Karjalan tazavallan kanzalline kirjasto

On otettu Рувики-späi
Karjalan tazavallan kanzalline kirjasto
National Library of Karelia (1).jpg
61°47′22″ с. ш. 34°22′55″ в. д.GЯO
Mua
Adressi Puškinan uuličču, 5, Petroskoi, Karjalan tazavaldu, Ven'a
On perustettu 1833
Fondu
Fondan syväindö kirjat, žurnualat, lehtet, virrallizet julgavot da toizet.
Fondan suurus 1,648 miljonua dokumentua (2011)
Muut tiijot
Johtai Nikišina Marina Viktorovna
Verkosivusto library.karelia.ru
Palkindot Почётная грамота Президиума Верховного Совета РСФСР
Логотип РУВИКИ.Медиа Медиафайлы на РУВИКИ.Медиа
Герб России

Ven'an Federacien kanzoin
kul'tuuruperindön objektat
№ 1030019000

Karjalan tazavallan kanzalline kirjasto on b’udžiettulaitos, Karjalan tazavallan kirjoin piävarasto kanzallizih, tazavallan, ven’alazih da ulgomualazih julgavoloih niškoi. Kirjastos on enämbi 1,6 miljonua eri tiedolaloin dokumentua, kudamii pietäh erilazil tiedoloin säilytysvälinehil[1].

Histourii

15. ligakuudu vuvvennu 1833 Petroskoil Ven’an valdukunnan Syväinpuolizien azieloin ministerstvan kohtinazes käskys Anuksen gubernuattoral A. I. Jakovleval avattih Rahvahalline kirjasto. Kirjaston ruadajakse da kaiččijakse pandih Kaz’onnoin paluatan arhiivanhoidai Lavrentii Martinovič Nikiforov. Kirjaston enzimäzet tilat oldih gubernuattoran valdivonkaznan fatieran tyhjendettylöis pertilöis. Suurin oza kirjaston kirjois oli tiijollis-popul’aristu kirjalližuttu sego muatalovuttu, luonnontiedoloi da liečetieduo koskijat kirjat. Kirjaston toiminan rattahile panendakse oli luajittu Huolenpidäikomitiettu, kuduah kuuluttih gubernien dvor’uanoin piälikkö, Anuksen čugunanvalanduzavodoin  (ven.) (olo. johtai, gubernuattoran sijahine da gubernien opistoloin johtai. Rahvahallizen kirjaston toimindu loppih vuozinnu 1850[2].

2. pakkaskuudu 1860 Rahvahalline kirjasto avattih uvvessah. Täl kerdua Pyöryžäl lagevol Dvor’uanoin kerähmön zualois. Yksi järjestäjis oli Pavel Nikolajevič Ribnikov. Kirjastoh kävyndän azuttih maksullizekse. Kirjaston abonementan hinnas oli maksu kirjois (čotas otettuloin kirjoin lugumiäry yhten kävyndykerran aigua).

Rybnikovan lähtendän jällel vuozien 1860 loppupuolel kirjasto tuaste heitti ruandan.

Kezäkuus vuvvennu 1870 Suuri ruhtinas Aleksei Aleksandrovič kävyi Petroskoile. Hänen matkan aigua sovittih Rahvahallizen kirjaston elvyttämizes, aloitettih dengoin keriändy. Kirjaston avuandah rahvas keräi 200 rubl’ua. Akcien piendäs tiijustettuu, Suuri ruhtinas andoi oman ičen puoles kirjaston hädih 300 rubl’ua. Lopukse kirjasto avavui da sai Aleksejevskoin -nimen. Kirjasto ruadoi linnan endizen kiiniottettuloin vardoičustaloin tilois. Kodvazen peräs kirjaston tilandeh paheni: denguvarua toimindah tuli vähä, putilleh ei voidu pidiä kunnos kirjaston tiloi. Vuvves 1918 kirjasto rubei ruadamah, ga sinävuon paloi. Tilipaloh mendih vähiä vajai kai kirjaston pertit.

National Library of Karelia (01).jpg
Interior National Library of Karelia.jpg

Vuvvennu 1919 Anuksen hengellizen konsistourien endizes talois Puškinan uuličan da Karl Marksan prospektan čupul oli avattu Gubernien kirjasto-luguperti[3], sinne kuuluttih Anuksen hengellizen seminuarien da Petroskoin pedagougizen koulledžan, Anuksen gubernien miehien da Mariinskoin naizien gimnuazieloin, kauppukluuban kirjastoloin kirjuvarastot. 1920 vuozinnu kirjaston johtajien virras oldih Ivan Mihailovič Nikol’skoi (1886—1935)[4], endine zemskoi opastai[5], Boicov Pavel Alekandrovič, Nežin Aleksei Aleksandrovič, vuozinnu 1933—1937 Molod’kov Sem’on Fedotovič[6].

Vuvves 1922 kirjastuo sanotah Karjalan alovehellizekse kirjastokse, vuvvennu 1925 nimi uvvessah muutetah Karjalan rahvahallizekse kirjastokse.

Vuvvennu 1941 Suuren Ižänmuallizen voinan allettuu, Karjalan piälinnan vihaniekan valloitustu vaste, kirjaston varostoloin oza oli vietty Kemih. Läs 10 tuhattu kirjoin kappalehtu oli Kirovan raududorogan Vonguda-azemal (Arhangel’skan aloveh). Petroskoin suomelazien valloituksen aigua (1941—1944) oza kirjuvarastolois oli hävitetty, oza vietty Suomeh. Vuvvennu 1945 Suomi andoi järilleh kirjastole 14 vagonua kirjoinke. Kirjaston taloi voinan aigua meni tuleh. Kemis kirjasto ruadoi vuvves 1944.

Vuvvennu 1947 kirjasto avattih Petroskoin Ruavon dvorčan endizes talois, enne Anuksen gubernien miehien gimnuazii, Karl Marksan prospektal. Kirjastol pandih Karjal-suomelazen socialistizen nevvostotazavallan Valdivolline rahvahalline kirjasto -nimi.

Vuozinnu 1951—1959 kirjaston johtajannu oli Sinicina Anna Maksimovna (1905—1980)]][7].

Vuvvennu 1959 kirjasto muutti uudeh taloih, kuduan nostettih petroskolazen arhitektoran Kusiel’ Jakovlevič Gutinan  (ven.) (olo. projektua myö[8] Puškinan uuličal. Kirjaston taloi kuuluu Karjalan tazavallan kul’tuuruperindön mustomerkilöin luvetteluh.

Ližähuonus Kuibiševan uuličan čuraspäi

Vuvvennu 1960 kirjasto palkittih Ven’an Socialistizen Federatiivizen Nevvostotazavallan Korgeviman Nevvoston Prezidiuman kunnivokirjal[9].

Vuozinnu 1959—1984 Karjalan Nevvostovallan Valdivollizen rahvahallizen kirjaston johtajannu oli Karjalan Nevvostovallan arvostettu kul’tuurualan ruadai Petrov Ivan Mihailovič.

Vuvvennu 1991 kirjastol annettih Karjalan tazavallan kanzalline kirjasto -stuatussu[10].

Vuozinnu 2009—2016 piettih kirjaston taloin suurii kunnostusruadoloi da noistettih sih ližähuonus.

Struktuuru

I. M. Petrovan mustolaudu kirjaston taloin seinäs
  • Johtokundu
  • Ruadajien ozasto, oigevusruado da dokumentuhuoldo
  • Kirjaston toimindan järjestys- da metoudiekkuozasto
  • Kirjaston tiedoresursoin kehitysozasto
  • Kirjastovarastoloin säilytysozasto
  • Tehnolougieloin tiijoitusozasto
  • Käyttäjien kirjalepaniiozasto da palveluabu
  • Kirjaston palvelun tiedotoimisto[11] — Monipuoline luguzualu -laitos — Aigulipputoimisto — Liečetiijollizen literatuuran laitos — Muuzikku-nouttuliteratuuran laitos — Ulgomualazen literatuuran laitos — Harvinazen kniigan da kirju-mustopaččahien ozasto — Niistielöin palvelulaitos
  • Tiijonando-ozasto
  • Kanzallizen da kodialovehliteratuuran da bibliogruafien ozasto — Karjalan tazavallan Kirjupaluattu
  • Karjalan Rerihoin perehen muzei-instituutan keskus (Karjalan Nikolai Rerihan keskus)
  • Lapsien lugukeskus —Päivykodoloin igähizien lapsien da algukluassoin opastujien palvelu -laitos — Keskiškolan igähizien lapsien palvelu -laitos — Luguneroloin kehitysozasto — Kul’tuuruprogrammoin järjestysozasto
  • Kirjaston palvelun tiedotoimiston kompleksu

Huomavukset

  1. ↑ Библиотека сегодня
  2. ↑ История Петрозаводска: власть и горожане. — Петрозаводск: КарНЦ РАН, 2008. — 375 с. ISBN 978-5-9274-0328-8
  3. ↑ Ициксон Е. Е. История здания Карельской публичной библиотеки 1918–1941 гг. // Краеведческие чтения: Материалы VII научной конференции (14—15 февраля 2013 г.). — 2013. — С. 5—14.
  4. ↑ Сообщение о смерти Никольского Ивана Михайловича // Красная Карелия. 1935. 30 декабря
  5. ↑ Никольский Иван Михайлович. Kačondan päivymiäry: 24. talvikuudu 2019. Arhiviiruittu 24. talvikuudu 2019
  6. ↑ Директора библиотеки. Kačondan päivymiäry: 12. tuhukuudu 2020. Arhiviiruittu 19. syvyskuudu 2020
  7. ↑ К 100-летию со дня рождения Анны Максимовны Синицыной. Kačondan päivymiäry: 30. syvyskuudu 2016. Arhiviiruittu 3. ligakuudu 2016
  8. ↑ К. Я. Гутин (к 100-летию со дня рождения). Kačondan päivymiäry: 10. kylmykuudu 2015. Arhiviiruittu 4. kevätkuudu 2016
  9. ↑ Ведомости Верховного Совета РСФСР. — М.: Издание Верховного Совета РСФСР, 1960. — № 12 (6 апреля). — 153—160 с. — [Статьи 173—176.]
  10. ↑ История библиотеки. Хронология. Kačondan päivymiäry: 3. syvyskuudu 2011. Arhiviiruittu 31. ligakuudu 2016
  11. ↑ Отдел библиотечного обслуживания - Отделы библиотеки - О библиотеке - Национальная библиотека Республики Карелия. library.karelia.ru. Kačondan päivymiäry: 22. kezäkuudu 2019. Arhiviiruittu 22. kezäkuudu 2019

Kirjalližus

  • Сухарева Н. М. Карелия, Республика Карелия, Национальная библиотека / Н. М. Сухарева // Библиотечная энциклопедия. — М., 2007. — С. 465—467: ил.
  • Ягодкина В. А. Национальная библиотека Республики Карелия / В. А. Ягодкина // Карелия: энциклопедия. В 3 т. Т. 2. К-П. — Петрозаводск, 2009. — С. 268—269.
  • Национальная библиотека Республики Карелия // Библиотеки России: путеводитель. — СПб., 1996. — Вып. 1. — С. 52—53.
  • Национальная библиотека Республики Карелия / [сост. описания рукописей и авт. вступ. ст.] Е. Н. Кутькова // Памятники книжной старины Русского Севера: коллекции рукописей XV—XX вв. в гос. хранилищах Респ. Карелия. — СПб., 2010. — С. 369—392.
  • Информационные ресурсы Национальной библиотеки Республики Карелия / Нац. б-ка Респ. Карелия; [сост.: Д. А. Зулкарнеева и др.]. — Петрозаводск : [б. и.], 2003. — 94 с.

Linkat

Lähteh - "https://olo.ruwiki.ru/w/index.php?title=Karjalan_tazavallan_kanzalline_kirjasto&oldid=126356039"