Kuolematoi polku

Kogo Ven'an yhteiskunnalline kanzalas-ižänmuansuvaičusliikeh «Ven'an Kuolematoi polku»
Kogo Ven'an yhteiskunnalline kanzalas-ižänmuansuvaičusliikeh «Ven'an Kuolematoi polku»
Perustandan päivymiäry	30. syvyskuudu vuvvennu 2015
Tiippu	yhteiskunnalline yhtistys[d]
Ven'an Kuolematoi polku -keskusštuaban toimehpaniikomitietan piälikkö da varapiäliköt	Natalja Šadrina Sergei Makarov Gennadii Ivanov Jelena Cunajeva
Olendu	Moskovu
Verkosivusto	polkrf.ru
	Медиафайлы на РУВИКИ.Медиа

Ven'an tiedoakadiemien tarkastus

Pietäh Ven'an tiedoakadiemien
tarkastustu

Ližäkse

B. N. Jel'cinan nimizen prezidentan kirjaston materjualat

Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi

Materjualoih

"Kuolematoi polku" on rahvahalline liikeh Suuren Ižänmuallizen voinan ozanottajien da tagavos ruadajien mustokse, sežo jogavuodizet kullut urhomiehien — nacizman voittajien mustokse^[1]. Sen ozanottajat joga vuottu Voiton päivänny astutah kolonnas linnoin uuliččoi myöte omahizien — Suuren Ižänmuallizen voinan ozanottajien, peitollizen toimindan ozanottajien, Vastustuksen saldattoin, tagavos ruadajien, koncluagerilois da blokuadas olluzien, voinanlapsien kuvat käis^[2] da kirjutetah perehhistourieloi heis Rahvahan aigukirjah^[3].

Ezihistourii

Vie enne Kuolematoi polku -akciedu moizii pidoloi luajittih Nevvostoliiton monin linnois. Ezimerkikse, vuvvennu 1965 Novosibirskan školan № 121 opastujat astuttih linnan uuliččoi myöte omien voittajien died’oloin kuvienke käis^[4]. Vuvvennu 1981 Vallankumovuksen borčuiččijoin lagevol Rostovan alovehen Tacinskois stanicas piettih pruazniekalline miitingu, kudamah eläjät tuldih omien frontoviekkoin kuvienke^[5]. Permin alovehel vuvvennu 1985 omahizet kannettih Solikamskan uuliččoi myöte veteruanoin kuvii. Lipeckan alovehen Kon’-Kolodez’-kyläs vuvves 1985 školaniekat joga vuottu astutah Suuren Ižänmuallizen voinan urhomiehien kuvienke Leninan keskusuuliččua myöte.

Uuzin histourii

Nevvostoliiton jälgehizinny vuozinnu moizii pidoloi piettih kui Ven'al, mugai erähis toizis mualois. Vuvvennu 2006 Uhtas Voiton päivänny keskikazvuhizet tuodih Iguzen tulen luo saldattoin kuvii. Vuozinnu 2004—2006 kulguloi piettih Kuzbasal (Novokuzneckan da Prokopjevskan linnas), а vuvvennu 2007 — T’umenis.

8. oraskuudu vuvvennu 2007 T’umenskije izvestija -lehtes syväinazieloin elimien alovehen veteruanoin nevvoston piälikkö Gennadii Ivanov Voiton päivänny kučui omamualazii linnan uuličoile astumah omahizien frontoviekkoin kuvienke^[6]. T’umenin alguhpanon kannatettih Ven’an toizen alovehet da kahten vuvven peräs "Voittajien paruadoi" piettih jo Ven’an Federacies 20 minicipualusubjektas.

Vuvvennu 2009 "Voittajien paruadat" mendih Kazanis, Kemerovos, Novosibirskas da toizis alovehis. Jälgeläzien kulgu "Vaihtammo teidy sodarivilöis" (ven. «Заменим вас в строю!») piettih vuvvennu 2009 Sevastoupolis.

Vuvvennu 2010 kulgu veteruanoin kuvienke piettih Poklonnoil mäil.

Vuvvennu 2013 akcii oli luajittu Ven'an 120 linnas da kyläs^[7]. Vuvvennu 2014 "Kuolematoi polku" meni 500 linnas 7 muailman muas^[7].

Talvikuul vuvvennu 2024 rodih tietois, ku vuvvennu 2025 Suuren Ižänmuallizen voinan Voiton 80-vuozipäivän piendän aigah "Kuolematoi polku" roih yhtes Valgoven'a mustau -kulguloinke (ven. «Беларусь помнит»)^[8].

Yhteiskunnalline liikeh

9. oraskuudu vuvvennu 2015 Kuolematoi polku -akcii piettih Ruskiedu lagevuo myöte jälles Voiton 70-vuozipäivän paruadua^[9]. Sih otti ozua enämbi 500 tuhattu hengie, heijän joukos oli Ven'an piämies Vladimir Putin, häi astui oman tuatan frontoviekan kuvanke käis. Kolonnu astui Valgoven'an lagevos Kremlissah da kulgu loppih Moskovan randupihal^[10].

Kuolemattoman polkan kulgu Moskovas 9. oraskuudu vuvvennu 2015
«Kuolematoi polku» R'azanis, 9. oraskuudu vuvvennu 2016
«Kuolematoi polku» Maikopas, 9. oraskuudu vuvvennu 2016
«Kuolematoi polku» Saki-linnas, 9. oraskuudu vuvvennu 2016
«Kuolematoi polku» Kaliningruadas, 9. oraskuudu vuvvennu 2017

Vuvves 2015 algajen Kuolematoi polki -akcii rodih Voiton päivän tärgevimäkse ozakse Ven'al da ulgomual. Vuvvennu 2015 "Kuolemattomua polkua" piettih 17 muas, a vuvvennu 2016 — jo 42 muas^[11].

Vuvvennu 2015 kanzalazien alguhpanos perustettih Kogo Ven'an yhteiskunnalline kanzalas-ižänmuansuvaičusliikeh "Ven'an Kuolematoi polku", sih rubei kuulumah 89 alovehozastuo da enämbi 200 kanzoinvälisty koordinuattorua^[12].

Yhtistyksen piäruadoloi on Suuren Ižänmuallizen voinan urhomiehien urhotevon igäzeh mustoh panemine, muston rahvahan urholližuos säilyttämine, urhollizien ezi-ižien neroloin ellendämine, sugupolvien jatkuvuon elvyttämine.

Kogo Ven'an yhteiskunnallizen kanzalas-ižänmuansuvaičusliikkehen "Ven'an Kuolematoi polku" Keskusštuaban erähäkse enzimäzekse piälikkölöis rodih Nevvostoliiton rahvahan artistu, Ven’an Federacien Ruavon urhomies Vasilii Lanovoi^[ru]^[13]^[14].

Ven'an bankan Suuren Ižänmuallizen voinan Voiton 75-vuozipäivän raududengat, net piästettih ilmah vuvvennu 2019
Kolmen rubl'an raududengu, hobju
Kahtenkymmenen viijen rubl'an raududengu, hobju
Viijenkymmenen rubl'an raududengu, kuldu

Muat, kudamis pietäh akciedu

Kuolematoi polku -akcii menöy enämbi migu 80 valdivos:

Abhazii (vuvves 2014)
Avstrualii (vuvves 2016)
Avstrii (vuvves 2016)
Azerbaidžuanu (vuvves 2015)
Albuanii (vuvves 2015)
Antarktiekku (vuvves 2018)
Argentiinu (vuvves 2016)
Armienii (vuvves 2016)
Valgoven'a (vuvves 2012)
Bel'gii (vuvves 2017)^[15]
Bolguarii (vuvves 2015)
Bosnii da Gercegovina (vuvves 2017)
Braziilii (vuvves 2017)
Yhtistynnyh Kuningaskundu (vuvves 2015 vuodessah 2021)
Vengrii (vuvves 2016)
Venesuela (2022)
Vjetnam (vuvves 2017)
Germuanii (vuvves 2015)
Gonkongu (vuvves 2019)
Grecii (vuvves 2015)
Gruuzii (vuvves 2015)
Daanii (vuvves 2016)
Jegiptu (vuvves 2017)
Zambii (vuvves 2018)
Izrail'u (vuvves 2014)
Indii (vuvves 2015)
Indoniezii (vuvves 2016)
Irlandii (vuvves 2015 vuodessah 2021)
Islandii (vuvves 2015)
Ispuanii (vuvves 2016)
Itualii (vuvves 2016)
Kazahstuanu (vuvves 2013)

Kambodžu (vuvves 2018)
Kanuadu (vuvves 2015)
Katar (vuvves 2016)
Kipru (vuvves 2016)
Kirgiizii (vuvves 2013)
Kitai (vuvves 2016)
Korein rahvahallis-demokruattine tazavaldu (vuvves 2017)
Kolumbii (vuvves 2019)
Korein tazavaldu (vuvves 2015)
Kongon tazavaldu (vuvves 2017)
Kosta-Rika (vuvves 2014)
Kuba (vuvves 2017)
Kuveitu (vuvves 2017)
Latvii (vuvves 2015)
Livan (vuvves 2015)
Liivii (vuvves 2017)
Litva (vuvves 2016)
L'uksemburgu (vuvves 2017)
Pohjaine Makedounii (vuvves 2016)
Malaizii (vuvves 2018)
Mal'tu (vuvves 2016)
Marokko (vuvves 2017)
Meksiekku (vuvves 2015)
Moldovan tazavaldu (vuvves 2016)
Mongoulii (vuvves 2016)
Nepal (vuvves 2017)
Nigierii (vuvves 2017)
Niderlandat (vuvves 2014)
Uuzi Zelandii (vuvves 2018)
Norviegii (vuvves 2015)
Oman (vuvves 2016)
Panuamu (vuvves 2016)

Pol'šu (vuvves 2014)
Portugalii (vuvves 2017)
Ven'anmua (vuvves 2011)
Rumiinii (vuvves 2016)
Serbii (vuvves 2016)
Siirii (vuvves 2018)
Slovuakii (vuvves 2016)
Slovenii (vuvves 2016)
Amierikan Yhtysvallat (vuvves 2016 vuodessah 2021)
Tadžikistuanu (vuvves 2016)
Tailandu (vuvves 2016)
Tunis (vuvves 2017)
Turkmenistuanu (vuvves 2015^[16])
Turcii (vuvves 2016)
Uzbekistuanu (vuvves 2016)
Ukrainu (vuvves 2012 vuodessah 2014)
Filippinat (vuvves 2018)
Suomi (vuvves 2015)
Francii (vuvves 2016)
Horvatii (vuvves 2016)
Černogourii (vuvves 2016)
Čeehii (vuvves 2016)
Čili (vuvves 2018)
Šveicuarii (vuvves 2016)
Ruočči (vuvves 2016)
Eesti (vuvves 2015)
Suvi-Afriekan tazavaldu (vuvves 2016)
Suvi-Osietii (vuvves 2013)
Japounii (vuvves 2017)

6. oraskuudu vuvvennu 2019 Kuolematoi polku -akciedu enzikerdua piettih Al'askal Ankoridž-linnas. Kulguh yhtyi läs sadua hengie^[17].

«Kuolematoi polku» Biškekas, 9. oraskuudu vuvvennu 2017.
«Kuolematoi polku» Sofijas, 9. oraskuudu vuvvennu 2019.

Vuvven 2020 da 2021 akcieloin eričykset

"Kuolemattoman polkan" kulguloi 9. oraskuudu vuvvennu 2020 koronaviirusan pandemien periä Ven’al ei pietty. Sen sijah oli online-akcieloi: jogahine sai tallendua veteruanan kuvan da tieduo hänes erillizel verkosivustol^[18]. Kaikkiedah suadih läs 2,7 miljonua pakičustu^[19]. Ozutus algavui 9. oraskuudu da se kesti 20 päiviä, sidä kačoi läs 25 miljonua hengie kogo muailmas^[20].

Kuolematoi polku -akciedu piettih online-muvvos sežo Ispuanies da Andorras^[21].

Vuvvennu 2021 "Kuolematoi polku" uvvessah piettih online-muvvos. Ga vuodeh 2020 verratunnu ozutuksii piettih erikseh Ven’an Federacien subjektoin mugah, ku joga alovehel rahvas voidas nähtä kullus kaikkii omamualazii, da ozutus kesti päivän^[22].

Vuvven 2022 kullut da pivot

Vuvven 2022 allukse koronaviirusan pandemii oli alenemas, sendäh annettih luba kulguloin piendäh^[23]. Sil kerdua Suuren Ižänmuallizen voinan veteruanoin da tagavos ruadajien kuvienke yhtes kullun rahvas kannettih Ukrainal erillizen sodaoperacien aigah kuolluzien saldattoin kuvii^[23].

Vuvvennu 2022 Kuolemattoman polkan kulguloi piettih muailman 90 muas^{Gitleran vastazen koalicien^[ru] mugah Amierikan Yhtysvallat da Yhtistynnyh Kuningaskundu, Irlandiigi^[25].}

Vuvven 2023 pivot

Vuvvennu 2023 turvalližuon syylöis piätettih olla joukkokulguloi pidämättäh. Kogo Ven'an yhteiskunnallizen kanzalas-ižänmuansuvaičusliikkehen "Ven'an Kuolematoi polku" Keskusštuaban ezittäjät kehoitettih käyttiä toizii muodoloi. Omien urhomiehien portriettoi lapset, vunukat da pruavovunukat sijoitettih omah, virgu- da yhteiskunnallizeh transportah, maikkoih da futbolkoih, fatieroin ikkunoih da beidžoih, ku kaiken Voiton päivänny meijän urhomiehet oldas meijänke.

Ven'an enimis linnois piettih avto- da motoajoloi, vezi- da ilmuparuadoi Suuren Ižänmuallizen voinan ozanottajien kuvienke. Nenga Volgogruadas piettih Kuolemattoman polkan jogi -akciedu — Volgua myöte meni laivoin eskadru Stalingruadan toran 150 ozanottajan kuvienke. Enzikerdua Kuolemattoman polkan histouries akcieh yhtyttih jogitramvait da sit oli Volga-jogi, kudamua 80 vuottu tagaperin tavoiteltih, ga muga ei ni voidu ylittiä fašistat.

Kuuzi lendokonehtu ven. «Як» da yksi ven. «Ан-2» Ven'an Kuolemattoman polkan simvouliekanke lennettih taivahas Nižnevartovskas, Megionas, Langepasas, Surgutas, Neftejuganskas, Hanti-Mansiiskas piloutturivilöis "tiähti" da "peleng", kandajen omil bortil Suuren Ižänmuallizen voinan viestittäh kavonnuzien, ižänmuadu puolistajes surman suannuzien da kodih kiändynyzien puolentostu tuhanden urhomiehen kuvii^[26].

Vuvven 2024 pivot

23. sulakuudu Kogo Ven'an yhteiskunnallizen kanzalas-ižänmuansuvaičusliikkehen "Ven'an Kuolematoi polku" Keskusštuaban eräs piälikkölöi da Valdivollizen Duuman deputuattu Jelena Cunajeva ilmoitti, ku vuvvennu 2024 turvalližuon syylöis Kuolematoi polku -kulguu Ven’al ei ruveta pidämäh očno^[27].

Kuolematoi polku -akciedu piettih uvves muvvos 1.-12. oraskuudu vuvvennu 2024. Omien urhomiehien kuvii Voittajien lapset, vunukat da pruavovunukat sijoitettih "Muston seinile" opastuslaitoksih, laitoksih, školih da päivykodiloish, omah, virgu- da yhteiskunnallizeh transportah, sežo vezi- da ilmualuksile, purjehile. Kogo muas sociualuverkolois käyttäjät omih avatuaroih pandih veteruanoin kuvii, sit luvus Ukrainal Erillizen sodaoperacien veteruanoin kuvii, kenen mustuo čopakosti akkiloijah heijän perehis, sežo saneltih heijän urhotevos omis verkokirjutuksis hešteganke #нашБессмертныйполк.

Vuvvennu 2024 Kanzoinvälizen Kuolemattoman polkan akcieloi piettih muailman 115 muas.