Petroskoin K. E. Raution nimine muuzikkukoulledžu

Petroskoin K. E. Raution nimine muuzikkukoulledžu
Perustandan päivymiäry	vuvvennu 1938
Olopaikku	Petroskoi
Adressi	185035, Karjalan tazavaldu, Pertroskoi, Sverdlovan uuličču, 25
Verkosivusto	pmc.karelia.ru
Медиафайлы на РУВИКИ.Медиа

Ven'an Federacien kanzoin kul'tuuruperindön objektat

Petroskoin K. E. Raution nimine muuzikkukoulledžu (ven. Петрозаводский музыкальный колледж имени К. Э. Раутио) on valdivolline keskiammattiopastuslaitos, Karjalan vahnin muuzikkuopastuslaitos. Sijaiččou Petroskoil.

Histourii

Petroskoin muuzikkuopisto avattih kevätkuus vuvvennu 1938 Karjalan avtonoumizen socialistizen nevvostotazavallan Rahvahan komissuaroin nevvoston piätökses sillozel aijal toimijan teatruopiston pohjal.

Opiston enzimäzekse johtajakse pandih L. J. Levinua.

Vuvvennu 1971 Petroskoin muuzikkuopistole annettih säveldäjän Karl Erikovič Raution nimi.

Vuvvennu 2008 Petroskoin K. E. Raution muuzikkuopisto muutettih Petroskoin K. E. Raution nimizekse muuzikkukoulledžakse.

Johtajat

• L. J. Levin;
• L. A. Kosinskii (1948—1953);
• S. P. Teterin (vuozien 1954—1959 aigah);
• J. M. Epštein (vuozien 1959—1962 aigah);
• V. N. Tolčinskii (vuozien 1965—1975 aigah);
• V. A. Dul’ov (vuozien 1975—1982 aigah);
• L. G. Berdino (vuozien 1982—2007 aigah);
• J. S. Krilova.

Opiston kuulužat opastajat da loppenuot

Opiston toiminduvuozien aigah sen opastundan loppi läs kolmie tuhattu opastujua.

Opastajien da loppenuzien keskes on kuulužua taidolan ruadajua, Ven'an da kanzoinvälizien kilboin laureattua: H.—R. Sinisalo, T. P. Vainonen, V. S. Kalikin, P. B. Kozinskii, G. I. Lapčinskii, M. I. Gavrilov, J. P. Huovinen, V. I. Varlamov, K. A. Viljanen, L. I. Tepponen, O. P. Kalinina, L. A. Kosinskii, J. I. Išanin, N. A. Solniškov, Z. I. Lar’kina, I. V. Varlamov, M. A. Suvorova, B. M. Konstantinovskii, N. J. Papsujeva, Z. N. Kofjan, V. N. Mišin, K. I. Rožkov, N. P. Vil’činskaja, V. N. Tolčinskii, L. J. Teplickii, V. M. Gaikov, V. V. Pračenko, A. D. Tugai, N. V. Rautio, J. N. Zam’atina, I. Šiškanova da toizet.

Vuvvennu 2024 muuzikkukoulledžan kazvatettu da opastettu Pavel Vladimirovič Kasänik piäzi kolmandele sijale da sai Ven'an muuzikkuyhtistyksen erilahjan IV Kanzoinvälizes nuorien muzikantoin Minun Ven'a: muuzikkumatku 2024 -kilvas.

Yleistiijot

Muuzikkukoulledžu valmistau moizien ammattialoin muzikantua:

• soitamisezitys (fortepiano, jouhi-, puhundu- da iškusoittimet, rahvahan orkestran soittimet);
• pajotaido (akadiemine pajattamine);
• horan johto;
• yksittäine da rahvahan horan pajatus;
• lavan muuzikkutaido (estruaduorkestran soittimet da estruapajatandu);
• muuzikan teourii.

Nygözel aijal koulledžan tyves ruadau Lapsien muuzikkuškola, kus lapsii opastetah soittamah bajanal, akardional, domral, kandelehel, viulul da violončelil. Ruatah luomisjoukot: akadiemine hora, rahvahan hora, rahvahan muuzikan Zor’aine-ansambl’u, puhundu- da kamernoin muuzikan orkestru, ven’alazien rahvahan soittimien orkestru, lapsien Peregudki-folkluoruansambl’u, miehien Petroglif-pajoansambl’u.

Koulledžan kirjastos da fonotiekas on enämbi 40 tuhattu säilivöezinehty.

Opastus todevutetah päivyopastuksen muvvos.

Huomavukset

Kirjalližus

• Лапчинский Г. Э. Музыка Советской Карелии. — Петрозаводск, 1970.
• Рожков К. И. Петрозаводское музыкальное училище им. К. Э. Раутио. — Петрозаводск, 1988.
• Аблова А. Р. Петрозаводское музыкальное училище им. К. Э. Раутио. — Петрозаводск, 1998.

Linkat

• Торжественное собрание (рус.).Arhiivukoupii Wayback Machine
• Петрозаводский музыкальный колледж имени К. Э. Раутио отметил 75-летний юбилей (рус.).
• Состоится торжественный вечер (рус.).Arhiivukoupii Wayback Machine
• Музыкальная кузница Карелии (рус.).Arhiivukoupii Wayback Machine
• Училище его имени (рус.).Arhiivukoupii Wayback Machine
• Каталог «Объекты историко-культурного наследия города Петрозаводска» (рус.).Arhiivukoupii 7 kylmykuudu 2017 Wayback Machine