Marija Vlasova

Marija Nikolajevna Vlasova
Marija Nikolajevna Vlasova
Roindupäivy	1. ligakuudu 1925
Roindupaikku	Anuksenlinnu, Karjalan avtonoumine socialistine nevvostotazavaldu, Nevvostoliitto
Kuolendupäivy	2008
Mua	Nevvostoliitto; Ven'a;
Tiedoala	Karjalan ennevallankumovukselline da nevvostolaine histourii
Ruadokohtu	Ven'an tiedoakadiemien Karjalan tiedokeskuksen Kielen, literatuuran da histourien instituuttu
Opastus	Moskovan valdivonyliopisto
Oppiarvo	histourientiedoloin kandiduattu (1952)
Tundietah	Karjalan tiedokeskuksen Kielen, literatuuran da histourien instituutan johtai (1965—1988)

Marija Nikolajevna Vlasova (ven. Мария Николаевна Власова; 1. ligakuudu 1925, Anuksenlinnu — 2008) on nevvostolaine histourien tutkii, Karjalan avtonoumizen socialistizen nevvostotazavallan tiedoalan arvostettu ruadai (1980).^[1]

Eloskerdu

Marija Vlasova oli roinnuhes Anuksenlinnas karjalazes perehes.

Vuvvennu 1948 loppi Moskovan valdivonyliopiston histourien tiedokunnan, händy työttih ruadoh Nevvostoliiton tiedoakadiemien Karjal-suomelazen ozaston Kielen, literatuuran da histourien instituuttah.

Vuvvennu 1952 Vlasova loppi aspirantuuran Nevvostoliiton tiedoakadiemien Histourien instituutan Leningruadan ozastos, ruadoi Ven'an tiedoakadiemien Karjalan tiedokeskuksen Prezidiuman tiedosekretarinnu, histourien ozaston johtajannu.

Vuozinnu 1965—1988 oli Karjalan tiedokeskuksen Kielen, literatuuran da histourien instituutan johtajannu.

Vuozinnu 1968—1969 otti ozua Parluamentoinvälizen liiton ruadoh Dakaras da Venas.

Vuozinnu 1976—1987 oli Nevvosto-suomelazen histourien alan tiedoyhtesruavon ruadojoukon Nevvostoliiton puolen piälikönny.

Vlasovua vallittih Nevvostoliiton kanzallizeh histourien tutkijoin komitiettah, Fennougristoin nevvostokomitiettah. Häi oli Suomelazen Kirjalližuon Seuran (suom. Suomalainen Kirjallisuuden Seura) ulgomualaine korrespondentu-jäsen, Suomen Histouriellizen Seuran (suom. Suomalainen Historiallinen Seura) korrespondentu-jäsen.

Marija Vlasovua vallittih Karjalan avtonoumizen socialistizen nevvostotazavallan Korgeviman Nevvoston, Karjal-suomelazen socialistizen nevvostotazavallan Korgeviman Nevvoston IV kučundukerähmön^[2], Nevvostoliiton Korgeviman Nevvoston VII kučundukerähmön deputuatakse.

Marija Vlasova on Petroskoin linnan kunnivokanzalaine (1987).

Tutkii on enämbän migu 80 tiedoruavon kirjuttajannu.

Huomavukset

↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. — 400 с. : ил.,карт. — С. 215 ISBN 978-5-8430-0123-0 (т. 1)
↑ Депутаты Верховного Совета Карело-Финской ССР (неопр.). Kačondan päivymiäry: 29. pakkaskuudu 2014. Arhiviiruittu 4. kevätkuudu 2016

Kirjalližus

Учёные Карельского научного центра РАН: Биографический словарь. — Петрозаводск, 1999
Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.

Linkat

Юбилей института
Вавулинская Л. И. Мария Николаевна Власова (к 90-летию со дня рождения) (ven.) // Труды КарНЦ РАН : журнал. — 2015. — № 8. — С. 130-132.

[1] Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. — 400 с. : ил.,карт. — С. 215 ISBN 978-5-8430-0123-0 (т. 1)

[2] Депутаты Верховного Совета Карело-Финской ССР (неопр.). Kačondan päivymiäry: 29. pakkaskuudu 2014. Arhiviiruittu 4. kevätkuudu 2016

[1]

[2]