Aleksandra Rodionova

Aleksandra Pavlovna Rodionova
Roindupäivy	26. sulakuudu 1979(1979-04-26) (47 vuottu)
Roindupaikku	Priäžän kylä, Priäžän piiri, Karjalan avtonoumine socialistine nevvostotazavaldu, Nevvostoliitto
Mua	Ven'anmua
Tiedoala	karjalan kieli
Ruadokohtu	Ven'an tiedoakadiemien Karjalan tiedokeskuksen Kielen, literatuuran da histourien instituuttu
Opastus	Petroskoin valdivonyliopisto
Oppiarvo	filolougientiedoloin kandiduattu
Tiedo-ohjuaju	Nina Zaiceva
Tundietah	karjalan kielen lyydin murdehen tutkijannu da opastajannu

Aleksandra Pavlovna Rodionova (ven. Александра Павловна Родионова; roin. 26. sulakuudu 1979, Priäžy, Karjalan tazavaldu) on kielentutkii, filolougientiedoloin kandiduattu, Ven'an tiedoakadiemien Karjalan tiedokeskuksen Kielen, literatuuran da histourien instituutan tiedoruadai.

Eloskerdu

Aleksandra Rodionova on roinnuhes Karjalan tazavallan Priäžän kyläs. Vuvvennu 1996 loppi Priäžän Nevvostoliiton urhomiehen Marija Melentjevan nimizen školan. Sen jälles jatkoi opastundan menedžmentu-alal Petroskoin rakendustehnikumas.

Vuvvennu 1999 piäzi opastumah Petroskoin valdivonyliopistoh karjalan da vepsän kielen ozastole, kus opastui karjalan da suomen kieldy da literatuurua.

Yliopiston loppiettuu, vuvvennu 2004, tuli ruadoh Karjalan tiedokeskuksen Kielen, literatuuran da histourien instituutan kieliozastoh (kus tässäh ruadau) da piäzi opastumah instituutan aspirantuurah. Hänen tutkimualakse rodih karjalan kieli.

Vuvvennu 2007 Aleksandra Rodionova puolisti kandiduatan väitösruavon, sen tiemannu oli "Karjalan kielen postpoziittusistieman kehitys: analiitiekkurakendehes sananmuodoh" (ven. «Пути развития послеложной системы карельского языка: от аналитической конструкции к форме слова»).

Kielen, literatuuran da histourien instituutas Aleksandra Rodionova ruadau jo 20 vuottu. Vuvves 2013 tutkiu karjalan kielen lyydin murrehtu, opastau sidä kielikursiloil.

Vuozinnu 2013—2016 tutkii pidi luvendoloi Petroskoin valdivonyliopistos karjalan da vepsän kielen ozastol karjalan kielen virkehopis, pagin- da kirjutuskieles, oli opastujien kursu- da diplomuruadoloin ohjuajannu.

Vuvves 2014 kuuluu Karjalan tazavallan piämiehen tyves ruadajah sanastokomissieh.

Aleksandra Rodionova kiändäy karjalan kielen lyydin murdehele suomi-ugrilazien runoilijoin runoloi. Kiändäjiä tutah Paušin Šan'uu -peittonimel.

Bibliogruafii

Aleksandra Rodionova on kirjutannuh enämbän 90 tiedokirjutustu, ottanuh ozua enämbän migu 80 tiedopidoh, kudamis 50 ollah kanzoinvälizet. Tutkii on yhten oman da nellän kollektiivizen monogruafien kirjuttajannu.

Monogruafiet

• Родионова, А. П. Семантика карельской грамматики [Текст] : [монография]. — Петрозаводск: Карельский науч. центр РАН, 2015. — 167 с. — ISBN 978-5-9274-0673-9.
• Родионова, А. П. Людики: вопросы сохранения языка и культуры : исследования и материалы / А. П. Родионова, С. В. Нагурная, Н. В. Чикина. — Петрозаводск: Карельский научный центр РАН, 2017. — ISBN 978-5-9274-0753-8.
• Langue carélienne : modifications terminologiques. Langue ou dialecte? / Ковалева С.В., Родионова А.П. CATÉGORISATION DES LANGUES MINORITAIRES EN RUSSIEET DANS L’ESPACE POST-SOVIÉTIQUE.. — Франция, PESSAC Cedex, 2014. — С. 281—293.
• Ковалева, С. В. Традиционное и новое в лексике и грамматике карельского языка : (по данным социолингвистического исследования) / Ковалева Светлана Викторовна, Родионова Александра Павловна. — Петрозаводск: Карельский научный центр РАН, 2011. — С. 136.

Palkindot

• Kiitändykirjaine Ven'an tiedoakadiemien Karjalan tiedokeskuksen 70-vuozipäiväkse monivuodizes kunnollizes ruavos, ammatilližuos ruadajes (2016);
• Karjalan tazavallan Kanzallizen da alovehellizen poliitiekan kiitändykirjaine panokses Karjalan tazavallan karjalan kielen da perindöllizen karjalazen kul'tuuran säilyttämizes, kehittämizes da popul'arizacies (2019);
• Kunnivokirjaine Ven'an tiedoakadiemien Karjalan tiedokeskuksen 90-vuozipäiväkse monivuodizes kunnollizes ruavos, suures panokses karjalan kielen da karjalazen kul'tuuran säilyttämizen alal (2020);
• Karjalan tazavallan piämiehen kiitändykirjaine aktiivizes ruavos Karjalan tazavallan piämiehen tyves ruadajas sanastokomissies da panokses karjalan da vepsän kielen argielokses kehittämizen da käyttämizen kyzymyksien sellitändäs (2023).

Huomavukset

Kirjalližus

• Igä elä, igä opastu! // Oma Mua. — 2023. — 12. sulakuudu (№ 14). — С. 4.

Linkat

• Paušin Šan’uu. Buaban kodi