Karjalan tazavallan päivy

Karjalan tazavallan päivy
Karjalan tazavallan päivy
	; Karjalan tazavallan 100-vuozipäivän tunnusmerki
Pandih alguh	vuvvennu 1999 Karjalan tazavallan halličuksen zakonan mugah "Karjalan tazavallan päivän perustamizes"
Pietäh	vuvves 1999
Päivymiäry	8. kezäkuudu
Liittyy	Karjalan ruadokommuunan perustandah 8. kezäkuudu vuvvennu 1920

Karjalan tazavallan päivy on pruazniekku Karjalan tazavallan kunnivokse, kudamua pietäh 8. kezäkuudu^[1]. Sen hyväksyi vuvvennu 1999 Karjalan tazavallan halličus. 8. kezäkuudu vuvvennu 1920 oli allekirjutettu Kogo Ven'an keskustoimehpaniikomitietan azetus "Karjalan ruadokommuunan perustandah" nähte^[2]. Ei ole huogavopäivänny.

Pruazniekan histourii

27. sulakuudu vuvvennu 1999 Karjalan tazavallan halličuksen piämies Sergei Katanandov allekirjutti zakonan "Karjalan tazavallan päivän perustamizes". Sen mugah 8. kezäkuudu rodih Karjalan tazavallan päiväkse. Sinäpiän vuvvennu 1920 oli allekirjutettu Kogo Ven'an Keskustoimehpaniikomitietan azetus "Karjalan ruadokommuunan perustandas". Pruazniekkua ruvettih pidämäh "Karjalan valdivolližuon rodivundan simvolannu"^[3].

Piendy

Karjalan tazavallan päivy Petroskois tavan mugah algavuu kukkien panemizes Igäzen tulen luo. Sih tapahtumah otetah ozua vallasolijat, yhteiskunnallizet yhtistykset, Suuren Ižänmuallizen voinan veteruanat, kadietat, laitoksien johtajat, linnalazet^[4]^[5]^[6].

Tazavallan päiväkse sovitetah Karjalan tazavallan kunnivokanzalaine -arvonimen annandua, valdivollizien palkindoloin juandupidoloi — palkitah parahii tazavallan hyväkse ruadajii^[7]^[8].

Vuvvennu 2024 Karjalan tazavallan päiviä piettih sežo Moskovas Rossija-ozuttelus VDNH:l. Sen aigah järjestettih Sampo-melliččy -festivuali, Kantele-ansambl'an konsertu, Karjalan tazavaldah kahten matkailumiärävön arbuajazet, muasteripaja karjalazen tytin luajindas, fleš-mobu "8 kezäkuudu — jogahizen elokses"^[9].

Vuvves 2013 algajen Karjalan tazavallan päivän pruazniekkupidoloi ruvettih pidämäh vuorotellen tazavallan eri linnois da piirilöis, vuvvennu 2019 piäpruazniekkutapahtumat siirrettih kezän lopukse libo syvyskuun allukse^[10]. Tazavallan päivän piendykohtua ainos vallitah kilvas edukädeh da se linnu libo kylä suau tazavallan b'udžietaspäi varua kohendus- da kunnostamisruadoloih.

Karjalan tazavallan päivän piendypaikat vuozien mugah:

Karjalan tazavallan Anukses piendypäivän logotiippu

2013 — Priäžy (8. kezäkuudu)^[11]
2014 — Kondupohju (8. kezäkuudu)]^[12]
2015 — Sordaval (6. kezäkuudu)^[13]
2016 — Kostamus (11. kezäkuudu)^[14]
2017 — Anuksenlinnu (10. kezäkuudu)^[15]
2018 — Belomorsku (7. heinykuudu, siirrettih heinykuukse, ku Belomorsku on pohjazes da heinykuun siä parembi pädöy pruazniekan pidämizekse)^[16]
2019 — Karhumägi (24. elokuudu)^[17]^[18]
2020 — Karjalan tazavallan 100-vuozipäivy. Se oli suurimii pruazniekkoi. Sen piätapahtumat mendih Petroskois 5. syvyskuudu^[19]
2021 — Kalevala (11. syvyskuudu)^[20]
2022 — Onieganrannikon piirin kylät D’ärvenoja, Šoutjärvi da Ladvu (27. elokuudu)^[21]
2023 — Pitkyrandu (26. elokuudu)^[22]
2024 — Segežu (24. elokuudu)^[23]
2025 — Karjalan tazavaldu täytti 105 vuottu, pruazniekan piätapahtumat oldih Petroskois 28. kezäkuudu Petroskoin linnan päivänny^[24]^[25].

Tazavallan päivän pruazniekan aigua ezitetäh kohendettuloi objektoi, pietäh kulguloi, festivualiloi, konsertoi, teatrallizii ozutuksii, jarmankoi, ozutteluloi, muasteripajoi, kilboi, kižoi da toizii pidoloi.

Karjalan tazavallan päivy Kostamukses vuvvennu 2016

Kukkien panemine Igäzen tulen luo Petroskois 8. kezäkuudu vuvvennu 2023

Karjalan tazavallan piämies Artur Parfenčikov da Valdivollizen Duuman deputuattu Valentina Pivnenko, kudai rodih Karjalan tazavallan kunnivokanzalazekse vuvvennu 2024

Huomavukset

Linkat

[1] Закон Республики Карелия от 27 апреля 1999 г. N 346-ЗРК "Об установлении Дня Республики Карелия"

[2] Доклад Председателя Правительства Республики Карелия С. Л. Катанандова на торжественном заседании, посвященном Дню Республики Карелия 8 июня

[3] ИА "Республика". День республики

[4] 8 июня — День Республики Карелия

[5] День республики начался с возложения цветов к Вечному огню

[6] В День республики Артур Парфенчиков вместе с Почетными гражданами Карелии возложил цветы к Вечному огню

[7] Артур Парфенчиков вручил госнаграды людям, которые внесли значительный вклад в развитие Карелии

[8] Три новых почетных жителя Карелии получили награды в День республики

[9] 8 июня на выставке "Россия" отпразднуют День Карелии

[10] Власти объяснили перенос празднования Дня республики с июня на август

[11] В Карелии отметили День Республики

[12] Как жители Карелии отпраздновали День республики

[13] Подробная программа празднования "Дня республики Карелия — 2015"

[14] День Республики в онлайн режиме смогут увидеть все жители Карелии

[15] День Республики Карелия — 2017: гостей ждет старинный карельский город Олонец

[16] Программа празднования 98-летия образования Республики Карелия

[17] Первые лица Карелии поздравили жителей с Днем республики

[18] День республики в этом году в Карелии будет олицетворять лодка-кижанка

[19] 100-летие Республики Карелия. Праздничные торжества, посвященные юбилею республики, пройдут в Петрозаводске 5 сентября 2020 года

[20] 8 июня — День Республики Карелия

[21] В День республики Артур Парфенчиков вместе с Почетными гражданами Карелии возложил цветы к Вечному огню

[22] День республики в этом году пройдет в Питкяранте

[23] В Карелии определена дата празднования Дня республики

[24] Илья Лапухин. Полторы тысячи человек спели гимны России и Карелии на сцене Петрозаводска (рус.). ИА "Республика" (28. kezäkuudu 2025). Kačondan päivymiäry: 20. elokuudu 2026.

[25] ГТРК "Карелия". Назван город, который примет День Карелии в 2025 году

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]