Blahvešen'n'an Iona-Jašjärveläzen manasteri

Благовещенский Ионо-Яшезерский монастырь
	Manasteri
Благовещенский Ионо-Яшезерский монастырь
	Blahvešen'n'an Iona-Jašjärveläzen manasteri
	61°19′19″ с. ш. 34°56′24″ в. д.GЯO
Mua	Ven'a;
Sijoittumine	Onieganrannikon piiri, Karjalan tazavaldu
Konfessii	pravosluavii
Jeparhii	Petroskoin jeparhii
Tiippu	miesmanasteri
Perustai	prepodobnoi Iona Jäšjärveläine
Perustandan päivymiäry	1562
Piätapahtumat
	1562 — perustandu; 1918 — salbuandu; 2003 — avuandu;
Vahnembi	igumen Dosifei (Larionov)
Stuatussu	ОКН № 1002498000№ 1002498000
Tila	toimii
Verkosivusto	yashezero.ru
	Медиафайлы на РУВИКИ.Медиа

Blahvešen'n'an Iona-Jašjärveläzen manasteri (ven. Благове́щенский Ио́но-Яшезе́рский монасты́рь) on Ven'an pravosluavizen kirikön Petroskoin jeparhien miesmanasteri. Se on ei loitton Šoutjärven kyläspäi, Jäšjärven da Heinyjärven välis^[2]. Kuuluu histourien da arhitektuuran mustomerkilöih.

Elävytetty manasteri on kogonah restauroittavu, kai huonukset ollah murennuot da velleskundu eläy vuvvennu 2004 perustetus manasterin talois Šoutjärves^[3].

Histourii

XVI vuozisuan toizel puoliškol prepodobnoi Iona Jäšjärveläine, kudai oli vepsäläine, perusti manasterin ei loitton omas Šokšan kyläspäi, Jäšjärven rannale, muinazen paganalazen uskon kohtale, se merkičči pravosluavizen uskon voittuo paganalližuon piäl.

Enzimästy kerdua manasterii mainitah vuvvennu 1562 liittokniigas, kudai avattih varoin keriämizekse manuahoin yhtevyksen perustamizeh niškoi. Tädä vuottu pietäh manasterin perustanduvuvvennu. Silaigua nostettih puuhine kirikkö Jumaldoman Blahvešen'n'an nimeh, yhteseländykel’l’at da talohushuonukset.

1. kezäkuudu vuvvennu 1589 Ionan, starcu Iosifan da manasterin vellien kyzyttyy Novgorodan da Velikije Luki -linnan mitropoliittu Aleksandr allekirjutti kunnivokirjazen, kudai piästi manasterin verolois. Siästettylöih varoih vuvvennu 1629 nostettih Spuasan kirikkö.

Vuvvennu 1725 "vähäzes tarbehes" manasterimua rubei kuulumah Klimeneckoih miesmanasterih. 14. oraskuudu vuvvennu 1726 Svirskoin manasterin (ven.) (olo. tiluajan arhimandriittu Kirilän käskys Jäšjärveläine manasterimua rubei kuulumah manuahu Nifontan hantuzih. Vuvves 1734 se kogonah rubei kuulumah Svirskoih manasterih.

3. sulakuudu vuvvennu 1741 Klimeneckoin manasterin strojitel' ijeromanuahu Kornilii käski Gennadii-manuahale valvuo kirikkölöi da kirikkövehkehii Blahvešen'n'an Iona-Jašjärveläzen manasteris. Manuahu Gennadii mindählienne sinävuon ei lähtenyh Jäšjärven manasterimuale, a tuli sinne vaste 1744 vuvvel. Silloi manasterimual ižändöičči Klimeneckoin manasterin tavalline ruadai Ivan Ivanov. Sit aijas kai oli tulluh nengomah kundoh, ku Gennadii-manuahan tulduu manasteris oli ei enämbiä viitty piädy žiivattua.

Jekaterina II:n uvvistuksen mugah vuvvennu 1764 Jäšjärven manasteri salvattih iččenäzenny da se rubei kuulumah Novgorodan arhijerein kodih (Petroskoin ujezdan (ven.) (olo. Ivinskoih prihodah).

Petroskoin 1. gil’dien kauppumiehen da mecenuatan, Šokšan kyläs rodivunnuon Mark Pimenovan varoih nostettih Spuasan kirikkö^[4].

Vuvves 1852 vuodessah 1857 manasteri rubei kuulumah Anuksen arhijerein taloih. Anuksen gubernien arhitektoran V. V. Tuhtarovan (ven.) (olo. projektan mugah da johtol vuvvennu 1853 piettih manasterin huonuksien elävytysruadoloi.

12. syvyskuudu vuvvennu 1857 Pyhän Sinodan käskys Jäšjärven manasterimua rodih iččenäzekse. Sille syynny oli se, ku lahjoituksih da manasterin tuloloih sai nostua uuzi aidu bašn’oinke, kel’l’ukorpusat manuahoih niškoi da erilazet talohushuonukset, se avvutti manasterile parandua omua tilua.

Vuvvennu 1903 manasteris eli kaheksa manuahua. Se oli muapaloin, meččymualoin da kahten järven omistajannu. Vuvvekse 1907 sie eläjiä oli 12 hengie.

Vuvvennu 1918 jälgimäzet seiččie manuahua, kudamat ei tahtottu jättiä manasterii, ammuttih, manasteri salvattih, a sen omažus nacionaliziiruittih. Manasterin alovehel oldih penitenciarnoit laitokset, kezäleirit, meččytalohuon laitokset da muut. 1980-luvun allus suurin oza huonuksis oli levitetty.

Vuozinnu 1990 oli suurin kaimavus: Jumaldoman Blahvešen'n'an vahnu puuhine kirikkö poltettih. Jäi vaiku puolekse levitetty Spuasan kirikkö, kiviaijan čuppulois olijat bašn’at da kaksi piendy manasterin huonustu.

Nygöine aigu

26. talvikuudu vuvvennu 2003 Pyhän Sinodan piätökses avattih Blahvešen'n'an Iona-Jašjärveläzen manasteri, ku sie suas elävyttiä ruado^[5].

Igumen Dosifein ruavon hyvyös keviäl vuvvennu 2004 luajittih Huolenpidonevvosto Iona-Jašjärveläzen manasterin pellastamizekse.

Luajittih manasterin huonuksien pasportizacii, projektiiruijah uvven kirikön nostandua Jumaldoman Blahvešen'n'an nimeh^[6].

Ei ole dorogua manasterih (7 kilometrii tiedy on ylen pahas kunnos), min periä kohendusruadoloi on vaigei pidiä. Vaste vuvvennu 2012 manasterin lähäl olijan matkailukoin omistajan varoih erähii haudoi tiel täytettih kivimurendehel^[7].

Kestonskoin yliopiston ven. «Религиозно-общественная жизнь российских регионов»-julgavos pandih merkile:

Nämmii vellilöi toven voibi sanuo podvižniekoikse: ihan köyhäl, vähäluguzel da kogonah sekul’ariziiruitul alovehel hyö voidih kaikis perindöllizis vepsäläzis kylis (nygöi niilöis on äijy ven’alastu) restauriiruija, nostua da luadie kirikköhuonuksii, perustua obščinat da työnyttiä kirikköelos — pyhänpäivän školat, pruazniekat da kilvat lapsih niškoi, pienet avut vähävarazile. Yhtelläh kai aktiivu da enimät uksovazis ollah ven’alazet, igumen Dosifein sanoin mugah vepsäläzet reagiiruijah pahoi uskon kuččuloih. Sluužbis lugietah erähii malittuloi vepsän kielel, ga muudu ei ole — lapset da nuoret ei malteta vepsän kieldy^[8].

Vahnembat

igumen Iona Jäšjärveläine (XVI vuozisada);
Jevfimii (1671);
Feodosii (1682);
Antonii (1764)^[9];
Isihii (1850-lugu);
manasterin strojitel’ ijeromanuahu Pimen, jälles igumen (1853 vuvven algu — 1890-luvun algu)^[10]^[11];
ijeromanuahu Antonii (mainitah 1898—1902);
ijeromanuahu Isajija (1903—1912);
ijeromanuahu Nikon (1913—1917)^[12];
ijeromanuahu Nikodim, haldivoiččii (1917);
igumen Dosifei (Larionov) (talvikuun 26. päiväs vuvvennu 2003).

Huomavukset

↑ Иона (преподобный яшезерский) // Русский биографический словарь : в 25 томах. — СПб.—М., 1896—1918.
↑ Святыни вепсского края / составитель игумен Досифей (Ларионов) — Петрозаводск: КопистарОптима, 2012 — С. 10.
↑ Архивированная копия (неопр.). Kačondan päivymiäry: 1. heinykuudu 2025. Arhiviiruittu 25. kezäkuudu 2014
↑ Династия семьи Пименовых Arhiivukoupii 5 kezäkuudu 2011 Wayback Machine
↑ Журналы заседания Священного Синода от 26 декабря 2003 года : Русская Православная Церковь (архив) (неопр.). Kačondan päivymiäry: 1. heinykuudu 2025. Arhiviiruittu originualaspäi 4. kevätkuudu 2016
↑ Богданова в. Юбилей на руинах Arhiivukoupii 19 sulakuudu 2012 Wayback Machine
↑ Коннова Н. И один в поле воин // ТВР-Панорама. 2012. 29 августа
↑ Религиозно-общественная жизнь российских регионов. Том II / Научный редактор Сергей Филатов. — М. ; СПб.: Летний сад, 2016. — С. 191. — ISBN 978-5-98856-235-1.
↑ Строев П. М. Списки иерархов и настоятелей монастырей российской церкви — Спб., 1877, с.1001
↑ Барсов Е. В. Алфавитный указатель монастырей и пустынь, упразднённых и существующих в Олонецкой губернии, с их настоятелями // Памятная книжка Олонецкой губернии на 1867 год. Издание Олонецкого губернского статкомитета: Петрозаводск, Олонецкая губернская типография, 1867. — с.29
↑ Список должностным лицам гражданского, военного и других ведомств Олонецкой губернии: 1-го января 1894 года. — Петрозаводск: Губерн. тип., 1894 — с. 123
↑ Памятные книжки Олонецкой губернии за 1860—1869, 1902—1917 гг.

Kirjalližus

Олонецкая епархия : страницы истории / сост. Н. А. Басова и др. — Петрозаводск, 2001. — 253 с.
Андрей Фарутин Красная дорога на Яшезеро Arhiivukoupii 15 heinykuudu 2009 Wayback Machine // Независимая газета. — 2003. — 12 января.
Схимник страждущей Руси: 440-летию Благовещенского монастыря посвящается / Сост. иеромонах Досифей (Ларионов). — СПб., 2007
Константин Север Спасут ли в Вепсском крае древнюю святыню? // Карелия. — 2010. — № 72.
Кожевникова Ю. Н. Пять веков истории. Благовещенская Яшезерская пустынь. — Петрозаводск: Verso, 2014. — 343 с. — (Уникальные места России). — ISBN 978-5-91997-144-3.
Точилин О. Н., Шарафутдинова А. А. Сканирование Благовещенского Ионо-Яшезерского монастыря // Градостроительство. — 2022. — № 3-4 (79-80). — С. 26-30.

Linkat

[1] Иона (преподобный яшезерский) // Русский биографический словарь : в 25 томах. — СПб.—М., 1896—1918.

[2] Святыни вепсского края / составитель игумен Досифей (Ларионов) — Петрозаводск: КопистарОптима, 2012 — С. 10.

[3] Архивированная копия (неопр.). Kačondan päivymiäry: 1. heinykuudu 2025. Arhiviiruittu 25. kezäkuudu 2014

[4] Династия семьи Пименовых Arhiivukoupii 5 kezäkuudu 2011 Wayback Machine

[5] Журналы заседания Священного Синода от 26 декабря 2003 года : Русская Православная Церковь (архив) (неопр.). Kačondan päivymiäry: 1. heinykuudu 2025. Arhiviiruittu originualaspäi 4. kevätkuudu 2016

[6] Богданова в. Юбилей на руинах Arhiivukoupii 19 sulakuudu 2012 Wayback Machine

[7] Коннова Н. И один в поле воин // ТВР-Панорама. 2012. 29 августа

[8] Религиозно-общественная жизнь российских регионов. Том II / Научный редактор Сергей Филатов. — М. ; СПб.: Летний сад, 2016. — С. 191. — ISBN 978-5-98856-235-1.

[9] Строев П. М. Списки иерархов и настоятелей монастырей российской церкви — Спб., 1877, с.1001

[10] Барсов Е. В. Алфавитный указатель монастырей и пустынь, упразднённых и существующих в Олонецкой губернии, с их настоятелями // Памятная книжка Олонецкой губернии на 1867 год. Издание Олонецкого губернского статкомитета: Петрозаводск, Олонецкая губернская типография, 1867. — с.29

[11] Список должностным лицам гражданского, военного и других ведомств Олонецкой губернии: 1-го января 1894 года. — Петрозаводск: Губерн. тип., 1894 — с. 123

[12] Памятные книжки Олонецкой губернии за 1860—1869, 1902—1917 гг.

[1]

[2]

[3]

[4]

[5]

[6]

[7]

[8]

[9]

[10]

[11]

[12]