Pakkasukon juna
| Juna № kirjujuna «Pakkasukon juna» | |
|---|---|
 | |
| Piätiijot | |
| Kategourii | merkijuna |
| Kompanii | Ven'an raududorogat |
| Matku | Siberi, Loittoine Päivännouzu, Urualu, Ven'an Pohjaine da Jevroupan oza |
| Azetuksien lugu | 64 |
| Suurimat linnat | Komsomol'sk-na-Amure, Južno-Sahalinsku, Habarovsku, Vladivostok, Ula-Ude, Irkutsku, Krasnojarsku, Omsku, Čel'abinsku, Magnitogorsku, Ufa, Nižnii Novgorodu, Jekaterinburgu, Moskovu, Piiteri, Petroskoi, Murmansku |
| Aigu matkas | 85 suutkua |
| Piduhus | enämbi 30000 km |
| Puaksuvus | joga vuottu |
| Tehniellizet tiijot | |
Pakkasukon juna on Ven'an raududorogoin erilline pruazniekallizesti čomendettu juna, kudamas on 19 vagonua "siirrettävän Pakkasukon rezidencienke", se ajelou Ven'ua myöte. Juna kerätäh Pakkasukon roindumual Voulogdan alovehen Velikii Ust'ugas, se ajelou ligakuus pakkaskuussah Ven'an 130 linnua myöte Uvven Vuvven joukkopidämizekse.
Junas "siirrettävän" rezidencien ližäkse ollah vagonat interaktiivukohtienke, "Suarnukylä", vagonat kižoih da uvvenvuvven kvestoih nähte, mustolahjoin laukkuvagonu, pohjazien syömizien restoruanuvagonu, fotokupee, temuattizet vagonat ruadokundah nähte[1][2][3][4][5].
Histourii
Enzikerdua Pakkasukon juna Velikii Ustu'gaspäi lähti matkah vuvvennu 2021 Uvven Vuvven pidämizekse Ven'an loittozis alovehis da linnois, sendäh ku niilöin eläjile on vaigei tulla Pakkasukon alallizeh rezidencieh pitkien matkoin periä. Junan luomisruavon hengikundah kuuluu kogo Ven'an Pakkasukko Velikii Ust'ugaspäi, Lumineičoi Kostromaspäi da artistoin da animuattoroin joukko, kudai ozuttau suarnupiähengilöi — Auška-tädii, Treskunan died'oidu, gnoumua, krouliekkoi, tigrua, lumiukkuo da šuršikkua. Kaikis linnois da kaikil stansieloil hyö pietäh pruazniekkuohjelmua: kižoi, tansiloi da hyvittelylöi.
Kävvä Pakkasukon junah, nähtä suarnupiähengilöi stansieloil, azemil, azemulagevoloil da ottua ozua kižoih voijah ilmai kai tahtojat; ga vuittih palveluloih, kudamat koskietah ajandua da lahjoin suandua, pidäy olla lippu. Jälles Uvven Vuvven siirrettäviä piendiä joga vuottu pakkaskuul juna tulou Karjalah, kus Sordavalan stansiel Moroznaja-platformal rodieu ozutteluobjektakse uudeh matkah suate, tulien talvikavven ligakuussah[1][6].
Kauzi 2021/2022
Kavvennu 2021—2022 Pakkasukon juna ajoi enämbän 15 tuhattu kilometrii da kävyi 36 linnah. Pruazniekkupidoloih stansieloil da azemil otti ozua läs 200 tuhattu hengie, heis läs 10 tuhattu ajoi junal.
Kauzi 2022—2023
Kavvennu 2022—2023 Pakkasukon juna 23. ligakuudu lähti kolmekuuhizeh matkah Ven'ua myöte Velikii Ust'ugaspäi Vladivostokassah da Ven'an kaikis loittovimah ruadudorogukohtah — Tyynimeristansiessah Nahodkas. Matku mollembih puolih oli 33 tuhattu kilometrii. Juna meni BAM:an da Transsiban linnoi myöte, Ven'an Jevroupan ozua, Sočii, Piiterii da Moskovua myöte; matkas pidi olla 200 azetustu[6][7].
Kauzi 2023/2024
Kavvennu 2023—2024 Pakkasukon juna lähti matkah 11. kylmykuudu Velikii Ust'ugaspäi, a 27. talvikuudu oli Moskovas. Se 64 päiväs kävyi enämbän migu 80 linnah eri Ven'an alovehil, ajoi enämbän 32 tuhattu kilometrii da loppi matkan Velikii Ust'ugas 13. pakkaskuudu vuvvennu 2024.
Kauzi 2024/2025
Kavvennu 2024—2025 Pakkasukon juna lähti matkah Ven'ua myöte 19. kylmykuudu Velikii Ust'ugaspäi, enzimäzenny azetuskohtannu oli Tanšet-stansii [8][9]. 27. kylmykuudu juna oli jo Komsomol'sk-na-Amure -linnas[10]. Joukkoviestimien tiedoloin mugah 54 päiväs juna kävyi enämbän migu 60 eländykohtah da ajoi läs 30 tuhattu kilometrii. Se ajoi Baikalu-Amuran ajotiedy myöte, azetui Loittozen Päivännnouzun, Siberin, Urualan da Ven'an Jevroupan puolen linnois[11].
Kogo Ven'an Pakkasukko saneli omas matkas[8]:
Minä jo nellätty kerdua lähten matkah meijän muadu myöte omal suarnallizel junal. Matkan aigua kävyn enämbän migu 60 linnah da kai pyörähtämmös Sahalin-suarele, a pakkaskuun allus tulen järilleh kodih Velikii Ust'ugah.
Ven'an raududorogat -laitoksen piäjohtajan sijahizen sanoin mugah juna lähti ajamah Loittostu Päivännouzuu myöte, Transiban raudutiedy myöte da tuli järilleh Siberin, Urualan, Ven'an keskipuolen kauti. Kolesnikov ližäi, ku "Myö reknuammo kävvä Sahalin-suarele. Enzikerdua Sahalinan lapset nähtäh Pakkasukon, sen tiedohusjunan"[12].
Kauzi 2025/2026
Kavvennu 2025—2026 rodieu Pakkasukon junan viijes matku. Suarnujuna, kudamah merkivuvvennu rubei kuulumah 22 vagonua, lähtöy matkah 19. kylmykuudu vuvvennu 2025 Vladivostokaspäi da loppou oman matkan 11. pakkaskuudu vuvvennu 2026 Velikii Ust'ugas. Matku kestäy 54 päiviä, niilöin aigah juna ajau enämbän 20 tuhattu kilometrii da tulou Ven'an 70 linnah. Se kävyy Loittozeh Päivännouzuh, Siberih, Urualale, Ven'an pohjazeh da muan Jevroupan čurah[13], a Uuttu Vuottu junan ruadokundu vastuau Ivanovos[14].
Pruazniekkuohjelmu
Pakkasukon juna on siirrettävy rezidencii, kudamas ollah vastahotandutilat, suarnukylä kižoih da kvestoih nähte, mustolahjoin laukkuvagonu, tyttiteatru da restoruanuvagonu čuajun juondah nähte. Junan piäs on paravozu ven. П36, da sarjan ven. ВЛ-82м harvinaine retroelektrovozu[15].
Pakkasukon junan iloitusohjelmu
On olemas iloitusohjelman kaksi luaduu azetuksen kestoaijas rippujen:
Standartuohjelmu (enämbi kolmie čuassuu):
- Pakkasukon siirrettävän rezidencieh käyndy — kvestas läbi piäzendy, vastavus Pakkasukonke Velikii Ust'ugaspäi, magei lahju Pakkasukos da čuajun juondu restoruanovagonas, poštukartočku ystävile da omile työndämizeh nähte.
- Tyttiteatruvagonu, kudamas pietäh 45-minuuttahine ezitys Pakkasukon junan tyttipiähengilöinke tiedohuon eččoh nähte. Lipun hindah kuuluu spektakli, magei lahju Pakkasukos da hänen videohyvittely.
- Net, ket ei ehtitty ostua lippuu, voijah kävvä mustolahjoin laukkuvagonah da pohjazien syömizien restoruanuvagonah vuoron mugah. Junan tulduu Pakkasukko tulou rezidenciespäi da tervehtiy gostii, а enne junan lähtendiä prostihes heijänke.
Lyhyt ohjelmu (vähembi kahtu čuassuu):
- Ezitysty junan laval voibi kaččuo ilmai, tyttiteatran spektaklih da rezidencieh käyndäh nähte pidäy ostua lippu.
Pakkasukon junan lippuloin hindu
Kavvennu 2025/2026 on myödävinny eri luaduu lippuu:
- Vaiku 6-13 igäzih lapsih niškoi — 2950 rubl'ua;
- 3-5 igäzeh lapseh niškoi da hänenke olijan täyzi-igäzenke (13-igähizis algajen) — 3450 rubl'ua.
Pakkasukon junan siirrettävän rezidencien lippuh kuuluu:
- Animaciiohjelmu junas;
- Vastavus Pakkasukon da Lumineiččoinke Pakkasukon junan siirrettäväs rezidencies;
- Lahju Pakkasukos vaiku lapsele;
- Čuajunjuondu da poštukartočku.
"Tyttiteatru":
- 45-minuuttahine ezitys da magei lahju.
Lipun hindu on 2950 rubl'ua. Tyttiteatran käyndän ohjelmah vastavus Pakkasukonke ei kuulu.
Lippuloi maksollizih ohjelmih myvväh Ven'an ruadudorogoin verkosivustol da loittozien matkoin kasois, siännön mugah 30 päiviä enne junan tulendua. Alenduksii Puškinan kartua myöte ei ole.
Matku 2025
| № | Päivymiäry | Linnu |
|---|---|---|
| 1 | 19.11.2025 | Vladivostok |
| 2 | 20.11.2025 | Ussuriisku |
| 3 | 20.11.2025 | Ružino |
| 4 | 20.11.2025 | Dal’nerečinsku |
| 5 | 21.11.2025 | Habarovsku |
| 6 | 22.11.2025 | Komsomol’sku-na-Amure |
| 7 | 23.11.2025 | Postiševo |
| 8 | 23.11.2025 | Uuzi Ural |
| 9 | 24.11.2025 | Izvestovaja |
| 10 | 24.11.2025 | Arhara |
| 11 | 24.11.2025 | Bureja |
| 12 | 24.11.2025 | Zavitaja |
| 13 | 25.11.2025 | Blagoveščensku |
| 14 | 26.11.2025 | Belogorsku |
| 15 | 27.11.2025 | Šimanovskaja |
| 16 | 27.11.2025 | Magdagači |
| 17 | 27.11.2025 | Skovorodino |
| 18 | 28.11.2025 | Mogoča |
| 19 | 28.11.2025 | Černiševsku |
| 20 | 29.11.2025 | Čita |
| 21 | 30.11.2025 | Petrovskoi zavodu |
| 22 | 30.11.2025 | Ulan-ude |
| 23 | 01.12.2025 | Sl’ud’anka |
| 24 | 02.12.2025 | Irkutsku |
| 25 | 03.12.2025 | Zalari |
| 26 | 03.12.2025 | Nižneudinsku |
| 27 | 04.12.2025 | Kansk-Jeniseiskii |
| 28 | 05.12.2025 | Krasnojarsku |
| 29 | 06.12.2025 | Ačinsku |
| 30 | 07.12.2025 | Kemerovo |
| 31 | 08.12.2025 | Barnaul |
| 32 | 09.12.2025 | Kulunda |
| 33 | 09.12.2025 | Slavgorod |
| 34 | 09.12.2025 | Karasuk |
| 35 | 10.12.2025 | Omsku |
| 36 | 10.12.2025 | Išim |
| 37 | 11.12.2025 | T’umeni |
| 38 | 12.12.2025 | Jekaterinburgu |
| 39 | 13.12.2025 | Čel’abinsku |
| 40 | 14.12.2025 | Ufa |
| 41 | 15.12.2025 | Sterlitamak |
| 42 | 16.12.2025 | Orenburgu |
| 43 | 17.12.2025 | Toljatti |
| 44 | 18.12.2025 | Tambov |
| 45 | 19.12.2025 | Penza |
| 46 | 20.12.2025 | Saransku |
| 47 | 21.12.2025 | Uljanovsku |
| 48 | 22.12.2025 | Kazani |
| 49 | 23.12.2025 | Joškar-Ola |
| 50 | 24.12.2025 | Iževsku |
| 51 | 25.12.2025 | Permi |
| 52 | 26.12.2025 | Kirov |
| 53 | 27.12.2025 | Nižnii Novgorod |
| 54 | 27.12.2026 | Dzeržinsku |
| 55 | 28.12.2025 | Kovrov |
| 56 | 29.12.2025 | Nerehta |
| 57 | 29.12.2025 | Kostroma |
| 58 | 30.12.2025 | Jaroslavl’u |
| 59 | 31.12.2025 | Ivanovo |
| 60 | 02/03.01.2026 | Moskovu |
| 61 | 04.01.2026 | Velikije Luki |
| 62 | 04.01.2026 | Dno |
| 63 | 05.01.2026 | Suuri Novgorodu |
| 64 | 05.01.2026 | Čudovo |
| 65 | 06/07.01.2026 | Piiteri (Uuzi Petergof) |
| 66 | 08.01.2026 | Petroskoi |
| 67 | 09.01.2026 | Murmansku |
| 68 | 10.01.2026 | Voulogdu |
| 69 | 11.01.2026 | Kotlas Južnii |
| 70 | 11.01.2026 | Velikii Ust’ug |
Ruadajat
Junas ruadau enämbi 100 ruadajua, net ollah tehniekat, kohendajat, mašinistat, junan piäliköt, vagonanhoidajat, hallindoruadokundu, vardoiččijat, bufietan da restoruanan ruadajat, vallonhoidajat da muut[1][6].
Ližiä tieduo
Vuvvennu 2023 Pakkasukon juna piäzi Ven'an rekordoin kniigah. Kolmes kuus se ajoi 33 686 kilometrii[16].
Junan matkustelendan kahtes vuvves sen kunnivokse tulendupruazniekkoih otti ozua enämbi 900 tuhattu hengie enämbi migu Ven'an 150 linnas[17].
Vuvven 2022 gallerei
Pakkasukon juna talvikuul 2022
Pakkasukon da Lumineiččoin siirrettävy rezidencii
Pakkasukon juna matkan aigah. Vuozi 2023
Näyttö junan matkanke
Treskun-diedäi junan vagonas
Čuajunjuonduvagon Pakkasukon junas
Auška-buaban perti junan vagonas
Huomavukset
- ↑ 1 2 3 Дед Мороз из Великого Устюга отправился в путешествие по стране. ТАСС (22. ligakuudu 2022). Kačondan päivymiäry: 5. kylmykuudu 2022.
- ↑ Поезд Деда Мороза отправится в рейс по 100 городам России. Известия (22. ligakuudu 2022). Kačondan päivymiäry: 5. kylmykuudu 2022.
- ↑ Поезд Деда Мороза из Великого Устюга отправился в турне по стране. Интерфакс (22. ligakuudu 2022). Kačondan päivymiäry: 5. kylmykuudu 2022.
- ↑ Из Великого Устюга стартует новогодний поезд. Российская газета (1. talvikuudu 2021). Kačondan päivymiäry: 5. kylmykuudu 2022.
- ↑ Дед Мороз отправился в большое путешествие по России на сказочном поезде. Первый канал (6. talvikuudu 2022). Kačondan päivymiäry: 5. kylmykuudu 2022.
- ↑ 1 2 3 Поезд Деда Мороза отправился на Дальний Восток. Российская газета (5. kylmykuudu 2022). Kačondan päivymiäry: 5. kylmykuudu 2022.
- ↑ Стало известно, когда в Петербург приедет волшебный поезд Деда Мороза. Фонтанка (5. kylmykuudu 2022). Kačondan päivymiäry: 5. kylmykuudu 2022.
- ↑ 1 2 Поезд Деда Мороза отправится в путешествие по России 19 ноября, РБК Life. Kačondan päivymiäry: 11. kylmykuudu 2024.
- ↑ Иванова, Т. Поезд Деда Мороза прибыл в Тайшет 19 ноября (рус.). Комсомольская правда (19. kylmykuudu 2024). Kačondan päivymiäry: 19. kylmykuudu 2024.
- ↑ В Комсомольск-на-Амуре приехал поезд Деда Мороза. otr-online.ru (27. kylmykuudu 2024). Kačondan päivymiäry: 27. kylmykuudu 2024.
- ↑ Поезд Деда Мороза сделает остановки на четырёх амурских станциях, Gzt-sv (11 kylmykuudu 2024). Kačondan päivymiäry: 11. kylmykuudu 2024.
- ↑ «Поезд Деда Мороза» прибудет в Москву 3 января, Информационный Центр Правительства Москвы (21 ligakuudu 2024). Kačondan päivymiäry: 11. kylmykuudu 2024.
- ↑ Объявлен маршрут поезда Деда Мороза. Он проедет более 20 тыс. км, РБК Life. Kačondan päivymiäry: 13. kylmykuudu 2025.
- ↑ Поезд Деда Мороза. poezddedamoroza.ru. Kačondan päivymiäry: 15. kylmykuudu 2025.
- ↑ В Великом Устюге презентовали поезд Деда Мороза, TACC. Kačondan päivymiäry: 15. kylmykuudu 2024.
- ↑ Поезд Деда Мороза вошел в Книгу рекордов России. Как он выглядит, РБК Life. Kačondan päivymiäry: 11. kylmykuudu 2024.
- ↑ РИА Новости, 27 декабря 2023. В Москву прибыл поезд Деда Мороза