Tatjana Boiko

On otettu Рувики-späi
Tarkastettu kirjutus
Tatjana Boiko
Vuvves 1984 Tatjana Boiko ruadau Ven'an tiedoakadiemien Karjalan tiedokeskuksen Kielen, literatuuran da histourien instituutas
Vuvves 1984 Tatjana Boiko ruadau Ven'an tiedoakadiemien Karjalan tiedokeskuksen Kielen, literatuuran da histourien instituutas
Täyzi nimi Tatjana Petrovna Boiko
Roindupäivy 9. kylmykuudu 1954(1954-11-09) (71 vuozi)
Roindukohtu Videl, Anuksen piiri, Karjalan avtonoumine socialistine nevvostotazavaldu
Kanzalližus  Nevvostoliitto,  Ven'anmua
Toimindu kielentutkii, sanakniigoin luadii
Palkindot da arvonimet

Vuvven 2017 laureattu Karjalan tazavallas, Ven'an tiedoakadiemien kunnivokirjazien suannuh

Tatjana Boiko (ven. Татьяна Петровна Бойко; roin. 9. kylmykuudu 1954, Videl, Anuksen kanzalline piiri) on filoulogu, karjalan kielen tutkii, karjalan kielen opastuskniigoin da sanakniigoin luadii, redaktoru, Ven'an tiedoakadiemien Karjalan tiedokeskuksen Kielen, literatuuran da histourien instituutan tiedoruadai, Karjalan tazavallan piämiehen alazeh sanastokomissieh kuului.

Eloskerdu

Tatjana Petrovna Boiko on roinnuhes Anuksen piirin Videlen kyläs. Vuvvennu 1972 loppi Videlen keskiškolan. Sen jälles jatkoi opastundan Karjalan valdivollizes pedagouguinstituutas filolougizel tiedokunnal. Sen loppiettuu, vuozien 1976—1979 aigah, ruadoi ven'an kielen da literatuuran opastajannu Videlen keskiškolas[1].

Vuvves 1984 Tatjana Boiko ruadau Ven'an tiedoakadiemien Karjalan tiedokeskuksen Kielen, literatuuran da histourien instituutas. Vuozinnu 1993—2006 ruadoi ližäkse Karjalan valdivollizes pedagouguinstituutas, kus opasti karjalan kieldy valmistusozaston opastujile[2]. Se oli algukursu niilöih abiturientoih nähte, kuduat ei voidu enzikerras piästä tutkindolois läbi da puuttuo opastumah pedagouguinstituuttah.

Eläy Petroskois.

Kieliruado

Jo 40 vuottu Tatjana Petrovna tutkiu da kehittäy karjalan kielen sanastuo. Tämän suuren ruavon tuloksennu roittih Suuret ven'a-karjalaine da karjal-ven'alaine sanakniigat. Niilöin jälles, vuvvennu 2022, piäzi ilmah Karjalan kielen grammuatiekku-orfogruafine sanakniigu. Se on karjalan kielen valmistettulois sanakniigois suurin: sih on otettu enämbi 23 tuhattu karjalankielisty sanua. Sit sanakniigas ollah enimät sanat Suures karjal-ven'alazes sanakniigaspäi da on ližätty äijy yhtyssanua, kudualoi ei olluh sie.

Pidäy ku rahvas, kai lugijat ellendettäs da tundiettas uuzii sanoi, otettas vastah da ruvettas niilöi käyttämäh. Sentäh myö enzikse ečimmö sanoi vahnois kniigois da sanakniigois, ku löydiä niilöis kniigois perustat uuzil sanoil. Suuriman avun täs ruavos saimmo kuuziozazes Karjalan kielen sanakniigas. Suomen tutkijat kerättih net materjualat da niilöin ezikuvat vie enne voinua, konzu käytös oli vie äijiä enämbi karjalastu sanua. Äijät niilöis sanois nygöi jo hävittih, ei olla käytös. Sanoi sanakniigoih valličimmo syväintunnol, enzikse panimmo kaikis enimäl käytösolijat sanat – kaikkienkäytettävät sanat.Tatjana Boiko, Oma Mua, 2022, № 31

Tatjana Boiko on karjalan nuorikirjallizen kielen kirjalližuon tevoksien, opastusmaterjualoin da opastuskniigoin alallizennu korjailijannu. Vie oman ruadotaibalehen allus häi otti ozua Grigorii Makarovan Karjalan kielen sanakniigan da Vieno Fedotovan Karjalan kielen frazeolougizen sanakniigan korjailemizeh.

Tutkii on opastuskniigoin luadijannu: vuvvennu 1993 nägi päivänvalgien hänen Oma sana -luvendukniigu da vuvvennu 1996 piästettih ilmah Karjalan kielen uardehet -kniigu.

Täl aigua Tatjana Boiko on luadimas LiPaS-mul'timediisanakniigua — Livvin paginan sanat[3].

Palkindot

Tatjana Boiko on palkittu:

  • Ven'an tiedoakadiemien kahtel kunnivokirjazel (vuvvet 2004, 2012)[2];
  • Karjalan tazavallan Opastusministerstvan kunnivokirjazel (vuozi 2005)[2];
  • Karjalan tazavallan Kanzallizen poliitiekan ministerstvan kunnivokirjazel (vuozi 2000)[2];
  • Karjalan tazavallan kunnivokirjazel (2015)[4];
  • Karjalan tazavallan piämiehen kunnivomerkil "Panokses Karjalan tazavallan kehittämizeh" (2019)[5];
  • Vuvvennu 2017 Tatjana Boiko rodih Vuvven laureatakse Karjalan tazavallas[6];
  • Vuvvennu 2024 Tatjana Boiko sai medalin "Arvoruadolois Karjalan tazavallan hyväkse"[7].

Julgavot

  • Бойко Татьяна Петровна Книги Boiko, T. Oma sana : luvendukniigu liugiläzii algukluasoin lapsii näh / Tatjana Boiko; [ред. Л. Ф. Маркианова; худож. Е. А. Агафонова]. — Petroskoi : Karjala, 1993. — 109, [1] с. : ил. ; 23 см. — Текст. карел. (ливвик. диалект). — В конце кн.: Родное слово : книга для чтения на карельском языке для начальных классов / Бойко Т. П. — ISBN 5-7545-0615-5.
  • Boiko, T. Karjalan kielen uardehet / Tatjana Boiko ; Министерство народного образования, Карельский институт повышения квалификации работников образования. — Petroskoi : Karjala, 1996. — 118 c. : ил. ; 17 см. — Текст карел. (ливвик. диалект). — В конце кн. авт. также на рус. яз.: Т. П. Бойко. — ISBN 5-7545-0694-5.
  • Markianova, L. Karjal-venalaine sanakniigu : läs 8000 sanua / Markianova Ludmila, Boiko Tatjana. — Petroskoi : Karjala, 1996. — 222 c. ; 21 cм. — Авт. также на рус. яз.: Л. Маркианова, Т. Бойко. — ISBN 5-7543-0695-3.
  • Федотова, В. П. Словарь собственно-карельских говоров Карелии : [около 22 тыс. слов. ст.] / В. П. Федотова, Т. П. Бойко ; Учреждение Рос. акад. наук Ин-т яз., лит. и истории Карел. науч. центра Рос. акад. наук. — Петрозаводск : [б. и.], 2009. (Ижевск : КнигоГрад. — 349 с. ; 30 см. — Текст карел., рус.
  • Бойко, Т. П. Большой русско-карельский словарь : (ливвиковское наречие) : [около 20 тысяч русских слов] / Бойко Т. П., Маркианова Л. Ф. ; Российская академия наук, Карельский научный центр, Институт языка, литературы и истории. — Изд. испр. и доп. — Петрозаводск : Verso, 2011. — 399, [1] с. ; 29 см. — На обл. авт. не указаны. — Авт. также на карел. яз.: Tatjana Boiko, L'udmila Markianova. — Текст рус., карел. — ISBN 978-5-91997-032- 3.
  • Бойко, Т. П. Большой русско-карельский словарь : (ливвиковское наречие) : [около 20 тысяч русских слов] / Бойко Т. П., Маркианова Л. Ф. ; Российская академия наук, Карельский научный центр, Институт языка, литературы и истории. — 2-е изд. перераб. и доп. — Петрозаводск : Periodika, 2016. — 399 с. ; 30 см. — На обложке авторы не указаны. — Авторы также на карельском языке: Tatjana Boiko, L'udmila Markianova. — ISBN 978-5- 88170-268-7.
  • Бойко, Т. П. Большой карельско-русский словарь : (ливвиковское наречие) : [около 18 тысяч слов] / Бойко Т. П. ; [ред.: С. В. Нагурная, О. В. Огнева] ; Российская академия наук, Карельский научный центр, Институт языка, литературы и истории. — Петрозаводск : Periodika, 2016. — 351 с. ; 30 см. — На обложке автор не указан. — Автор также на карельском языке: Tatjana Boiko. — ISBN 978-5-88170-277-9.
  • Бойко, Т. П. Большой русско-карельский словарь : (ливвиковское наречие) : [около 20 тысяч русских слов] / Бойко Т. П., Маркианова Л. Ф. ; Российская академия наук, Карельский научный центр, Институт языка, литературы и истории. — 3-е издание. — Петрозаводск : Periodika, 2018. — 399 с. ; 30 см. — На обложке авторы не указаны. — Авторы также на карельском языке: Tatjana Boiko, L'udmila Markianova. — ISBN 978-5-88170-328-8.
  • Бойко, Т. П. Грамматико-орфографический словарь карельского языка (ливвиковское наречие) = Karjalan kielen grammuatiekku-orfogruafine sanakniigu (livvin murreh) / Бойко Т. П. ; Институт языка, литературы и истории Карельского научного центра Российской академии наук. — Петрозаводск : Periodika, 2022. — 327 с. ; 30 см. — На обложке автор не указан. — Автор также на карельском языке: Tatjana Boiko.— Грамматические таблицы: с. 316—327.- Возрастные ограничения: 0+. — 500 экз. — ISBN 978- 5-88170-424-7. — Текст : непосредственный. Т. П. Бойко[2]

Pereh

On miehel. Kazvatti tyttären.

Huomavukset

  1. ↑ Сотрудники КарНЦ РАН. Бойко Татьяна Петровна (рус.). www.krc.karelia.ru. Kačondan päivymiäry: 5. kylmykuudu 2025.
  2. ↑ 1 2 3 4 5 Karjalan kirjuttajien verkokirjasto. Tatjana Boiko (рус.). avtor.karelia.ru. Kačondan päivymiäry: 5. kylmykuudu 2025.
  3. ↑ Ol'ga Kuzmina. Tatjana Boikon vuozipäiväkse (kar.). Viestit-Karjala. Kačondan päivymiäry: 5. kylmykuudu 2025.
  4. ↑ О награждении государственными наградами Республики Карелия [наградить Почетной грамотой Республики карелия Бойко Т. П. ]: указ Главы Республики Карелия от 19 февраля 2015 г. № 12 // Собрание законодательства Республики Карелия. — 2015. — № 2. — С. 61
  5. ↑ Распоряжение [поощрить почетным знаком Главы Республики Карелия "За вклад в развитие Республики Карелия": Бойко Т. П. ] : распоряжение Главы Республики Карелия от 6 декабря 2019 № 679-р
  6. ↑ Лауреаты Республики Карелия 2017 года [включить в число лауреатов Бойко Т. П. ] // ТВР-Панорама. — 2018. — N 1. — С. 3.
  7. ↑ Жителей Карелии отметили за заслуги и плодотворный труд (рус.). rk.karelia.ru. Kačondan päivymiäry: 5. kylmykuudu 2025.

Kirjalližus

  • Ol'ga Kuzmina. Kielen tutkijal ruado ei loppei // Oma Mua.. — 2014. — 19. kylmykuudu (№ 44). — С. 8.
  • Ol'ga Dubitskaja. Uuzi sanakniigu: livvispäi ven'akse // Oma Mua. — 2016. — 2 kylmykuudu. — С. 3.
  • Jelena Ruppijeva. Kai livvin piämurdehen tärgiet sanakniigat ollah valmehet // Oma Mua. — 2022. — 17. elokuudu (№ 31). — С. 3.

Linkat

Lähteh - "https://olo.ruwiki.ru/w/index.php?title=Tatjana_Boiko&oldid=126361222"