Marija Melentjeva
| Marija Vladimirovna Melentjeva | |||
|---|---|---|---|
 | |||
| Roindupäivy | 24. pakkaskuudu 1924 | ||
| Roindukohtu | Priäžy, Karjalan avtonoumine socialistine nevvostotazavaldu, Ven'an federatiivine socialistine nevvostotazavaldu, Nevvostoliitto | ||
| Kuolendupäivy | 2. heinykuudu 1943 (19 vuottu) | ||
| Kuolendukohtu | Kirvesvuaru, Karhumäin piiri, Karjalan avtonoumine socialistine nevvostotazavaldu, Ven'an federatiivine socialistine nevvostotazavaldu, Nevvostoliitto | ||
| Mua | |||
| Toimindu | saldattu | ||
| Muamo | Jevdokija Andrejevna Melentjeva | ||
| Palkindot da arvonimet |
|
||
 Медиафайлы на РУВИКИ.Медиа | |||
.svg){kind=small}
Marija Vladimirovna Melentjeva (24. pakkaskuudu 1924 Priäžy, Karjalan avtonoumine socialistine nevvostotazavaldu — 2. heinykuudu 1943 Kirvesvuaru, Karhumäin piiri, Karjalan avtonoumine socialistine nevvostotazavaldu) on partizuanu, Kommunistizen puolovehen keskuskomitietan yhtevyksenpidäi da Karjal-Suomelazen nevvostotazavallan komsomolan keskuskomitietan instruktoru, Nevvostoliiton urhomies, Leninan kunnivomerkil da Ruskien tiähten kunnivomerkil palkittu.
Rodivundu da opastundu
Marija Melentjeva oli roinnuhes 24. pakkaskuudu[1][2] Priäžäs muanruadajien perehes. Kanzua myöte oli karjalaine. Loppi školan Priäžäs. Ruadoi Segežas gospitalis.
Ižänmualline voinu
Vuvves 1942 Marija Melentjeva oli Suurel Ižänmuallizel voinal. Kezäkuul vuvvennu 1942 händy da Anna Lisicinua työttih Šoutjärven piirih, kudai oli suomelazien valloitettu. Sie hyö kerättih tieduo valloittajien vallas, heijän ammundukohtien da puolistuksien sijoitundas, luajittih kontaktoi rahvahanke. Tehtävän täytändäs tulles Lisicina uppoi Sviris poikki mennes, ga ehti andua Marija Melentjevale kerätyt tiijustelutiijot. Melentjeva piäzi joves poikki da suatoi tärgiet tiijot.
Samannu vuon sygyzyl Melentjevua uvvessah työttih tiijustelijoin joukonke vihollizen tagavoh, ga paikallizen eläjän pettämyksen periä händy otettih kiini suomelazet Karhumäin piirin Kirvesvuaran kyläs da ammuttih. Händy muokattih, ga häi oli luja, ei sanonuh vihollizele tärgielöi tiedoloi. Marija Melentejevua ammuttih 2. heinykuudu vuvvennu 1943. Häi on pandu muah Kirvesvuaran kyläh[3].
Nevvostoliiton Korgeviman Nevvoston Prezidiuman käskys 25. syvyskuudu 1943 Marija Melentjevale, kuoltuu, annettih Nevvostoliiton urhomiehen arvonimi urhakkahuos da urholližuos tärgielöi tehtävii täyttäjes.
Palkindot da arvonimet
- Kuldaine tiähti -medali[3];
- Leninan kunnivomerki[3];
- Ruskien tiähten kunnivomerki[3];
- Karjalan tazavallan kunnivokanzalaine -arvonimi (kuoltuu, vuvvennu 2025)[4].
Musto
Melentjevan mustokse on azetettu mustopaččahat Priäžäs[3] da Petroskois Marija Melentjevan uuličal[3], kaksi mustolaudua Petroskois[3] da yksi Priäžäs taloile Nevvostopihal, kus häi eli. Melentjevan nimi on voinal surman suannuzien priäžäläzien memoriualas. Hänen kuva da nimi ollah Karjalaspäi rodužin olijoin Nevvostoliiton urhomiehien gallereis. Gallerein rinnale on istutettu puu Melentjevan kunnivokse.
Marija Melentjevan nimi on annettu Priäžän keskiškolale[5], erähäle Petroskoin uuličale, buksiirulaivale, Petroskoin kalakombinuatan seinerale, Belomor-Onežskoin laivaston buksiirulaivale, pionierujoukkoloile da družinoile[3].
Marija Melentjevan roindukyläh Priäžäh on avattu muzei. Joga vuottu Marija Melentjevan roindupäivän hantuzis Priäžän kyläs pietäh hiihtokilboi Marija Melentjevan mustokse[6], a Priäžän školas — perindöllisty Urhomiehen nedälii[7].
Marija Melentjevale da Anna Lisicinale on omistettu Aleksandr Ivanovan ozutelmu "Se oli Karjalas" (ven. «Это было в Карелии») da Gennadii Fišan Ystävättäret-oučerku (ven. «Подруги»).
Huomavukset
- ↑ Информация на сайте Медвежьегорского районного музея
- ↑ Информация из списка Героев Советского Союза Подпорожского района.
- ↑ 1 2 3 4 5 6 7 8 Герои Советского Союза: краткий биографический словарь в 2-х тт. / редколл., предс. И. Н. Шкадов. том 2. М., Воениздат, 1988. стр. 67.
- ↑ Уроженцам и жителям Карелии – Героям Советского Союза – присвоены звания Почетных граждан республики (рус.). Официальный интернет-портал Республики Карелия. Kačondan päivymiäry: 21. elokuudu 2026.
- ↑ Геннадий Фиш. Карельские девушки // Вечно живые / сб., сост. П. Корзинкин, Ю. Новиков. М., «Молодая гвардия», 1958. стр.191-201
- ↑ Jelena Ruppijeva. Hiihtokilbu keräi hiihtäjiä Priäžän čupun eri kylispäi // Oma Mua. — 2023. — 1. tuhukuudu (№ 4). — С. 4.
- ↑ Jelena Ruppijeva. Priäžäs on algavunnuh urhomiehen nedäli // Oma Mua. — 2024. — 24. pakkaskuudu (№ 3).
Kirjalližus
- Герои земли советской. — Петрозаводск: Карельское книжное издательство, 1968. — С. 169—186. — 367 с. — 20 000 экз.
- Г. С. Фиш. Карельские девушки (о А. М. Лисицыной и М. В. Мелентьевой) // Героини. Очерки о женщинах — Героях Советского Союза. / ред. сост. Л. Ф. Торопов. вып. 1. М., Политиздат, 1969. — стр. 327—345.
- Гордиенко А. А. На пути к рассвету: повесть о Героях Советского Союза А. Лисициной и М. Мелентьевой. — Петрозаводск, 1990. — 295 с.
Linkat
- Дню победы посвящается. Герои Советского Союза Лисицына Анна Михайловна и Мелентьева Мария Владимировна.
- Marija Melentjeva (рус.). Muan urhomiehet -verkosivusto.
- Памятник М. В. Мелентьевой в Пряже
- Памятник в Петрозаводске
- Rodivunnuot 24. pakkaskuudu
- Rodivunnuot vuvvennu 1924
- Persounat kirjaimikon mugah
- Rodivunnuot Priäžäs
- Kuolluot 2. heinykuudu
- Kuolluot vuvvennu 1943
- Kuolluot Karhumäin piiris
- Nevvostoliiton urhomiehet
- Leninan kunnivomerkin kavalierat
- Ruskien Tiähten kunnivomerkin kavalierat
- Karjalan tazavallan kunnivokanzalazet
- Suuren Ižänmuallizen voinan partizuanat
- Naizet Suurel Ižänmuallizel voinal
- Karhumäin piiris muah pandut
- Ammutut vuvvennu 1943