Muailman nuorižopäivy
| Muailman nuorižopäivy | |
|---|---|
 | |
| Tiippu | Ei-virralline |
| Merkičys | pidiä Demokruattizen nuorižon muailman liiton perustamizen vuozipäivy da sen roulii nuorien yhtistämizes rauhan da kanzoinvälizen yhtesruavon lujittamizekse |
| Pandih alguh | vuvvennu 1945 Demokruattizen nuorižon muailman liiton perustamizen kunnivokse Muailman nuorižokonferensiel Londonas (29. ligakuudu — 10. kylmykuudu vuvvennu 1945) |
| Alguhpanii | Demokruattizen nuorižon muailman liitto |
| Pietäh | rajoitettu erähil alovehil erähis mualois, enimyölleh Demokruattizen nuorižon muailman liittoh kuulujil yhtistyksil |
| Päivymiäry | 10. kylmykuudu |
| Piendy | pienet paikallizet tapahtumat erähil alovehil, tiijonandajat akciet, painatukset joukkoviestimis (rajoitetus miäräs) |
| Perindöt | pruazniekan piendäs ei roinnuh iččenästy tapahtumua, se andoi oman sijan Muailman nuorižon da opastujien festivualiloile da muile nurižon päivile |
| Liittyy | Kanzoinvälizeh nuorižon päiväh (12. elokuudu), Ven'an nuorižon päiväh (kezäkuun jälgimäine suovattu), Muailman nuorižon da opastujien festivualih |
Muailman nuorižopäivy (ven. Всеми́рный день молодёжи) on kanzoinväline mustopäivy, kudamua pietäh 10. kylmykuudu Demokruattizen nuorižon muailman liiton vuvvennu 1945 perustamizen nimeh[1][2][3]. Tämä päivy perustettih kogo muailman nuorien yhtistämizekse rippumattah heijän poliitiekku- da uskondonägemyksis, rahvasroduh da kanzalližuoh kuulundas rauhan, keskenäzen ellendyksen da yhtehizen ruavon lujittamizekse[2][4].
Histourii
Muailman nuorižopäivän histourii otti allun 10. kylmykuudu vuvvennu 1945 Londonas, kus loppi oman toimindan 29. ligakuudu — 10. kylmykuudu järjestetty Muailman nuorižon konferensii[1][2][3]. Tämä histourielline konferensii oli kerätty Suuren Ižänmuallizen voinan aigua fašizmua vastazekse torakse perustetun Muailman nuorižonevvoston ehoitukses[1][4]. Konferensieh tuli kanzoinvälizen nuorižoliikkehen edustajua, se pani toimimah yhteh 30 miljonua eri poliitiekkuideolougieloin da uskondoloin nuordu, enämbi migu 63 kanzalližuon nuordu[1][2].
Demokruattizen nuorižon muailman liiton luajindu oli selgei jatko XIX vuozisuan nuorižon aktiivižuole, konzu opastujat rohkieh yhtistyttih eri liittoloih da liikkehih — socialistizis uskondollizih, kul’tuurizis poliitiekallizih[5]. Liitol pidi puolistua nuorižon oigevuksii, avvuttua parandua nuorien keskinästy ellendysty da yhtehisty ruaduo ymbäri muailmua, ilmoittua vastusmielii sociuallistu, rodullistu da kanzallistu ahtistamistu vastah[5].
Yhtelläh 10. kylmykuun Muailman nuorižopäivy aijan mugah ei suannuh leviedy kanzoinvälisty tunnustustu da kehitysty iččenäzekse pruazniekakse[5]. Gu kaččuo Muailman nuorižon da opastujien festivualiloih, kudamii Demokruattizen nuorižon muailman liitto pidäy alalleh vuvves 1947 algajen da kudamat nostatetah merkittäviä huomavuo, kylmykuun 10. päivän pruazniekku enämbäl on mustopäivy kanzoinvälizen nuorižoliikkehen histouries[2][6].
Nygytila
Vuvvennu 2025 10. kylmykuun Muailman nuorižopäiviä pietäh vai erähien mualoin erähil alovehil[7][1]. Ven'al tämä pruazniekku ei levinnyh äijäl, sidä pietäh vai sie da tiä — muga vuvvennu 2021 Permin linnan Dzeržinskoin piirinhallindo järjesti piendy paikallistu piduo[7]. Vuvvennu 2024 Ven'an kanzalline nuorižon da lapsien yhtistyksien nevvosto pruaznuičči Demokruattizen nuorižon muailman liiton perustamizen 79-roindupäiviä, ga teriämbi pido oli enämbi poikkevus, migu siändö[8]. Joukkoviestimetgi ei äijiä sanella täs päiväs, vai vähäzin da harvat Ven’an julgavot, moizet gu "Rossijskaja gazeta", painetah materjualoi pruazniekan histouries[5].
Tämänmoizet pruazniekat
Nuorižopruazniekkoin kalenduaras on minto verran kehitynnyömbiä kanzoinvälisty päivymiäriä[5][9]. Kanzoinvälisty nuorižon päiviä pietäh 12. elokuudu, sen piendäs ilmoitti vuvvennu 1999 Yhtistynnyzien Kanzukundien yhtistys Muailman konferensien nuorižoazieloi ministroin kehoitukses[10]. Tämä pruazniekku sai suuren tunnustuksen, sit joga vuottu sanellah muailman joukkoviestimet.
Ven'an nuorižon päiviä pietäh kezäkuun jälgimäzenny suovattan, sen perusti Ven’an piämies B. N. Jel'cin vuvvennu 1993[11]. Päivän histourien alguperä lähtöy Nevvostoliiton nuorižon päiväs, kudamua piettih vuvves 1958. Kylmykuun 10. päivän muvvollizes päiväs ven’alaine pruazniekku eroi suurimiäräzil tapahtumil, konsertoil da festivualiloil kaikkie muadu myö[11][12].
Huomavukset
- ↑ 1 2 3 4 5 10 ноября - "Всемирный день молодежи" ! (рус.). kulturamgo.ru. Kačondan päivymiäry: 7. kylmykuudu 2025.
- ↑ 1 2 3 4 5 Центр медицинской профилактики (рус.). med-prof.ru. Kačondan päivymiäry: 7. kylmykuudu 2025.
- ↑ 1 2 Всемирный день молодежи отмечается в 2025 году 10 ноября - Праздники России. rusevents.ru. Kačondan päivymiäry: 7. kylmykuudu 2025.
- ↑ 1 2 Всемирный день молодежи (World Youth Day) (рус.). Буинский муниципальный район. Kačondan päivymiäry: 7. kylmykuudu 2025.
- ↑ 1 2 3 4 5 Всемирный день молодежи в 2025: дата, история, традиции - Российская газета, Российская газета (9 kylmykuudu 2023). Kačondan päivymiäry: 7. kylmykuudu 2025.
- ↑ Всемирный день молодежи — Музей Фелицына (рус.). felicina.ru. Kačondan päivymiäry: 7. kylmykuudu 2025.
- ↑ 1 2 10 ноября - всемирный день молодежи! raion.gorodperm.ru. Kačondan päivymiäry: 7. kylmykuudu 2025.
- ↑ 10 ноября – Всемирный день молодёжи и День рождения ВФДМ! (рус.). youthrussia.ru. Kačondan päivymiäry: 7. kylmykuudu 2025.
- ↑ День молодежи 2025: какого числа, история и традиции праздника. Kačondan päivymiäry: 7. kylmykuudu 2025.
- ↑ Международный день молодежи! (рус.). irzs.ru (12. elokuudu 2016). Kačondan päivymiäry: 7. kylmykuudu 2025.
- ↑ 1 2 День молодежи 2025: какого числа отмечается, история и традиции праздника, РИА Новости (7 kylmykuudu 2025). Kačondan päivymiäry: 7. kylmykuudu 2025.
- ↑ 27 июня день молодежи в России (рус.). detfond.com. Kačondan päivymiäry: 7. kylmykuudu 2025.