Robert Kolomainen

Robert Petrovič Kolomainen
Robert Petrovič Kolomainen
Roindupäivy	11. kylmykuudu 1944 (81 vuozi)
Roindukohtu	Hal'mer-Sede-kylä, Tazovskoi piiri, T'umenin aloveh
Kanzalližus	Nevvostoliitto→ Ven'anmua
Toimindu	žurnalistu, kirjuttai, kiändäi.
Palkindot da arvonimet

Robert Petrovič Kolomainen (11. kylmykuudu vuvvennu 1944) on Nevvostoliiton da Ven'an žurnalistu, kirjuttai, kiändäi, Karjalan tazavallan kul'tuurualan arvostettu ruadai (1999)^[1], Ven'an Federacien kul'tuurualan arvostettu ruadai (2009)^[2].

Eloskerdu

On roinnuhes ruadajan pereheh, on inkeriläine.

Petroskois keskiškolan loppiettuu ruadoi raudusepänny Petroskoin Avangard-zavodal.

Vuozinnu 1967—1972 opastui Petroskoin valdivonyliopiston histourii-filolougizel tiedokunnal.

Vuozinnu 1972—1988 ruadoi kiändäjänny Progress-julguamon Petroskoin ozaston suomenkielizes toimitukses.

Vuozinnu 1988—1991 Robert Kolomainen ruadoi suomenkielizen Neuvosto-Karjala -lehten kul'tuuruozastos.

Vuvves 1991 kuuluu Ven'an Kirjuttajien liittoh.

Vuozinnu 1992—2014 Robert Petrovič oli Carelia -kirjalližusžurnualan piätoimittajannu.

Robert Kolomastu tundietah suomen kielele enämbän migu 30 kniigan kiändäjänny, niilöis joukos ollah ven. «История философии», ven. «Маркс и Энгельс о литературе и искусстве» -kogomus, ven. «Эйнштейн. Жизнь. Смерть. Бессмертие» (B. G. Kuznecov), ven. «Белый шаман» (N. Šundik), ven. «У войны не женское лицо» da ven. «Цинковые мальчики» (S. Aleksijevič), ven. «Чернобыльская тетрадь» (G. Medvedev), ven. «Свидетель» (O. Tihonov), «ven. Заговор генералов» (I. Sergejev), maršaloin A. Vasilevskoin da K. Rokossovskoin mustelmat, ven. «Мадам Коллонтай — сирена революции» (L. Icelev) da toizet.

Huomavukset

↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 75 — 464 с.: ил., карт. ISBN 978-5-8430-0125-4 (т. 2)
↑ Указ Президента Российской Федерации от 9 февраля 2009 года № 141 «О награждении государственными наградами Российской Федерации»

Kirjalližus

Коломайнен Роберт Петрович // Писатели Карелии: Биобиблиографический словарь. — Петрозаводск, 2006. — С. 29—30.

Linkat

[1] Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 75 — 464 с.: ил., карт. ISBN 978-5-8430-0125-4 (т. 2)

[2] Указ Президента Российской Федерации от 9 февраля 2009 года № 141 «О награждении государственными наградами Российской Федерации»

[1]

[2]