Avdišev Aleksei Ivanovič

Aleksei Ivanovič Avdišev
Roindupäivy	19. syvyskuudu 1928(1928-09-19)
Roindupaikku	Leningruadu, Ven'an federatiivine socialistine nevvostotazavaldu[d], Nevvostoliitto
Kuolendupäivy	31. talvikuudu 1997(1997-12-31) (69 vuottu)
Kuolendupaikku	Petroskoi, Ven'a
Kanzalližus	Nevvostoliitto →  Ven'anmua
Žanru	ymbäristökuva, taidogruafikku
Opastus	Leningruadan V. A. Serovan nimine taido-opisto
Palkindot
Arvonimet	Ven'an federatiivizen socialistizen nevvostotazavallan arvostettu taidoilii (1984) Karjalan avtonoumizen socialistizen nevvostotazavallan taidoalan arvostettu ruadai (1959)
Palkindot	Karjalan avtonoumizen socialistizen nevvostotazavallan Valdivollizen palkindon laureattu (1986)

Aleksei Ivanovič Avdišev (ven. Алексе́й Ива́нович А́вдышев, 19. syvyskuudu 1928, Leningruadu — 31. talvikuudu 1997, Petroskoi) on ymbäristökuvien mualuaju, gruafiekku, Karjalan avtonoumizen socialistizen nevvostotazavallan taidoalan arvostettu ruadai, Ven'an federatiivizen socialistizen nevvostotazavallan arvostettu taidokuvailii.

Eloskerdu

Aleksei Ivanovič Avdišev oli roinnuhes 19. syvyskuudu vuvvennu 1928 ruadajan pereheh Leningruadan linnas, nygözes Piiteris.

Školavuozinnu kävyi opastumah Valdivollizen Ermituažu-muzein tyves ruadajah nuorien taidoarvostelijoin stuudieh. Hänen enzimäzet runot painettih vuozinnu 1930 Pionerskaja pravda -lehtes.

Leningruadan blokuadan aigah kuoli hänen tuattah, frontal kuadui velleh. Vuvvennu 1942 händy viettih evakuacieh Kurganan alovehele. Sie häi eli kyläs, loppi 8-vuodehizen školan.

Vuozinnu 1945—1950 opastui Leningruadan V. A. Serovan nimizes taido-opistos. Vuvvennu 1949 hänen runoloi painettih Smena-lehtes.

Vuozinnu 1950—1952 häi sluuži Nevvostoarmies, enzimäi pol’arnoin kruugan tagan, jällel Karjalas.

Armiespäi piästyy, vuvvennu 1952, tuli elämäh Petroskoile. Ruadoi kirjallizennu ruadajannu ven. Молодой коммунист -žurnualas da ven. Патриот Родины -lehtes, kuvataijon da folklouran metodistannu Petroskoin rahvahan taijon talois.

Vuvvennu 1956 päivänvalgien nägi enzimäine ven. Северные зори -runokogomus, А. I. Avdiševua hyväksyttih Nevvostoliiton kirjuttajien liiton ozanottajakse.

Enzimäzet värillizet linokaiverdukset (ven. линогравюры) oldih korgiesti arvostettu vuvvennu 1957 VI Muailman nuorižon da opastujien festivualin aigua pietyl ozuttelul Moskovas, А. I. Avdiševua otettih Nevvostoliiton taidokuvailijoin liittoh.

Aleksei Ivanovič Avdišev kuoli 31. talvikuudu vuvvennu 1997 Petroskoin linnas Karjalan tazavallas.

Taidokuvailijan tevokset

ven. "Пасмурный вечер" (1954), ven. "Васильевская часовня" (1955), ven. "В ночном" (1956), ven. "Бессонное окно", ven. "Часовня в Подъельниках", ven. "Пасмурное утро" (1957), ven. "Из окна мастерской", ven. "Рыбачья пристань" (1958), ven. "Ветреный день", ven. "В дождь. Расставание" (1958), ven. "Будни порта" (1960), ven. "Валаам. Часовня", ven. "В порту. На закате" (1961), ven. "В старинном северном селе" (1963), ven. "Светлый Север", ven. "Волкостровская часовня" (1964), ven. "Заонежье моё", ven. "В заполярной бухте" (1965), ven. "Моя Карелия"-sarju (1966—1969), kaiverdusal’bomat: ven. "Кижский альбом" (1966), ven. "Валаам" (1971), ven. "Карелия" (1986); sarjat: ven. "На онежских ветрах" (1978), ven. "Усинск" (1985—1986), ven. "Мой светлый Север" (1986—1988); ven. "Весенний разлив" (1976), vezimualukuvien sarju (1978).

Mustolaudu koin seinäs, kus eli A. I. Avdišev, Petroskoin linnu, Kuibiševan uuličču, kodi № 14

Aleksei Ivanovičan pitkän da monipuolizen luomiselaijan aigua jullattih kogonaine kirjusarju, kudamas runot da kaiverdukset hyvin tävvendetäh toine tostu: ven. "Красные снега", ven. "Заонежье", ven. "Возвращенная весна", ven. "Сердце мое", ven. "И свет, и тень".

Taidokuvailijan tevokset ollah tallel Valdivollizes Tretjakovan gallereis, Valdivollizes Ven’an muzeis, Karjalan tazavallan taidomuzeis, Karjalan tazavallan kanzallizes muzeis, yksittäzis keräilemis Ven'al da rajantagazes.

Ozuttelut

• Kogo Nevvostoliiton (1954—1955, 1957, 1958, 1961, 1965, 1967, 1969, 1970, 1979, 1982);
• Kogo Ven'an (1957, 1960, 1965, 1967, 1970, 1975, 1980, 1984, 1985);
• Karjalan taidokuvailijoin Moskovas (1959, 1980), Leningruadas (1972, 1980), Germuanien demokruattizes tazavallas (1962, 1977, 1983, 1985), Suomes (1966, 1968, 1976), Ruočis (1971), Itualies (1964);
• Persounallizet: Petroskoil (1968, 1978, 1983, 1986), (1969), Moskovas (1964, 1984, 1986), Suomes (1991).

Аl'bomat

• Авдышев А.И. Валаам. — Петрозаводск: Карелия, 1971. — 48 с. — 20 000 экз.;
• Авдышев А.И. Кижский альбом. — Петрозаводск: Карел. кн. изд., 1966. — 15 с. — 15 000 экз.;
• Авдышев А.И. Мой Север светлый. — Петрозаводск: Карелия, 1983. — 62 с. — 5 000 экз.;
• Карелия: Гравюры А. Авдышева / Сост. И.И. Купцов. — М.: Сов. Россия, 1986. — 158 с. — 20 000 экз..

Runoilijan tevokset

• Авдышев А.И. Северные зори. — Петрозаводск: Госиздат КФССР, 1956. — 39 с. — 1 500 экз.;
• Авдышев А.И. Край озёрный, край лесной. — Петрозаводск: Карел. кн. изд., 1964. — 54 с. — 3 000 экз.;
• Авдышев А.И. Красные снега. — Петрозаводск: Карелия, 1977. — 110 с. — 5 000 экз.;
• Авдышев А.И. Заонежье. — Петрозаводск: Карелия, 1984. — 79 с. — 3 000 экз.;
• Авдышев А.И. Возвращённая весна. — М.: Современник, 1985. — 80 с. — 10 000 экз.;
• Авдышев А.И. Сердце моё. — Петрозаводск: Карелия, 1987. — 349 с. — 5 000 экз.;
• Авдышев А.И. И свет, и тень. — Петрозаводск: Карелия, 1997. — 478 с..

Palkindot da arvonimet

• Kunnivonmerki -kunnivomerki;
• Ven'an federatiivizen socialistizen nevvostotazavallan arvostettu taidokuvailii, vuvvennu 1984;
• Karjalan avtonoumizen socialistizen nevvostotazavallan taidoalan arvostettu ruadai, vuvvennu 1959;
• Karjalan avtonoumizen socialistizen nevvostotazavallan Valdivollizen palkindon laureattu, vuvvennu 1986.

Musto

• Taidokuvailii Avdiševoin ajotie Petroskoin Kukoinmäin suvipuolen mikrorajonas;
• Mustolaudu on koin seinäs, kus eli A. I. Avdišev Petroskoin linnas. Se on Kuibiševan uuličal, kois № 14.

Taidokuvailijan arhiivu pietäh tallel Valdivollizes Karjalan tazavallan kanzalline arhiivu -b’udžiettulaitokses.

Pereh

Akkah — Valentina Mihailovna Avdiševa, oli ymbäristökuvien mualuaju, gruafiekku, lavastai, Karjalan avtonoumizen socialistizen nevvostotazavallan taidoilijoin liiton johtai.

Poigah — Andrei, tyttäreh — Jelena.

Huomavukset

Kirjalližus

• Плотников В.И. Алексей Иванович Авдышев. — Л.: Художник РСФСР, 1968. — 44 с. — 5 000 экз.
• Гин М. Книга живописца и поэта // "Север (журнал)". — 1978. — № 11.
• Маркова Е. Между жизнью и смертью // "Север (журнал)". — 1998. — № 6.
• Кошкина О.П. Алексей Авдышев. — Петрозаводск: Карелия, 1978. — 56 с. — 1 000 экз.
• Калинин Е. С. Художники Карелии. — Петрозаводск: Карелия, 2000. — С. 143. — 159 с. — 1 000 экз.
• сост. Ю. И. Дюжев. Писатели Карелии: библиографический словарь/Карельский научный центр РАН. — Петрозаводск: "Острова", 2006. — С. 116—118. — 306 с. — 1 000 экз.
• Карелия: энциклопедия: в 3 т. / гл. ред. А. Ф. Титов. — Петрозаводск: "ПетроПресс", 2007. — Т. 1: А — Й. — С. 113. — ISBN 978-5-8430-0123-0.

Linkat

• Дон Кихот гравюры (рус.). Сайт Карелия официальная. Kačondan päivymiäry: 4. elokuudu 2025.
• Наследие мастера (рус.). Сайт Карелия официальная. Kačondan päivymiäry: 4. elokuudu 2025.