Lumineičoi

On otettu Рувики-späi
Lumineičoi
V. M. Vasnecov «Lumineičoi». 1899
V. M. Vasnecov «Lumineičoi». 1899
Luadii slavjuanoin suulline rahvahan tuotando da linnan folklouru
Tevokset «Lumineičoi» (suarnu); «Lumineičoi» (ozutelmu); «Lumineičoi» (ouperu); ven. «Снегурушка» (suarnu).
Sugupuoli naine
Igä pieni tyttöine, keskikazvuine tyttöine, neidine
Pereh muanruadajat
Ližänimi ven. Снегурка, ven. Снежевиночка
Логотип РУВИКИ.Медиа Медиафайлы на РУВИКИ.Медиа

Lumineičoi (ven. Снегурочка)[1] on ven'alaine suarnalline da uvvenvuvven piähengi, Pakkasukon vunukku, hänen alalline dovariššu da abuniekku. Pruazniekois on väliniekannu lapsien da Pakkasukon välil[2]. Puaksuh sidä ozutetah pienenny tyttözenny, toiči — neidizenny. Jälgimäzenny puaksumbah: Lumineiččoin kirjalližusobrazan vaikutukses da pruazniekkupalveluloin täyttämizekse (Pakkasukon ystävänny). Enzimästy kerdua Lumineiččoidu Pakkasukon abuniekannu virrallizesti ozutettih vuvven 1937 vastavukses Moskovan Nevvostoloin talois (ven. Доме Союзов)[2].

Piähengen histourii

Ven'alazes folklouras

Lumineiččoin obrazua ei löytty sluavjanoin rahvahan tavois, ga se on rahvahan folklouras[2]. Ven'alazes folklouras Lumineičoi on samannimizen ven'alazen rahvahan suarnan piähengenny, suarnas sanellah lumes luajitus tyttözes Snegurkas (Sneževinočkas), kudai elavui. Tämä juondehen oli muokannuh da juallannuh vuvvennu 1869 A. N. Afanasjev hänen ven. «Поэтические воззрения славян на природу»-ruavon toizes ozas: "Snegurka (Sneževinočka, germuanielazil Schneekind) on suannuh moizen nimen, ku oli roinnuhes lumes". Suarnas ukko da akku luajitah tyttii lumes da se elavuu, a kezäl tyttöine lähtöy ystävienke meččäh da sulau.

Pakkasukko lapsenke Rastavan ennevallankumovuksellizes poštukartočkas

Taijos

Vuvvennu 1873 A. N. Otrovskii Afanasjevan suarnan vaikutukses kirjuttau Lumineičoi-ozutelman. Sie Lumineičoi on Pakkasukon da Keviän vunukannu, kudai kuolou Paiväzen Jumalan Jarilon kezäkunnivoičenduritualan aigah. Häi valgeiverine pelvaspiätyttöine. Enziallus ozutelmu ei suannuh kovua kaččojien tunnustustu, ga vuvvennu 1882 N. A. Rimskii Korsakov kirjutti ozutelman mugah samannimizen ouperan, kudai rodih kuulužakse rahvahan keskes[2].

Jälles Lumineiččoin ulgonägö kehityi XIX vuozisuan lopun — XX vuozisuan allun opastajien ruadolois, kuduat valmistettih lapsien Rastavan illaččuloin käzikirjutuksii. Vie enne vallankumovustu Lumineiččoin bobazii riputettih kuuzeh, tyttözet sellittih Lumineiččoin sobih, ozutettih pienii ozutelmoi Ostrovskoin ozutelman da ouperan mugah. Silloi illaččuloin vedäjänny Lumineičoi ei olluh[2].

Nevvostoliitos

Ligakuun vallankumovuksne jälles uskon oli valdivon kazvajan ahtistuksen da valvondan alazennu, sit luvus oldih Rastavugi da sih kuulujat perindöt. Vuvves 1929 algajen Nevvosto-Ven'al kiellettih Rastavan piendy[3]. nevvostoliiton Rahvahan Komissuaroin Nevvoston vuvven 1929 syvyskuun 24. päivän azetukses "Ruado- da huogavoaijas laitoksis, kudamat siirrytäh keskustumattomah ruadonedälih" "Uvven vuvven päivänny da kaikinnu kirikköpruazniekoinnu (kudamat enne oldih erillizinnu huogavopäivinny) ruado menöy yhtehizien ehtoloin mugah".

Ga vuvvennu 1935 valdivollizen poliitiekan muutoksen periä perindölöi ellendettih uvvelleh Uvven Vuvven siviilipiendän ozannu (1. pakkaskuudu января). Kniigois nevvostoaijan uvvenvuvven illaččuloin luajindas Lumineičoi on Pakkasukon arvozennu, on hänen vunukannu, abuniekannu, Pakkasukon da lapsien väliniekannu. Vuvven 1937 allus Pakkasukko da Lumineičoi enzikerdua tuldih uvvenvuvven pruazniekkah Moskovan Nevvostoloin taloih. Mieldykiinittäy se, ku aigazis nevvostolazis kuvis Lumineičoi puaksumbah on kuvattu pienenny tyttözenny, neidizenny händy ruvettih ezittämäh myöhembi[2]. Vuozisuan XX allun poštukartočkois Pakkasukko puaksuh oli Uvven Vuvven brihačunke, Pakkasukko oli ruskielois libo valgielois turkilois, brihaččuhäi oli taivahankarvazis ruutis. Tämä perindö miäräi sit pruazniekkupiähengien ruuttien värit enzimäzes virrallizes uvvenvuvven illačus Nevvostoloin talois: Pakkasukonke oli Lumineičoi taivahankarvazis ruutis[4].

Voinanjälgehizinny vuozinnu Lumineičoi on Pakkasukon enimälleh vältämättömänny dovarišannu kaikis pruazniekkupidolois da hyvittelylöis. Uuttu Vuottu vaste puaksuh Lumineiččoloinnu ruattih teatrallizien korgeiškolien opastujat da ozuttelijat. Ei-ammatillizih ezityksih nähte Lumineiččoloin roulih vallittih vahnembii tyttölöi, pelvaspiälöi neidizii da naizii[2].

Lumineiččoin taloi

Lumineičoi-fil'mah nähte (1968) Mera-jovelluon nostettih "kogonaine berendeiloin kylä". Kohtu ei petties vallittu: täl alovehel Ščelikovos Ostrovskii kirjutti omua ozutelmua. Kuvuamizien jälles puuhizet dekoraciet viettih Kostromah, kus luajittih Berendejevka-puusto. Sidä paiči Kostromas vuvvennu 2008 nostettih Lumineiččoin taloi, kudamas häi ymbäri vuvven ottau vastah gostii. Vuvvennu 2009 sulakuun 4. päivänny enzikerdua virrallizesti piettih Lumineiččoin roindupäiviä. Sit aijas lähtijen Lumineiččoin roindupäiviä pietäh Kostromas joga vuottu[5]. Vuvvennu 2020 Kostromas avattih Lumineiččoin moudan muzei.

Rekordat

Lumineiččoloin suuri kruugu oli 23. talvikuudu vuvvennu 2023 Kemerovon Olimpiuadupuustos Kuzbass-Arena -sportukompleksalluo, se puutui Ven'an rekordoin kniigah. Se rodih I Kogo Kuzbasan Lumineiččoloin kilvan loppupivonnu[6]. Rekordoin kniigan kirjalepanii Julija Pronkina pani merkile: Kiireht6n ilmoittamah, ku rekordu — kaikis suurin rahvahan kruugu Lumineiččoin ruutis, kudamah otti ozua 1071 hengie — on virrallizesti pandu kirjale"[7].

Pivon vahnimale ozanottajale rodih 101 vuottu. Häi yhtyi kruugah Jelizaveta-pruavovunukanke[8].

Taijos

Kinos

Rahvahan suarnan mugah

  • ven. «Сказка о Снегурочке» (1957) — Ohjuajan V. D. Degt'ar'ovan piirdofil'mu.
  • ven. «Снегурка» (1969) — Ohjuajan V. D. Degt'ar'ovan piirdofil'mu.

A. N. Ostrovskoin ozutelman kebjendämine

  • ven. «Снегурочка» (1952) — ohjuajan I. P. Ivanov-Vanon piirdofil'mu.
  • ven. «Снегурочка» (1968) — ohjuajan P. P. Kadočnikovan fil'mu, Lumineiččoin roulis — Jevgenija Filonova.
  • ven. «Весенняя сказка» (1971) — ohjuajan J. N. Cvetkovan fil'mu, Lumineiččoin roulis — Nataljia Bogunova.
  • ven. «Ледяная внучка» (1980) — ohjuajan B. ricarevan fil'mu, Lumineiččoin / L'uuban roulis  — Svetlana Orlova, kniäzin roulis — Al'bert Filozov.
  • ven. «Снегурочка» (2006) — ohjuajan M. A. Muatan piirdofil'mu.

Piirdofil'mat

  • ven. «Зимняя сказка» (1945) — fantazija-piirdofil'mu, käzikirjutus — Ivan Ivanov-Vano, Jevgenii Švarc, juondehen mugah oravat luajitah lumityttösty da rodieu Lumineičoi.
  • ven. «Когда зажигаются ёлки» (1950) — piirdofil'mu, käzikirjutuksen kirjuttai Vladimir Sutejev, enzikerdua Lumineičoi on kuvattu Pakkasukon abuniekannu.
  • ven. «Ну, погоди!» (выпуск 8, 1974) — piirdofil'mu, Lumeiččoin ruutis — Hukku (groteskannu) pajattau Jänöinke Pakkasukon da Lumineiččoin pajon.
  • ven. «Дед Мороз и серый волк» (1978) — piirdofil'mu, käzikirjutus Vladimir Sutejev, Lumineiččoi tulou Pakkasukon dovarišannu.
  • ven. «Партизанская Снегурочка» (1981) — piirdofil'mu.
  • ven. Сказочный патруль (2016 —) — pirdosarjufil'mu. Lumineiččoijan iänittäjänny oli Polina Kutepova. Mainitah Lumineiččoin vahnembii — Tuhuu (Pakkazen tytär) da eräs hänellyö ruadajis el'fois.

Fil'mat

  • ven. «Новогодние приключения Маши и Вити» (1975) — Lumineiččoin roulis — Irina Borisova.
  • ven. «Снегурочку вызывали?» (1985) — Lumineiččoin roulis — Irina Alforova.
  • ven. «Ирония судьбы. Продолжение» (2007) — Lumineiččoin roulis — Jvegenija Dobrovol'skaja.
  • ven. «Моя мама — Снегурочка» (2007) — Lumineiččoin roulis — Marija Porošina.
  • ven. «Срочно требуется Дед Мороз» (2007) — Lumineiččoin roulis — Svetlana Pis'mičenko.
  • ven. «Снегурочка. Пасхальная сказка» (2010) — Lumineiččoin roulis — Tatjana Petrova.
  • ven. «Страна ОЗ» (2015) — Alisa Hazanova da Darja Jekmasova
  • ven. «Снегурочка против всех» (2021) — Lumineiččoin roulis — Nadežda Sisojeva

Muuzikas

  • Vuvvennu 1882 N. A. Rimskii-Korsakov kirjutti Lumineičoi-ouperan.
  • ven. «Расскажи, Снегурочка, где была» -pajuo pajatetah kahtei Hukku (A. Papanov) da Jänöi (K. Rum'anova) ven. Ну, погоди!-piirdofil'maspäi (sarju 8) (1974). On olemas tämän pajon ven. «Сектор Газа»-joukon irvistely ven. «Ночь перед Рождеством»-alboumaspäi (1991).
  • "Lumineičoi" on pajo, kudai ei puuttunuh ven. «Жестокий романс»-fil'mah (1984), ga kudai on fil'man pajoloin plastinkal, sidä pajattau L'udmila Gurčenko.

Kuvailutaijos

  • «Lumineičoi» (1899) — Viktor Mihailovič Vasnecov. Kangas, voi. 116х80 sm. Muzei: Tretjakovan gallerei.

Pruazniekat

Cenzuuran tapahtumua

  • Uvven 2012 vuvven pruazniekkua vaste isluaman siirdäjät Dagestuanaspäi nähtih Lumineiččoin ulgonävös vastustustu perindöllizeh kul'tuurah nähte («huigiettavah lyhyönferezin periä"), sendäh tazavallan monis školis ei ruvettu pidämäh pruazniekkupidoloi[9].
  • Uuttu 2014 vuottu vaste Tadžikistuanan valdivolline TV ilmoitti, ku tahtou kieldävyö ozuttamas nevvostoaijan monii simvoloi, kudamien joukkoh uvvenvuvven kuuzen da Pakkasukon ližäkse puutui Lumineičoigi[10].

Gallerei

  • B. V. Zvorikin. Lumineičoi (vuvven 1925 mail)

    B. V. Zvorikin. Lumineičoi (vuvven 1925 mail)

  • Lumineiččoin taloi Kostromas

    Lumineiččoin taloi Kostromas

  • Pakkasukko da Lumineičoi vuvven 2016/2017 Kremlin uvvenvuvven illačus

    Pakkasukko da Lumineičoi vuvven 2016/2017 Kremlin uvvenvuvven illačus

  • Pakkasukko da Lumineičoi Belovežskaja puščas, vuozi 2004

    Pakkasukko da Lumineičoi Belovežskaja puščas, vuozi 2004

Kačo ližäkse

Huomavukset

  1. ↑ Афанасьев, 1994, с. 639.
  2. ↑ 1 2 3 4 5 6 7 Душечкина 2003
  3. ↑ Рожков А. Ю. В кругу сверстников: жизненный мир молодого человека в Советской России 20-х годов : в двух томах (Том 1) — Краснодар: Перспективы образования, 2002 — Стр. 171—205 с.— ISBN 5-93749-017-7
  4. ↑ Идеологически верная Снегурочка: откуда взялась внучка Деда Мороза. Kačondan päivymiäry: 24. pakkaskuudu 2019. Arhiviiruittu 4. pakkaskuudu 2019
  5. ↑ 5-6 апреля 2013 года в Костроме состоится V Межрегиональный праздник, посвященный Дню рождения Костромской Снегурочки (рус.). Kačondan päivymiäry: 5. sulakuudu 2013. (недоступная ссылка)
  6. ↑ Сердакова, Е. В Кемерове 1 071 Снегурочка прошлась в гигантском хороводе (рус.). Комсомольская правда (23. talvikuudu 2023). Kačondan päivymiäry: 12. kylmykuudu 2024.
  7. ↑ В Кемерово прошел самый массовый хоровод Снегурочек в России, РИА Новости (20231223T1155). Kačondan päivymiäry: 12. kylmykuudu 2024.
  8. ↑ Снегурочки Кузбасса установили рекорд России – РИА «Кузбасс» (неопр.). kuzbass.media. Kačondan päivymiäry: 12. kylmykuudu 2024.
  9. ↑ В Дагестане Снегурочку считают распутной девицей. Kačondan päivymiäry: 30. talvikuudu 2011. Arhiviiruittu 4. pakkaskuudu 2012
  10. ↑ Мороз и Снегурочка вне закона в Таджикистане. Kačondan päivymiäry: 24. kylmykuudu 2015. Arhiviiruittu 10. talvikuudu 2018

Kirjalližus

  • Афанасьев А. Н. Поэтические воззрения славян на природу. — М.: Индрик, 1994. — Т. 2. — 784 с. — ISBN 5-85759-011-6. Архивировано 16 sulakuudu 2014 года.
  • Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
  • Душечкина Е. В. Три века русской ёлки // Наука и жизнь : журнал. — 2008. — № 1.
  • Елкина, М. В. Сказочный сюжет «Снегурочка» и его интерпретация русскими писателями: автореферат дис. … кандидата филологических наук: 10.01.09 / Елкина Мария Владимировна. — Челябинск: Челябинский государственный университет, 2009.

Linkat

Lähteh - "https://olo.ruwiki.ru/w/index.php?title=Lumineičoi&oldid=126357559"