Videlenjogi
| Videlenjogi | |
|---|---|
 Nägöala raudutiesillaspäi | |
| Kuvailu | |
| Piduhus | 67 km |
| Vezistöala | 1 320 km² |
| Vezimatku | |
| Jovenladvu | |
| • Olopaikku | Vieljärven järven ymbäristö |
| • Korgevus | 77,1 m |
| • Koordinuatat | 61°30′12″ с. ш. 32°34′51″ в. д.GЯO |
| Jovensuu | Luadogu |
| • Korgevus | 4,3 m |
| • Koordinuatat | 61°10′29″ с. ш. 32°23′06″ в. д.GЯO |
| Sijoittumine | |
| Vezistösistiemu | Luadogu → Neva → Baltiekkumeri |
|
|
|
| Ven'a | Karjalan tazavaldu |
| Mua | |
| Aloveh | Karjalan tazavaldu |
| Piiri | Anuksen piiri, Priäžän piiri |
| Koudu Valdivollizes vezistöluvettelus | 01040300212102000011556[1] |
| Noumeru Valdivollizes muantiedo-objektoin katalougas | 0150884 |
|
|
|
|
|
|
.svg)
Videlenjogi on jogi Ven'al, kudai virduau Karjalan tazavallan Anuksen da Priäžän piiris. Joven piduhus on 67 kilometrii, vienkerävöalan pinduala on 1320 km²[2], joven levevys on 20-80 metrii da virran vauhti on 1 km/č.
Muantiedo
Jovenladvu on Vieljärven järven suviozas, sen Alalehen-lahtes. Tozih Karjalan jogiloih verratunnu sen virdu ei ole mutkikas, se ei mutkittelei suoloin da järvilöin kauti, a virduau Tunguon ylängön päivännouzun paltielpäi suuren kaldavuksenke. Jovel on 46 suurdu da piendy koskie da halgiemua, suurin vuitti kudamis on keskivirras, sendäh jogi vedäy omah puoleh vezimatkailun suvaiččijoi. Suuri eländykohtu jovel on Videlen kylä Anuksen piiris.[3].
Jogi on kalakas, sit on 20 kalalajii, niilöin joukos Atlantin lohi, kumža, siigu, riäpöi, harjus.
Vuozisualoin XIX — XX allun aigah jovel viettih rudua Tulemjärven zavodah niškoi[4]. Täl aigua Videlenjovensuus on valgamo pienih laivoih nähte[5].
Vezistöala
Sivujovet
(jovensuuspäi jovenladvassah)
- Nouzemanjogi — 3,3 km oigiedu randua myöte.
- Kuuronjogi (ven. Кура) — 50 km huruadu randua myöte.
- Syräoja — 61 km oigiedu randua myöte.
Järvet
Videlenjovenalah kuulutah järvet: Oravujärvi, ven. Турумюсъярви, ven. Сельгемюслампи, ven. Урадъярви, ven. Пульчелла, ven. Кинеярви, Sinamuksenjärvi, ven. Кедъярви, ven. Калиярви, ven. Гаппамус, ven. Онгимус, ven. Пертъярви, Nouzemanjärvi, sežo Vieljärveh virduajien Nälmäjoven- da Vuhtanjoven jogiloin vezistöaloin järvet[6].
Vezistöluvettelun tiijot
Ven'an Valdivollizen vezistöluvettelun tiedoloin mugah Videlenjogi kuuluu Baltiekkumeren vezistöalan okrugah, joven vezistötalovuolline oza - Luadogan järven vezistöalan objektat ilmai Volhovan, Svirin da S'as'-jogiloi, joven alavezistöala - Neva-jogi da Luadogan järven vezistöalan jovet (ilmai Svirin da Volhovan alavezistöaloi, vezistöaloin ven'alaine oza). Kuuluu Nevan jovenalah (luguh ottajen Oniegujärven da Luadogan jogiloin vezistöalat)[2].
Objektan koudu Ven'an Valdivollizes vezistöluvettelus on 01040300212102000011556[2].
Huomavukset
- ↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
- ↑ 1 2 3 Выдлица : [рус.] / textual.ru // Государственный водный реестр : [арх. 15 октября 2013] / Минприроды России. — 2009. — 29 марта.
- ↑ Главный редактор - В.В. Точёнов, председатель редакционной коллегии. Атлас СССР. — Москва: Главное управление геодезии и картографии при совете министров СССР, 1986. — С. 25.
- ↑ Videlen čugunanvalanduzavodu
- ↑ Aleksandr Hudilainen tuttavui Videlen laitoksih
- ↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — С. 407.
Linkat
- Описание маршрута по сходу по реке на лодках любителями водного туризма (рус.). lib.udm.ru. Arhiviiruittu originualaspäi 11. kevätkuudu 2012
| Luadogan järven vezistöalan veziobjektat ilmai Volhovan, Svirin da S'as'-jogiloi | |
|---|---|
| |
