Pekka Mikšijev

Pekka Mikšijev
Pekka Mikšijev
Täyzi nimi	Пётр Григорьевич Микшиев
Roindupäivy	14. kevätkuudu 1935
Roindukohtu	Videl, Anuksen piiri, Karjalan avtonoumine socialistine nevvostotazavaldu, Nevvostoliitto
Kuolendupäivy	4. kezäkuudu 2021 (86 vuottu)
Kuolendukohtu	Petroskoi, Karjalan tazavaldu
Kanzalližus	Nevvostoliitto, Ven'anmua
Toimindu	ozuttelii
Akku	Vieno Kettunen
Palkindot da arvonimet	Ven'an Fedratiivizen socialistizen nevvostotazavallan K. S. Stanislavskoin nimine palkindo (1972), Karjalan avtonoumizen socialistizen nevvostotazavallan arvostettu artistu (1972), Ven'an Federacien rahvahan artistu (2002)

Tarkastettu kirjutus

Pekka Mikšijev (ven. Пётр Григорьевич Микшиев) (14. kevätkuudu 1935 - 4. kezäkuudu 2021) on Nevvostoliiton da Ven'an teatruakt'ouru. Ven'an fedratiivizen socialistizen nevvostotazavallan K. S. Stanislavskoin nimizen palkindon suannuh (1972), Karjalan avtonoumizen socialistizen nevvostotazavallan arvostettu artistu (1972), Ven'an Federacien rahvahan artistu (2002). Pekka Mikšejev ruadoi Karjalan tazavallan kanzallizes teatras enämbän 55 vuottu.

Eloskerdu

Pekka Mikšijev oli roinnuhes 14. kevätkuudu vuvvennu 1935 Videlen kyläs karjalazeh pereheh.

Vuvvennu 1957 loppi Leningruadan A. N. Ostrovskoin nimizen teatruinstituutan kanzallizen kursan, kudaman ohjuajannu oli professoru J. I. Time. Jälles instituuttua sluuži armies.

Vuvves 1959 Mikšijev oli Suomen druamuteatran akt'ourannu (nygöi Karjalan tazavallan kanzalline teatru). Kanzallizes teatras Pekka Mikšijev ruadoi piäle viijenkymmenen viijen vuvven.

Vuozinnu 1960—1970 oli miehien Manok-ansamblin ozanottajannu, joukko oli propagandiiruinnuh suomen rahvahan pajuo.

Oli vuvvennu 1990 erähii Oma Pajo -horan alguhpanijoi da Karjalan Rahvahan Liiton perustajii. Kuului Karjalan Rahvahan Liiton halličukseh da Karjalan tazavallan piämiehen tyves ruadajah karjalazien, vepsäläzien da suomelazien nevvostoh.

Kuoli 4. kezäkuudu vuvvennu 2021. On pandu muah Suolusmäin kalmužimale.

Palkindot

K. S. Stanislavskoin nimine palkindo Vasselein roulis Otatko miut, Karjalan mua? -spektaklis, kudai ozutettih Karjalan avtonoumizen socialistizen nevvostotazavallan Suomen druamuteatran laval (1972)
Karjalan avtonoumizen socialistizen nevvostotazavallan arvostettu artistu (1972)
Karjalan tazavallan Sampo-palkindo (1998)
Ven'an Federacien rahvahan artistu (2002)
Karjalan tazavallan palkindo teatrutaijon alal (2010)

Luomisruado

Taidotoimindan aigah akt'oural oli läs 300 roulii karjalan, suomen da ven'an kielil, niilöin luvus:

1965 — "Kullervo" (J. Erkko) — Kullervo
1968 — ven. «Баня» (V. V. Majakovskoi) — Velosipedkin; Šekspiran "Romeo da Džuljetta" — Merkucio; ven. «Охота на ведьм» (A. Miller)] — Pastoru Gail's
1969 — "Otatko miut, Karjalan mua?" (Antti Timonen) — Vasselei
1970 — ven. «Дети природы» (M. Lassila)
1974 — "Kalevala" — Ilmarinen
1982 — "Gedda Gabler" (G. Ibsen) — Tesman
1986 — ven. «Кабаре» (Dž. Masteroff) — Šul'c
1989 — ven. «Свалка» (A. A. Dudarev) — Pifagor
1992 — ven. «Слон» (A. A. Kapkov) — Močalkin
1998 — ven. «Пока она умирала» (N. M. Ptuškina) — Igor' Nikolajevič
1999 — ven. «Осень и зима» (L. Nuren) — Henrik; ven. «Играем Стриндберга» (D'urrenmatt) — Edgar
2001 — ven. «Забавы доктора Ариэля» (A. Kasona)
2002 — ven. «Входит свободный человек» (T. Stoppard) — Džordž Raili
2003 — ven. «Старомодная комедия» (А. N. Arbuzov) — Rodion Nikolajevič; ven. «Нумми-фарс» (A. Kivi)
2005 — "Liperiadi" (M. Lassila) — Pastoru; "Laukkurit" (S. Kantervo) — Pekka Lipkin
ven. «Дамы и гусары» (A. Ferdro) — Kapellan
ven. «Кавказский меловой круг» (B. Breht) — Vahnu muanruadai
ven. «Жаворонок» (Ž. Anuja) — Inkviziittoru
ven. «Салемские колдуньи» (A. Miller) — Pastoru Heiz
"Pyhäžy dielo" (F. M. Bul'akov) — Vahnu mies

Pereh

akku — Vieno Kettunen (roinnuhes 1937) — Karjalan avtonoumizen socialistizen nevvostotazavallan rahvahan artistu (1982), Ven'an Federacien arvostettu artistu (2000)^[1].

Huomavukset

ISBN 978-5-8430-0125-4.

Kirjalližus

Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. — С. 218—464 с.: ил., карт. ISBN 978-5-8430-0125-4 (т. 2)

Linkat

[1] ISBN 978-5-8430-0125-4.

[1]