Kirjaine Pakkasukole
Kirjaine Pakkasukole on perindö Ven'al da toizis mualois uuttu vuottu vaste[1]. Kirjazis Pakkasukole tavan mugah sanellah mennyön vuvven suavutuksis, toivolois da kyzytäh lahjoi[2].
Perindöh nähte
Konzu da kui rodih perindö kirjuttua Pakkasukole kirjazii, tarkah ei tietä. Smietitäh, ku se on muuttunuh slavjuanoin taba: yöl Rastavua vaste rahvas kirjutettih omii toivoloi bumuagale, kudai sit poltettih[3].
Toizen mielen mugah perindö tuli Päivänlaskumualoispäi, kus kirjutetah kirjazii Santa-Klausale[4].
Vuvvennu 1998 Velikii Ust'ugas (Voulogdan aloveh) avavui ven'alazen Pakkasukon rezidencii[5]. Sinävuon tiedoniekan poštale tuli 13 tuhattu kirjastu, vuozi vuvves niilöin lugu vai kazvoi[6]. Pakkaskunn 1. päiväkse vuvvennu 2024 Pakkasukko sai 4 688 536 kirjastu[7].
Statistiekan mugah (vuvven 2024 tiijot) ven'alaine Pakkasukko joga vuottu suau enämbän 400 tuhattu kirjastu da läs 500 tuhattu sähkökirjastu lapsis kogo Ven'alpäi da Iččenäzien valdivoloin yhtymän valdivoloispäi[8].
Tavan mugah tiedoiniekan poštu rubieu ruadamah 18. kylmykuudu[9] — Pakkasukon roindupäivänny[10]. Ga kirjaine voibi kirjuttua hos kudual aigua[11].
Ven'an piälimäzen Pakkasukon ližäkse Ven'an Federacien alovehil ruatah paikallizet tiedoiniekat (Kiš Babai, Tol Babai, ven. Ural Moroz da toizet), kudamile sežo voibi kirjuttua kirjazii[2].
4. talvikuudu Ven'al pietäh Lahjoin tiluandupäiviä da Pakkasukole kirjazien kirjutandupäiviä[12]. Sinäpiän poštil azetetah erillizet juaššiekat Pakkasukole kirjazih nähte[13].
Pakkasukole kirjazen kuavu
Ei ole olemas yhtehisty kirjutandutabua Pakkasukole kirjuttajes. Kirjaine kirjutetah välläs muvvos.
Kirjazeh voibi kirjuttua[2]:
- tervehtyssanat;
- lyhyt kerdomus iččeh nähte;
- mennyön vuvven omien hyvien ruadoloin sanelendu;
- kerdomus omis huavehis;
- kyzyndy lahjas;
- Pakkasukon hyvittely tulien Uvven Vuvven da Rastavanke.
Pakkasukole voibi työndiä ei vaiku kirjazii, ga poštukartočkoigi, posilkoi da banderouliloi[3].
Kirjazen työnnändytavat
Ebätavallizet tavat
Pakkasukko on tiedoiniekannu, sendäh perindön mugah häi iče voi ottua kirjazen, ku:
- jätetäh sen kuuzen alle[14];
- pannah viluh kohtah (pakastimeh, galdarile);
- lykätäh tuuletusikkunazes da toizii.
Tavalline poštu
Tavallizen poštan kauti kirjazii Pakkasukole työtäh hänen virrallizele adresile: 162390, Voulogdan aloveh, Velikii Ust'ug -linnu, Okt'abr'skii-kujo, 1А[15][16].
Pakkasukon rezidencii on Moskovasgi. Sinne voibi ičel tuvva kirjaine libo työndiä se poštan kauti: 109472, Moskovu, Kuz'minskii les, Volgogradskii-prospektu, вл. 168д[17].
Kirjaine voibi työndiägi tiedoiniekan rezidencieh toizil Ven'an Federacien alovehil libo kirjuttua kirjaine hänen alovehellizele "kolliegale".
Vuvvennu 2024 Moskovas poštujuaššiekat Pakkasukole kirjazih nähte azetettih kaikes linnas. Enzikerdua niilöi pandih Moskovan zooparkas, Zar'adje-puustos, Kosmonaftiekan muzeis da Moskvariumas[18].
Sähköpoštan kauti
Pakkasukko sežo suau kirjazii sähköpoštan kauti: postcard@ao-dedmoroz.ru[16].
Huomavukset
- ↑ Вера в чудо: таджикистанцы пишут письма Деду Морозу. mir24.tv (4. talvikuudu 2019). Kačondan päivymiäry: 12. kylmykuudu 2024.
- ↑ 1 2 3 Письмо Деду Морозу: как написать, адреса доставки, шаблоны, варианты оформления, КП. Kačondan päivymiäry: 12. kylmykuudu 2024.
- ↑ 1 2 Эдуард Юсупов. Как написать письмо Деду Морозу: на какой адрес отправить, шаблон правильного оформления, Lenta.RU (23 ligakuudu 2023). Kačondan päivymiäry: 12. kylmykuudu 2024.
- ↑ This Is How Letters to Santa Were First Delivered by the U.S. Mail. time.com (21. talvikuudu 2015). Kačondan päivymiäry: 12. kylmykuudu 2024.
- ↑ Банкротство Деда Мороза: почему главный волшебник стал убыточным проектом, РИА Новости (3 pakkaskuudu 2022). Kačondan päivymiäry: 12. kylmykuudu 2024.
- ↑ Как правильно написать письмо дедушке Морозу, Халва медиа (27 kylmykuudu 2023). Kačondan päivymiäry: 12. kylmykuudu 2024.
- ↑ Российский Дед Мороз. vk.com (1. pakkaskuudu 2024). Kačondan päivymiäry: 12. kylmykuudu 2024.
- ↑ 4 декабря – День заказа подарков и написания писем Деду Морозу. www.dedmorozz.ru. Kačondan päivymiäry: 12. kylmykuudu 2024.
- ↑ Готовимся к Новому году: традиция писать письма Деду Морозу, Детское радио. Kačondan päivymiäry: 12. kylmykuudu 2024.
- ↑ День рождения Деда Мороза, РИА Новости (18 kylmykuudu 2023). Kačondan päivymiäry: 12. kylmykuudu 2024.
- ↑ Дедушка мечты: что россияне пишут в письмах Деду Морозу, Известия (3 talvikuudu 2020). Kačondan päivymiäry: 12. kylmykuudu 2024.
- ↑ Сегодня нужно написать письмо Деду Морозу, Парламентская газета (4 talvikuudu 2019). Kačondan päivymiäry: 12. kylmykuudu 2024.
- ↑ День заказа подарков у Деда Мороза на Новый год 2023 - 2024, РЕН ТВ (4 talvikuudu 2023). Kačondan päivymiäry: 12. kylmykuudu 2024.
- ↑ Елизавета Луговская. 6 способов отправить письмо Деду Морозу — и получить на него ответ. Инструкция для родителей, Мел. Kačondan päivymiäry: 12. kylmykuudu 2024.
- ↑ Письмо Деду Морозу: как правильно написать и куда отправлять, Известия (18 kylmykuudu 2023). Kačondan päivymiäry: 12. kylmykuudu 2024.
- ↑ 1 2 Контакты. Российский Дед Мороз. Kačondan päivymiäry: 12. kylmykuudu 2024.
- ↑ Письмо Деду Морозу (рус.). Московская усадьба Деда Мороза. Kačondan päivymiäry: 12. kylmykuudu 2024.
- ↑ РСН МО. В Москве открывается почта Деда Мороза: более 150 ярких ящиков для писем по всему городу!**. www.rsnmo.ru (14. kylmykuudu 2024). Kačondan päivymiäry: 18. kylmykuudu 2024.
Kirjalližus
- Шарикова Г. Ю. Новогодние чудеса «Заповедной Мордовии» // Мордовский заповедник. 2018. № 15.
- Сухотерина Т. П., Евсеева К. Р. Жанр праздничной коммуникации «новогоднее письмо» в пространстве естественной письменной речи // Мир науки, культуры, образования. 2016. № 6.
- Сухотерина Т. П., Евсеева К. Р. «Детское письмо» как жанр естественной письменной речи // Культура и текст. 2016. № 1.
- Липовка В. О. Анализ писем учащихся как способ выявления ценностных ориентаций подростков (на примере писем Деду Морозу) // Научно-педагогическое обозрение. Pedagogical Review. 2014. № 3.