Vladimirov Leonid Mihailovič

On otettu Рувики-späi
Leonid Vladimirov
Леонид Владимиров.jpg
Roindunimi Leonid Mihailovič Vladimirov
Roindupäivy 7. syvyskuudu 1937(1937-09-07)
Roindupaikku
Kuolendupäivy 16. kezäkuudu 2014(2014-06-16) (76 vuottu)
Kuolendupaikku
Kanzalližus  Nevvostoliitto→
 Ven'anmua
Ammatti ozuttelii, teatruohjuaju
Toiminduvuvvet 1956 — 2013
Teatru Karjalan avtonoumizen socialistizen nevvostotazavallan muuzikku- da druamuteatru, Leningruadan Lensovetan nimine teatru, Litvan ven'alaine druamuteatru, Karjalan kanzalline teatru
Palkindot
Заслуженный деятель искусств Российской Федерации — 2007
  • Litvan socialistizen nevvostotazavallan arvostettu artistu

Leonid Mihailovič Vladimirov (ven. Леонид Михайлович Владимиров, 7. syvyskuudu 1937, Moskovu — 16. kezäkuudu 2014, Petroskoi) on nevvostolaine da ven'alaine teatran artistu da ohjuaju, Ven'an Federacien taidoalan arvostettu ruadai (2007), Litvan socialistizen nevvostotazavallan arvostettu artistu (1986).

Eloskerdu

Leonid Vladimirov oli roinnuhes 7. syvyskuudu vuvvennu 1937 Moskovan linnas. Hänen tuattah kuadui jo enzikuuloil Suurel Ižänmuallizel voinal. Muamah kahten lapsenke lähti evakuacieh, heidy viettih Vladimiran alovehen Kol’čugonoh, kus pereh eli vuodessah 1944, sit hyö tuldih Petroskoile muaman veikillyö[1].

Opastui Petroskoin arhitektuuru- da rakendustehnikumas. Pahanruadajien joukospäi vieraittamizekse händy miärättih Kirovan raududorogan haldivon tyves toimijah druamukerhoh, kus hänel oli piärouli ven. "Твоё личное дело" -ozutelmas. Hyvih tuloksih piästyy mieliruadoalal, häi hylgäi kesken opastuksen da vuvvennu 1956 sai lavanazettajan ruadopaikan Ven’alazes druamuteatras, da jo sil samazel vuvvel enzikerdua ezityi pienes roulis Rozovan ven. "В поисках радости" -ozutelmas[1].

Vuozinnu 1956—1964 häi ozutteli Karjalan avtonoumizen socialistizen nevvostotazavallan muuzikku- da druamuteatru] Petroskoil. Tiä, vuvvennu 1957, häi nai teatran piäroulilois ezittyjäs Vera Mihailinas. Vuvvennu 1964, konzu Vera Mihailovnua kučui Leningruadah Lensovetan nimizen teatran piäohjuaju Igor’ Vladimirov, Leonid Vladimirov lähti mučoin peräh. Vuozinnu 1964—1971 ruadoi Leningruadan Lensovetan nimizes teatras  (ven.) (olo. piäohjuajan abulazennu, ohjuajannu da ozuttelijannu. Jällel, vuozinnu 1971—1972, häi oli Uljanovskan alovehellizen druamuteatran johtajannu ozuttelijannu.

Vuozinnu 1972—1993 häi toimi ozuttelijannu da ohjuajannu Litvan ven’alazes druamuteatras Vil'nusas, kus ozutteli läs 30 piäroulis da ohjai enämbän 15 spektaklii.

Vuvvenu 1992 Vladimirovas rodih Karjalan TV:n da ruadivon valdivollizen komitietan piäohjuaju. Vuozinnu 1993—2003 häi ruadoi Karjalan kanzallizes teatras piäohjuajan virras, sie häi ohjai läs 20 spektaklii. R. Mustozen ozutelmua myö luajittu ven. "Где твой дом, ангел?" -spektakli rodih kanzoinvälizen suomi-ugrilazien teatroin Majatul  (ven.) (olo.-festivualin laureatakse Joškar Olas vuvvennu 1997. Jälles sidä häi äijän ozutteli teatruozuttelijannu.

Kuoli 16. kezäkuudu vuvvennu 2014 Petroskoil 77 vuvven ijäs pitkän voimattomuksen jälgeh[2].

Pereh

  • Hänen akkah — ozuttelii Vera Ivanovna Mihailina (1928—2013), Karjalan avtonoumizen socialistizen nevvostotazavallan arvostettu ozuttelii.

Palkindot

  • Litvan socialistizen nevvostotazavallan arvostettu artistu (1986);
  • Karjalan tazavallan taidoalan arvostettu ruadai (1997);
  • Ven'an Federacien taidoalan arvostettu ruadai (10. talvikuudu vuvvennu 2007) — arvoruadolois taidoalal[3];
  • Karjalan tazavallan piämiehen Sampo-palkindo N. V. Gogol'an ven. "Старосветские помещики" -spektaklis (2001—2002).

Ruado teatrois

Leningruadan Lensovetan nimine teatru

  • B. Brehtan ven. «Трёхгрошовая опера»;
  • U. Šekspiran ven. «Ромео и Джульетта»;
  • V. Majakovskoin da M. Rozovskoin ven. «Мистерия-буфф»;
  • A. Arbuzovan ven. «Таня».

Litvan ven’alaine druamuteatru

  • M. Roščinan ven. "Старый Новый год" — Sebeikin;
  • V. Rozovan ven. "Четыре капли" — Selezn’ov;
  • G. Gorinan ven. "Забыть Герострата!" — Tissafern;
  • I. Dricen ven. "Святая святых" — Kelin;
  • N. V. Gogol’an ven. "Мёртвые души" — Sobakevič;
  • V. Merežkon ven. "Ночные забавы" — Andr’uščenko;
  • U. Šekspiran ven. "Мера за меру" — Lucio.

Karjalan kanzalline teatru

  • A. Platonovan ven. "Возвращение";
  • O. Bogajevan ven. "Русская народная почта";
  • V. Slavkinan ven. "Плохая квартира";
  • Vuozi 2002 — N. V. Gogol’an ven. "Старосветские помещики" — Afanasii Ivanovič;
  • Vuozi 2006 — A. Fredron ven. "Дамы и гусары (ozutelmu)  (ven.) (olo." — Maijoru;
  • ven. "Герой" Dž. Singan ven. "Удалой молодец — гордость Запада" -ozutelman mugah — Maikl Flaijerti;
  • B. Al’forsan ven. "Иллюзионисты" — Kazimir Kant;
  • Vuozi 2010 — U. Šekspiran ven. "Король Лир" — Lir;
  • Vuozi 2013 — U. Šekspiran ven. "Двенадцатая ночь, или Что угодно" — seeru Tobi Belč.

Fil'mogruafii

  1. Vuozi 1978 — ven. Не буду гангстером, дорогая (litv. Nebūsiu gangsteriu, brangioji; Litvan kinostuudii) — epizoudu;
  2. Vuozi 1988 — ven. Мера за меру (telespektakli) (litv. Akis už akį) — Lucio;
  3. Vuozi 2003 — ven. Тайны следствия (3. kauzi, 6. fil'mu ven. "Покушение") — puolistai.

Huomavukset

  1. ↑ 1 2 Режиссёр должен умереть… «Случайная» карьера Леонида Владимирова // Еженедельник Карелии «Карельская Губерния», № 37 (326) от 28 августа 2002. Kačondan päivymiäry: 23. heinykuudu 2025. Arhiviiruittu 4. kevätkuudu 2016
  2. ↑ Умер артист Национального театра Карелии Леонид Владимиров // Республика. 16 июня 2014. Kačondan päivymiäry: 23. heinykuudu 2025. Arhiviiruittu 2. heinykuudu 2014
  3. ↑ Указ Президента Российской Федерации от 10 декабря 2007 года № 1647 «О награждении государственными наградами Российской Федерации». Kačondan päivymiäry: 23. heinykuudu 2025. Arhiviiruittu 29. kezäkuudu 2019

Linkat

Lähteh - "https://olo.ruwiki.ru/w/index.php?title=Vladimirov_Leonid_Mihailovič&oldid=126361666"