Irina Fedosova

On otettu Рувики-späi
Tarkastettu kirjutus
Irina Andrejevna Fedosova
Irina Andreyevna Fedosova 1897.jpg
Roindunimi Irina Andrejevna Julina
Roindupäivy 29.04.1827 (17.)
Roindukohtu Safronovo-kylä, Tolvujan voulosti, Petroskoin ujezdu, Anuksen gubernii
Kuolendupäivy 22.07.1899 (10.)
Kuolendukohtu Lisicino-kylä, Tolvujan voulosti, Petroskoin ujezdu, Anuksen gubernii
Kanzalližus Ven'an valdukundu
Toimindu iänelitkii, runonpajattai, starinansanelii
Palkindot da arvonimet

Tiedoakadiemien hobjumedali

Логотип РУВИКИ.Медиа Медиафайлы на РУВИКИ.Медиа

Irina Andrejevna Fedosova (ven. Ири́на Андре́евна Федосóва; 17 [29] sulakuudu 1827, Petroskoin ujezdu[d], Anuksen gubernii[d] — 10 [22] heinykuudu 1899, Petroskoin ujezdu[d], Anuksen gubernii[d]) on ven'alaine rahvahan runonpajattai, iänelitkii, rahvahan pajoloin tiedäi da ezittäi[1].

Eloskerdu

Irina Fedosova oli roinnuhes lapsekkahah Andrei Jefimovič da Jelena Petrovna Julinoin perehes. Kuuzivuodehizennu lähti ruadoh, 12-vuodehizennu rubei iänel itkemäh svuad'bois. Vuozien 1840 lopus Oniegantagavuos neidisty tiettih hyvänny iänelitkijänny.

Vuvvennu 1864 yhtes perehen kel muutti Petroskoih.

Vuozinnu 1880 runonpajattai ezityi Moskovas, Piiteris, Nižnii Novgorod -linnas, Kazanis.

Vuvves 1895 eli Piiteris valdivollizen peittonevvojan T.I. Filippovan fatieras (Moikajoven randupiha, 74). Keviäl vuvvennu 1899 tuli järilleh Karjalah[2].

Irina Fedosova on pandu muah Kuuzirannan kirikön kalmoile Jusova Gora -kylän lähäl Oniegujärven rannal.

Pereh

Ukko (vuvves 1849) — P'otr Trifonovič Novožilov (1789—1862)[2];

Ukko (vuvves 1863?) — Jakov Ivanovič Fedosov;

  • poigah Iivan[2].

Luomisruado

Enzimäzii folklourukirjutuksii Irina Fedosovaspäi oli luadinuh vuvvennu 1867 Anuksen hengellizen seminuarien opastai Jelpidifor Vasiljevič Basov da jullannuh niilöi ven. «Олонецкие губернские ведомости»-lehteh. Net oldih eri žanroin tekstat: kymmene hengellisty tekstua, balluadat da starinat. Kirjutuksen lopus oli merkitty: "Kai täh painetut "runot" olen kirjutannuh Tolvujan Irinas". Ga Fedosovan piäžanrannu oldih itkuvirret. Kahten vuvven aigah J. V. Barsov oli kirjutannuh pajattajas itkuvirzilöi, kudamii painettih kolmeozazeh Pohjazen alovehen itkuvirret (ven. «Причитания Северного края») -kniigah, kudai rodih arvokkahakse tapahtumakse folkloristiekas da etnogruafies.

Kaikkiedah rahvahanrunohuon tutkijat tallendettih Fedosovas enämbän 30 000 runuo, niilöin joukos oldih itkut-runoelmat, itkuvirret, liirizet pajot, starinat, balluadat, suarnat, sananpolvet, histouriellizet da hengellizet pajot. Hänes kirjutettih J. V. Barsov, F. M. Istomin, G. O. Dytš, O. H. Agreneva-Slav'anskaja.

Vuozinnu 1895-1896 Fedosova ezitti runoloi Piiteris, Moskovas, Nižnii Novgorodas da toizis linnois. Silaigua ruvettih sanomah, gu hänen taido maagizesti vaikuttau ristikanzoih. Lehtistös oli sanottu iänelitkijän 31 ezitykses Ven'an eri linnois, suurin vuitti kudamis oli Piiteris da Nižnii Novgorod -linnas.

Pakkaskuul vuvvennu 1895 Fedosova ezityi Piiteris Tiedoakadiemien istundos, Arheolougizen instituutan istundos, gimnuazielois da yksittäzis kodilois, oli palkittu hobjumedalil "ven'alazen rahvahan runohuon rikastuttamizes" da Tiedoakadiemien diplomal; hänele oli omistettu tiedolaitoksien erillizet istundot.

Pakkaskuul vuvvennu 1896 Moskovas Irina Fedosova ezityi Moskovan yliopiston tyves toimijan Luonnontiijon, antropolougien da etnogruafien ystävien liiton istundol, kus händy palkittih toizel hobjumedalil; Moskovan arheolougizen liiton istundol da Histourien muzeis.

Omis matkois Fedosova vastavui äijien vuozien 1890 Ven'an taido- da literatuurualan ruadajien kel, kudamien joukos oldih M. Gorkii, F. Šal'apin, N. Rimskii-Korsakov, M. Balakirev. Kirjuttai M. Gorkii (Voplenica- sego Žizn' Klima Samgina -nimizis tevoksis) hyvin kuvaili Irina Fedosovua.

Vuvvennu 1896 Fedosovan iäni oli tallendettu ennevahnallizeh fonogruaffulaitteheh, sidä voi kuulta tässäh[3][4].

Jo vuozisuannu XIX klassiekakse roinnuot Fedosovan itkuvirret oman taidotazon mugah tässäh ollah verduamattominnu rahvahan runohuon ezimerkilöinny. Händy sanottih "rahvahan runoilijakse" da se ei olluh liijoitteluu — hänen itkuvirret oldih äijäl "iččeh luajitut".

Irina Fedosovaspäi kirjutetut tekstat

Irina Fedosovan mustolaudu Petroskois
  • Агренева-Славянская О. X. Описание русской крестьянской свадьбы: в 3 т. — Тверь, 1889.
  • Барсов Е. В. Из обычаев обонежского народа // Олонецкие губернские ведомости. — 1867. — № 11-14, 16.
  • Истомин Ф. М., Дютш Г. О. Песни русского народа. — СПб., 1894.
  • Причитания Северного края, собранные Е. В. Барсовым: в 3 ч. (1872[5], 1882[6], 1885).
    • Причитания Северного края, собранные Е. В. Барсовым : в 2 т. / изд. подгот. Б. Е. Чистова, К. В. Чистов; отв. ред. А. М. Астахова. — СПб.: Наука, 1997.

Palkindot da tunnustus

  • Tiedoakadiemien hobjumedali (1895);
  • Hobjumedali da diplomu (Moskovu, 1895)[2].

Musto

Irina Fedosovan mustopačas Petroskois
  • Irina Fedosovan kalmal Kuuzirannan kyläs vuvvennu 1981 runoilijoin Marat Tarasovan da Robert Roždestvenskoin kannatuksel azetettih mustomerki kirjutuksenke: "Täh on pandu muah kuulužu rahvahan runoilii Irina Andrejevna Fedosova. 1827—1899"[7];
  • Irina Fedosovale on omistettu Robert Roždestvenskoin ven. На Юсовой горе-runo;
  • Petroskois taloil № 6 Karl Marksan prospektal on azetettu mustolaudu Irina Fedosovan kunnivokse[8];
  • Irina Fedosovan nimi on annettu uuličale Petroskoin histouriellizes ozas, lähäl Oniegujärven randupihua[8];
  • Irina Fedosovan nimi on annettu Karhumäin kirjastole;
  • Vuvves 2017 Karjalan tazavallas joga vuottu juatah Irina Fedosovan nimisty palkinduo lapsien taidojoukkoloin kannattamizekse[9][10];
  • Sygyzyl vuvvennu 2025 Petroskois Fedosovan uuličal Issersonan puustikos azetettih Irina Fedosovan mustopačas, sen virallizet avuajazet oldih Rahvahan yhtenäžyön päivänny — 4. kylmykuudu[11][12][13].

Huomavukset

  1. ↑ Музыкальная энциклопедия / Гл. ред. Ю.В. Келдыш. — «Советская энциклопедия», 1981. — С. 779. — 1055 с.
  2. ↑ 1 2 3 4 Сукотова.
  3. ↑ Калугин.
  4. ↑ Рагуева Г. «Я грамотой неграмотна, но памятью я памятна» // Новости Калевалы. — № 12. Архивировано 4 kevätkuudu 2016 года.
  5. ↑ Электронная копия. Kačondan päivymiäry: 5. kylmykuudu 2025. Arhiviiruittu 22. tuhukuudu 2014
  6. ↑ Электронная копия. Kačondan päivymiäry: 5. kylmykuudu 2025. Arhiviiruittu 22. tuhukuudu 2014
  7. ↑ Красавцева Н. «Схичу-спрячу я скаченую жемчужинку…» День памяти Ирины Федосовой // Карелия. — 2002, 20 июня. — № 61 (908). Архивировано 4 kevätkuudu 2016 года.
  8. ↑ 1 2 Ирина Андреевна Федосова. Компания «Интэрсо». Kačondan päivymiäry: 5. kylmykuudu 2025. Arhiviiruittu 24. kevätkuudu 2014
  9. ↑ Объявлен приём заявок на премию имени Ирины Федосовой для детских коллективов художественного творчества (рус.). gov.karelia.ru. Kačondan päivymiäry: 5. kylmykuudu 2025.
  10. ↑ Ансамбль Veslӓžed получил премию имени Ирины Федосовой (рус.). gazeta-licey.ru. Kačondan päivymiäry: 5. kylmykuudu 2025.
  11. ↑ Памятник сказительнице Ирине Федосовой установили в столице Карелии (рус.). karel.mk.ru. Kačondan päivymiäry: 5. kylmykuudu 2025.
  12. ↑ Названа дата открытия памятника карельской сказительнице в Петрозаводске (рус.). rk.karelia.ru (30. ligakuudu 2025). Kačondan päivymiäry: 5. kylmykuudu 2025.
  13. ↑ Парфенчиков открыл памятник Ирине Федосовой в День народного единства (рус.). rk.karelia.ru (4. kylmykuudu 2025). Kačondan päivymiäry: 5. kylmykuudu 2025.

Kirjalližus

  • Чистов К. В. Ирина Андреевна Федосова: историко-культурный очерк. — Петрозаводск : Карелия, 1988.
  • Чистов К. В. Народная поэтесса И. А. Федосова : Очерк жизни и творчества. — Петрозаводск : Госиздат Карело-Финской ССР, 1955.
  • Федосова Ирина (Иринья) Андреевна // Исполнители фольклорных произведений: (Заонежье, Карелия) / изд. подгот. Т. С. Курец. — Петрозаводск, 2008. — С. 251—268.
  • Кузнецова, В. П. Федосова // Карелия: энциклопедия: в 3 т. / гл. ред. А. Ф. Титов. — Петрозаводск : ИД «ПетроПресс», 2011. — Т. 3: Р — Я. — С. 203. — 384 с. — ISBN 978-5-8430-0127-8.
  • Федосова, Ирина. — Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Федосова Ирина Андреевна // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

Linkat

Lähteh - "https://olo.ruwiki.ru/w/index.php?title=Irina_Fedosova&oldid=126361675"