Nuorižo da lapset (kanzalline projektu)

On otettu Рувики-späi
Kanzalline projektu "Nuorižo da lapset"
Нацпроект Молодёжь и дети.jpg
Algu 2024
Loppu 2036
Syy käsky № 309 «Ven’an Federacien kehittämizen kanzallizis tavoittehis vuodessah 2030 da perspektiivakse vuodessah 2036»
Ozanottajat 50 miljonua
Tulos

on pietty 6942 piduo lapsien «Enzimäzien liikkehen» mugah;

on ottannuh ozua 20 tuhattu hengie Muailman nuorižon päivän pidämizeh;
Kulut общий бюджет нацпроекта – 3,7 triljonua rubl’ua
Järjestäjät:

New Emblem of the Ministry of Education and Science of Russia.png Ven’an Federacien opastusministerstvu

Rosmolodez.png Federualline nuorižoazieloin agenstvu

Middle emblem of the Ministry of Defence of the Russian Federation (21.07.2003-present).svg Puolistusministerstvu

National Guard of Russia.svg Rosgvardii

Kanzalline projektu "Nuorižo da lapset" on kehitetty da pandu rattahile Ven'an piämiehen Vladimir Putinan käskys 7. oraskuudu vuvvennu 2024 № 309 "Ven’an Federacien kehittämizen kanzallizis tavoittehis vuodessah 2030 da perspektiivakse vuodessah 2036" (ven. «О национальных целях развития Российской Федерации на период до 2030 года и на перспективу до 2036 года»)[1]. Sen tarkoituksennu on iččenäzen opastuksen sistieman luajindu, tarvittavan infrastruktuuran kehitändy, ižänmuansuvaičustunnon kazvatandu[2][3]. Projektan todevutandas vastatah Opastusministerstvu, Federualline nuorižon azieloin agenstvu, Puolistusministerstvu da Rosgvardii[4]. Projektah ottau ozua 50 miljonua hengie[5]. Kogonaine b’udžiettu on 3,7 triljonua rubl’ua[6].

Ruavot

Ven’an Federacien piämies andoi halličuksele ruattavakse turvata vuodessah 2030 sadaprosentizesti lapsii, keskikazvuhizii da nuorižuo ruadomiärien sistiemal, kudai kehittäs kygylöi da neroloi da andas mahton aigazeh ammattiohjailuh[3]. Sen ližäkse pannah merkile, ku ammatillizen da persounallizen kehityksen, ižänmuansuvaičuskazvattamizen ohjelmih ozan ottajan nuorižon vuitti pidäy olla 75,1 %; omatahtozien da yhteiskunnallizeh toimindah ozan ottajien vuitti pidäy olla 45,8 %; nuorižon lugu, kudamat uskotah, ku voijah löydiä oma dorogu Ven'al, pidäh kazvua 85:ssah %; Ven’an opastuslaitoksis korgeiškolan opastuksis da tiedolaitoksis olijoin ulgomualazien studentoin lugu pidäy kazvua 500 tuhandessah hengie[3].

Samal aigua pannah merkile, ku 80 % kaikkii projektoi kul’tuuran, taijon da rahvahan luomisruavon alal, kudamat kehitetäh da puolistetah Ven'an perindöllizii hengellis-moralizii arvoloi, finansiiruiččou valdivo[3]. Kanzallizen projektan todevutandah vuvvennu 2025 annetah 458 138,3 miljonua rubl’ua, vuvvennu 2026 — 547 375,6 miljonua rubl’ua, vuvvennu 2027 — 550 342,1 miljonua rubl’ua[7].

Kanzallizen projektan hantuzis reknaillah avata 12 eduškolua nerokkahih lapsih niškoi, kohendua enämbi 8 tuhattu školua, valmistua ei vähembä 2 miljonua nuordu ammattimiesty ruadoammattiloin mugah talohuon piäaloih niškoi, luadie 800 nuorižolaboratouriedu da 50 parastu inženieruškolua, nostua 25 yliopiston kampusua da kohendua 800 yhteseländykodii[8].

Federuallizet projektat

Kanzallizeh projektah "Nuorižo da lapset" on otettu federuallizet projektat:

Ven’an halličuksen varapiälikkö Dmitrii Černišenko:

Kanzalline projektu "Nuorižo da lapset" on ohjattu ylen suureh joukkoh. Se on enämbi 50 miljonua hengie libo kolmas vuitti meijän muan eläjis, a ku ottanemmo luguh, ket vie ollah kiini projektas — vahnembii, opastajii, nevvojii — sen on puoli kanzalazis.

  • "Eduškolat";
  • "Opastajat da nevvojat";
  • "Nygyaigazien kampusoin verkon luadimine";
  • "Yliopistot ielolijoin polveh niškoi";
  • «Proffessionalitiettu»  (ven.) (olo.[3];
  • "Prioritiettu-2030"[9].

Todevutandu

Vuvven 2025 kevätkuun tiedoloin mugah Nuorižo da lapset -kanzallizen projektan hantuzis on tuldu moizih tuloksih:

  • on pietty 6942 piduo lapsien Enzimäzien liikeh -liikkehen hantuzis;
  • on ottanuh ozua 20 tuhattu hengie Muailman nuorižon festivualin luadimizeh;
  • on luajittu yhtehine ulgomualazen studentan digiprofiili Korgeiškolah piäzendy online-muvvos -servisan pohjal;
  • Ven’an Federacien alovehil on perustetttu verko 12 eduškolas;
  • on luajittu ammatillizen keskiopastuksen opastus-tuotandollizet keskukset;
  • on avattu 940 nuorižolaboratouriedu[6];
  • 7 500 opastajua suadih kerdahizet korvuamismaksot Zemstvon opastai -programman mugah;
  • on maksettu enämbi 800 tuhattu maksuo kluasanpalvojan ruavos[3].

Ližätieduo

5. kezäkuudu vuvvennu 2025 Ven'an kielen kannatustu koskijan valdivollizen poliitiekan todevutandan nevvoston istundol Ven'an piämies Vladimir Putin kehoitti Puškinan kartan jyttyöh perustua Lapsien kniigukartan[10].

Kanzallizen projektan todevutandah vuvvennu 2025 valdivo andau 458 miljonua rubl’ua (2025)
Proffessionalitiettu-ohjelman mugah huavatah valmistua läs 2 miljonua nuordu ammattimiesty ruadoammattiloin mugah (2025)
Kanzallizen projektan "Nuorižo da lapset" kogonaine b’udžiettu on 3,7 triljonua rubl’ua (2025)

Huomavukset

  1. ↑ Национальный проект «Молодежь и дети» (рус.). shkolababichevavykatnoj-r86.gosweb.gosuslugi.ru. Kačondan päivymiäry: 21. kevätkuudu 2025.
  2. ↑ Стали известны подробности национального проекта «Молодёжь и дети», skillbox.ru (20.03.2025). Kačondan päivymiäry: 21. kevätkuudu 2025.
  3. ↑ 1 2 3 4 5 6 Национальный проект «Молодёжь и дети» - Правительство России (рус.). government.ru. Kačondan päivymiäry: 21. kevätkuudu 2025.
  4. ↑ Национальный проект «Молодежь и дети» (рус.). shkolababichevavykatnoj-r86.gosweb.gosuslugi.ru. Kačondan päivymiäry: 21. kevätkuudu 2025.
  5. ↑ Дмитрий Чернышенко обсудил с депутатами Государственной Думы национальный проект «Молодёжь и дети» (рус.). government.ru (18. kevätkuudu 2025). Kačondan päivymiäry: 21. kevätkuudu 2025.
  6. ↑ 1 2 Дмитрий Чернышенко обсудил с депутатами Государственной Думы национальный проект «Молодёжь и дети» (рус.). government.ru (18. kevätkuudu 2025). Kačondan päivymiäry: 21. kevätkuudu 2025.
  7. ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Kačondan päivymiäry: 21. kevätkuudu 2025.
  8. ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Kačondan päivymiäry: 21. kevätkuudu 2025.
  9. ↑ Вузы – участники программы «Приоритет-2030» оптимистично оценивают развитие науки в России. Минобрнауки РФ (28. kevätkuudu 2025). Kačondan päivymiäry: 27. oraskuudu 2025.
  10. ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Kačondan päivymiäry: 5. kezäkuudu 2025.
Lähteh - "https://olo.ruwiki.ru/w/index.php?title=Nuorižo_da_lapset_(kanzalline_projektu)&oldid=126360859"