Opastajan päivy
| Opastajan päivy | |
|---|---|
 | |
| Pandih alguh | opastusalan ruadajien kunnivokse |
| Liittyy | Opastajas |
 Медиафайлы на РУВИКИ.Медиа | |
Opastajan päivy on školaopastusalan ruadajien ammatilline pruazniekku. Ven'al sidä pietäh yhtes Muailman opastajien päivänke, 5. ligakuudu. On ruadopäivänny.
Ven'al
Nevvostoliitos Opastajan päivy pandih alguh vuvvennu 1965. Syvyskuun 29. päivänny piäzi ilmah Nevvostoliiton Korgeviman Nevvoston käsky pruazniekan perustandas, kudamua sit vuvves algajen ruvettih pidämäh Nevvostoliiton kaikis tazavallois[1]. Enziallus pruazniekan piendypäivänny oli ligakuun enzimäine pyhäpäivy. Vuvvennu 1994, konzu UNESCO pani alguh Muailman opastajien päivän, pruazniekan piendypäivy siirrettih 5. ligakuudu[2].
Nevvostoliitos Opastajan päivänny školis piettih Ičehaldivon päiviä: kaikis virrois sinäpiän oldih opastujat. Hyö piettih urokkoi, annettih opastajile huogavuo[3].
Vuozisuan XX allus pruazniekan piätapahtumannu on Suuri opastajan nedäli. Sen hantuzis pietäh erilazii pidoloi, kudamii omistetah kudualetahto yhtele tiemale, kudai vuozien mugah muuttuu. Avvonazien urokkoin da muasteripajoin piendän ližäkse palkitah Ven'an vuvven opastai-, Ven'an vuvven johtai-, Ven'an vuvven lapsienkazvattai-, Enzimäine opastai-, Vuvven muasteri- da toizien kilboin voittajii[4].
Suuren opastajäan nedälin aigah pietäh Kogo Ven'an kluasanpalvojien fourumu, kudamah školan opastajien ližäkse tullah ammattiopastuslaitoksien joukkoloin kuruattorat. Vuvvennu 2024 fourumu piettih Gost'upihas, sih otti ozua opastusministru Sergei Kravcov[4].
Vuvven 2024 statistiekan mugah Ven'an školis ruadoi enämbi 1 miljonua opastajua da läs 150 tuhattu opastusalan ruadajua[5].
Päivymiärät eri mualois
Azerbaidžuanu, 
Armienii, 
Bangladeš, 
Yhtistynnyh Kuningaskundu, 
Germuanii, 
Kazahstuanu[6], 
Kamerun, 
Kanuadu, 
Katar, 
Kuveitu, 
Litva, 
Mavrikii, 
Mal'divat, 
Mjanma, 
Niderlandat, 
YAE, 
Pakistuanu, 
Ven'anmua[7], 
Rumiinii, 
Pohjaine Makedounii, 
Filippinat, 
Eesti: Opastajan päiviä pietäh 5. ligakuudu, yhtes Muailman opastajien päivänke, kudaman alguh pani UNESCO[8].
Nevvostoliitto, 
Valgoven'a, 
Kirgiizii, 
Latvii, 
Ukrainu: Opastajan päivy pandih alguh Nevvostoliiton Korgeviman Nevvoston Prezidiuman käskys 29. syvyskuudu vuvvennu 1965 (da hyväksytty Nevvostoliiton Korgeviman Nevvoston Prezidiuman käskys "Pruazniekku- da mustopäivih nähte" 1. ligakuudu vuvvennu 1980). Sidä piettih ligakuun enzimäzenny pyhänpiän. Valgoven'al, Kirgiizies, Latvies da Ukrainal sidä endizelleh pietäh ligakuun enzimäzenny pyhänpiän.
Alžiiru, 
Jegiptu, 
Iorduanii, 
Ijemen, 
Liivii, 
Marokko, 
Saudovskoi Aruavii, 
Tunis: Opastajan päivy — 28. tuhukuudu[8].
Avstrualii: Opastajan päivy — ligakuun jälgimäzenny piätteniččän[9].
Albuanii: Opastajan päivy — 7. kevätkuudu[8].
Argentiinu: Opastajan päivy (isp Día del Maestro) — 11. syvyskuudu, Domingo Sarmjenton mustokse[10].
Braziilii: Opastajan päivy (port. Dia do Professor) — 15. ligakuudu.
Vjetnam: Opastajan päivy — 20. kylmykuudu[8].
Grecii: Opastajan päivy— 30. pakkaskuudu[8].
Indii: Opastajan päivy — 5. syvyskuudu[8][11].
Indoniezii: Opastajan päivy — 25. kylmykuudu[8].
Iruanu: Opastajan päivy — 2. oraskuudu.
Ispuanii: Opastajan päivy — 27. kylmykuudu[8].
Kitai: Opastajan päivy — 10. syvyskuudu (vuvves 1985 algajen)[12].
Kitain tazavaldu (Taivan'): Opastajan päivy — 28. syvyskuudu, smietityn Konfucien roindupäivänny.
Korein tazavaldu: Opastajan päivy — 15. oraskuudu[8].
Meksiekku: Opastajan päivy — 15. oraskuudu[8].
Oman: Opastajan päivy — 24. tuhukuudu[8].
Pol'šu: Opastajan päivy — 14. ligakuudu[8].
Singapur: Opastajan päivy — syvyskuun enzimäzenny piätteniččän[8].
Slovuakii: Opastajan päivy — 28. kevätkuudu[8].
Amierikan Yhtysvallat: Kanzalline opastajan päivy — oraskuun enzimäzen tävven nedälin tossargen[8].
Tailandu: Opastajan päivy — 16. pakkaskuudu[8].
Turcii: Opastajan päivy — 24. kylmykuudu[8].
Uzbekistuanu: Opastajien da nevvojien päivy — 1. ligakuudu, huogavopäivy.
Kačo ližäkse
- Muailman opastajien päivy
- Detsadulazen opastuksen ruadajien päivy
- Tiijonpäivy
- Yhtenäine valdivolline tutkindo
Huomavukset
- ↑ Краткий курс истории. День учителя. История. РФ. Kačondan päivymiäry: 4. ligakuudu 2024.
- ↑ День учителя. История и традиции праздника, Интерфакс Россия (17 сентября 2024). Kačondan päivymiäry: 4. ligakuudu 2024.
- ↑ День учителя, Российская газета (26 syvyskuudu 2024). Kačondan päivymiäry: 4. ligakuudu 2024.
- ↑ 1 2 5 октября — День учителя, Известия (1 ligakuudu 2024). Kačondan päivymiäry: 4. ligakuudu 2024.
- ↑ День учителя 5 октября, TACC. Kačondan päivymiäry: 4. ligakuudu 2024.
- ↑ Дату празднования Дня учителя изменили в Казахстане (рус.). Пресс-служба Правительства Республики Казахстан (10. kevätkuudu 2023).
- ↑ Указ Президента РФ от 03.10.1994 № 1961 «О праздновании дня учителя». Kačondan päivymiäry: 29. syvyskuudu 2017. Arhiviiruittu 29. syvyskuudu 2017
- ↑ 1 2 3 4 5 6 7 8 9 10 11 12 13 14 15 16 17 What is Teachers’ Day and Why Do We Celebrate it? (англ.). Edarabia. Kačondan päivymiäry: 5. kevätkuudu 2021. Arhiviiruittu 24. ligakuudu 2021
- ↑ Australia Recognizes World Teachers' Day Arhiviiruittu 10 talvikuudu 2007 .
- ↑ Historia (исп.). jardindeinfantesdfs.com.ar. Arhiviiruittu 20. elokuudu 2011
- ↑ Servepalli Radhakrišnanan roindupäivänny.
- ↑ 教師節的由來 (кит.). Синьхуа (5. syvyskuudu 2008). Arhiviiruittu 13. syvyskuudu 2011
Linkat
 |
|---|
