Pereh (kanzalline projektu)

On otettu Рувики-späi
Täl terminäl ollah toizetgi merkičykset, kačo. Pereh (merkičykset).
Kanzalline projektu «Pereh»
Нацпроект Семья, запущенный в Год семьи.jpg
Algu 2024
Syy Ven’an piämiehen Vladimir Putinan käsky
Verkosivusto национальныепроекты.рф

"Pereh" on kanzalline projektu, kudaman pandih rattahile Ven'an piämiehen Vladimir Putinan käskys[1]. Sidä enzikerdua ezitettih Federuallizeh kerähmöh kiändymisaigah vuvvennu 2024[2].

Ven'an Federacien Ruavon da sociualuturvan ministran Anton Kot'akovan sanoin mugah kanzallizen projektan piäalat kehitettih vahnembien kehoituksii čottah ottajen sego sih liitettih enne käyttöh otettuloi lapsienke olijoin perehien kannatusmiärii[3].

Pereh valdivollizen stratiegien ohjavuksennu

Federuallizen kerähmön puoleh kiändyjes  (ven.) (olo. vuvvennu 2024 Ven'an piämies Vladimir Putin andoi ruattavakse vuvven 2030 mennes suaja pyzyi demogruagruaffine kazvo:

Lapsienke olijoin perehien kannattamine on meijän perustehelline moralivalličus. Suuri lapsekas pereh pidäy roita normakse, yhteiskunnan eloksen filosoufiekse, kaiken valdivollizen stratiegien ohjavuksekse[1].

Ilmoitetetun valdivollizen stratiegien mugah ilmoitettih Kanzallizen Pereh-projektan rattahile panendas sego tarkendettih sih liittyjii toizii kanzallizii projektoi ("Ruadajat", "Tiedoloin ekonoumiekku")[4].

Vladimir Putin sanoi lapsekkahan perehen "valdivollizen stratiegien ohjavuksekse" (2024)

Tuloloin suurendamine

Kanzallizen projektan eduruavokse sanottih lapsienke olijoin perehien tuloloin suurendamine, sendäh ku juuri tämä yhteiskunnan kategourii on sociualizesti satatettavu. Nenga vuvven 2024 tuhukuun tiedoloin mugah köyhyön tazo lapsekkahien perehien keskes oli 30 %, hyväksyttylöin tavoittehien mugah nämmä luvut pidäy pienendiä kahteh kerdah vuvvekse 2030. Piäinstrumentoinnu sit ollah:

  • yhtehine jogakuuhine denguabu perehile, kudamil ollah pienet tulot, denguabu miärätäh kohtuzele naizele kohtun enzimäzis päivis lapsen 17-vuodizekse roindassah (vuvven 2024 tuhukuun tiedoloin mugah sen suadih 11 miljonua kanzalastu)[1];
  • kebjendetty sociualukontraktan suandu (sen maksandah vuvvennu 2024 halličus andoi ližiä 100 miljardua rubl’ua)[1];
  • vuvvekse 2030 ruadopalkan miinimuman suurendamine 35 tuhandessah rubl’ua, sen yhtes avtomuattizesti kazvetah sociualuavut, palkat b’udžiettualal[5];
  • verotakan kebjendämine lapsienke olijoih perehih niškoi[6];
  • verovähendys 2800 rubl’assah toizeh lapseh da 6000 rubl’assah kolmandeh da jällesolijoih lapsih; vuvven tuloloin miäry, kudamah liittyy verovähendys, on suurendettu 350 tuhandes 450 tuhandessah rubl'ua;
  • muaman kapitualan ohjelman jatkamine vuodessah 2030.

Eländyololoin parandamine

Kanzallizen projektan tavoittehekse hyväksyttih joga vuottu parandua eländyololoi 350 tuhandel lapsenke olijal perehel[7]. Sih ni3koi on olemas moizien ruadoloin kompleksu:

  • perehipotiekan ohjelman jatkamine vuodessah 2030, prosentat perehih nähte, kudamis lapsil on vähembä kuuttu vuottu, ollah 6 % (vuvvennu 2024 annettih 260 miljardua rubl’ua, vuodessah 2030 — 1,5 triljonua rubl’ua)[8];
  • perehipotiekan ohjelman suurendamine pienih linnoih da alovehih, kus on uuzien eländykohtien rakendamizen pieni miäry;
  • vuodessah 2030 jatkuu kannatus ipoitiekkukrediitän ozan korvuamizes (450 tuhattu rubl’ua), vuvvennu 2024 sih annettih 50 miljardua rubl’ua[8];
  • hädäeländykohtispäi siirdymizen ohjelman jatkamine;
  • sociualugazifikacien ohjelman suurendamine saduyhtymien vuoh;
  • abudengat lämmityssistiemoin ostamizekse vähävarazih perehih niškoi (annettih ližiä 32 miljardua rubl’ua).

Roindumiäry da opastus

Vuvvennu 2022 Ven’an Federacien 39 alovehel pandih kirjoile roindumiärän summukoefficientu alemba Ven’an keskimiäräzii luguloi. Valdivollizen kannatuksen ohjelmien suurendamizekse nämmile alovehile vuodessah 2030 halličus andoi ližiä 75 miljardua rubl’ua.

Kanzalline Pereh-projektu on kiingieh sivottu toizih vuvvennu 2024 alguhpanduloih projektoih — "Ruadajat", kudai on valmistettu vuotettavan demogruafizen kazvon čottah ottajen[9]. Ennustuksien mugah muas vuvvekse 2030 rodieu 8,3 miljonua 20—24-vuodehistu kanzalastu, vuvvennu 2035 — 9,7 miljonua (2,4 miljonua enämbi migu vuvvennu 2024)[1]. Vuodessah 2028 federuallizen školaniekkoin aigazen ammattiohjailun programman avul sego Professionalitiettu-projektan vuoh huavatah valmistua läs 1 miljonua ruadoammattiloin ammattimiesty lendo- da laivurakendamizeh, farmacevtiekkah, elektrouniekkah, puolistustevolližuoh nähte. Nämmih pluanoih sežo liitytäh moizet ruadomiärät:

  • ammatillizen keskiopastuksen kohendamine da sih tarvittavan ostamine (vuodessah 2030 on annettu 120 miljardua rubl’ua);
  • 800 korgeiškolien yhteseländykodiloin perustehelline kohendamine (vuodessah 2030 on annettu 124 miljardua rubl’ua);
  • vuvvekse 2030 nostua 25 yliopiston kampussua (on annettu 400 miljardua rubl'ua);
  • Prioritet-2030  (ven.) (olo.-valdivollizen yliopistoloin kannatusohjelman ližäfinansiiruičendu (ližiä 190 miljardua rubl’ua vuodessah 2030).

Kanzallizen projektan finansiiruičendu

Kanzalline Pereh-projektu on piälimäzii kuvvenvuodizes muan kehittämizen kompeluksupluanas (vuodessah 2030). Se luajittih Ven'an vuozinnu 2023—2024 ozutettuloih talohuon luguloih pohjavujen. Nenga vuvvennu 2023 muan kogonaine tuotandomiäry oli suurembi ei vaiku Ven'an Federacien halličuksen, ga Kanzoinvälizen val’uuttufondan azientiedäjien ennustuksii da oli 3,6 %. Investicieloin kazvo vuvven 2023 yheksäs kuus oli 26,6 % huavattuloin 15,1 % sijah. Ven’an piämies Vladimir Putin pani merkile, ku tuloloi enzimäzikse ruvetah siirdämäh lapsienke olijoin perehien kannattamizekse:

... jo lähiaigua myö voimmo luadie vie yhten askelen edehpäi: puutummo nellän muailman suuriman talohusvaldivon joukkoh. Moine kehitys pidäy suorah muuttua meijän kanzalazien perehien tuloloin kazvoh[1].

Todevutandu

24. tuhukuudu vuvvennu 2025 Ven'an halličus hyväksyi kanzallizen projektan piätunnustuksien luvettelun vuvvekse 2030:

  • roinduluvun koefficientan kazvo;
  • köyhyön tazon alenemine;
  • kolmanden da jälles olijoin lapsien roinduluvun koefficientan kazvo — 0,475 yksikkyö;
  • pitkänaigazen huollon suajien elähtynnyzien da niistielöin vuitti kaikes mostu huoldu tarvittavis kanzalazis — 30,3 %;
  • kanzalazien hyvä mieli valdivollizien da kul’tuuran, taijon da rahvahan luomisruavon municipualulaitoksien ruavos — 63 %;
  • kinoteatroin lugu pienis eländykohtis, kudamis rahvaslugu 50 tuhandessah hengie — 900 yksikkyö[10].

Tämän ližäkse erikseh kirjutettih kanzallizen projektan niilöis ruadolois, kudamat koskietah muaman da lapsen pertilöin luvun suurendamistu, lyhytaigazen olendan joukkoloin opastuslaitoksis kazvamistu, muaman kapitualan, yhtehizen denguavun, jogavuodizen perehabuloin annandua[10]. Dokumentah on merkitty 100 päivykoin nostamine loittozis eländykohtis, tarvittavan ostamine 2,2 tuhandeh päivykodih, jogavuodine sociualukontraktan ezittämine ei vähembä migu 220 tuhandele perehele, 336 naizien konsul’tacien perustandu, tarvittavan ostandu 133 perinatualukeskukseh, 180 lapsien bol’niččah, EKON 485 tuhanden ciklan luajindu, 1011 lapsien taidoškolan nostandu[10].

Kačo ližäkse

Huomavukset

  1. ↑ 1 2 3 4 5 6 Послание Президента Федеральному Собранию. http://kremlin.ru (29. tuhukuudu 2024). Kačondan päivymiäry: 4. kevätkuudu 2024.
  2. ↑ С заботой о главном. Как государство поддерживает семьи с детьми. https://национальныепроекты.рф (29. tuhukuudu 2024). Kačondan päivymiäry: 4. kevätkuudu 2024.
  3. ↑ В России запустят пять новых нацпроектов - Российская газета, Российская газета (3 kevätkuudu 2024). Kačondan päivymiäry: 4. kevätkuudu 2024.
  4. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Kačondan päivymiäry: 4. kevätkuudu 2024.
  5. ↑ Путин поручил увеличить МРОТ до 35 тысяч рублей к 2030 году, РИА Новости (29 tuhukuudu 2024). Kačondan päivymiäry: 4. kevätkuudu 2024.
  6. ↑ Путин поручил отработать новую модель оплаты труда бюджетников, РИА Новости (29 tuhukuudu 2024). Kačondan päivymiäry: 4. kevätkuudu 2024.
  7. ↑ Сбербанк приветствует продление семейной ипотеки до 2030 года, Недвижимость РИА Новости (29 tuhukuudu 2024). Kačondan päivymiäry: 4. kevätkuudu 2024.
  8. ↑ 1 2 В России семейную ипотеку продлят до 2030 года, TACC. Kačondan päivymiäry: 4. kevätkuudu 2024.
  9. ↑ Рабочие в порядке: в чем суть нового нацпроекта «Кадры», Известия (29 tuhukuudu 2024). Kačondan päivymiäry: 4. kevätkuudu 2024.
  10. ↑ 1 2 3 Основные показатели и мероприятия национального проекта «Семья» (рус.). government.ru (24. tuhukuudu 2025). Kačondan päivymiäry: 25. tuhukuudu 2025.
Lähteh - "https://olo.ruwiki.ru/w/index.php?title=Pereh_(kanzalline_projektu)&oldid=126361129"