Irina Novak

On otettu Рувики-späi
Irina Petrovna Novak
Ирина Новак.jpg
Roindunimi Irina Petrovna Bel'akova
Roindupäivy 3. tuhukuudu 1987(1987-02-03) (39 vuottu)
Roindupaikku Jeremejevka-kylä, Spirovan piiri, Tverin aloveh, Nevvostoliitto
Mua  Nevvostoliitto,  Ven'anmua
Tiedoala kielitiedo
Ruadokohtu Ven'an tiedoakadiemien Karjalan tiedokeskuksen Kielen, literatuuran da histourien instituuttu
Opastus Petroskoin valdivonyliopisto
Oppiarvo filolougientiedoloin kandiduattu (2011), filolougientiedoloin douhturi (2024)
Tiedo-ohjuaju Irma Mullonen

Irina Petrovna Novak (ven. Ирина Петровна Новак; roin. 3. tuhukuudu 1987, Jeremejevka[d], Tverin aloveh[d]) on filolougientiedoloin douhturi, Ven'an tiedoakadiemien Karjalan tiedokeskuksen Kielen, literatuuran da histourien instituutan vahnin tiedoruadai, Karjalan tiedokeskuksen Kielen, literatuuran da histourien instituutan johtai (vuvves 2024).

Eloskerdu

Irina Novak on roinnuhes Tverin alovehel Spirovan piirin Jeremejevka-kyläs.

Vuozinnu 2003–2008 opastui Petroskoin valdivonyliopistos baltiekkumerensuomelazien kielien da kul'tuuran tiedokunnal karjalan da suomen kieldy da literatuurua.

Vuozinnu 2008–2011 oli Ven'an tiedoakadiemien Karjalan tiedokeskuksen aspirantuuran jatko-opastujannu.

Vuvves 2009 (täh aigassah) ruadau Ven'an tiedoakadiemien Karjalan tiedokeskuksen Kielen, literatuuran da histourien instituutas.

Vuvvennu 2011 puolisti kandiduatan väitösruavon tiemas "Astevaihtelun muvvostumine da toimindu karjalan kieles: fonolougizet da morfonolougizet nägökohtat (ven. «Формирование и функционирование чередования ступеней согласных в карельском языке: фонологический и морфонологический аспекты»). Hänen väitösruavon ohjuannu oli filolougientiedoloin douhturi, paikannimistön tutkii Irma Mullonen.

Vuvves 2020 (täh aigassah) on Ven'an tiedoakadiemien V. P. Ivannikovan nimizen sistiemuohjelmoičenduinstituutan Kielellizet platformat -laboratourien ruadai.

Vuvves 2024 on Ven'an tiedoakadiemien Karjalan tiedokeskuksen Kielen, literatuuran da histourien instituutan johtajannu.

Irina Novak on monien karjalan kieldy koskijoin tutkimusprojektoin ozanottajannu. Niilöin joukos on suuri kanzoinväline Suomen da Ven'an tutkijoin yhtehine Kone-fondan (suom. Koneen säätiö) kannatettu Verdailii karjalan kielen kielioppi -projektu. Sidä todevutettih vuozinnu 2015-2018 da sen tuloksennu rodih Karjalan kieli kielioppilois. Foneetiekan da morfolougien verdailu -tutkimuskniigu ven'an, anglien, suomen kielel da karjalan kielen livvin murdehel.

Irina Novak kuuluu Karjalan tazavallan piämiehen alazeh sanastokomissieh, Tverin karjalazien kielen kirjutusmuvvon julgizen käyttämizen komissieh, on Vähäluguzien kandurahvahien kielien komissien ekspertannu da Suomalais-Ugrilaisen Seuran ulgomualazennu jäsenenny. Vuvves 2024 kuuluu Ven'an Federacien fennougristoin komitiettah.

Kylmykuul vuvvennu 2024 Irina Novak puolisti douhturin väitösruavon aihies "Karjalan kielen landšaftu murrehmetrizes paradigmas" (ven. «Карельский языковой ландшафт в диалектометрической парадигме»)[1].

Bibliogruafii

Monogruafiet, kniigat, broš'uurat

  • Памятники лексикографии в «Цветнике» Прохора Коломнятина 1668 г. Исследования и тексты / Изд. подгот. Н. В. Савельева, А. В. Дыбо, М. А. Козинцев, А. Н. Левичкин, И. И. Муллонен, И. П. Новак, Г. В. Федюнева. — М.; СПб.: Альянс-Архео, 2023. — 440 с.
  • Karelian in grammars. A study of phonetic and morphological variation Scientific electronic edition / Irina Novak, Martti Penttonen, Aleksi Ruuskanen, Lea Siilin. — 2022.
  • Тверские переводные памятники карельской письменности начала XIX века / Науч. ред. Л. Г. Громова, И. П. Новак. — Петрозаводск: КарНЦ РАН, 2020.
  • Винокурова И.Ю., Новак И. П. Введение к разделу. / Народы Карелии: историко-этнографические очерки. — Петрозаводск: Периодика, 2019.
  • Карельский язык в грамматиках : сравнительное исследование фонетической и морфологической систем / Ирина Новак, Мартти Пенттонен, Алекси Руусканен, Леа Сиилин. — Петрозаводск: КарНЦ РАН, 2019. — 479 с.
  • Новак И. П. Карельский язык и его диалекты. / Народы Карелии: историко-этнографические очерки. — Петрозаводск: Периодика, 2019.. — С. 56-65.[2].

Opastuskniigat, luvettelut, sanakniigat

  • ВепКар: руководство для пользователей. Учебное пособие / Н.Б. Крижановская, А.А. Крижановский. . — Петрозаводск: КарНЦ РАН, 2023. — 40 с.
  • Новак И. П. Грамматика тверского карельского языка. — Петрозаводск: КарНЦ РАН, 2020. — 177 с.[2].

Palkindot

Irina Novak on suannuh Karjalan tazavallan piämiehen, Karjalan tazavallan Kanzallizen da alovehellizen poliitiekan ministerstvan, Karjalan opastuksen kehitysinstituutan, Ven'an kanzoin assamblein nevvoston, Kanzallizen vahnembien associacien kunnivokirjazii.

Vuvvennu 2025 Irina Novak rodih Kogo Ven'an yhteiskunnallizen kielimoniluadužuon säilyttämizen Kl'učevoje slovo -palkindon suajakse. Tiedomiehen Karel’skii jazikovoi landšaft v dialektometričeskoi paradigme -monogruafii voitti Paras tiedoalan projektu -nominacies[3][4].

Huomavukset

  1. ↑ Uljana Tikkanen. Irina Novak: “Himottau tutkie elävyä kieltä” // Oma Mua. — 4. talvikuudu (№ 47).
  2. ↑ 1 2 Karjalan tiedokeskuksen Kielen, literatuuran da histourien instituuttu. Irina Petrovna Novak. Bibliogruafii (рус.). illhportal.krc.karelia.ru. Kačondan päivymiäry: 18. syvyskuudu 2025.
  3. ↑ Karjalan kielen tutkimizes on lunnastettu korgei palkindo (kar.). Oma Media (12. talvikuudu 2025). Kačondan päivymiäry: 12. talvikuudu 2025.
  4. ↑ В Москве наградили победителей премии «Ключевое слово» (рус.). domnarodov.ru (11. talvikuudu 2025). Kačondan päivymiäry: 12. talvikuudu 2025.

Kirjalližus

  • Ученые Карельского научного центра Российской академии наук : биографический словарь / [гл. ред. А. Ф. Титов; отв. ред. Ю. В. Савельев; редкол.: Е. В. Жирнель и др.]. — 3-е изд., доп. и перераб. — Петрозаводск: Карельский научный центр РАН, 2012. — С. 384. — 419 с.

Linkat

Lähteh - "https://olo.ruwiki.ru/w/index.php?title=Irina_Novak&oldid=126361426"