Ven'an uvvenvuvven piälinnu 2026 — R'azani
| Ven'an uvvenvuvven piälinnu 2026 — R'azani | |
|---|---|
 Ven'an uvvenvuvven piälinnu 2026 — R'azani -logotiippu | |
| Ala | matkailu |
| Mua |
 Ven'anmua |
| Ken kehoitti |
Ven'an Federacien kul'tuuruministerstvu |
| Algu | 2025 |
Ven'an uvvenvuvven piälinnu 2026 — R'azani (ven. Новогодняя столица России 2026 года — Рязань). R'azani jo toizen kerran sai Uvvenvuvven piälinnan stuatusan Ven'an Federacien kul'tuuruministerstvan federuallizen Ven'an uvvenvuvven piälinnu -matkailuprojektan todevuttamizen hantuzis[1]. Stuatussu siirdyi R’azanile Ven'an uvvenvuvven piälinnas 2025 — Kirovaspäi. Vuvvennu 2025 R’azani pidi omua 930-vuozipäiviä sen perustamizes da loppou pruazniekkupidoloin sarjan uvvenvuvven pruazniekkoin suurimiäräzel programmal.
Uvvenvuvven linnan simvolat 2026
Uvven Vuvven piäsimvolakse R’azanis rodih matr'ošku perindöllizis Mihailovskoin, Kasimovskoin, R’ažskoin, Sapožkovskoin da Sarajevskoin piirilöin pruazniekkusovis[2].
Toizekse uvvenvuvven piälinnan simvolakse rodih "Krustalilumihiudaleh" — joga voittanuh linnu nägöy sen kuvan omah tabah perindölöin da kul’tuuran eričyspiirdehien mugah. R’azanin tämän vuvven lumihiudaleh vittuau paikallizeh perindöllizeh kirjoindutehniekkah — Kadoman venizah.
Uvvenvuvven piälinnan piäpersonuažu on Snežanuška-tyttöine. Tämä elavunnuh lumihiudaleh on hyvyön da ahkeruon simvolu. Eskiizan luajittih R’azanin školaniekat, luomisaloin festivualiloin ozanottajat, sego tegoäly[3].
Programmu — 2026
Pruazniekkutapahtumat R’azanis algavuttih 13. talvikuudu vuvvennu 2025[4]. Niilöin piäkentänny on Libedskoi kävelykujo, jallaikävelyaloveh linnan histouriellizes keskučas. Se juattih äijih temuattizih ozih — luomisruado, ozakas, kaupalline, taidelline, leidy, pereh, sportu, tevolližus[5].
- R'azanin keskučan uvvenvuvven čomendus
Mandariinoil čomendettu uvvenvuvven kuuzi
Uvvenvuvven kuuzi lagevol
Pienen puuston uvvenvuvven čomendus
Linnan eläjih da gostih niškoi mugaže avatah animacii- da fotokuvapaikat, luistelikko, sportukenty, uvvenvuvven taido-objektat, syömispaikat da jarmankat[6].
Pruazniekkutapahtumien toizet piendypaikat ollah R'azanin kremli, Kirikköpuusto, R’azanin VDNH, Kul’tuuran da huogavon keskuspuusto, sego pihatilat, kul’tuuru- da vesseldyslaitokset, kuduat ollah linnan eri piirilöis[7].
"Pakkasukon poštu"
Talvikuun 13. päiväs vuvvennu 2025 pakkaskuun 10. päivässah vuvvennu 2026 R’azanin poštan keskustoimistos ruadau "Pakkasukon poštu", siepäi voibi työndiä kirjaine talven tiedoiniekale erinomazel aziibumuagal. Mugaže suau ostua poštukartočkua da mustolahjua Snežanuškan kuvan da Uvvenvuvven piälinnan simvoloinke. Lebopäivin omah mökkih tulou Pakkasukko[8].
Bohatteriväin festivuali "Pakkaine ei ole este nuorien ilonpidoloile" Programmas ollah huondesniveldykset ilmal kuulužien sportumiehienke, gimnastoin ezitykset, sportukilbailut, muasteripajat, talven sportuilot: pohjaine kilbu, savakkokävely, hiihtokilvat, jouziammundu, veičen sportulykkiändy, gr’uuhah kižuandu.
Gastronoumiifestivuali "R'azanin alovehen syömizet"
Talven restoruanufestivuali "R'azanin alovehen syömizet" järjestetäh talvikuun 13. päiväs pakkaskuun 10. päivässäh linnan hyvännypiettävis restoruanois da avvonazil pihatiloil[9]. Syömisnevvolistas ollah R'azanin alovehen paikallizet syömizet, luguh ottajen Klepikovskoin piirin, moizet kui haugi, keitelty kuha kuivatun sliivanke kirjuttajan Konstantin Paustovskoin receptan mugah, sorzusuuppu r’azanin grivoinke, vihandu šiiloirokku Zaborjevskii-leivänke, must’oitortu Kasimovan šokoluadanke. Valmistettihgi mustolahjua, R’azanin perindöllisty gastronoumiisimvolua — kalinnik-jälgisyömisty, kikkii da karamielii.
"Čempionoin hiihtot"
On uvvenvuvven sportuezitys, kudamas kilbaillah Ven'an da Valgo-Ven'an johtajat hiihtäjät da ammunduhiihtäjät[10]. Hiihtokilvat pietäh pakkaskuun 3. da 4. päivinny Almaz-stadional kahteh kerdah, mugaže rodieu nimikirjutuspido kuuluzien sportumiehienke.
Kelloloin soiton festivuali "R’azanin kelloloin soitto. Talvi"
Pakkaskuun 8. da 9. päivinny pietäh Kanzoinväline kelloloin soiton festivuali. Enzikerdua sil ezittyy 30 kellonsoittajua Ven’an eri alovehil da Valgo-Ven’alpäi[11]. Säveldykset ezitetäh R’azanin kremlin kirikön kellonjallois sego Kazanskoin Jumaldoman kirikön kellonjallois valdivollizes S. A. Jeseninan nimizes muzei-zapovedniekas.
Huomavukset
- ↑ Рязань – Новогодняя столица России 2026 (рус.). xn---2026-4vemij5b6atdkbbd7ct7f4ia.xn--p1ai. Kačondan päivymiäry: 23. talvikuudu 2025.
- ↑ В Рязани утвердили символ «Новогодней столицы – 2026», ФедералПресс. Kačondan päivymiäry: 23. talvikuudu 2025.
- ↑ Стали известны маскоты Новогодней столицы в Рязани, 7info (18 kylmykuudu 2025). Kačondan päivymiäry: 23. talvikuudu 2025.
- ↑ Новогодняя столица России открылась в Рязани (неопр.). ОТР - Общественное Телевидение России. Kačondan päivymiäry: 23. talvikuudu 2025.
- ↑ В Рязани презентовали полную программу проекта «Новогодняя столица России — 2026» — Новости за 18.11.2025 — город Рязань на городском сайте RZN.info (рус.). RZN.info (18. kylmykuudu 2025). Kačondan päivymiäry: 23. talvikuudu 2025.
- ↑ Рязань готова стать «Новогодней столицей»: работают сотни волонтеров, AiF. Kačondan päivymiäry: 23. talvikuudu 2025.
- ↑ Рязанцам и гостям города представили карту Новогодней столицы России 2026 (рус.). admrzn.ru (11. talvikuudu 2025). Kačondan päivymiäry: 23. talvikuudu 2025.
- ↑ Рядом с Центральным Рязанским почтамтом откроется «Почта Деда Мороза» (рус.). admrzn.ru (11. talvikuudu 2025). Kačondan päivymiäry: 23. talvikuudu 2025.
- ↑ С 13 декабря в Рязани стартует гастрономический фестиваль «Кухня Рязанского края», СОРОКА (11 talvikuudu 2025). Kačondan päivymiäry: 23. talvikuudu 2025.
- ↑ Одним из ключевых событий федерального проекта «Новогодняя столица России» станет «ТЕХНОНИКОЛЬ. Гонка чемпионов» (рус.). xn---2026-4vemij5b6atdkbbd7ct7f4ia.xn--p1ai. Kačondan päivymiäry: 23. talvikuudu 2025.
- ↑ В Рязани пройдет фестиваль колокольной музыки, TACC. Kačondan päivymiäry: 23. talvikuudu 2025.
| Ven'an uvvevvuvven piälinnu | |
|---|---|
| |
