Ruadajat (kanzalline projektu)

On otettu Рувики-späi
Kanzalline projektu «Ruadajat»
Рабочие, занимающиеся ремонтом помещения.jpg
Algu 2024
Syy Ven'an piämiehen Vladimir Putinan käsky
Verkosivusto национальныепроекты.рф


"Ruadajat" on kanzalline projektu, kudai pandih rattahile Ven'an piämiehen Vladimir Putinan käskys[1]. Enzikerdua sidä ezitettih Federuallizen kerähmön puoleh kiändymissanois vuvvennu 2024[2].

Stratiegielline ruado

Vladimir Putin vuvvennu 2024 Federuallizen kerähmön puoleh kiändyjes sanoi valmistua nuorii ammattimiehii tevolližuoh, tiedoh da toizih aloih niškoi, luguh ottajen vuotettavan demogruaffizen kazvon: vuvvennu 2030 muas roihes 8,3 miljonua 20-24-vuodistu kanzalastu; vuvvennu 2035 — 9,7 miljonua. Valdivon piämies pani merkile, ku Ven'al vuvvennu 2023 pandih kirjoile ruavottomuon pienin tazo — 2,9 %, se on talohuon pozitiivizennu tunnuksennu da samal aigua on ruttoh kazvajan ruadajien hiän merkinny[3]. Semmite se tunduu talohuos, kudamah niškoi vuvven 2028 mennes pidäy valmistua läs 1 miljonua ruadoammattiloin specialistua[4]. Ku suas ruttoh sellittiä ongelmu, piämies käski ministroin ruadokunnale, azieh kuulujile virrastoloile da biznessuyhtevyksele sinhroniziiruija keski-, korgeiškolien da ammattiopastuksen kanzallizen projektan ruadoloinke sego talohuon tovellizen sektoran tarbehienke:

…pidäy dielol lujendua opastuksen kaikkien aloin yhtevyksen školis korgeiškolissah. Niilöil pidäy ruadua yhtehizen lougiekan hantuzis, yhtehizeh tulokseh niškoi. Tiettäväine, on tärgeigi tulieloin ruavonandajien ozanotandu. Täs opastusvuvves algajen kaikis školis ruadau ammattiohjavuksen sistiemu. Opastujat kuvves kluasas algajen voijah tuttavuo eri ammattiloih[5].

Ezitetyn valdivollizen stratiegien mugah ruadajien hiän vähenemizekse ilmoitettih tarvittavan kanzallizen projektan rattahile panendas da tarkendettih sih liittyjii kanzallizii da federuallizii projektoi[6]. Kanzallizen Ruadajat-projektah liitytäh moizet ruavot infrstruktuuran, tehnolougiellizen da tiijollizen pohjan kehittämizekse opastuksen sistiemas:

Vladimir Putin ilmoiti kanzallizen Ruadajat-projektan rattahile panendas(2024)
  • keskiammattiopastuksen laitoksien kohendamine da sih tarvittavan ostamine (on annettu 120 miljardua rubl'ua vuodessah 2030)[1];
  • korgeiškolien 800 yhteseländykoin perustehelline kohendamine (on annettu 124 miljardua vuodessah 2030);
  • vuvvekse 2030 pidäy nostua korgeiškolien 25 kampusua (on annettu 400 miljardua rubl'ua); pluanois on nostua läs 40 opastujien linnua;
  • valdivollizen Prioritet-2030  (ven.) (olo.-yliopistoloin kannatusohjelman ližäfinansiiruičendu (on annettu 190 miljardua rubl'ua vuodessah 2030);
  • ku vuvvekse 2030 kai ammattiopastuslaitokset kuuluttas Professionalitet  (ven.) (olo.-projektah, kudai turvuau kolledžoin da biznesan kiingiedy yhtehisty ruaduo da tagustau sadaprosentahistu opastuslaitoksien loppenuzien ruavon suandua[2];
  • tiedo-tehniellizien kirjastoloin verkon uvvistamine korgeiškolis da tiedolaitoksis (on annettu ližiä 9 miljardua rubl’ua)[7];
  • pedagougukorgeiškolien uvvistamizen ohjelmu (on annettu 9 miljardua rubl’ua)[8];
  • biznesan da valdivon dengusijoituksien kaksikerdaine suurenemine tiedo- da tehnolougieloin kehitykseh (kululoin vuitin suandu 2:ssah % yhtehizes tuatandomiäräs vuvven 2030 mennes)[1].

Effektiivižuon arvostelut

Kanzallizen projektan effektiivižuon arvostelun arvomiärinny ollah konkriettizet ruadajien, innovacieloin da tevolližuon projektat, kudamii valmistettih yhtes alovehellizet vallasolijat, korgeiškolat da biznessu, sego investicieloil kannatettuloin studentoin startapoin lugumiäry[1]. On annettu ruattavakse vuvven 2030 mennes suurendua studentoin tehnolougiellizien startapoin lugumiäry 30 tuhandessah joga vuottu[9]. Ven'an Federacien halličus valmisti ohjelman, kudai andau mahton suaja järilleh 50 % investicieloi venčurubiznesmiehih niškoi, kudamat sijoitettih varoi moizih projektoih (on annettu 13 miljardua rubl’ua korvuamizih).

Tehnolougielline iččenäžys

Kanzalline Ruadajat-projektu on Ven'an tiedo-tehnolougiellizen kehityksen stratiegien piäozii, sen mugah pidäy suaja tehnolougielline iččenäžys muga sanottulois "läbialois", kudamat turvatah muan kaiken talovuon lujuttu: ruadokonehien rakendamizes da tuotandon tavois, robototehniekas, piluotattomis sistiemois, tiedoloin ekonoumiekas, hiimies[10]. Stratiegien mugah vuvvekse 2030 korgieloin tehnolougieloin tavaroin da palveluloin lugumiäry Ven'an markinoil pidäy kazvua kuudeh kerdah, a ei-ainehen viendäl kahtel kolmandeksen vuitil[1]. Samal aigua tuondan vuitil pidäy nägevästi aleta: ku vie vuvvennu 1999 se oli 26 % muan yhtehizes tuotandomiäräs, sit jo vuvvekse 2023 aleni 19:ssah % muan yhtehizes tuotandomiäräs, a vuvvekse 2030 reknaillah alenemistu 17:ssah % muan yhtehizes tuotandomiäräs[1]. Nenga kogonah loppuu Ven'an kriittine rippuvus ulgomualazis tehnolougielois da korgeitiijollizien tuottehien tuondas sego roijah täytetyt tuotandoloukot, kudamat jiädih ulgomualazien laitoksien Ven'an Federaciespäi lähtiettyy.

Ližiä tieduo

Sulakuul vuvvennu 2024 ruavon ministru Anton Kot’akov ilmoitti, ku vuvvennu 2021 nuorižon ruavottomus aleni puolehtostu kerdah da oli 5,1 %[11].

Talvikuul vuvvennu 2024 Ven'an Federacien piäministran sijahine Aleksandr Novak ilmoitti, ku Ven'al korgeitazozien ammattimiehien tarveh on läs 1,5 miljonua hengie. Piäministran sijahizen sanoin mugah hädä ruadajis on rakendamizes, transportas da kunnantalovuos[12].

Tuhukuul vuvvennu 2025 Ven'an Federacien piäministran sijahine Tatjana Golikova arvosteli kanzallizen Ruadajat-projektan kululoi kui 116 miljardua rubl'ua[13]. 21. tuhukuudu vuvvennu 2025 häi ilmoitti, ku projektan kassutodevuttamine on jo 43,8 %[14].

Huomavukset

  1. ↑ 1 2 3 4 5 6 Послание Президента Федеральному Собранию. http://kremlin.ru (29. tuhukuudu 2024). Kačondan päivymiäry: 4. kevätkuudu 2024.
  2. ↑ 1 2 Владимир Путин объявил о запуске нового национального проекта «Кадры». https://edu.gov.ru (29. tuhukuudu 2024). Kačondan päivymiäry: 6. kevätkuudu 2024.
  3. ↑ Путин: безработица в РФ снизилась до 2,9% впервые в истории, TACC. Kačondan päivymiäry: 7. kevätkuudu 2024.
  4. ↑ Путин: до 2028 года нужно подготовить 1 млн специалистов рабочих профессий, AiF. Kačondan päivymiäry: 7. kevätkuudu 2024.
  5. ↑ Послание Президента Федеральному собранию. http://kremlin.ru (29. tuhukuudu 2024). Kačondan päivymiäry: 6. kevätkuudu 2024.
  6. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Kačondan päivymiäry: 4. kevätkuudu 2024.
  7. ↑ Путин поручил модернизировать сеть научно-технических библиотек, РИА Новости (29 tuhukuudu 2024). Kačondan päivymiäry: 29. tuhukuudu 2024.
  8. ↑ В России выделят девять миллиардов рублей на обновление педвузов, РИА Новости (29 tuhukuudu 2024). Kačondan päivymiäry: 29. tuhukuudu 2024.
  9. ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства». http://government.ru (6. ligakuudu 2022). Kačondan päivymiäry: 19. tuhukuudu 2024.
  10. ↑ Необходимо добиться технологического суверенитета, заявил Путин, РИА Новости (29 tuhukuudu 2024). Kačondan päivymiäry: 7. kevätkuudu 2024.
  11. ↑ Путин обсудил молодежную политику с членами правительства - Российская газета, Российская газета (4 sulakuudu 2024). Kačondan päivymiäry: 9. sulakuudu 2024.
  12. ↑ Александр Новак: России необходимо 1,5 млн высококвалифицированных кадров | Эксперт (рус.). Эксперт. Kačondan päivymiäry: 11. talvikuudu 2024.
  13. ↑ Татьяна Голикова оценила расходы на нацпроект «Кадры» в 116 млрд рублей. Эксперт (18. tuhukuudu 2025). Kačondan päivymiäry: 19. tuhukuudu 2025.
  14. ↑ Голикова: кассовое исполнение нацпроекта "Кадры" составляет уже 43,8%, TACC (21 tuhukuudu 2025). Kačondan päivymiäry: 21. tuhukuudu 2025.
Lähteh - "https://olo.ruwiki.ru/w/index.php?title=Ruadajat_(kanzalline_projektu)&oldid=126360874"