Vieno Kettunen
| Vieno Grigorjevna Mikšijeva | |
|---|---|
 | |
| Roindunimi | Vieno Kettunen |
| Peittonimet | Vieno Kettunen |
| Roindupäivy | 5. kevätkuudu 1937 |
| Kuolendupäivy | 11. syvyskuudu 2025 (88 vuottu) |
| Kanzalližus | |
| Ammatti | ozuttelii |
| Teatru | Karjalan tazavallan kanzalline teatru |
| Palkindot |
  |
Vieno Kettunen (ven. Виено Григорьевна Микшиева, 5. kevätkuudu 1937 — 11. syvyskuudu 2025) on Karjalan rahvahalline da Ven’an arvostettu artistu. Vieno Kettunen ruadoi Karjalan Kanzallizes teatras enämbän 60 vuottu. Karjalan rahvahalline artistuu (1982), Ven’an arvostettu artistu -arvonimi (2000), Kalevalan piirin kunnivoittu eläi[1].
Eloskerdu
Vieno Kettunen on roinnuhes 5. kevätkuudu vuvvennu 1937 Kuusiniemes Kalevalan piiris. On vienankarjalaine.
Viizitostu vuodizennu piäzi opastumah Karjalan Kanzallizen teatran (sillozen Karjal-suomelazen druamuteatran) stuudieh.
Karjalan Kanzallizes teatras Vieno Kettunen ruadoi piäle kuvvenkymmenen vuvven. Täh aigah on ozutettu monii kymmenii rouliloi karjalan, suomen da ven’an kielel, suadu kaččojien da suurien kriitiekoin arvostus. Vieno Kettuzen rouliloin luvus on karjalazen naizen roulii.
Kuoli 11. syvyskuudu vuvvennu 2025, hänel oli 88 vuottu[2][3].
Yhteiskunnallizel alal
Omis juuris da omas kieles karjalaine Vieno Kettunen on pyzynyh ainos. Häi on pannuh äijän vägie oman rahvahan kielen da kul’tuuran kehittämizeh. Juuri Vieno Kettunen da hänen ukkoh Pekka Mikšijev, oldih suamas Petroskoile oman rahvahan Oma Pajo -horua, oldih panemas rattahile Karjalan Rahvahan Liiton ruaduo.
Erähii rouliloi
- Lemminkäzen muamo ("Kalevala", 1984);
- Vahnu emändy ("Niskavuori", 2000);
- Akulina ("Otatko miut, Karjalan mua", karjalan kielel);
- Akku ("Pyhäžy dielo", 2010, karjalan kielel).
Palkindot
- Karjalan rahvahalline artistu -arvonimi (1982);
- Vuvvennu Ven’an arvostettu artistu -arvonimi (2000);
- Kalevalan piirin kunnivoittu eläi -arvonimi (2012);
- On monien Onežskaja maska- da Karjalan piämiehen Sampo-palkindoloin suannuh.
Pereh
Ukkoh — Pekka Mikšijev, Ven’an rahvahalline da Karjalan arvostettu artistu, Karjalan Kanzallizen teatran artistu.
Huomavukset
- ↑ Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2009. — Т. 2: К — П. — 464 с. — 3 000 экз. — ISBN 978-5-8430-0125-4.
- ↑ Ушла из жизни народная артистка Карелии Виено Микшиева (рус.). rk.karelia.ru (11. syvyskuudu 2025). Kačondan päivymiäry: 12. syvyskuudu 2025.
- ↑ Умерла народная артистка Карелии Виено Кеттунен. factornews.ru (12. syvyskuudu 2025). Kačondan päivymiäry: 12. syvyskuudu 2025.