Irma Mullonen

Irma Ivanovna Mullonen
Irma Ivanovna Mullonen
Roindupäivy	29. pakkaskuudu 1956 (70 vuottu)
Roindupaikku	Petroskoi, Karjal-Suomelaine socialistine nevvostotazavaldu
Mua	Nevvostoliitto→; Ven'anmua
Tiedoala	kielitiedo, suomi-ugrilaine kielitiedo, onomastiekku
Ruadokohtu	Ven'an tiedoakadiemien Karjalan tiedokeskuksen Kielen, literatuuran da histourien instituuttu, Petroskoin valdivonyliopisto
Opastus	Petroskoin valdivonyliopisto
Oppiarvo	filolougientiedoloin douhturi (2000)
Tiedoarvonimi	professoru, Ven'an tiedoakadiemien korrespondentu-jäsen (2019)
Arvonimet da palkindot	Ven'an Federacien (2018) da Karjalan tazavallan tiedoalan arvostettu ruadai
	Медиафайлы на РУВИКИ.Медиа

Irma Ivanovna Mullonen (ven. И́рма Ива́новна Му́ллонен; roin. 29. pakkaskuudu 1956, Petroskoi) on Ven'an kielentutkii, filolougientiedoloin douhturi, Petroskoin valdivonyliopiston professoru, Ven'an tiedoakadiemien Karjalan tiedokeskuksen Kielen, literatuuran da histourien instituutan johtai (2005—2015), Ven'an tiedoakadiemien korrespondentu-jäsen (2019), Ven'an Federacien da Karjalan tazavallan tiedoalan arvostettu ruadai.

Eloskerdu

Irma Mullonen on roinnuhes inkeriläzien pereheh. Tuattah Ivan Adamovič Mullonen (1928—2017)^[1] oli puoloveh- da yhteiskunduruadai, muamah Marija Ivanovna Mullonen (1930—2008)^[2] oli kielentutkii, Petroskoin valdivonyliopiston professoru.

Vuvvennu 1978 loppi Petroskoin valdivonyliopiston histourii-filolougizen tiedokunnan, opastui Suomen kieli da kirjalližus -alal. Vuozinnu 1978—1981 opastui Nevvostoliiton tiedoakadiemien Karjalan ozaston aspirantuuras.

Vuvves 1981 года on Ven'an tiedoakadiemien Karjalan tiedokeskuksen Kielen, literatuuran da histourien instituutan (Nevvostoliiton tiedoakadiemien Karjalan tiedokeskuksen Kielen, literatuuran da histourien instituuttu) ruadai. Vuvvennu 1983 Tartos puolisti kandiduatan väitöskirjan Ojatin jovenalan vezistönimilöis.

Vuvves 1993 ruadau Petroskoin valdivonyliopiston suomen kielen da kirjalližuon laitoksel (nygöi itämerensuomelazien kielien laitos), vuvves 2001 — professoru. Vuvvennu 2000 Joškar-Olas puolisti douhtoran väitöskirjan ven. Топонимия Присвирья: проблемы этноязыкового контактирования -tieman mugah. Petroskoin valdivonyliopistos pidäy luvendoloi Suomen kielen histouries da Johtandas suomi-ugrilazeh kielitiedoh.

Vuozinnu 2005—2015 — Ven'an tiedoakadiemien Karjalan tiedokeskuksen Kielen, literatuuran da histourien instituutan johtai^[3].

Vuvves 2016 on Ven'an tiedoakadiemien Karjalan tiedokeskuksen Kielen, literatuuran da histourien instituutan piätiedoruadai.

On Ven'an tiedoakadiemien Karjalan tiedokeskuksen Kielen, literatuuran da histourien instituutan tiedonevvoston piälikönny, Petroskoin valdivonyliopiston filolougizen tiedokunnan tiedonevvostoh kuulujannu, ven. Вопросы ономастики-žurnualan toimituskundah kuulujannu.

Tiedoruado

Ven'an Federacien tiedoalan arvostettu ruadai arvonimen annandu, 27. kylmykuudu 2018

Irma Ivanovna Mullonen on tundiettu azientiedäi teoriellizen da suomi-ugrilazen onomastiekan, baltiekkumerensuomelazen kielitiijon, kielikosketuksien teorien alal. Vuvvennu 1994 luadi kolmekielizen (vepsä-suomi-ven'a) Karjalan vepsäläzien paikannimilöin luvettelun.

Piäjulgavot

On enämbän migu 200 jullattuloin tiedokirjutuksien kirjuttajannu paikannimistön da baltiekkumerensuomelazen kielitiijon alal^[4].

Муллонен И. И. Гидронимия бассейна реки Ояти / Карел. фил. АН СССР, Ин-т яз., лит. и истории. — Петрозаводск: Карелия, 1988. — 160,[1] с. — ISBN 5-7545-0103-X.
Мамонтова Н. Н., Муллонен И. И. Прибалтийско-финская географическая лексика Карелии / Рос. акад. наук, Карел. науч. центр, Ин-т яз., лит. и истории. — Петрозаводск: КНЦ РАН, 1991. — 160 с. — ISBN 5-201-07813-3.
Муллонен И. И. Очерки вепсской топонимии. — СПб., 1994. — 156 с. — ISBN 5-02-028155-7.
Муллонен И. И., Азарова И. В., Герд А. С. Словарь гидронимов Юго-Восточного Приладожья (бассейн р. Свирь) = Laatokan kaakkoisrannikon (Syvärin alueen) vesistönimien sanakirja / Под ред. А. С. Герда; С.-Петерб. гос. ун-т, Рос. акад. наук. Ин-т яз., лит. и истории Карел. науч. центра. — СПб.: Изд-во СПбГУ, 1997. — XXVI, [2], 192, [1] с. — ISBN 5-288-01849-9.
Муллонен И. И. Топонимия Присвирья: Проблемы этноязыкового контактирования / Рец.: д-р филол. наук А. С. Герд, канд. филол. наук Н. Н. Мамонтова; Институт языка, литературы и истории Карельского научного центра РАН. — Петрозаводск: ПетрГУ, 2002. — 356 с. — 700 экз. — ISBN 5-8021-0193-8.
Муллонен И. И. Введение в финно-угроведение : учебное пособие на финском языке = Johdatusta fennougristiikkaan / Петрозаводский гос. ун-т. — Петрозаводск: Изд-во ПетрГУ, 2007. — 124 с. — ISBN 978-5-8021-0710-2.
Муллонен И. И. Топонимия Заонежья: Словарь с историко-культурными комментариями / Рец.: д-р филол. наук А. С. Герд, канд. филол. наук К. К. Логинов. — Петрозаводск: Карельский научный центр РАН, 2008. — 242 с. — 400 экз. — ISBN 978-5-9274-0334-9.
Муллонен И. И., Азарова И. В., Герд А. С. Свод топонимов Заонежья / Под ред. А. С. Герда. — Петрозаводск: Карельский научный центр РАН, 2013. — 252 с. — ISBN 978-5-9274-0586-2.
Захарова Е. В., Кузьмин Д. В., Муллонен И. И., Шибанова Н. Л. Топонимные модели Карелии в пространственно-временном контексте. — М.: Языки славянских культур, 2018. — 272 с. — (Studia philologica). — ISBN 978-5-907117-12-9.

Palkindot da arvonimet

Ven'an Federacien tiedoalan arvostettu ruadai (2018);
Karjalan tazavallan tiedoalan arvostettu ruadai (2006);
Irma Mullonen sanottih Vuvven 2024 laureatakse Karjalan tazavallas suures panokses kielitiijon kehittämizeh, Karjalan tazavallan kanzoin histouriellizen da kul'tuurizen perindön säilyttämizes^[5];
Medali "Arvoruadolois Karjalan tazavallan hyväkse" (2025)^[6]^[7].

Pereh

Muamah — Marija Ivanovna Mullonen (1930—2008), kielentutkii, Petroskoin valdivonyliopiston professoru, Karjalan tazavallan tiedoalan arvostettu ruadai, Ven'an Federacien korgeiškolan arvostettu ruadai.
Tuattah — Ivan Adamovič Mullonen (1928—2017), yhteiskunnallizen yhtistyksen Inkeriliiton piälikkö, Karjalan tazavallan vuvven 2002 laureattu^[8]
Kazvatti poijan.

Huomavukset

↑ Markipäivien kalenduaru — Karjalan tazavallan Kanzalline kirjasto
↑ Mullonen: "Kaksikieližys on rahvahale hyväkse"
↑ Karjalan tiedokeskuksen Kielen, literatuuran da histourien instituuttu
↑ Tiedoruadoloin luvettelu
↑ УКаз Главы Республики Карелия О лауреатах 2024 года Республики Карелия
↑ Артур Парфенчиков вручил государственные награды жителям Карелии
↑ Ирма Муллонен: "Наука делается коллективом"
↑ Иван Адамович Муллонен (рус.). library.karelia.ru. Kačondan päivymiäry: 29. syvyskuudu 2025.

Kirjalližus

Учёные Карельского научного центра Российской академии наук: Биографический словарь / Отв. ред. И. М. Нестеренко, А. И. Слабунов. — Петрозаводск, 1999. — ISBN 5-88741-015-9.
Учёные Карельского научного центра Российской академии наук: Биографический словарь / Отв. ред. Ю. В. Савельев. — 3-е изд., доп. и перераб. — Петрозаводск: Карел. науч. центр РАН, 2012. — 420 с. — ISBN 978-5-9274-0490-2.
Финно-угорская мозаика: сборник статей к юбилею Ирмы Ивановны Муллонен. Studia Nordica I / Отв. ред. О. П. Илюха. — Петрозаводск: Карельский научный центр РАН, 2016. — 379 с. — ISBN 978-5-9274-0716-3

Linkat

I. I. Mullonen Ven'an tiedoakadiemien Karjalan tiedokeskuksen verkosivustol

[1] Markipäivien kalenduaru — Karjalan tazavallan Kanzalline kirjasto

[2] Mullonen: "Kaksikieližys on rahvahale hyväkse"

[3] Karjalan tiedokeskuksen Kielen, literatuuran da histourien instituuttu

[4] Tiedoruadoloin luvettelu

[5] УКаз Главы Республики Карелия О лауреатах 2024 года Республики Карелия

[6] Артур Парфенчиков вручил государственные награды жителям Карелии

[7] Ирма Муллонен: "Наука делается коллективом"

[8] Иван Адамович Муллонен (рус.). library.karelia.ru. Kačondan päivymiäry: 29. syvyskuudu 2025.

[1]

[2]

[3]

[4]

[5]

[6]

[7]

[8]