Onieganrannikon kallivopiirrokset

Onieganrannikon kallivopiirrokset da Vienanmeren kallivopiirrokset^{[* 1]}
	Muailman perindö, UNESCO
Onieganrannikon kallivopiirrokset da Vienanmeren kallivopiirrokset
	Petroglyphs of Lake Onega and the White Sea
Mua	Ven'anmua
Tiippu	Kul'tuuru
Kritieriet	iii
Linku	1654
Aloveh	Jevrouppu da Pohjas-Amierikku
Kuuluu	2021 vuozi год (UNECSON Muailman perindön komitietan 44. sessii сессия)
	Onieganrannikon kallivopiirrokset (Европа)<div class="ts-ПозКарта-метка" style=" left:Haireh: tundematoi välimerki "[".%; top:Haireh: tundematoi välimerki "[".%">
	↑ Nimi virrallizes ven'ankielizes luvettelus ; ↑ Nimi virrallizes anglienkielizes luvettelus ; ↑ Aloveh UNESCON lajittelun mugah ;
	Медиафайлы на РУВИКИ.Медиа

Onieganrannikon kallivopiirrokset ollah algukandazen kavven monumentualizen taijon mustomerkilöi Karjalan tazavallan Puudogan piiris Oniegujärven päivänouzurannal. Ollah enne meijän aijanluvun IV—III vuozisualoin aigazet^[1].

Yleistiijot

Kallivopiirrokset ollah eri kohtis Besov Nos -niemimuan kallivoloil, Kladovec-, Gagažii-, Peri Nos -niemil da Gurii-suarel, sežo Kareckii Nos -niemel da Kočkovnavolos-niemimual lähäl Šal’skii-kyliä.

Kogonah Onieganrannikon kallivopiirrokset ollah järvirannikol, kudaman piduhus on 20,5 kilometrii, da niilöih kuuluu 24 joukkuo, kudamas on läs 1100 figuurua da merkii^[2]. Enämbi puolii kuvii ollah Peri Nos-, Besov Nos- da Kladovec-niemil. Enimyölleh net ollah linduloin (joučcenien), meččyelättilöin, ristikanzoin da venehien kuvii. Figuuroin suurus on nellässäh santimetrua. Kallivopiirrokset on luajittu rannikkokallivoloile 1-4 millimetran syvyöle da ollah 2,5 metrissäh vien pinnaspäi. Net ollah välläh luajitut.

On olemas arbaituksellizii maagizii figuuroi – kuulužu kolmikko Besov Nos -niemel: ”biessu”, soma (matikku) da sagarvo (šižiliuhku), sežo tundemattomien obrazoin geometriezii figuuroi. Starinan mugah Muromskoin manasterin manuahat XV vuozisuan mail oli luajittu kolmikon piäle hristianskoin ristan – ”pahoin hengien karkoittamizekse”.

Vuvvennu 2018 Onieganrannikon kallivopiirroksii Ven'a on kehoitannuh panna UNESCON kogo muailman kul'tuuruobjektoin luvetteluh. Heinykuul vuvvennu 2021 UNESCON kogo muailman perindön komitietan 44. istundol oli piätetty ottua Onieganrannikon kallivopiirrokset täh luvetteluh (Vienanmeren kallivopiirroksienke rinnal).

Kallivopiirroksien tutkijat

Grevingl, Konstantin Ivanovič (1819—1887) — geolougu da arheolougu, Tarton yliopiston professoru
Hallstrem Gustaf (1880—1962) — arheolougu, professoru, Stokgol'man da Uppsalan yliopiston professoru
Br'usov, Aleksandr Jakovlevič (1885—1966) — Ven'an da Nevvostoliiton arheolougu
Ravdonikas, Vladislav Iosifovič (1894—1976) — algukandazen monumentualizen taijon specialistu, Nevvostoliiton tiedoakadiemien korrespondentu-jäsen
Linevskii, Aleksandr Mihailovič (1922—1985) — kirjuttai, histourien tutkii, arheolougu, etnograffu da rahvahanrunohuon tutkii
Stol'ar, Abram Davidovič (1921—2014) — professoru, arheolougien laitoksen johtai (Leningruadan valdivonyliopisto)
Lauškin, Коnstantin Demjanovič (1922—1994)
Pankrušev, Grigorii Aleksandrovič (1920—1990) — nevvostolaine arheolougu-tutkii, histourientiedoloin douhturi
Klimov, Rostislav Borisovič (1928—2000) — taijon tutkii, moniozazen Taijon yhtenäzen histourien erähii kirjuttajii
Savvatejev, Jurii Aleksandrovič (roin. 1936) — histourientiedoloin douhturi, Ven'an tiedoakadiemien Karjalan tiedokeskuksen Kielen, literatuuran da histourien instituutan johtai
Lobanova, Nadežda Valentinovna (roin. 1953) — histourientiedoloin kandiduattu
Žul'nikov, Aleksandr Mihailovič — histourientiedoloin kandiduattu

Kačo ližäkse

Vienanmeren kallivopiirrokset — on toine Karjalan kallivopiirroksien suurin joukko

Huomavukset

↑ Карелия: энциклопедия: в 3 т. / гл. ред. А. Ф. Титов. Т. 2: К—П. — Петрозаводск, 2009. — 464 с. ISBN 978-5-8430-0125-4 (т. 2) — С. 366—367
↑ Карелия Официальная — Официальный портал органов государственной власти Республики Карелия. — Петроглифы на восточном берегу Онежского озера. Проверено 4 февраля 2010.

Kirjalližus

Равдоникас В. И. Наскальные изображения Онежского озера и Белого моря / Отв. ред. акад. И. И. Мещанинов. — М.; Л.: Изд-во АН СССР, 1936.
Линевский А. М. Петроглифы Карелии. — Петрозаводск: Каргосиздат, 1939. — 192 с. — 2000 экз.
Савватеев Ю. А. Каменная летопись Карелии: Петроглифы Онежского озера и Белого моря / Худож. Д. М. Плаксин; Подготовка оригиналов наскальных рисунков к печати С. И. Зиначева и Д. М. Плаксина. — Петрозаводск: Карелия, 1990. — 120 с. — 10 000 экз. — ISBN 5-7545-0316-4.
Савватеев Ю. А. Наскальные рисунки Карелии. — Петрозаводск: Карелия, 1984. — 216 с.
Савватеев А. Ю. Вечные письмена (наскальные изображения Карелии) — Петрозаводск: КарНЦ РАН, 2007. — 464 с.
Лобанова Н. В. Петроглифы Онежского озера. — М.: Русский фонд содействия образованию и науке, 2015. — 440 с. — 1000 экз. — ISBN 978-5-91244-042-7.

Linkat

[ru_name-1] Nimi virrallizes ven'ankielizes luvettelus

[en_name-2] Nimi virrallizes anglienkielizes luvettelus

[reg-3] Aloveh UNESCON lajittelun mugah

[4] Карелия: энциклопедия: в 3 т. / гл. ред. А. Ф. Титов. Т. 2: К—П. — Петрозаводск, 2009. — 464 с. ISBN 978-5-8430-0125-4 (т. 2) — С. 366—367

[5] Карелия Официальная — Официальный портал органов государственной власти Республики Карелия. — Петроглифы на восточном берегу Онежского озера. Проверено 4 февраля 2010.

[* 1]

[* 2]

[* 3]

[1]

[2]