Viola Mal’mi

Viola Mal’mi
Viola Mal’mi
Roindupäivy	14. kevätkuudu 1932
Roindukohtu	Kondupohju, Kondupohjan piiri;
Kuolendupäivy	15. kevätkuudu 2010 (78 vuottu)
Kuolendukohtu	Petroskoi, Ven'a;
Mua	Nevvostoliitto; Ven'a;
Toimindu	baliettumuasteri, horeograffu, balietan tansii
Palkindot da arvonimet	;

Viola Genrihovna Mal’mi (ven. Вио́ла Ге́нриховна Ма́льми, Violetta Valentinovna); 14. kevätkuudu 1932, Kondupohju, Karjalan nevvostotazavaldu — 15. kevätkuudu 2010, Petroskoi, Ven'a), tundiettu horeograffu, baliettumuasteri, Karjalan avtonoumizen socialistizen nevvostotazavallan kul’tuurualan arvostettu ruadai (1978), Ven’an federatiivzien socialistzien nevvostotazavallan kul’tuurualan arvostettu ruadai (1985), Karjalan tazavallan valdivollizen kul’tuurualal palkindon suannuh, Ven’an halličuksen Ven’an hengi -nimizen palkindon suannuh (2008), Karjalan tazavallan kunnivoeläi (2002).

Eloskerdu

Vuonnu 1957 Viola Mal’mi loppi Leningruadan teatruinstituutan. Sie häi sai ozuttelijan ammatin.

Vuvves 1957 vuodessah 1959 ruadoi ozuttelijannu Riigan nuoren kaččojan teatras da Daugavpilsan druamuteatras.

Vuonnu 1960 Viola Mal’mi tuli ruadamah Karjalan muuzikkuteatrah.

Vuozinnu 1963—1966 häi opastui baliettumuasterikse Leningruadan konservatouries.

Vuvves 1960 vuodessah 1980 Viola Mal’mi pani allun monile fol’klourujoukkoloile Karjalan piirilöis. Häi opasti nuorii Petroskoin kul’tuuruopistos.

Vuvves 1973 vuodessah 1987 Viola Mal’mi oli Karjala-ansambl’an johtajannu.

Vuozinnu 1987—1988 oli piälimäzenny baliettumuasterinnu Kantele-ansambl’as. Viola Mal’mi perusti Karjalaine gorničču -fol’klouruansambl’an.

Vuvves 1979 vuodessah 1991 Viola Mal’mi valmisti ozutettavakse TV-ohejlmii. Niilöi ozutettih joga kuudu.

Vuvves 2002 Viola Mal’mi oli Gornica-nimizen fol’klouruteatran ohjuajannu.

Kogo eloksen Viola Mal’mi omisti karjalazele kul’tuurale. Mondu vuottu häi keräi karjalazii tansiloi da kižoi, tutki rahvahan pruazniekkuperindölöi. Viola Mal’mi kirjutti äijän kniigua. Erähät niilöis ollah "Karjalan rahvahan tansit" (vuozi 1978), "Karjalan rahvahan kižat" (1987), "Pruazniekku da tansi" (2005), "Kost’umu da pruazniekku" (2006), "Kai tansih nähte" (2010).

Pereh

Ukko Igor’ Mihailovič Rum’ancev, tyttäret Anita da Ilona.

Musto

23. syvyskuudu vuvvennu 2020 Petroskois Leninan prospektal taloil № 25, kudamas eli Viola Mal'mi, on azetettu mustolaudu.

Bibliogruafii

Мальми, В. Г. Народные танцы Карелии, Петрозаводск : Карелия, 1978. — 206 с.
Мальми, В. Г. Народные игры Карелии, — Петрозаводск : Карелия, 1987. — 135 с. : ил.
Мальми, В. Г. Истоки карельской хореографии КЦНТ- Петрозаводск, 1994. — 63 с.
Мальми, В. Г. Праздник и танец — Петрозаводск : Карелия, 2005. — 206 с.
Мальми, В. Г. Костюм и праздник — Карелия 2006—124 c.
Слово и праздник : [сборник статей / К. К. Логинов и др. ; авт. проекта: Виола Мальми ; худож. Н. Трухин ; фот. А. Чернышев]. — Петрозаводск : Карелия, 2008. — 142 c
Мальми, В. Г. Все о танце / Виола Мальми. — Петрозаводск : Карелия, 2010. — 335 с.

Kirjalližus

Пертти Виртаранта. Этюды о карельской культуре. — Петрозаводск, 1992
Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД "ПетроПресс", 2009. — С. 191—464 с.: ил., карт. ISBN 978-5-8430-0125-4 (т. 2)

Linkat