Karjalan Vozduh (festivuali)

On otettu Рувики-späi
Täl terminäl ollah toizetgi merkičykset, kačo. Vozduh (merkičykset).
ven. «Воздух Карелии»
Изображение логотипа
Päivymiäry kezäkuu
Piendypaikku Petroskoi, Karjalan tazavaldu, Ven'a
Vuvvet vuvves 2005 — täh aigassah
Žanru rok, pop-rok, pank-rok, folk-rok
Verkosivusto vozduh.info

«Karjalan Vozduh» (ven. Во́здух, tundietah sežo kui ven. «Се́верное наше́ствие», ven. «Во́здух», ven. «Се́верный во́здух») on Ven'an ulgoilmufestivuali, kudamua joga vuottu kezäkuul pietäh Petroskois. Ven'an luodehpuolen suuri tapahtumu[1].

Vuvvennu 2025 festivuali piettih 12.—15. kezäkuudu Peski-lendoazemal.

Festivualis

«Karjalan Vozduh» on muuzikkufestivuali, kudai yhtistäy eri muuzikkustiililöi da -aloi. Sie ezitytäh kui enzimäzii askelii täl alal polgijat, mugai tundietut pajattajat[2].

Vuvvennu 2025 festivualis piettih erilline tapahtumu: ižänmuansuvaičuspajon kilvan finualu «Ven’a — se olemmo myö» (ven. «Россия — это мы»)[3].

Festivualin luadijat sanotah tapahtumua "perehtapahtumakse", sen ploščadkoil taritah aktiivižuksii lapsile sego vahnembile: on ilolaittehii, iloituskohtii, lapsien tanderii, kus ruatah animuatorat.

Vuvvennu 2025 festivualin luadijat sanottih, ku festivualin alovehel rubieu ruadamah Zagsu molodoloin kirjoihmenemizeh niškoi[4] da pietäh ilmumiäččylöin festivualii[2].

Festivualil alovehel pietäh Luajittu Karjalas -ozutteluu. Neroniekkoin kävelykujol paikallizet muasterit pietäh muasteriopastuksii da omien valmistehien jarmankua[2].

Festivualin tulenduviiteh

Piendypaikku

Muuzikkufestivualii pietäh Peski-lendoazemal, kudai on Oniegujärven rannal Petroskoin linnas. Lendoazemaspäi dorogas poikki on kezoirandu[5].

Puuttuo festivualih voibi yhteiskunnallizel transportal. Petroskoin keskuksespäi libo raududoroguazemalpäi sih menöy 15—20 minuuttua, lendoazemaspäi — läs 30 minuuttua[5].

Infrastruktuuru

Festivualin piendykohtas on mostu objektua[2]:

  • palatkulinnu (600:ssah palatkua kaččojih nähte);
  • mašinoin azetuskohtu — yhteh tuhandessah paikkua;
  • iloitustanner;
  • lapsien aloveh;
  • fudkort;
  • sportulagevot.
Festivualin lava vuvvennu 2023

Nimi

Karjalan Vozduh -muuzikkufestivualin nimes vozduh-sana rodih ven. «ВОЗвышение ДУХа»-sanayhtymän lyhendyksenny[4].

Festivualin histourii

2005—2010

Ven’an ulgoilmumuuzikkufestivualin «Karjalan Vozduh» histourii algavui vuvvennu 2005, konzu petroskoilaine, yhteiskunnalline ruadai Maksim Mazurovskii[6] rubei duumaimah luadie tazavallas suuri muuzikkutapahtumu[7]. Karjalan tazavallan opastandu- da kul’tuuruministerstvoin avul sego ven. «Наше радио — Петрозаводск»-ruadivostansien da Nika-TV-yhtevyksen avul Mazurovskii Peski-lendoazemal 17.—18.. kezäkuudu vuvvennu 2005 järjesti ulgoilmumuuzikkufestivualin ven. «Северное нашествие»[8]. Petroskoi rodih enzimäzekse linnakse (ei oteta luguh miljoniekku-linnoi), kus piettih rok-festivuali brendal ven. «Нашествие»[9]. Sie ezittymäs oldih Naik Borzov, ven. «Ночные снайперы», ven. «Маша и Медведи», ven. «Задвиги Поплавского», Aspirin, D'Airot da muut. Hedlaineroikse roittih joukot ven. «Сплин» da ven. «Чайф». Pajattamah sežo tuldih Petroskoin, Murmanskan, Severodvinskan da Kostamuksen pajattajat: hyö ezityttih kuulužien pajattajien ezityksien välis[9]. Festivualih kävyi 12 tuhattu hengie. Sen luadijoi palkittih yhteiskunnallizel palkindol ven. «Город, устремлённый в будущее» nominacies «Vuvven 2005 yhteiskunnalline alguhpano»[8].

Vozduh-festivuali. Arhiivukuva

Jälles festivualii ruvettih pidämäh Vozduh-nimel»[10]. Vuozinnu 2005—2009 se oli jogavuodine. Sidä piettih enimyölleh huogavopäivinny, kudamat oldih kezäkuun jälgimäzii huogavopäivii enne, nedäli enne Petroskoin linnan päiviä[11].

Vuvvennu 2010 festivuali huavattih pidiä 18.—20. kezäkuudu[12], ga 10. kezäkuudu ohjailukomitiettu ilmoitti, ku sidä ei rodei: luadijat ei voidu suaja lubua konsertuploščadkan käyttämizekse[13]. Festivualin ohjailukomitietan piälikkö Jelena Šaglina ilmoitti lehtistökonferensies, ku hyö ei voidu sobie niyhtes kehoitetus ploščadkas[14]. Karjalan syväinazienloin ministerstvan alaine tutkindohallindo pani rattahile kriminualuazien festivualin luadijoi Šaglinua da Mazurovskoidu vastah. Tutkindon versien mugah hyö varrastettih Karjalan b’udžietaspäi 1,5 miljonua rubl’ua, heidy sežo viäritettih virgumuanitukses da virgutäyzivaldažuksien viärinkäyttämizes. Pakkaskuul vuvvennu 2013 viäritändät varoin varrastamizes otettih iäre[6]. Sulakuul vuvvennu 2013 Šaglinua suudittih kahtekse vuottu uslovno, Mazurovskoidu — kolmekse vuottu uslovno[15].

2013—2016

Tulien festivualin Maksim Mazurovskii luadi syvyskuul vuvvennu 2013 Kendjärven rannal, 20 kilmometrii piäs Petroskoispäi. Sil oli ven. «Воздух. Перезагрузка»-nimi[6], sie ezityi läs 40 pajattajua, hedlaineroinnu oldih ven. «Алиса», ven. «Ария», ven. «КняZz», ven. «Ляпис Трубецкой». Festivualih kävyjiä oli läs 12 tuhattu hengie[16].

Vuvvennu 2014 festivuali piettih kezäkuul Peski-lendoazemal nimel ven. «Северный воздух»[17].

Palatkulinnu Vozduh-festivualis vuvvennu 2013

Vuvvennu 2015 festivuali pidi oman 10-vuozipäivän[18]. ven. «Наше радио»-ruadivostansienke kiistoin jälles, kudamal oldih luadijan oigevukset Vozduh-brendah, festivualin luadijat piätettih muuttua nimi, pandih ven. «Воздух Карелии»-nimi[19].

Kevätkuul vuvvvennu 2016 festivualin perustai da järjestäi Maksim Mazurovskii ilmoitti, ku festivualii ei voija pidiä rahavaroin periä[20]. Jälles Mazurovskii kiändyi vallasolijoin puoleh, ku avvutettas tapahtuman finansiiruičendas[21].

Vuvvennu 2019 opittih pidiä festivualii Murmanskas[22], ga ideidy ei kannatettu paikallizet vallasolijat[23].

Vuvves 2023

Vuvvennu 2023 muuzikkufestivualii ruvettih pidämäh uvvessah, sil oli nimi ven. «Воздух Карелии». Festivuali piettih Prezidentan kul’tuurualguhpanoloin fondan  (ven.) (olo. kannatuksel. Maksim Mazurovskoin sanoin mugah huavattih luadie ei "suuri pido", ga rodih ylen suuri projektu. Vuvven 2023 festivualin piendykohtakse rodih karjalazen Pakkasukon Talviukon muatila Čalnan kyläs. 16.—18. kezäkuudu festivualin laval ezityi enämbi 40 pajattajua. Vedäjänny oli ven. «АукцЫон»-rok-joukon frontmen Oleg Garkuša  (ven.) (olo.[24].

Vuvvennu 2024 festivuali piettih Talviukon muatilas 14.—16. kezäkuudu. Sie ezityi enämbi 50 luomisruadojoukkuo (Rock Privet, GSPD, Jurii Loza, ven. «План Ломоносова», ven. «Конец фильма», ven. «Кирпичи», Jane Air, Sergei Bobunec, Vadim Samoilov, Kipelov, ven. «Кино» da muut[25]). Festivualis oli 25 tuhattu kaččojua[2].

ven. «Воздух Карелии»

Vuvvennu 2025 festivuali täytti 20 vuottu. Sen pidämizekse enzikerdua perustettih halličuksen ohjailukomitiettu Karjalan tazavallan piämiehen Artur Parfenčikovan johtol. Festivualii sai Ven’an puolistusministerstvan kul’tuurudepartuamentan kannatuksen. Sen piendypaikakse uvvessah rodih Peski-lendoazemu. Enzikerdua festivualii piettih nelli päiviä (12.—15. kezäkuudu), enzikerdua sen alovehel luajittih tuottajien Luajittu Karjalas -ozuttelu, ruadoi Zagsu molodoloin kirjoihmenemizeh niškoi[4]. Festivualin b’udžiettu oli enämbi 100 miljonua rubl’ua[26]. Sen ohjelmas oli enämbi migu 60 pajattajan da joukon ezitysty[1] (RammProject, ven. «Шекsпир», ven. «Ундервуд», ven. «Гудтаймс», ven. «Биртман», ven. «Горшенев», ven. «Алиса» da toizet)[26]. 12. kezäkuudu festivualin laval piettih ižänmuansuvaičuspajon Ven’a — se olemmo myö -kilvan finualu ven. «Россия — это мы»[3].

Festivualin hedlainerat

  • 2005 — ven. «Сплин», ven. «ЧайФ»;
  • 2006 — ven. «Алиса», ven. «Король и Шут», Brainstorm;
  • 2007 — ven. «Агата Кристи», ven. «Браво», ven. «Ленинград»;
  • 2008 — ven. «Король и Шут», ven. «Кипелов», ven. «Чиж и Co», ven. «Ночные снайперы», ven. «Пилот»;
  • 2009 — ven. «Алиса», Brainstorm, ven. «ЧайФ»;
  • 2013 — ven. «Алиса», ven. «Ария», ven. «КняZz», ven. «Ляпис Трубецкой»;
  • 2014 — The Rasmus, ven. «ДДТ»;
  • 2015 — ven. «Пикник», Lumen, Liroi Tornhill;
  • 2023 — ven. «Алиса», «TODD», ven. «Пилот», ven. «Гарик Сукачёв», ven. «СерьГа», ven. «Мара»;
  • 2024 — ven. «Кино», Vadim Samoilov, Kipelov.

Huomavukset

  1. ↑ 1 2 «Ария», «Пилот» и свадьбы у Вечного огня: чем удивит фестиваль «Воздух Карелии» в День России. www.intermedia.ru (10. kezäkuudu 2025). Kačondan päivymiäry: 10. kezäkuudu 2025.
  2. ↑ 1 2 3 4 5 Партнёрам (рус.). vozduh.info. Kačondan päivymiäry: 10. kezäkuudu 2025.
  3. ↑ 1 2 Артур Парфенчиков пригласил всех меломанов на «Воздух Карелии» - Ника ТВ, Ника ТВ (10 kezäkuudu 2025). Kačondan päivymiäry: 10. kezäkuudu 2025.
  4. ↑ 1 2 3 Юбилейный семейный фестиваль «Воздух Карелии». moybusiness2025.guu.ru. Kačondan päivymiäry: 10. kezäkuudu 2025.
  5. ↑ 1 2 Площадка (рус.). vozduh.info. Kačondan päivymiäry: 10. kezäkuudu 2025.
  6. ↑ 1 2 3 Самые заметные люди Карелии на Karelновости. Kačondan päivymiäry: 10. tuhukuudu 2015. Arhiviiruittu originualaspäi 4. talvikuudu 2014
  7. ↑ Фестиваль "Воздух Карелии" соберет рок-звезд и финалистов конкурса "Россия - это мы!", Российская газета (14 kezäkuudu 2023). Kačondan päivymiäry: 10. kezäkuudu 2025.
  8. ↑ 1 2 Дом Рока | ВКонтакте. vk.com (17. sulakuudu 2016). Kačondan päivymiäry: 10. kezäkuudu 2025.
  9. ↑ 1 2 Дышите глубже! Это "Воздух"! (22 kezäkuudu 2005). Kačondan päivymiäry: 10. kezäkuudu 2025.
  10. ↑ Рок-фестиваль Воздух - 2006. gildiamasterov.ru. Kačondan päivymiäry: 10. kezäkuudu 2025.
  11. ↑ Васильев, Виктор. Воздух-2014, Арт-Журнал ОКОЛО (10 sulakuudu 2014). Kačondan päivymiäry: 10. kezäkuudu 2025.
  12. ↑ «Воздух» запретили? Kačondan päivymiäry: 13. kezäkuudu 2010. Arhiviiruittu originualaspäi 23. heinykuudu 2012
  13. ↑ Отменен карельский музыкальный фестиваль «Воздух-2010» (10 kezäkuudu 2010). Kačondan päivymiäry: 10. kezäkuudu 2025.
  14. ↑ «Воздух» отменили, но страсти не утихают, AiF (16 kezäkuudu 2010). Kačondan päivymiäry: 10. kezäkuudu 2025.
  15. ↑ Максим Мазуровский: Буду бороться дальше. stolicaonego.ru (30. sulakuudu 2013). Kačondan päivymiäry: 10. kezäkuudu 2025.
  16. ↑ Фестиваль "Воздух Карелии" | ВКонтакте. vk.com (9. syvyskuudu 2013). Kačondan päivymiäry: 10. kezäkuudu 2025.
  17. ↑ После «перезагрузки». Kačondan päivymiäry: 23. kezäkuudu 2014. Arhiviiruittu originualaspäi 14. heinykuudu 2014
  18. ↑ Сможет ли «Воздух» проветрить Карелию? (рус.). Петрозаводск ГОВОРИТ | Газета "Петрозаводск" online | Новости Петрозаводска и Карелии (30. elokuudu 2019). Kačondan päivymiäry: 17. talvikuudu 2021. Arhiviiruittu 8. ligakuudu 2021
  19. ↑ Карельский фестиваль «Воздух» спорит с «Нашим радио» из-за названия (рус.). www.intermedia.ru (26. kevätkuudu 2015). Kačondan päivymiäry: 17. talvikuudu 2021. Arhiviiruittu 8. ligakuudu 2021
  20. ↑ Рок-фестиваля «Воздух» в Карелии в этом году не будет (рус.). karel.aif.ru (14. kevätkuudu 2016). Kačondan päivymiäry: 17. talvikuudu 2021. Arhiviiruittu 8. ligakuudu 2021
  21. ↑ Трофимова, Любовь. «Алиса», Гарик Сукачёв и Игорь Растеряев. До фестиваля «Воздух» остается три недели | karelia.news, karelia.news | Новостной портал Республики Карелия (25 oraskuudu 2023). Kačondan päivymiäry: 10. kezäkuudu 2025.
  22. ↑ Возродить фестиваль «Воздух» хотят в Мурманске, murmansk.kp.ru - (30 oraskuudu 2019). Kačondan päivymiäry: 10. kezäkuudu 2025.
  23. ↑ В Карелии после многолетнего перерыва возродили популярный рок-фестиваль, РБК (5 syvyskuudu 2022). Kačondan päivymiäry: 10. kezäkuudu 2025.
  24. ↑ Его ждали восемь лет, и он вернулся: как прошел фестиваль «Воздух Карелии 2023», karelinform.ru (20 kezäkuudu 2023). Kačondan päivymiäry: 10. kezäkuudu 2025.
  25. ↑ Фестиваль «Воздух Карелии 2024» отгремел под Петрозаводском. Kačondan päivymiäry: 24. syvyskuudu 2024.
  26. ↑ 1 2 На XX музыкальном фестивале "Воздух Карелии" выступила рок-группа "Алиса", TACC (15 kezäkuudu 2025). Kačondan päivymiäry: 15. kezäkuudu 2025.

Linkat

Lähteh - "https://olo.ruwiki.ru/w/index.php?title=Karjalan_Vozduh_(festivuali)&oldid=126360832"