Suistamo
| Pos’olku
Suistamo 
Ozuta/peitä kartoi
 Suistamo Wikimedia Commonsas |
.svg)
Suistamo (ruoč. Sujstamo) on Karjalan tazavallan Suojärven piirin pos’olku. Se kuuluu Loimolan kyläkundah.
Pos’olku sijoittuu Suistamonjärven rannal. Pos’olkaspäi samannimizeh raududorogustansieh sah on 3 km. Suistamos on kirikkö.
Histourii
Suistamo muanitah enzimäzen kerran XV - luvul.
Vuonnu 1721 Suistamo kuului Ven’an valdukundah Viborgan gubernieh. Vuonnu 1811 Viborgan gubernii liittyi Suomeh.
Vuonnu 1844 Suistamos rakendettih puukirikkö (arh. Karl L’udvig Engel’). Enzimäi uvves kirikös oldih kellojallat, ga nygöi niidy ei ole.
Vuonnu 1885 pos’olkas avattih rahvahalline škola.
Vuonnu 1924 Suistamos rubei ruadamah raududorogustansii.
V. 1928 – 1929 prihodas ruadoi 13 rahvahallistu školua. Vuonnu 1930 pos’olkas rakendettih kalankazvatuszavodu, kudai ruadoi 1980-vuozissah.
Konzu Talvivoinu loppui, prihodan kogo aloveh kuului Nevvostoliittoh. Suomen rahvahat työnnettih pagoh.
Jatkovoinan allus, kezäl vuonnu 1941, Suomen voiskat, kudualoin komandiirannu oli Paavo Talvela, suadih järilleh Suistamon alovehen.
Vuonnu 1944 Suistamo uvvessah kuului Nevvostoliittoh.
Vuonnu 1992 kalman alovehel pandih mustopačas suomelazile saldattoile, kuduat kuoldih v. 1939 – 1944 (alguperäzet kalmukivet ei säilytty). Kalmukivel on Toizel muailmanvoinal tapettuloin Suistamon rahvahan 270 nimie.
Runoilijat
Suistamon vahnal kalmistol ollah runoilijan Iivanan Onoilan da itkettäjän Mat’on Plattozen kalmat. Sevoittaret ollah runoilijoin Sotikaizien suvuspäi.
Onoila (kuoli v. 1924) on runoilii. Paiči runoi häi tiezi tiedohussanoi. Hänes rodih kuulužu ristikanzu vuvvennu 1896 Sordavalas pietyl folklorupruazniekal ezityksen jälgeh.
Plattonen (kuoli v. 1928) on inkettäi, kudai tiezi svu'’ban da muahpanendan itkuvirzilöi da runoi. Hänelpäi kirjutettih enämbän 20 tiedohussanua. Vuvvennu 1906 häi pajatti folklourupruazniekas Sordavalas. Vuvvennu 1928 häi otti ozua kanzoinvälizeh kul'tuurukongressah Budapeštas. Häi itketti Iivanan Onoilan muahpanijazis.
Vie yksi runoilii on Petri Šemeikka (1819 – 1916), kudai tuli kuulužakse, konzu oli ezitännyh runoloi folklorupruazniekas Helsinkis vuvvennu 1900. Suomelazel säveldäjäl Jan Sibeliuksel oli mieldy myö Šemeikan ezitys kandelehel.
Suistamon rahvahan lugumiäry
| 2009 | 2010 | 2013 |
|---|---|---|
| 111 | ↘93 | ↘81 |