Vuvven laureattu Karjalan tazavallas
Vuvven laureattu Karjalan tazavallas (ven. Лауреа́т года Республики Каре́лия) on kanzalazien morualline kiitändymuodo arvoruadolois tazavallan hyväkse, sego persounallizes tuloksellizes panokses Karjalan tazavallan tiijon, kul’tuuran da yhteiskunnallistalovuon kehitykseh sego korgeitazozis ammattinerolois.
.png)
Arvonimi perustettih Karjalan tazavallan halličuksen piämiehen käskys № 344 30. kezäkuudu vuvvennu 1999 "Vuvven laureatois Karjalan tazavallas"[1]
Karjalan tazavallan piämiehen käskys № 112 23. elokuudu vuvvennu 2002 "Vuvven laureatois da Vuvven ristikanzas Karjalan tazavallas" azetettih uuzi palkindon annandumiärävö[2].
Arvonimen annandusiännöt
Karjalan tazavallan vuvven laureatat tunnustetah joga vuottu kalenduaruvuvven tuloksien perustehel, ei myöhembi talvikuun 31. päiviä.
Eččimyksii arvonimen suandakse voijah ezittiä:
- ruadopaikkujoukot;
- paikallizet ičehalličukset;
- yhteiskunnallizet yhtistykset;
- Karjalan tazavallan valdivolaitokset.
Eččimyksii otetah vastah talvikuun 1. päivässäh.
Palkindo annetah:
- arvotegolois da ruadotuloksis tazavallan hyväkse tuotandotoimindas;
- persounallizes panokses Karjalan tazavallan tiijon, kul’tuuran da yhteiskunnallistalovuon kehitykseh;
- suavutuksis yhteiskundupoliitiekkutoimindas.
Kandidatuuroi edukädeh kaččelou sih niškoi kerätty tarkastuskundu, hyväksyy käskys Karjalan tazavallan piämies[3][4].
Vuvven laureattu -arvonimen suannuzile kanzalazile annetah:
- mustodiplomu;
- rynnäsmerki;
- kallis lahju.
Rynnäsmerki
Vuvven laureattu -rynnäsmerki on luajittu Karjalan tazavallan valdivollizien tunnusmerkilöin pohjal. Merki on moniozaine: kullankarvazen avatun venkan sydämeh sijoitettih hobjankarvaine suojusvehkeh, kudai on kolmeh kerdah ajettu yhtensuuruoh Karjalan tazavallan valdivollizen flavun värilöih, kudamas on seizojan kondien sivukuva huruale päi kiännetynny kunnivomerkih kaččojen. Suojuksen kuldaine kehys muuttuu stiiliteltylöih huruas puoles olijan kuuzen da oigies puoles olijan pedäjän kuvih. Suojuksen yläozas on kaheksan’okkaine tiähti (kaksinkerdaine ristu). Rynnäsmerkin ylimäzes ozas on kirjutettu ven. "Карелия", alimazes ozas — ven. "Лауреат года" da vuvven noumerumerkit. Merkin toizes puoles on jälletysnoumeru da sobah kiinitettävy laiteh. Rynnäsmerkin piduhus on 22 mm, levevys — 17 mm. Rynnäsmerki on azuttu matallusulattehes (СрМ 925 с зол. 101104).
Karjalan tazavallan vuvven laureatat
- Aleksandr Volkov (1999, 2006, 2009, 2018);
- Elissan Šandalovič(2000, 2008);
- Aleksander Beloborodov (2000);
- Jelena Soini (2001);
- Zinaida Strogal'ščikova (2005);
- Vladimir Lukin (2013);
- Tatjana Boiko (2017)[5];
- Irma Mullonen (2024)[6].
Huomavukset
- ↑ Собрание законодательства Республики Карелия. — 1999. — № 6, ст. 835. Собрание законодательства Республики Карелия. — 2002. — № 3, ст. 305.
- ↑ Указ о лауреатах года и Человеке года Республики Карелия (рус.). Kačondan päivymiäry: 9. talvikuudu 2025.
- ↑ 20 лауреатов 2024 года назвали в Карелии (рус.). Kačondan päivymiäry: 9. talvikuudu 2025.
- ↑ В Петрозаводске будут чествовать лауреатов года Карелии (рус.). Kačondan päivymiäry: 9. talvikuudu 2025.
- ↑ Лауреаты Республики Карелия 2017 года [включить в число лауреатов Бойко Т. П. ] // ТВР-Панорама. — 2018. — № 1. — С. 3.
- ↑ УКаз Главы Республики Карелия О лауреатах 2024 года Республики Карелия (рус.). Kačondan päivymiäry: 9. talvikuudu 2025.
Linkat
- Указ Главы Республики Карелия от 23 августа 2002 года № 112 "О лауреатах года и Человеке года Республики Карелия" (рус.).
- Священнослужитель Петрозаводской епархии удостоен звания "Лауреат года" (рус.).
- Начальнику УФСИН Карелии присвоено почетное звание "Лауреат года" (рус.).
- Сотрудник МЧС стал лауреатом года Республики Карелия (рус.).
- В Карелии названы «Лауреаты года» (рус.).
- Указ Главы Республики Карелия от 16.12.2024 № 96 "О лауреатах 2024 года Республики Карелия" (рус.).
- Стали известны имена лауреатов года Республики Карелия (рус.). petrsu.ru.
- Жителям республики и трудовым коллективам предложили выбрать лауреатов и Человека года Карелии (рус.).