Viktor Gudkov
| Viktor Gudkov | |
|---|---|
 | |
| Piätiijot | |
| Täyzi nimi | |
| Roindupäivy | 4. syvyskuudu 1899 |
| Roindupaikku | |
| Kuolendupäivy | 17. pakkaskuudu 1942 (42 vuottu) |
| Kuolendupaikku | |
| Muat | |
| Ammatit | säveldäi, runoilii, toimittai |
| Toiminduvuvvet | 1932—1942 |
| Soittimet | kandeleh |
| Žanrat | rahvahan muuzikku |
| Joukot | Kantele-ansambl’u |
.svg){kind=small}
Ulgopuolizet kuvat
Viktor Panteleimonovič Gudkov (ven. Виктор Пантелеймонович Гудков; 4. syvyskuudu 1899, Voronež[d] — 17. pakkaskuudu 1942, Biškek) on Nevvostoliiton folkloristu, säveldäi, runoilii, Karjalan kanzallizen Kantele -pajo- da tansiansambl'an alguhpanii, Karjalan avtonoumizen socialistizen nevvostotazavallan taidoalan arvostettu ruadai[1].
Eloskerdu
Oli roinnuhes ujezdan notariusan perehes. Aigaine lapsusaigu meni Zeml’ansk-linnas.
Vuvvennu 1917 Voronežan tovellizen opiston kuvven kluasan loppiettuu muamanke da vellenke (tuatto silloi oli kuolluh) muutettih rakendettavan Murmanskan raududorogan Kola-stansiele. Ruadoi stansiel sen ozan kontorščiekannu, Murmanskan ruadudorogan ostoksien hommuajannu.
Vuvvennu 1919 muutti Kurskan gubernieh, ruadoi kulgiitavvinjoukon abuhoidajannu.
Vuvvennu 1920 muutti Simbirskah, kus händy otettih Ruadajien da muanruadajien Ruskieh Armieh, sluuži Volganrannikon sodaokrugan poliittizes hallindos, Vara-armien poliittizes hallindos Kazanis, sit ruadoi Tatarstuanan avtonoumizen socialistizen nevvostotazavallan Piälimäzes poliitizes opastuselimes. Kylmykuul 1921 Gudkovua otettih Ven’an bol’ševiekkoin kommunistizeh partieh.
Vuozinnu 1921—1928 ruadoi Murmanskas Gubernien poliittizen opastuselimen johtajannu, sit ruadoi Ven’an bol’ševiekkoin kommunistizen partien Gubernien komitietan instruktorannu, Pol’arnaja pravda -lehten toimittajannu, raududorogan ruadajien kluuban johtajannu. Vuvvennu 1922 Murmanskas piäzi ilmah hänen runoloin kogomus ven. «С севера».
Vuozinnu 1929—1930 ruadoi Kandalahtes, kus perusti da korjaili Kandalakšskii kommunist -lehtie. Nämminny vuozinnu kiinostui karjalazen folklouran tutkimizeh da rahvahan soittimeh — kandeleheh. Luadi soittimen rekonstrukcien projektan.
Syvyskuul vuvvennu 1932 Gudkovua työttih Petroskoih, Karjalan tiedo-tutkimuksellizen instituutan aspirantuurah. Perusti kandelehelsoittajien mieliruadojoukon, kudai sai palkindon I Kogo Nevvostoliiton ruadivofestivualis vuvvennu 1936.
Vuvvennu 1936 Gudkovale annettih Karjalan avtonoumizen socialistizen nevvostotazavallan taidoalan arvostetut ruadajan arvonimi.
Vuvvennu 1936 Gudkovale käskiettih perustua ammatilline orkestru, häi lähti aspirantuuraspäi iäre da händy otettih ruadoh Petroskoin rahvahan taijon taloih enzimäzen ammatillizen kandelehelsoittajien orkestran ohjuajankse, sit orkestras vuvvennu 1937 rodih Valdivolline pajon da tansin Kantele-ansambl’u.
Vuvvennu 1940 Gudkovua otettih Nevvostoliiton kirjuttajien liittoh. Händy vallittih Karjal-suomelazen socialistizen nevvostotazavallan Korgeviman Nevvoston I kučundukerähmön deputuatakse.
Suuren Ižänmuallizen voinan allettuu, vuvven 1941 elokuun lopus, ansambl’u työttih evakkoh muan sydämeh, kus joukko rubieu ezittymäh gospitalilois, sodaopistolois da tevolližuslaitoksis.
Viktor Gudkov kuoli evakos Frunze-linnas 17. pakkaskuudu vuvvennu 1942.
Musto
27. talvikuudu vuvvennu 2018 Petroskois Gudkovan nimen sai uuličču[2]. Sežo talvikuul vuvvennu 2006 Petroskois taloil № 6 Karl Marksan prospektal azetettih mustolaudu.
Pereh
- Oli naizis (akan neissugunimi Prohorova), kazvatettih kolme lastu.
Tevokset
- С севера: Стихотворения. — Мурманск, 1922. — 25 с.
- Выбор: По мотивам карельской эпической песни // Карелия: Альманах. — Петрозаводск, 1939. — Кн. 3. — С. 97—99.
- Три брата: Либретто оперы на сюжеты карельских эпических песен // Карелия: Альманах. — Петрозаводск, 1939. — Кн. 4. — С. 95—142.
- Сампо: Драматическая поэма // На рубеже: Альманах. — Петрозаводск, 1945. — Кн. 1. — С. 61—119.
Huomavukset
- ↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: "ПетроПресс", 2007. — 400 с.: ил., карт. ISBN 978-5-8430-0123-0 (т. 1) — С. 282
- ↑ Постановление Администрации Петрозаводского городского округа № 3911 от 27.12.2018 "О присвоении наименований элементам улично-дорожной сети и внесении изменений в постановление Администрации Петрозаводского городского округа от 10.05.2016 № 1900"
Kirjalližus
- Колосенок С., Моносов И. Культура Советской Карелии. — Петрозаводск, 1967. — О Гудкове В. П.: С. 108—108
- Лапчинский Г. И. Музыка Советской Карелии. — Петрозаводск, 1970. — О Гудкове В. П.: С. 45—47
- Писатели Карелии: Библиографический словарь / Сост. Ю. И. Дюжев. — Петрозаводск: Острова, 2006. — 304 стр. — (О Гудкове В. П.: С. 146—148) ISBN 5-98686-006-3
- Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.