Lohijogi

On otettu Рувики-späi
Lohijogi
Petrozavodsk 06-2017 img01 Lososinka River.jpg
Kuvailu
Piduhus 25 km
Vezistöala 302 km²
Vezimatku
Jovenladvu Lohijärvi
 • Korgevus 186 m
 • Koordinuatat 61°40′54″ с. ш. 34°12′20″ в. д.GЯO
Jovensuu Oniegujärvi
 • Olopaikku Petroskoi
 • Korgevus 35 m
 • Koordinuatat 61°47′13″ с. ш. 34°23′52″ в. д.GЯO
Sijoittumine
Vezistösistiemu Oniegujärvi → Sviri → Luadogu → Neva → Baltiekkumeri
Ven'a Karjalan tazavaldu
Mua
Aloveh Karjalan tazavaldu
Piiri Onieganrannikon piiri, Petroskoin linnukundu
Koudu Valdivollizes vezistöluvettelus 01040100612102000013972[1]
Noumeru Valdivollizes muantiedo-objektoin katalougas 0150521
Lohijogi (Karjalan tazavaldu)
Голубая точка — исток
исток
Синяя точка
устье
Lohijogi (Прионежский район)
Голубая точка — исток
исток
Синяя точка
устье
Логотип РУВИКИ.Медиа Медиафайлы на РУВИКИ.Медиа

Lohijogi (ven. Лососи́нка) on jogi Karjalan tazavallas.

Jovensuun korgevus on 35 metrii da jovenladvan korgevus on 186 metrii ylembi meren pindua. Vienkerävöalan pinduala on 302 km².

Sih laskeh oigei sivujogi — Muašjogi.

Yleistiijot

Pedri I:n aigua da enne händy jovel oli ven. Лососинница-nimi.

Sen jovenladvu on Lohijärvi da jovensuu — Oniegujärvi. Jogi matkuau Onieganrannikon piirii da Petroskoidu myö.

XIX vuozisadassah joven ozua jovenladvas Muašjoven yhtymyskohtassah sanottih Lososinskaja-jovekse, joven loppuozua, kuigi tänäpäi, nimitettih Lohijovekse.

29. elokuudu vuvvennu 1703 Lohijoven jovensuus imperuattoran Pedri I:n käskys perustettih Šuojun  (ven.) (olo. (vuvves 1704 — Petrovskoi) oružuzavodu (tykkivalanduzavodu), sit aijasgi laskietah Karjalan tazavallan piälinnan — Petroskoin — historiedu.

XVIII vuozisual Lohijoven rannoil oldih vaskensulatuszavodu, Barallan da Šanninijan fuabrikat. Petroskoin linnan rajas jogi oli salvattu monel plotinal. Elokuus vuvvennu 1800 jovel monii päivii kestänyzien vihmupuadariloin periä nouzi suurivezi, vezi puhkai Petrovskoin zavodan plotinan, ozittain zavodan huonukset da jätti linnas oman ičen jälgeh ylen suuren ojandehen, kudai sai Jamka-nimen[2][3].

Vuvvennu 1858 Lohijoven jovensuus nostettih 19-metrihine majakku, endizen vahnanaigazen da riičityn sijah, kudai oli Petroskoin järviportan  (ven.) (olo. puupristanil. Majakku nimitettih Konstantinovskoikse Petroskoile vuvvennu 1844 käynyön Suuren kniäzin Konstantin Nikolajevičan nimen mugah. Majakku seizoi XX vuozisuan puolivälissäh[4].

XIX vuozisual Lohijoven hurual rannal oli arhijerein kezäkoin Drevl’anskoi sadu — linnan eläjien lebävöpaikku. Sen rinnal ruadoi jauhonduvezimelliččy, kuduan omisti generualu-leitenantu R. A. Armstrong, vuvves 1875 — muanomistai Koritov. Vuvvennu 1886 Lohijovel kauppumies A. J. Pimenov srojitutti plotinan melliččäh niškoi[5]. Vuvvennu 1889 jovensuun lähäle rodih kauppumiehen M. N. Pikinan puunhuavustuszavodu da melliččy[6].

Lohijoven vezii käytettih Aleksandrovskoin (vuvvves 1918 — Oniegan) zavodan tuotandoprocessah. Vuvvennu 1902 konehpajan lähäle azetettih sadaviizikymmendy hevosvoimua tuottai turbiinu, kuduan sai ruadamah Lohijoven vien paine. Vuozinnu 1950 zavodal nostettih veziallikko rakendettuloin buksiiroin koitteluksih. Lopullizesti zavodan alovehtu myö virdai Lohijoven uomu täytettih mualoil vuvvennu 1961 zavodan traktoroin tuotehvirran työnnyttämizen periä[7].

Ligakuus vuvvennu 1910 Lohijoven jovensuus Mark Pimenovan sillan lähäl piästettih käyttöh linnan enzimäine vezivoimalu, kudaman kahten veziagreguatan kogonaine tevokkahus oli 240 kilovattua, voimanlähtehenny oli 8-metrihizes nostetus plotinas langijan vien energii[8]. Nostanduruadoloi piettih Ven'an valdulkunnan Rahavaroin ministerstvan velgah annettuloih denguvaroih (20 tuhattu rubl’ua 20 vuvvekse 5 % vuvves)[9].

Vezivoimalu da plotin

7. kezäkuudu vuvvennu 1915 Ven’an Imperuattoran vezipellastusyhtistyksen Anuksen piirikunnan hallindo avai Lohijovel plotinalluo olijal yhteiskunnallizel lammikol maksullizen kezoirannan. Kezoinkylbijän lipun hindu aiguzile oli 5 da školanigäzile lapsile 3 kopeikkua[10]. Vuozinnu 1930 Karjalan ammattiliittonevvoston liikundukul’tuurutoimisto pidi Nevvostosillalluo kezoipaikan eriže miehien da naizien ozastoloinke, sie oldih 3 metrii korgei hyppytelineh da venehstansii[11]. Nygözel aijal Lohijoven alandehes on yksi linnan ei-virrallizis kezoirannois.

Joven hurual rannal Petroskoin keskučas ollah linnan stadionat — "Junost’  (ven.) (olo." da "Spartakku".

Huomavukset

  1. ↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
  2. ↑ Река Лососинка и её значение в промышленности // Олонецкие губернские ведомости. 1891. 27 ноября (рус.). ogv.karelia.ru. Kačondan päivymiäry: 3. kylmykuudu 2025. Arhiviiruittu 5. kevätkuudu 2016
  3. ↑ А. С. Лантратова, Е. Е. Ициксон, Е. Ф. Марковская, Н. В. Куспак. Сады и парки в истории Петрозаводска. — Петрозаводск: ПетроПресс, 2003. — 160 с.
  4. ↑ Старый город: интересные факты о петрозаводских маяках (рус.). Kačondan päivymiäry: 3. kylmykuudu 2025.
  5. ↑ Олоненцкие губернские ведомости. 1886. 5 апреля (рус.). ogv.karelia.ru. Kačondan päivymiäry: 3. kylmykuudu 2025. Arhiviiruittu 1. talvikuudu 2017
  6. ↑ Река Лососинка и её значение в промышленности. Продолжение // Олонецкие губернские ведомости. 1891. 30 ноября (рус.). ogv.karelia.ru. Kačondan päivymiäry: 3. kylmykuudu 2025. Arhiviiruittu 5. kevätkuudu 2017
  7. ↑ От Петровского до Онежского. За годом год / Под редакцией Тетерина Л. М.. — Петрозаводск, 2004.
  8. ↑ Как в Петрозаводске появилось электричество, «Официальный интернет-портал Республики Карелия». Kačondan päivymiäry: 3. kylmykuudu 2025. Arhiviiruittu originualaspäi 11. talvikuudu 2008
  9. ↑ История Петрозаводска: власть и горожане. — Петрозаводск: КарНЦ РАН, 2008. — 375 с. ISBN 978-5-9274-0328-8
  10. ↑ Олонецкие губернские ведомости. 1915. 9 июня.
  11. ↑ Необитаемый остров на реке Лососинке // Красная Карелия. — 1936. — 6 августа.

Linkat

Lähteh - "https://olo.ruwiki.ru/w/index.php?title=Lohijogi&oldid=126361720"