Gavrilov Maksim Ivanovič

RUWIKIS on kirjutustu toizis ristikanzois sugunimenke Gavrilov.

Maksim Ivanovič Gavrilov
vuozi 1970
Piätiijot
Täyzi nimi
Roindupäivy	5. oraskuudu 1919(1919-05-05)
Roindupaikku	Knäžön kylä, Kemin ujezdu, Arhangelin gubernii, Ven'an federatiivine socialistine nevvostotazavaldu
Kuolendupäivy	7. kylmykuudu 1997(1997-11-07) (78 vuottu)
Kuolendupaikku	Petroskoi, Karjalan tazavaldu
Muat	Nevvostoliitto→ Ven'anmua
Toiminduvuvvet	1938—1996
Soittimet	kandeleh, jouhikko
Žanrat	rahvahan muuzikku
Joukot	Kantele-ansambl'u
Palkindot

Maksim Ivanovič Gavrilov (ven. Максим Иванович Гаврилов; 5. oraskuudu vuvvennu 1919 — 7. kylmykuudu vuvvennu 1997) on kandelehelsoittai, Karjal-suomelazen socialistizen nevvostotazavallan arvostettu artistu (1947), Ven'an federatiivizen socialistinen nevvostotazavallan arvostettu artistu (1970).

Eloskerdu

Oli roinnuhes karjalazeh muanruadajien pereheh. Seiččemen kluasan školan loppiettuu ruadoi Kandalahten kylän kul’tuurutalois.

Vuvves 1938 kuului Kantele-ansambl’ah, on sie tansijannu. Opastui soittamah kandelehel (V. P. Gudkovan opastui) da rubei ezittymäh ansambl’as kandelehelsoittajannu.

Vuozinnu 1970—1980 oli Kantele-ansambl’an taido-ohjuajannu da johtajannu.

Vuvves 1984 oli Karjalan valdivollizen filarmounien solistannu.

Valmisti kandelehel da jouhikol soitandumetoudiekkua. Oli erähii Karjalan kandelehelsoittajien liiton alguhpanijoi, Petroskois enzimäzien Kanzoinvälizien Kantele-festivualiloin ozanotajii.

Pajattai L’ucija Tepponen, kandelehelsoittajat Toivo Vainonen da Maksim Gavrilov ezitetäh Karjal-suomelastu socialististu nevvostotazavaldua II Muailman nuorižon da opastujien festivualis Budapeštas (1949)

Palkindot

• Kunnivon kunnivomerki (29. ligakuudu 1951).
• Karjal-suomelazen socialstizen nevvostotazavallan arvostettu artistu (1947).
• Ven'an federatiivizen socialistinen nevvostotazavallan arvostettu artistu (1970).

Bibliogruafii

• "Кантеле". Гос. ансамбль песни и танца КАССР. — Петрозаводск, Госиздат КАССР, 1959. — 48 с. с илл.
• К 60-летию основателя Петровского народного хора И. И. Левкина. — Петрозаводск, 1963
• Кантеле [Ноты]: самоучитель игры / авторы текста Т. П. Вайнонен, М. И. Гаврилов. — Петрозаводск: Карелия, 1985. — 118 с. : ил.
• Звучи, мое кантеле: Из репертуара кантелиста М. Гаврилова. — Петрозаводск, 1995

Kirjalližus

• Карелы Карельской АССР / Ин-т яз., лит. и истории Карел. филиала АН СССР. — Петрозаводск: Карелия, 1983. — 288 с., ил.
• Пертти Виртаранта. Этюды о карельской культуре: Люди и судьбы. Пер. с фин. Ю. Ю. Сурхаско. — Петрозаводск: "Карелия", 1992. — 288 с.
• Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1: А — Й. — 400 с. — 3 000 экз. — ISBN 978-5-8430-0123-0.

Huomavukset

Linkat

• Гаврилов Максим Иванович (1919—1997)
• Максим Иванович Гаврилов (1919—1997)