Ruadenčat

On otettu Рувики-späi
Ruadenčat
Pominoičenduliput da proskun
Pominoičenduliput da proskun
Tiippu Hristianskoi usko
Toizin ven. Радуница, Раданица, Родоница, Радавница
Päivymiäry toinargi libo enzimäinargi jälles Krisen'n'ua
2025

16 sulakuudu (29 sulakuudu)

или 15 sulakuudu (28 sulakuudu)
2026

8 sulakuudu (21 sulakuudu)

или 7 sulakuudu (20 sulakuudu)
2027

28 sulakuudu (11 oraskuudu)

или 27 sulakuudu (10 oraskuudu)
Liittyy Äijähpäiväh
Логотип РУВИКИ.Медиа Медиафайлы на РУВИКИ.Медиа

Ruadenčat (ven. Ра́доница, Ра́дуница) on yheksäs päivy Äijiäpäiväs da enzimäine toinargi Äijänpäivän nedälin jälles. Sinäpiän kirikkö alguau panihiidoin piendiä da kuolluzien mustomalittuloin (ven. заупокойные литии) luvendua, niidy ei suannuh pidiä Virboinpyhäpäiväs Homan pyhäpäivässäh (Krissen’n’assah)[1]. Päivännouzupuolen slavjuanat, kuduat ei kačota kirikön siändölöi, pietäh Ruadenčoi Krisen'n'annu, enzimässargen libo tossargen (se rippuu eländysijas)[2].

Ven’an pravosluavizes uskos Ruadenčoin pominoičendu on sih niškoi, gu uskovazet "suuren Äijänpäivän pruazniekan jällel voidas yhtes kuolluzienke ihaškoija Hristosan Pellastajan kuollielois nouzendua"[3]. Päivännouzupuolen slavjuanoil on mondu Ruadenčoin piendytabua, kudamil ollan valehjumalahuskondan juuret[4].

Vuvvennu 2025 Ruadenčoi pietäh 29. sulakuudu, nedälin mendyy Äijäspäiväs (Ruadenčoinkesken aigu) enzimäzenny tossargennu[5].

Etimolougii

"Ruadenčat" sanua mainitah kirjulähtehis jo XIV vuozisuas. Toiči Ruadenčoikse sanotah kogonastu Ruadenčoin nedälii [2]. Nengagi voijah sanuo Homan pyhäpäiviä  (ven.) (olo. (Krissen’n’ua), konzu sinäpiän paikallizien perindölöis oli kuolluzien pominoičendutaba[6]. Valgo-Ven’al da Ukrainal Raudenčoi sanotah Provodoikse (Проводы)[7]. Juuri moine taba pominoija tuonilmazih siirdynyzii on suvipuolen slavjuanoil; sidä sanotah побусани, бусани[8] da pietäh Homan nedälin enzimässargen.

Ennevahnallizis ven’alazis mustomerkikirjulähtehis рад-terminän kandua levieh käytettih XV vuozisuas algajen Homan pyhiäpäiviä merkites: ven. Радуница, Радуницы, Радоницы, Радонечное (Радонишное) воскресенье. Afanasii Nikitin kirjuttau omas ven. Хождении за три моря -kirjas, gu lähti Gurmizas Indien valdumerele Ruadenčoinnu (toizis lähtehis — "Homan nedälil"). Tihvinän manasterin tulot-piendät kirjan mugah vuvennu 1592 vellilöile Ruadenčoikse ostettih jäiččiä 16 altinah"[9].

Pominoičendu Homan nedälil. Vuozi 1877

Päivännouzupuolen slavjuanoin kielimurdehis on pandu merkile nimen nengozet muvvot: ven. Родоница, Радуница, Радольница, Радовница, Радонница, Радошно, Радошница, Радунец, Радожное, Радостное воскресенье, Радушное воскресенье, Редомное воскресенье[10], Навьи проводы, Навий день[11]; Ukrainal: Могилки, Гробки[12]; Valgo-Ven’al: Родительская, Радованцы, Навий день, Усопшая Радованица, Радованские поминки[12]; ukr. Про́води, Бабский Великдень, Мертвецький великден[13][14], belor. Небожчицкій велик день[15], Ра́даўніца, Радуніца, Раданіца, Радуніцкія Дзяды, Вялікдзень мёртвых, pol. Деды́ ра́достные.

Ven'an pravosluavizes kirikös

Kirikös pominoičendan piendy tossargen Äijänpäivän nedälin jällel on Ven’an pravosluavizen kirikön siändölöin erinomazes käskys. Suuren pyhän aigua ei pominoija kuolluzii kolmandel, yheksändel da nelländelkymmenendel päiväl, gu net ei piävytä suovattu- libo pyhäpäivypäivikse. Net sit siirretäh lähimäzeh argipäiväh, konzu jo suau pidiä täyzi Jumalalline liturgii[1]. Moizennu päivännygi on yheksäs päivy Äijäspäiväs — Ruadenčat. Amvrosii Mediolanskoin sanoin mugah: "Kunnolleh da arvostajen, vellet, Äijänpäivän da Äijänpäivän pruazniekan piettyy, pidäy jagua meijän ilo pyhien muokattuloinke. Heile, ken nägi Jumalan vaivoi, pidäy ylendiä Jumalan kuollielois nouzendan kunnivuo"[16].

A.J. Arhipov. Ruadenčat (Jumalallistu liturgiedu vaste). 1892

Sendäh gu täl aijal vie jatkutah Äijänpäivän pruzniekkupivot, liturgiel ei vie panna erimomazii pominoičusmalittuloi. Niilöi lugietah keskiyön aigua libo yöl huondeksessah muga sanottuloil ven. Полунощница — kirikkösluužbil, ven. Вечерня libo ehtysluužbil da/libo liturgiedu vaste pietäh suurdu panihiidua. Täs päiväs jo suau pidiä liitiet (lugie pominoičendumalitut) da panihiidat kalmoil[1].

Kirikkö opastau uskovazii eroittua kirikköperindölöi valehjumalahuskondutavois. Enne Hristossah uskoh ristindiä pominoičendutaboih kuului kyzyö armahtustu kuolluzil, "pehmendiä, syöttiä heijän henget". Erähis kohtis tässähgi pietäh moizii mistizii hengen muanitandan pominoičendutaboi[17].

Nevvostolliton aigua <…> Ruadenčoin piendytavat oldih unohtuksis. Rahvas kiännyttih valehjumalahuskondutaboih da sen pahimas muvvos — kuolluzien pominoičendat muututtih valehjumalahuskondan triznoikse. Moizis pidäy olla osobi. Kalmoile lähtijes kniigu kuolluzien pominoičendumalittuloinke pidäy olla keräl.

— Episkoppu Iona Obuhovskii : Älgiät vaihtuat Ruadenčoi valehjumalahuskondutaboin triznoih

Sinäpiän kirikkö opastau da nevvou pravosluavizii ristittyzii jagua Äijänpäivän iluo, ihastustu omien kuolluzienke. Ven’an kieles sanal ven. Радоница on sama kandu sananke ven. "радость". Ruadenčoin piädielot ollah malittu da mielostin kuolluzien omahizien hengilöin hoivendamizekse, pellastamizekse[18]. Sendäh Ruodenčoin enzimäi pidäy kävvä liturgiele, kirjuttua pominoičenduliput da jällel astuo kalmoile.

Histouriellizet piendytavat

Ven’an valdukunnan erähis gubernielois ei käydy kalmoile Ruadenčoin. Kuolluzii pominoittih sluužban aigua liturgiel, sit pietytettih panihiidoi, jällel omii pominoittih kois. Toizis alovehis kirikkösluužban loppiettuu mendih kalmoile. Toiči kučuttih pappi lugemah malittuloi libo pidämäh panihiidua.

Kirikkötaboin ližäkse prostoil rahvahal oldih omat tavat valehjumalahuskondan juurienke. Kalmoi valatettih viinujuomizil, kalmoi myö vierettih jäiččii da net pandih kalmah. Puaksuh kalman piäle pandih käzipaikat da navedittih syömisty — kalmu oli gu katettu stola rouno. Syömizet varustettih ielpäi: žuarittih jäiččiä, keitettih pudruo, pastettih dročonua, mujutettih jäiččii, azuttih magei kuaššu, pastettih piiruadu, plekkuu libo val’l’oidu. Valgo-Ven’al sanottih "Ruadenčan murginassah kynnetäh, jällel murginua itkietäh da illal pläšniä heitetäh". Kalmužimale kävyndän jälles oldih tansut[19].

Sinäpiän žiälöittih da avvutettih armottomii, voimattomii da köyhii: gu kalmužimal olles vastah tuli moine ristakanzu, hänel annettih syömisty.

Polesjal da toizis paikois Ruadenčoinnugi mujutettih jäiččii  (ven.) (olo., vaigu ei ruskieh värih, a keldazeh libo vihandah[7].

Samanjyttymät tavat oldih suvipuolen slavjuanoil: serbielazil (poh.‑saam. побусани, бусани), rumiinielazil (pominoičendutavat Homan pyhäpäivänny) da toizil kanzoil. Serbielazil, Vengrien horvatoil pominoičendupäivy on enzimässargen — sinäpiän kävväh kalmoile. Sih niškoi kuolluzil mujutetah jäiččii, kudamat jätetäh kalmoin piäle. Bolguarien koillizes enzimästyargiegi pietäh pominoičendupäivänny; Bessarabien bolguaroil kalmižimalpäi tulduu vahnat rahvas pläšittih, sihgi loppih pominoičendu[20].

  • Smolenskoi kalmužin Vasiljevskoin suarel, J. Smitan grav. A. G. Vikkersan kuvua myö, 1845.

    Smolenskoi kalmužin Vasiljevskoin suarel, J. Smitan grav. A. G. Vikkersan kuvua myö, 1845.

  • Mustajazet Ruadenčoinnu. XIX vuozisada

    Mustajazet Ruadenčoinnu. XIX vuozisada

Sananpiät da primietät

  • Ruadenčoinnu enne murginua kynnetäh, murginan jällel itkietäh, illal hypitäh (pläšniä heitetäh).
  • Vesselät ollan pajot Maidopyhälaskus, ga sidä vesselembät Ruadenčois.
  • Vessel Maidopyhälasku — huigietoi humal’niekku rukku, Ruadenčat rahvahan kižoinke -ilon dovariššu.
  • Gu et pominoiče omua tuattua-pokoiniekkua Ruadenčoinnu — iččiedäs tuonilmazes mieros niken eigo pominoiče, eigo gostita, eigo mieldy ihaškoita.
  • Gu ollou Ruadenčoin tossargen vihmusiä, sanottih: "Jumaldomu vezikorendol rubieu vetty kandamah" (poles. Рáдовныца во втóрок. Як будэ дож, Божа Мати корóмыслом будэ вóду нэсти).

Huomavukset

  1. ↑ 1 2 3 Афанасий (Сахаров). О поминовении усопших по уставу Православной церкви. Arhiviiruittu 19. sulakuudu 2015
  2. ↑ 1 2 Словарь русского языка, 1995, с. 126.
  3. ↑ Как поминать на Пасху — один из вопросов, который возникает в дни празднования Воскресения Христова, Православный журнал «Фома» (4 oraskuudu 2024). Kačondan päivymiäry: 23. sulakuudu 2025.
  4. ↑ Радоница, Православный журнал «Фома» (5 pakkaskuudu 2024). Kačondan päivymiäry: 23. sulakuudu 2025.
  5. ↑ Радоница в 2025 году: когда будет, история праздника и традиции, РИА Новости (20250423T1556). Kačondan päivymiäry: 23. sulakuudu 2025.
  6. ↑ Словарь русских народных говоров. Вып. 33. С. 249. Kačondan päivymiäry: 20. sulakuudu 2018. Arhiviiruittu 3. heinykuudu 2017
  7. ↑ 1 2 Агапкина, 2009, с. 391.
  8. ↑ Агапкина, 2015.
  9. ↑ Словарь русского языка, 1995, с. 124, 126.
  10. ↑ Агапкина, 2009, с. 390.
  11. ↑ Востоков, 1852, с. 120.
  12. ↑ 1 2 Даль/Радужник, 1880—1882.
  13. ↑ Сапіга, 1993.
  14. ↑ Мельников, 1875.
  15. ↑ Богданович, 1895, с. 56.
  16. ↑ Митрофан, 1991, с. 121.
  17. ↑ Мария Городова. Как правильно провести Радоницу, Российская газета (7 oraskuudu 2024). Kačondan päivymiäry: 23. sulakuudu 2025.
  18. ↑ Игумен Нектарий (Морозов). Радоница — общий праздник с усопшими, Православие.Ru (25 апреля 2017). Kačondan päivymiäry: 23. sulakuudu 2025.
  19. ↑ Радоница: Как вести себя на кладбище. Kačondan päivymiäry: 12. heinykuudu 2015. Arhiviiruittu 4. kevätkuudu 2016
  20. ↑ Агапкина, 2012, с. 402.

Kirjalližus

  • Агапкина, Татьяна Алексеевна. Мифопоэтические основы славянского народного календаря. Весенне-летний цикл. — М.: Индрик, 2002. — 816 с. — (Традиционная духовная культура славян. Современные исследования).
  • Радуница / Т. А. Агапкина // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2009. — Т. 4: П (Переправа через воду) — С (Сито). — С. 389—391. — ISBN 5-7133-0703-4, 978-5-7133-1312-8.
  • Фомина неделя / Т. А. Агапкина // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2012. — Т. 5: С (Сказка) — Я (Ящерица). — С. 402–404. — ISBN 978-5-7133-1380-7.
  • Радоница : [арх. 18 elokuudu 2022] / Агапкина Т. А. // Пустырник — Румчерод. — М. : Большая российская энциклопедия, 2015. — С. 158—159. — (Большая российская энциклопедия : [в 35 т.] / гл. ред.  ; 2004—2017, т. 28). — ISBN 978-5-85270-365-1.
  • Баранова О. Г., Зимина Т. А., Мадлевская Е. Л. и др. Русский праздник. Праздники и обряды народного земледельческого календаря. Иллюстрированная энциклопедия / Науч. ред. И. И. Шангина. — СПб.: Искусство-СПБ, 2001. — 668 с. — (История в зеркале быта). — ISBN 5-210-01497-5.
  • Богданович А. Е. s:Пережитки древнего миросозерцания у белорусов (Богданович)/ДО. — Гродна: Губернская типография, 1895. — 186 с. (Рэпрынтнае выданне: Багдановіч Адам Ягоравіч. Перажыткі старажытнага светасузірання ў беларусаў. Этнаграфічны нарыс. — Mінск: Беларусь, 1995. — 186 с. — 6 000 экз. — ISBN 985-01-0057-5.)
  • Булгаков С. В. Настольная книга священно-церковно-служителей. — М.: Издательский отдел Московского Патриархата, 1993. — 1794 с. — ISBN 5-87301-066-8.
  • Задушницы / Виноградова Л. Н., Толстая С. М. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 1999. — Т. 2: Д (Давать) — К (Крошки). — С. 248. — ISBN 5-7133-0982-7.
  • Грушко Е., Медведев Ю. Словарь русских суеверий, заклинаний, примет и поверий. — Русский купец, 1996. — ISBN 9785882040474.
  • Поминать // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
  • Радость/Радужник // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
  • Десницкая А. В. К вопросу о балканизмах в лексике восточнославянских языков // Славянское языкознание: VIII Международный съезд славистов. — М.: Наука, 1978. — С. 145–171.
  • Добровольский В. Н. Смоленский областной словарь. — Смоленск: Типография П.А. Силина, 1914. — 1022 с.
  • Коринфский А. А. Радоница — Красная Горка // Народная Русь : Круглый год сказаний, поверий, обычаев и пословиц русского народа. — М.: Издание книгопродавца М. В. Клюкина, 1901. — С. 241—248.
  • Лаучюте Ю. Перунъ, Велесъ и балто-славянская проблематика // Балто-славянские этноязыковые отношения в историческом и ареальном плане. — М.: Наука, 1983.
  • Максимов С. В. Радуница // Нечистая, неведомая и крестная сила. — СПб.: Товарищество Р. Голике и А. Вильворг, 1903. — С. 425—426.
  • Мельников-Печерский П. И. В лесах. Книга вторая. — М., 1875.
  • Митрофан (Алексеев В. Н.; монах). Загробная жизнь : Как живут наши умершие и как будем жить и мы после смерти – по учению православной церкви, по предчувствию общечеловеческого духа и выводам науки. — Воспр. изд. СПб., 1897. — К.: Радуга, 1991. — 330 с. — ISBN 5-88490-030-9.
  • Нэй В. А. Пасха. Красная горка. Традиции, обряды, рецепты. — М.: Рипол Классик, 2012. — 251 с. — ISBN 538603989X.
  • Опытъ Областнаго Великорусскаго Словаря, изданнаго вторымъ отдѣленіемъ Имп. Академіи Наукъ / под ред. А. Х. Востокова. — СПб.: Имп. Академія Наукъ, 1852. — XII, 275 с.
  • Сапіга В. К. Українські народні свята та звичаї. — К.: Т-во «Знання України», 1993. — 112 с. — ISBN 5-7770-0582-9. (ukr.)
  • Святая Русь. Большая Энциклопедия Русского Народа. Русское Православие. В трех томах. / Гл. редактор, составитель О. А. Платонов. — М.: Институт русской цивилизации, 2009. Том 3: Р — Я. Arhiviiruittu originualaspäi 19. heinykuudu 2013 . — 752 с.
  • Словарь русского языка XI — XVII вв. Вып. 21. — М.: Наука, 1995. — С. 126. — 280 с. — (Институт русского языка). — ISBN 5-02-011253-4.
  • Снегирёв И. Русские простонародные праздники и суеверные обряды. (Выпуск 3). — М.: Университетская типография, 1838. — 214 с.
  • Поминки / С. М. Толстая // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2009. — Т. 4: П (Переправа через воду) — С (Сито). — С. 162—169. — ISBN 5-7133-0703-4, 978-5-7133-1312-8.
  • Радуница // Этимологический словарь русского языка = Russisches etymologisches Wörterbuch : в 4 т. / авт.-сост. М. Фасмер ; пер. с нем. и доп. чл.‑кор. АН СССР О. Н. Трубачёва. — Изд. 2-е, стер. — М. : Прогресс, 1987. — Т. III : Муза — Сят. — С. 431.

Linkat

Lähteh - "https://olo.ruwiki.ru/w/index.php?title=Ruadenčat&oldid=126352669"