Säpsänjogi

Säpsänjogi
Säpsänjogi
	Parzisildu
Kuvailu
Piduhus	36 km
Vezistöala	1 810 km²
Vezimatku
Jovenladvu	Siämärvi
• Olopaikku	Siämärven kylä
• Korgevus	106,7 m
• Koordinuatat	61°55′53″ с. ш. 33°22′29″ в. д.GЯO
Jovensuu	Vahatjärvi
• Korgevus	90 m
• Koordinuatat	61°45′29″ с. ш. 33°14′37″ в. д.GЯO
Sijoittumine
Vezistösistiemu	Vahatjärvi → Šuojunjogi → Logmajärvi → Oniegujärvi → Sviri → Luadogu → Neva → Baltiekkumeri
Ven'a	Karjalan tazavaldu
Mua	Ven'anmua;
Aloveh	Karjalan tazavaldu
Piiri	Priäžän piiri
Koudu Valdivollizes vezistöluvettelus	01040100112102000014455
Noumeru Valdivollizes muantiedo-objektoin katalougas	0150980
	исток устье
	исток устье
	Медиафайлы на РУВИКИ.Медиа

Säpsänjogi (Säpsy) on jogi Ven'al, virduau Karjalan tazavallan Priäžän piiris.

Yleistiijot

Jovenladvannu on Siämärvi (järvi). Laskehes Vahatjärveh, kudaman kauti virduau Šuojunjogi. Joven piduhus on 36 kilometrii, vienkerävöalan pinduala on 1810 km²^[2].

Säpsän sivujovet: oigiet: 5 sivujogie, niilöin joukos Alhonoja, Revzuno; huruat: niilöin joukos kaksi sivujogie Tervalammispäi (oigieloi sivujogiloi on enämbi, se tarkoittau ku oigien rannan puolespäi on suurembi ylängö). Lähimäzet suot: oigielpäi: Niitytsuo; hurualpäi: Čuvnoisuo, Säpsäsuo, Kivojansuo (huruas puolespäi suoloi on enämbi, sie ollah alangomuat). Kosket: niilöin joukos Gorbunkoski, Suarikoski. Sillat: raudutiesildu, avtosildu, parzisildu vahnal dorogal Siämärvi — S'anga — Kindahan kylä — Priäžy.

Vezistöluvettelun tiijot

Ven'an Valdivollizen vezistöluvettelun tiedoloin mugah kuuluu Baltiekkumeren vezistöalan okrugah, joven vezistötalovuolline oza - Šuojunjogi, joven alavezistöala - Sviri-jogi (luguh ottajen Oniegujärven vezistöalan jovet). Kuuluu Nevan jovenalah (luguh ottajen Oniegujärven da Luadogan jogiloin vezistöalat)^[2].

Koudu Ven'an Valdivollizes vezistöluvettelus on 01040100112102000014455^[2].

Ližätieduo

Säpsänjovel vuodessah 1963 mendi parzienuitto. Meččiä kuattih Siämärven rannoil da sih laskevujien jogiloin da ojien rannoil. Sit parziloi uitettih järvie myöte Säpsänjovenladvassah, alemba jogie jovenladvassah Vahatjärves, ielleh Šuojunjogie myöte alah Logmajärveh, kus on Solomannin meččyzavodu (lähäl Petroskoidu). Erähil ozil parziloi viettih buksiiroil. Vuozinnu 1980 puhtastettih jovenpohjua uponnuzis puulois.

Nimen alguperä

Brokgauzenan da Jefronan tiedosanakniigan 32 ozas sanotah Siämärves, sie mainitah Säpsänjogiegi sivul 411^[3]. Kirjutukses sanotah Säm-joves, kudai virduau Siämärvespäi da laskehes ven. Sagozero:h, kudaman kauti virduau Šuojunjogi. On tietty, ku tämä on ainavo jogi — Säpsänjogi. Kartois da vezistöluvettelus tässäh puaksuh on nimi ven. Сяньга.. Voibi arvata, ku alguu myöte jovel oli nimi ven. Сям, kudai sit muutui ven. Сяньга:kse da jälles Säpsäkse. Se on kiini sit, ku Siämärven rannoil eli äijy liygilästy. Siämärven järven alguperiä sellitetäh nenga: vuozisuan XVI da aijembazien Novgorodan kniigoin da kirjutuksien mugah järvie tundietah kui ven. Сям озеро libo ven. Сам озеро, a sen eläjät ollah ven. сямезерцы. Tiedomiehien mugah^[4] nimen pohjannu on muinaine sana šämä (saamelazet), sit se on "Saamelazien järvi", saamelazet oldih Siämärven rannan enzimäzii eläjii.

Huomavukset

↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
↑ ¹ ² ³ Сяньга (Сапса, Сяпса, Сяпся) : [рус.] / textual.ru // Государственный водный реестр : [арх. 15 октября 2013] / Минприроды России. — 2009. — 29 марта.
↑ Сямозеро. — Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
↑ Логинов К. К. Этнографические зоны и этнические границы в Карелии//Границы и контактные зоны в истории и культуре Карелии и сопредельных регионов.. — Петрозаводск, 2008. — С. 95.

[1] Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.

[ГВР-2] ¹ ² ³ Сяньга (Сапса, Сяпса, Сяпся) : [рус.] / textual.ru // Государственный водный реестр : [арх. 15 октября 2013] / Минприроды России. — 2009. — 29 марта.

[3] Сямозеро. — Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

[4] Логинов К. К. Этнографические зоны и этнические границы в Карелии//Границы и контактные зоны в истории и культуре Карелии и сопредельных регионов.. — Петрозаводск, 2008. — С. 95.

[1]

[2]

[3]

[4]