Vainonen Toivo Potapovič

Toivo Vainonen
Toivo Vainonen
Piätiijot
Täyzi nimi	Toivo Potapovič Vainonen
Roindupäivy	24. sulakuudu 1918
Roindupaikku	Žoržino, Tosnenskoi piiri, Leningruadan aloveh
Kuolendupäivy	18. sulakuudu 1985 (66 vuottu)
Kuolendupaikku	Petroskoi
Muat	Nevvostoliitto
Ammatit	muuzikkumies
Soittimet	kandeleh
Žanrat	rahvahan muuzikku

Toivo Potapovič Vainonen (ven. Тойво Потапович Вайнонен; 24. sulakuudu vuvvennu 1918 — 18. sulakuudu vuvvennu 1985) on nevvostolaine kandelehelsoittai, Kantele-ansambl'an enzimäzii artistoi, opastai. Erähii enzimäzen kandelehelsoitandan opastuskniigan luadijoi. Karjal-suomelazen socialistizen nevvostotazavallan arvostettu artistu (1947), Karjalan avtonoumizen socialistizen nevvostotazavallan rahvahan artistu (1971).

Eloskerdu

Oli ronnuhes Žoržini-kyläs (Savota) (nygöi Žoržino Leningruadan alovehen Tosnenskois piiris) muanruadajan pereheh.

Kaheksatostuvuodizennu händy otettih Ruskieh Armieh.

Vuvvennu 1936 otti ozua sodaozaston tyveh luajitun saldattoin da piälikkölöin akkoin orkestran ruadoh^[1].

Vuvvennu 1938 piäzi opastumah Petroskoin muuzikkuopistoh (Viktor Gudkovan opastui).

Vuvves 1940 oli Kantele-ansambl’an artistannu. Otti ozua Talvivoinah, Suomen rahvahan armien 1. mägiammundukorpusan ansambl’ah.

Suuren Ižänmuallizen voinan aigah otti ozua konsertutoimindah frontah niškoi, händy palkittih Urhollizes ruavos Suuren Ižänmuallizen voinan aigah -medalil.

Opasti Petroskoin muuzikkuopistos, Petroskoin pionieroin talois (vuozinnu 1950—1970), Lapsien muuzikkuškolas № 1, rahvahan soittimien laitoksel Leningruadan konservatourien Petroskoin ozastos, vuozinnu 1981—1984 yhtes laitoksen johtajan S. V. Borisovanke pidi Nevvostoliiton histouries enzimästy erillisty kandelehelsoittajien kursua.

Pajattai L’ucija Tepponen, kandelehelsoittajat Toivo Vainonen da Maksim Gavrilov ezitetäh Karjal-suomelastu socialististu nevvostotazavaldua II Muailman nuorižon da opastujien festivualis Budapeštas (1949)

Pereh

Oli naizis, akkah — Ven'an federatiivizen socialistizen nevvostotazavallan rahvahan artistu, pajattai Sirkka Rikka^[2].

Palkindot

Ruskien Ruadoflavun kunnivomerki (22.09.1959).
Kunnivon kunnivomerki (29.10.1951)^[3].
Karjal-suomelazen socialistizen nevvostotazavallan arvostettu artistu (1947).
Karjalan avtonoumizen socialistizen nevvostotazavallan rahvahan artistu (1971).

Kirjalližus

Кантеле [Ноты]: самоучитель игры / автор текста Т. П. Вайнонен, М. И. Гаврилов; сост. А. А. Лехмус; под. общ. ред. Б. Д. Напреева. — Петрозаводск : Карелия, 1985. — 118 с. : ил.
Тойво Вайнонен // Кантеле. Ритмы судьбы. — Петрозаводск, 2004. — С. 59.
Вайнонен Т. П. // Кафедра народных инструментов Петрозаводской государственной консерватории имени А. К. Глазунова. — Петрозаводск, 2007. — С. 60-61.
Вайнонен Т. П. // Искусство Карелии : указ. лит. — Петрозаводск, 1985. — С. 86.

Linkat

Семакова И. Б. Тойво Вайнонен и его "школа"

Huomavukset

↑ Тойво Вайнонен (неопр.). Kačondan päivymiäry: 24. ligakuudu 2015. Arhiviiruittu 4. kevätkuudu 2016
↑ Тойво Потапович Вайнонен (неопр.). Kačondan päivymiäry: 24. ligakuudu 2015. Arhiviiruittu 14. sulakuudu 2019
↑ Указ Президиума Верховного Совета СССР от 29 октября 1951 года "О награждении орденами и медалями работников искусств Карело-Финской ССР"

[1] Тойво Вайнонен (неопр.). Kačondan päivymiäry: 24. ligakuudu 2015. Arhiviiruittu 4. kevätkuudu 2016

[2] Тойво Потапович Вайнонен (неопр.). Kačondan päivymiäry: 24. ligakuudu 2015. Arhiviiruittu 14. sulakuudu 2019

[3] Указ Президиума Верховного Совета СССР от 29 октября 1951 года "О награждении орденами и медалями работников искусств Карело-Финской ССР"

[1]

[2]

[3]