäry: 19. oraskuudu 2020. Arhiviiruittu 19. oraskuudu 2020
  11. ↑ Председатель совета директоров РЖД. Kačondan päivymiäry: 11. sulakuudu 2020. Arhiviiruittu originualaspäi 16. oraskuudu 2020
  12. ↑ Учёный совет. ИНП РАН. Kačondan päivymiäry: 7. ligakuudu 2012. Arhiviiruittu 11. ligakuudu 2012
  13. ↑ Диссертационный совет. ИНП РАН. Kačondan päivymiäry: 7. ligakuudu 2012. Arhiviiruittu 11. ligakuudu 2012
  14. ↑ Информация о журнале «Проблемы прогнозирования». ИНП РАН. Kačondan päivymiäry: 7. ligakuudu 2012. Arhiviiruittu 9. kylmykuudu 2012
  15. ↑ 1 2 Распоряжение Правительства Российской Федерации от 13.12.2024 № 3753-р. publication.pravo.gov.ru/ (16. talvikuudu 2024). Kačondan päivymiäry: 16. talvikuudu 2024.
  16. ↑ 1 2 Белоусова назначили председателем набсовета Военно-строительной компании. ТАСС (16. talvikuudu 2024). Kačondan päivymiäry: 16. talvikuudu 2024.
  17. ↑ 1 2 Всем хорош. Kačondan päivymiäry: 10. talvikuudu 2015. Arhiviiruittu 11. talvikuudu 2015
  18. ↑ 1 2 3 4 5 Белоусов Андрей Рэмович. РБК. Kačondan päivymiäry: 14. ligakuudu 2012. Arhiviiruittu 18. ligakuudu 2012
  19. ↑ 1 2 3 Биография Андрея Белоусова. РИА Новости. Kačondan päivymiäry: 7. ligakuudu 2012. Arhiviiruittu 18. ligakuudu 2012
  20. ↑ 1 2 3 4 Всем хорош, Коммерсант. Огонёк (1 heinykuudu 2013). Arhiviiruittu 11 talvikuudu 2015 . Дата обращения: 10 talvikuudu 2015.
  21. ↑ Аналитическая группа Внешнеполитической ассоциации ("Группа Бессмертных"). «Русский журнал». Kačondan päivymiäry: 30. kevätkuudu 2013. Arhiviiruittu 24. heinykuudu 2012
  22. ↑ Распоряжение Правительства Российской Федерации от 25.01.1999 г. № 145-р «О члене коллегии министерства экономики Российской Федерации». Kačondan päivymiäry: 11. tuhukuudu 2020. Arhiviiruittu 16. oraskuudu 2020
  23. ↑ Распоряжение Правительства Российской Федерации от 31.01.2001 г. № 137-р «О членах коллегии министерства экономического развития и торговли Российской Федерации». Kačondan päivymiäry: 11. tuhukuudu 2020. Arhiviiruittu 16. oraskuudu 2020
  24. ↑ Борзова, Дарья. О кризисе предупреждали давно, Zaks.ru (28 kylmykuudu 2008). Arhiviiruittu 22 talvikuudu 2015 . Дата обращения: 14 ligakuudu 2012.
  25. ↑ Белоусов, Андрей Рэмович. Долгосрочные тренды российской экономики. — 2005. Архивировано 27 elokuudu 2018 года.
  26. ↑ Распоряжение Правительства Российской Федерации от 6 февраля 2006 г. № 133-р "О заместителе министра экономического развития и торговли Российской Федерации" (недоступная ссылка)
  27. ↑ Распоряжение Правительства Российской Федерации от 26 июня 2008 г. № 927-р "О заместителе министра экономического развития Российской Федерации" (недоступная ссылка)
  28. ↑ Белоусов, Андрей Рэмович. Противоречия и перспективы развития системы воспроизводства российской экономики. disserCat (2006). Kačondan päivymiäry: 4. elokuudu 2012. Arhiviiruittu 17. elokuudu 2012
  29. ↑ Белоусов, Андрей. Лента.ру. Kačondan päivymiäry: 7. ligakuudu 2012. Arhiviiruittu 14. ligakuudu 2012
  30. ↑ Федеральный закон от 28 декабря 2009 г. N 381-ФЗ «Об основах государственного регулирования торговой деятельности в Российской Федерации». «Гарант.ру». Kačondan päivymiäry: 7. ligakuudu 2012. Arhiviiruittu 18. ligakuudu 2012
  31. ↑ Распоряжение Правительства Российской Федерации от 17 июля 2008 г. № 1019-р «О Белоусове А. Р.» Kačondan päivymiäry: 22. oraskuudu 2012. Arhiviiruittu originualaspäi 16. sulakuudu 2013
  32. ↑ 1 2 Указ Президента Российской Федерации от 12.06.2007 г. № 750 «О награждении государственными наградами Российской Федерации Цыплакова С. С. и Белоусова А. Р.» Kačondan päivymiäry: 11. tuhukuudu 2020. Arhiviiruittu 16. oraskuudu 2020
  33. ↑ О распределении обязанностей между Первым заместителем Председателя Правительства Российской Федерации, заместителями Председателя Правительства Российской Федерации (недоступная ссылка — история). Kačondan päivymiäry: 2. ligakuudu 2012. Arhiviiruittu 18. ligakuudu 2012
  34. ↑ Андрей Белоусов назначен министром экономического развития РФ. Российская газета (21. oraskuudu 2012). Kačondan päivymiäry: 14. ligakuudu 2012. Arhiviiruittu 25. oraskuudu 2012
  35. ↑ Максим Товкайло, Ольга Плотонова. Новым министром экономического развития может стать Алексей Улюкаев, Ведомости (18 kezäkuudu 2013). Arhiviiruittu 16 oraskuudu 2020 . Дата обращения: 20 kezäkuudu 2013.
  36. ↑ Путин назначил Алексея Улюкаева главой Минэкономразвития. Kačondan päivymiäry: 24. kezäkuudu 2013. Arhiviiruittu 29. heinykuudu 2013
  37. ↑ Указ «О Набиуллиной Э.С.», Официальный сайт президента РФ (24 kezäkuudu 2013). Arhiviiruittu 27 kezäkuudu 2013 . Дата обращения: 24 kezäkuudu 2013.
  38. ↑ Помощник президента Андрей Белоусов возглавил совет директоров «Роснефти» — Интерфакс. Kačondan päivymiäry: 10. syvyskuudu 2015. Arhiviiruittu 30. syvyskuudu 2015
  39. ↑ Указ Президента Российской Федерации от 21.01.2020 г. № 25 «О Первом заместителе Председателя Правительства Российской Федерации». Kačondan päivymiäry: 11. tuhukuudu 2020. Arhiviiruittu 16. oraskuudu 2020
  40. ↑ ТАСС, 13 марта 2020. Первый вице-премьер Белоусов возглавит совет директоров РЖД. Kačondan päivymiäry: 13. kevätkuudu 2020. Arhiviiruittu 23. sulakuudu 2020
  41. ↑ Совет директоров РЖД наполовину обновится. В новый состав могут войти Андрей Белоусов и Максим Решетников. Ведомости (10. kevätkuudu 2020). Kačondan päivymiäry: 11. kevätkuudu 2020. Arhiviiruittu 11. kevätkuudu 2020
  42. ↑ Путин предложил назначить Белоусова министром обороны РФ. iz.ru (12. oraskuudu 2024). Kačondan päivymiäry: 12. oraskuudu 2024.
  43. ↑ СФ признал состоявшимися консультации по кандидатам в главы министерств и ведомств. ТАСС (14. oraskuudu 2024). Kačondan päivymiäry: 14. oraskuudu 2024.
  44. ↑ Путин включил Белоусова в число постоянных членов Совбеза. ТАСС (11. kezäkuudu 2024). Kačondan päivymiäry: 11. kezäkuudu 2024.
  45. ↑ Новак включен в набсовет РФПИ, Белоусов и экс-глава ВЭБа Дмитриев вышли из него, Interfax.ru (10 kevätkuudu 2025). Дата обращения: 10 kevätkuudu 2025.
  46. ↑ Биография Р. А. Белоусова. Kačondan päivymiäry: 2. heinykuudu 2012. Arhiviiruittu 6. ligakuudu 2012
  47. ↑ Краткая биография А. П. Белоусовой. Kačondan päivymiäry: 2. heinykuudu 2012. Arhiviiruittu originualaspäi 18. kevätkuudu 2013
  48. ↑ Выписка из приказа о зачислении в МГТУ им. Баумана. Kačondan päivymiäry: 29. kezäkuudu 2012. Arhiviiruittu originualaspäi 17. heinykuudu 2020
  49. ↑ Распоряжение Президента Российской Федерации от 01.09.2005 г. № 395-рп «О поощрении». Kačondan päivymiäry: 11. tuhukuudu 2020. Arhiviiruittu 16. heinykuudu 2020
  50. ↑ Указ Президента Российской Федерации от 14.06.2009 г. № 686 «О награждении государственными наградами Российской Федерации». Kačondan päivymiäry: 11. tuhukuudu 2020. Arhiviiruittu 16. heinykuudu 2020
  51. ↑ Белоусов, Андрей Рэмович. Российский индекс научного цитирования
  52. ↑ Белоусов, Андрей Рэмович. «Структурный кризис советской индустриальной системы» (1995). Kačondan päivymiäry: 4. elokuudu 2012. Arhiviiruittu originualaspäi 19. talvikuudu 2013
  53. ↑ Архив журнала «Проблемы прогнозирования». Институт народнохозяйственного прогнозирования РАН. Kačondan päivymiäry: 2. ligakuudu 2012. Arhiviiruittu 18. ligakuudu 2012
  54. ↑ Белоусов, Андрей Рэмович. «Развитие российской экономики в посткризисный период (макроэкономический аспект)» (недоступная ссылка — история). Институт народнохозяйственного прогнозирования РАН (1. kezäkuudu 2003). Kačondan päivymiäry: 4. elokuudu 2012. Arhiviiruittu 17. elokuudu 2012
  55. ↑ Белоусов, Андрей Рэмович. «Развитие российской экономики в среднесрочной перспективе: анализ угроз» (недоступная ссылка — история). Институт народнохозяйственного прогнозирования РАН (1. kezäkuudu 2003). Kačondan päivymiäry: 4. elokuudu 2012. Arhiviiruittu 17. elokuudu 2012
  56. ISBN 978-5-93211-043-0. (недоступная ссылка)
  57. ↑ Белоусов, Андрей Рэмович. Сценарии экономического развития России на пятнадцатилетнюю перспективу (недоступная ссылка — история). Институт народнохозяйственного прогнозирования РАН (2006). Kačondan päivymiäry: 7. ligakuudu 2012. Arhiviiruittu 18. ligakuudu 2012
  58. ↑ В. А. Сальников, Д. И. Галимов. Конкурентоспособность отраслей российской промышленности – текущее состояние и перспективы. Институт народнохозяйственного прогнозирования РАН (2. sulakuudu 2006). Kačondan päivymiäry: 2. ligakuudu 2012. Arhiviiruittu originualaspäi 24. oraskuudu 2014
  59. ISBN 5-317-01601-0. Arhiivukoupii 16 heinykuudu 2020 Wayback Machine
Ielolii:
El’vira Nabiullina 		Ven’an Federacien
talohuskehityksen ministru
21. oraskuudu 2012 — 24. kezäkuudu 2013 		Jatkai:
Aleksei Ul’ukajev
Ielolii:
El’vira Nabiullina 		Ven’an Federacien piämiehen abuniekku
24. kezäkuudu 2013 — 21. pakkaskuudu 2020 		Jatkai:
Maksim Oreškin
Lähteh - "https://olo.ruwiki.ru/w/index.php?title=Belousov_Andrei_Removič&oldid=126203756"