Sändämän Uspen'n'an manasterimua

On otettu Рувики-späi
Manasteri
Сяндемская Успенская пустынь
Sändämän Uspen'n'an manasterimuan Sroičan kirikkö
Sändämän Uspen'n'an manasterimuan Sroičan kirikkö
61°09′23″ с. ш. 32°46′55″ в. д.GЯO
Mua
Kylä Sändäm
Konfessii Pravosluavii
Jeparhii Petroskoin da Karjalan jeparhii
Tiippu naismanasteri
Perustai Sändämän Afanasii
Enzimäine mainičendu 1577
Vahnembi igumenija Varvara (Ivanova)
Stuatussu Логотип конкурса «Вики любит памятники» ОКН № 1002007000№ 1002007000
Tila toimii
Verkosivusto syandema.cerkov.ru
Логотип РУВИКИ.Медиа Медиафайлы на РУВИКИ.Медиа
Герб России

Ven'an Federacien kanzoin
kul'tuuruperindön objektat

Sändämän Uspen'n'an manasterimua (ven. Ся́ндемская Успе́нская пу́стынь, sežo Pyhän Uspen’n’an naismanasteri, vuodessah 1917 dokumentois sai löydiä nimigi — Afanasii Sändämän manasterimua) on naizien (vuvves 1909) Ven'an pravosluavizen kirikön manasteri Karjalan tazavallan Anuksen piirin Sändämän kylän lähäl, Kylyjärven da Sändämänjärven luo.

Histourii

Manasterimuan perusti XVI vuozisuan toizel puoliškol prepodobnoin Aleksandr Svirskoin opastui prepodobnoi Sändämän Afanasii Novgorodan arhijepiskopan Pimenan  (ven.) (olo. blahoslovindas da sih aigah se oli miesmanasteri. Sändämänjärven rannale häi enzimäi nosti kirikön Pyhän Sroičan nimeh da kaheksa kel’l’ua, kus eli kymmene manuahua[1]. Paikallizet eläjät piettih pahua mieldy manasterin perustandua, hyö pahoiteltihes arhijepiskopale, ku Sändämän Afanasii rouno ku nosti manasterin Novgorodan arhijerein taloin mualoile da lähti siepäi minlienne aijakse iäre Aleksandr-Svirskoin manasterih[2].

Vuvvennu 1577 manasteri sai Novgorodan mitropolitan Aleksandran lahjoituskirjan  (ven.) (olo., kudaman mugah muat ruvettih kuulumah manasterile da Sändämän Afanasii tuli järilleh manasterih, kus eli kaiken ijän kuolendassah da händy pandih muah Kylyjärven erähäle niemele[1].

Livonan voinan aigah vuvvennu 1582 manasterih hyökkävyttih ruoččilazet — poltettih Sroičan kirikön da tapettih uuzi igumen  (ven.) (olo.. Verokniigoin mugah vuozinnu 1628—1629 manasteris uvvessah nostettih Sroičan kirikkö, kolme kel’l’ua, kudamis eli manasterin strojitel’u Iosif da seiččie vahnustu, oli vie tahnut[3].

Sändämän Uspen'n'an manasterimua

Vuvvennu 1720 manasteri kogonah paloi da se uvvessah nostettih[1]. Vuvvennu 1723 manasterih rubei kuulumah Ondrusovan da Taga-Nikoforan manasterimuat, ga vuvvennu 1764 Jekaterina II:n sekul'arizacionnoin uvvistuksen jälles manasteri salvattih. Vuvvennu 1802 salvatun manasterin kiriköt liitettih Tuuksen prihodan kirikköh, vuvvennu 1821 — Ondrusovan manasterih, min hyvyös sai elävyttiä manuahoin ruavon.

Elävyttiä da kehittiä manasterii avvutti Valamoin manasterin igumen Innokentii, häi andoi varua sen elävyttämizeh. Vuvvennu 1827 Innokentii prižmi Ministroin kabinietaspäi andua muadu Sändämän manasterin elävyttämizekse[4]. Vahnus Innokentii osti kirikköh Vladimiran Jumaldoman obrazan hobjazes riizas. Ližäkse grafiin'u Anna Orlova-Česmenskaja čomendi omih varoih kirikön riizuvaraston. Vuvvennu 1852 Valamoin igumen Damaskinan hyvyös manasteri sai Valamoin čuvvonluadijoin Sergien da Germanan obrazan. Vuvvennu 1879 velleskunnas oli yheksä hengie da muadu oli 75 kymmenikkyö.

Vuvvennu 1902 manasterimua rodih iččenäzekse, ga sen tulot oldih pienet da vuvvennu 1909 sit rodih naismanasteri. Sen erähäkse tarkoituksekse rodih paikallizien eläjien — karjalazien opastus[5]. Vuvvennu 1911 manasteris eli 18 hengie.

Vuvven 1917 vallankumovuksen jälles manasterimua salvattih, sen muat da omažus annettih opastunnuole žiivattusouhozale. Erähät sizäris liityttih Sändämän kylän pravoluavizeh yhtymäh.

Nevvostoliitto-suomelazen voinan aigah (1941—1944) manasterin lähäl meni frontan liinii da sen kai huonukset hävitettih[6].

Täl aigua Sändämän Uspen'n'an manasterimua elävytettih naismanasterinnu. Nostettih puuhine Sroičan kirikkö, eländy- da talovushuonukset[7].

Vuvvennu 2014 manasterin alovehel löyttih kolmen nevvostolazen Nevvostoliitto-suomelazen voinan aigah surman suannuon saldatan jiännökset. Heidy kalmattih manasterimuan alovehel[8].

Manasterin kiriköt da časounat

  • Puuhine Sroičan kirikkö. Kirikön nosti Sändämän Afanasii XVI vuozisual. Vuvvennu 1582 sen poltettih ruoččilazet, uvvessah se nostettih XVII vuozisuan allus. Nevvostoliiton aigah kirikkö hävitettih. Vuozien 2000 puolivälis se nostettih uvvessah toizeh kohtah[9];
  • Puuhine Uspen’n’an Jumaldoman kirikkö papertin da kellojalloinke. Vuvvennu 1827 se nostettih imperuattoru Nikolai I:n lahjoituksih. Ei säilynyh. 2. elokuudu vuvvennu 2013 Petroskoin da Karjalan mitropoliittu pyhitti nostettavua Uspen'n'an kirikön alustua;
  • Kivine kirikkö Afanasien da Kirilän, Aleksandriiskoloin patriarhoin, nimeh, kudamah oli kalmattu Afanasien, Sändämän čuvvonluadijan rungu. Allus oli puuhine, vuvvennu 1720 paloi. Uvven kirikön nostajes löyttih Sändämän Afanasien luut, kudamat pandih kirikköh. Uvvessah vuvvennu 1865 nostetus Aleksandriiskoloin pyhien Afanasii da Kirilän kirikös prepodobnoin Afanasien luut pandih seinän luo oigien kliirosan tagan. Vuvvennu 1939 kirikkö salvattih da annettih Nurmoilan kylänevvostole kluubah niškoi. Se hävitettih Suuren Ižänmuallizen voinan aigah;
  • XX vuozisuan allus samannimizen kirikön rinnal oli puuhine časounu Uspen'n'an Jumaldoman nimeh.

Manasterin ižändät

  • Sändämän Afanasii;
  • Ilja Shimnik[10];
  • Nikandr, strojitel’u, "mustu pappi" (mainitah vuvvennu 1592);
  • Iosif (1694);
  • Lavrentii, igumen (1697)[11];
  • Iosif (1827—1835);
  • Azarii (1871—1877);
  • Antonii (1877—1878);
  • Savvatii (1878)
  • Gennadii, ijeromanuahu, Ondrusovan manasteris haldivoiččii (vuvves 1878);
  • Arkadii, ijeromanuahu, Ondrusovan manasteris haldivoiččii (vuodessah 1884);
  • Azarii, ijeromanuahu, Ondrusovan manasteris haldivoiččii (1884—1890);
  • Zosima, ijeromanuahu, manasterin haldivoiččii;
  • Sil’vestr, ijeromanuahu, Ondrusovan manasteris haldivoiččii (1890—1897);
  • Iosif, ijeromanuahu, Ondrusovan manasteris haldivoiččii (vuvves 1897);
  • P’otr, Sändämän manasterimuan strijitel’ (oli Ondrusovan manasterin haldivoiččijan Sergien alazennu) (vuvves 1899);
  • Sergii, ijeromanuahu (1902—1903);
  • P’otr, haldivoiččii, ijeromanuahu(1904—1908);
  • Porfirii, ijeromanuahu (1908—1909);
  • Jevtihija, ižändöiččijän virras olii (1910);
  • Jefrosinija (1911—1917)[12]
  • Jelisaveta (1918—1923)[13];
  • igumenja Varvara (Ivanova) (vuvves 2011)[14].

Huomavukset

  1. ↑ 1 2 3 Русские святые. Афанасий Сяндемский, преподобный. Kačondan päivymiäry: 19. elokuudu 2025. Arhiviiruittu 12. ligakuudu 2011
  2. ↑ Игумен Андроник (Трубачёв), Романенко Е. В., Платонов В. Г. Афанасий Сяндемский // Православная энциклопедия. — М., 2002. — Т. IV : «Афанасий — Бессмертие». — С. 69-70. — 752 с. — 39 000 экз. — ISBN 5-89572-009-9.
  3. ↑ Старицын А. Н. Монастыри Карелии по материалам писцовых и переписных книг XVII века.
  4. ↑ Спиридонов А. М., Яровой О. Я. Валаам: от апостола Андрея до игумена Иннокентия. — Петрозаводск. Arhiivukoupii 7 kylmykuudu 2012 Wayback Machine
  5. ↑ 2 мая — память прп Андриана Сяндебского // Олонецкие епархиальные ведомости. — 1910. — 11 мая (№ 14). — С. 305—307.
  6. ↑ В чистом поле возрождается монастырь (рус.). rusvera.mrezha.ru. Kačondan päivymiäry: 19. elokuudu 2025. Arhiivukoupii 15 sulakuudu 2016 Wayback Machine
  7. ↑ Первая литургия в Сяндебе (рус.). voznesenie.mrezha.ru. Kačondan päivymiäry: 19. elokuudu 2025. Arhiivukoupii 26 heinykuudu 2012 Wayback Machine
  8. ↑ Лапшов С. Останки советских бойцов обнаружили на территории женского монастыря в Карелии (рус.). rk.karelia.ru. Kačondan päivymiäry: 19. elokuudu 2025. Arhiivukoupii 15 heinykuudu 2014 Wayback Machine
  9. ↑ Ольга Сидловская. «Много бо может молитва праведного вспоспешествуема». Kačondan päivymiäry: 19. elokuudu 2025. Arhiviiruittu 8. oraskuudu 2012
  10. ↑ Барсов Е. В. Алфавитный указатель монастырей и пустынь, упразднённых и существующих в Олонецкой губернии, с их настоятелями // Памятная книжка Олонецкой губернии на 1867 год. Издание Олонецкого губернского статкомитета. — Петрозаводск: Олонецкая губернская типография, 1867. — 26 с.
  11. ↑ Строев П. М. Списки иерархов и настоятелей монастырей российской церкви. — СПб., 1877. — 1009 с.
  12. ↑ Памятные книжки Олонецкой губернии за 1902—1917 гг.
  13. ↑ В 1925 г. в газете "Красная Карелия" опубликовано объявление о снятии сана монахини от имени бывшей настоятельницы обители Елизаветы (Белоусовой) // Красная Карелия. 1925. 31 января
  14. ↑ В сан игуменьи была возведена монахиня Варвара (Иванова), настоятельница Сяндемского Успенского женского монастыря деревни Сяндеба Олонецкого района Республики Карелия. Kačondan päivymiäry: 19. elokuudu 2025. Arhiviiruittu 28. ligakuudu 2011

Kirjalližus

  • Н. А. Басова. Олонецкая епархия: Страницы истории. — Петрозаводск, 2001.
  • Сяндебская Успенская пустынь — Петрозаводск, 2001.
  • Архимандрит Никодим. Афанасиево-Сяндебская женская пустынь и её задачи. — Петрозаводск, 1910.
  • Сяндемская-Успенская пустынь: историко-статистические заметки: изданы в пользу пустыни. — М.: в тип. С. Попова,., 1860. — 24 с.
  • Краткий очерк жизни преподобного Афанасия Сяндемского и описание основанной им Сяндемской Успенской пустыни. — Гатчина: тип. Х. Неймана, 1889. — 20 с.

Linkat

Lähteh - "https://olo.ruwiki.ru/w/index.php?title=Sändämän_Uspen%27n%27an_manasterimua&oldid=126361723"