Carelia
Carelia on Ven’an ainavo literatuuru- da yhteiskunnallis-poliittine žurnualu suomen, karjalan da vepsän kielel. Sen ilmahpiästäjänny on Periodika-julguamo. Vuvven aigah piäzöy ilmah kaksi "Carelian" noumerua suomen kielel da kaksi al'manuahua: "Taival" karjalan kielel da "Verez tullei" vepsän kielel.
Histourii
Žurnualua ruvettih julguamah Petroskois joga kuudu vuvves 1928 algajen Punakantele-nimel.
Vuvvennu 1930 Punakantele- da Soihtu-žurnualat oli liitetty yhteh. Uuzi painos sai Rintama-nimen. Vuodessah 1934 sidä painettih Leningruadas.
Vuvves 1937 vuodessah 1940 žurnualu oli karjalankieline, kirjutukset oldih kiriillizel kirjaimikol.
Vuvvennu 1940, konzu oli jo perustettu Karjal-Suomelaine socialistine nevvostotazavaldu, žurnualu uvvessah rodih suomenkielizekse. Sille oli annettu uuzi nimi – Punalippu. Suuren Ižänmuallizen voinan aigua žurnualua ei painettu.
Vuvvennu 1978, konzu žurnualu täytti 50 vuottu, se sai Rahvahien ystävysordenan.
Vuvvennu 1990 žurnualu sai Carelia-nimen. Piätöksen sen ilmah piäständäs luajittih Karjalan tazavallan halličus, Inkeri-liitto, Karjalan Rahvahan Liitto sego Vepsän kul’tuuruseuru.
Piätoimittajat:
- Uljas Karlovič Vikström vuvves 1955 vuodessah 1970
- Nikolai Grigorjevič Gippijev vuvves 1970 vuodessah 1981
- Kalle Ranta vuvves 1981 vuodessah 1988
- Galina Pronina vuvves 1988 vuodessah 1991
- Paavo Vuotilainen vuvves 1991 vuodessah 1973
- Robert Petrovič Kolomainen vuvves 1992 vuodessah 2014
- Armas Vladimirovič Mašin sulakuus 2014 nygypäivissäh