Kosmossu (kanzalline projektu)
| Kanzalline Kosmossu-projektu | |
|---|---|
 | |
| Syy | Ven'an piämiehen Vladimir Putinan käsky |
| Kulut | 4,5 trln rubl’ua |
Kanzalline Kosmossu-projektu pandih alguh Ven'an Federacien piämiehen Vladimir Putinan käskys vuvvennu 2025[1]. Se miäriäy Ven'an Federacien pitkyaigazii tavoittehii sputniekkujoukkoloin da kanzallizen orbiittustansien luadimizes, kosmossuyhtevyksen palveluloin, kosmossuydinenergietiekan kehittämizes, loittozen kosmosan perustehellizien tutkimuksien pidämizes da ruadokunnan valmistamizes[2].
Histourii
Nevvottelus kosmossualan kehittämizes, kudai piettih Moskovan Baumanan nimizes valdivollizes tehniellizes yliopistos 16. sulakuudu vuvvennu 2025, Vladimir Putin ilmoitti tarbehes kehittiä kanzallistu Kosmossu-projektua:
...meijän pluanoil täl tärgevimäl alal pidäy olla meijän muan histouriellizen stuatuasan verdazinnu, meijän mua ku on ielolii kosmossuvaldivo[2].
Ven'an piämies pani merkile, ku kanzallizes projektas pidäy kiinittiä huomavuo kui lähimäzih, mugai pitkyaigazih alan kehityspluanoih:
- luadie omii monisputniekallizii joukkoloi erilazien tarkoituksienke;
- perustua kanzalline orbiittustansii;
- kehittiä kosmossuydinenergetiekkua;
- luadie "kosmossubuksiiru";
- pidiä loittozen kosmosan perustehellizii tutkimuksii;
- luadie Muailmankaikkevuon tarku kartu ven. «Спектр-РГ»-orbiittuobservatourien pohjal [2].
Pandih merkile, ku kanzallizen projektan tehnolougiellizil suavutuksil pidäy roita liikkehelepanijakse väikse talohuon uvvistamizes da kanzalazien eloksen tazon parandamizes[2].
Kanzallizen projektan finansiiruičendua reknaillah hyväksyö federuallizen b’udžietan kaččojes vuvvekse 2026 da tulieloikse vuozikse[2].
Finansiiruičendu
Oraskuul vuvvennu 2025 Ven’an Federacien halličus kačoi andua b’udžietaspäi kanzallizen projektan finansiiruičendah vuodessah 2028 1 trln rubl’ua, perspektiivas vuodessah 2036 — läs 4,5 trln rubl’ua[3][4].
Federuallizet projektat
Kanzallizeh Kosmossu-projektah kuulutah federuallizet ohjelmat:
- "Kosmossutiedotehnolougieloin kompleksukehittämine" (ven. «Комплексное развитие космических информационных технологий»);
- "Perspektiivizet kosmossusistiemat da servisat" (ven. «Перспективные космические системы и сервисы»);
- "Ven'an kosmossuydinenergietiekan kehittämine" (ven. «Развитие космической ядерной энергетики России»)[5].
Parametrit
Kanzallizen projektan piäparametriloin sellittäjes piätettih:
- suurendua orbiittujoukkoloin sputniekkoin miäry 1,2 tuhandessah vuvvekse 2030;
- Ven'an kosmossukeskuksispäi ližätä kosmossah työndölöi 56:ssah vuvves;
- algua ižänmuan orbiittustansien kehittämisty vuvvekse 2027;
- ližätä ruadajien lugu täl alal 40 tuhandessah hengie vuvvekse 2030;
- suurendua ruavon tulokkahuttu täl alal 1,5 kerdah[5].
Huomavukset
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Дата обращения: 17 sulakuudu 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Дата обращения: 17 sulakuudu 2025.
- ↑ Новости. Михаил Мишустин: в доработанный нацпроект по космосу войдут прорывные направления. www.roscosmos.ru (20. oraskuudu 2025). Kačondan päivymiäry: 21. oraskuudu 2025.
- ↑ Правительство назвало направления обновлённого нацпроекта по космосу
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года». government.ru (13. elokuudu 2024). Kačondan päivymiäry: 17. sulakuudu 2025.
|
Tämän kirjutuksen luadijanoigevukset kuulutah ANO "RUWIKI-verkotiedosanakniigale". Käyttiä tädä materjualua toizil verkosivustoloil voibi vaiku ANO "RUWIKI-verkotiedosanakniigan" luvan suaduu. |