Liygiläzet

On otettu Рувики-späi

Ven'an tiedoakadiemien tarkastus

{{{Выпадающее окно}}}

Ven'an tiedoakadiemien tarkastus

Logo-ran.png
Pietäh Ven'an tiedoakadiemien
tarkastustu
Ližäkse
Liygiläzet
Lugumiäry 19 000
Leviemine Ven'a
Kieli karjalan kielen livvin murreh, ven'an kieli
Uskondo pravosluavii
Kuuluu Karjalazet
Sugukanzat karjalazet etnossah kuulujat vienankarjalazet, lyydiläzet

Liygiläzet (ven. Ли́ввики, каре́лы-ли́ввики) on karjalazen rahvahan eräs kolmes subetnosois (vienankarjalazien da lyydiläzien ližäkse). Eruou kielen puoles vienankarjalazis da lyydiläzis. Liygiläzet enimilleh eletäh Karjalan tazavallan suves — Anuksen da Priäžän kanzallizes piiris, Suojärven piiris.

Histourii da alguperä

Liygiläzien, kui karjalazien rahvahan roinduperä, ei ole kogonah tutkittu. Kaikkien hyväksytynny on se mieli, ku liygiläzien subetnossu oli roinnuh keskiaijan korela-heimon da ves’-heimon välizien kontaktoin hyvyös, jälgimäzekse mainittu heimo vaikutti liygiläzien kieleh da kul’tuurah.

Enzimästy kerdua kirjulähtehis liygiläzis mainitah VI vuozisual: Iordanan ven. «О происхождении и деяниях гетов»-kniigas on luveteltu baltiekkusuomelazis kanzois, kudamii valloitti gotoin johtai Germanarih  (ven.) (olo.. Suurin oza tutkijois (J. Koskinen, K. M'ullengorff, V. Tomašek da muut) ollah sidä mieldy, ku sen luvettelun Iordan otti laihinah meijän aigassah säilymättömäs itinerariespäi. Sit luvettelus merjalazien da mordvalazien rinnal oli kanzu "Thiudos in Aunxis", toizin sanoin F. Braunan mugah ven. «чудь олонецкая» (karjalan kieles Olonec on Anus da suomen kieles Aunus, ku ruvennemmo taivuttamah rodieu Anukses, suom. Aunuksessa).

Karjalazien flagu

Aigazes Keski-Aijas liygiläzien piälinnannu oli Anuksenlinnu; konzu linnas rodih Anuksen linnoitus tarkah ei tietä, enzimästy kerdua kirjulähtehis Anuksenlinnas mainitah Novgorodan kniäzin Sv’atoslav Olegovičan ustuavugruamotas, se annettih vuvvennu 1137 Sofien kiriköle  (ven.) (olo. kerävölöin muutoksis Novgorodan jeparhien hyväkse. Liygiläzien aloveh kuului Novgorodan mualoin Onieganviijendeksen Karjalan mualoih. Yhtes Novgorodan mualoinke liygiläzet Iivanu III:n aigah ruvettih kuulumah Moskovan valdivoh, Anuksen linnoitus oli nostettu uvvessah vuvvennu 1649. Vuvvennu 1773 Jekaterina II perusti Anuksen alovehen Novgorodan namestničestvan hantuzis, sih ruvettih kuulumah liygiläzien kai muat da sen piälinnakse vuodessah 1782 oli Anuksenlinnu.

Vuvven 1812 Ižänmuallizen voinan aigah kuulužat roittih anukselazet ambujat — omatahtoine liygiläzien joukko, kudai perustettih ammatillizis turkisnahkuelättilöin mečästäjis.

XX vuozisuan toizennu kolmandeksennu liygiläzien suuri miäry eli Suomen alovehel säilyttäjen omua kieldy da kul’tuurua.

Kieli

Piäkirjutus: Livvin murreh
Vuozisuan XIII Novgorodan tuohikirjutus № 292 arkaistizel livvin murdehel.

Karjalan kielen livvin murreh on karjalan kielen piämurdehii. Karjalan kieli kuuluu suomi-ugrilazien kanzoin baltiekkumerensuomelazien kielien joukkoh, se on aggl’utinatiivine kieli. Livvis on mondu vahnua laihinsanua arkaistizes vepsän kieles da päivänlasku-baltiekkumeren sanoi, kudamii toizis karjalan kielen murdehis ei ole.

Tundietun Novgorodan tuohikirjan № 292 pohjannu on livvin murdehen muinaine muodo.

Tarkembua tieduo livvin murdehen kirjukielen roindas ei ole. XIX vuozisual liygiläzet kirjutettih kiriillizil kirjaimil. Vuozinnu 1930 otettih käyttöh kirjukieli latinalazel pohjal.

Karjalan avtonoumizen socialistizen nevvostotazavallan Ministroin Nevvoston käskys 20. sulakuudu vuvvennu 1989 hyväksyttih karjalan da vepsän kielen kirjaimikko latinalazel pohjal. Nygöi tädä päiviä pietäh Karjalan da vepsän kirjukielen päivänny[1].

Vahnu livvin murdehen kirjiamikko

A a B b Č č D d Ǯ ǯ E e F f G g
H h I i J j K k L l M m N n O o
P p R r S s Š š Z z Ž ž T t U u
V v Ü ü Ä ä Ö ö '

Yhtenäine karjalan kielen kirjaimikko hyväksyttih Karjalan tazavallan halličuksen 16. kevätkuun vuvven 2007 azetukses № 37-П[2]. Täh azetukseh Karjalan tazavallan halličuksen 29. oraskuun vuvven 2014 azetukses № 168-П luajittih muutokset, niilöin mugah yhtenäzeh karjalan kielen kirjaimikkoh ližättih C-kirjain[3]

Nygöine livvin piämurdehen kirjaimikko:

A a B b C c Č č D d E e
F f G g H h I i J j K k
L l M m N n O o P p R r
S s Š š Z z Ž ž T t U u
V v Y y Ä ä Ö ö '[4]

Livvin murdeheh kuulutah alamurdehet:

  • Siämärven;
  • Tulemjärven;
  • Vieljärven;
  • Salmin (Videlen);
  • Kotkatjärven;
  • Riipuškalan;
  • Nekkulan.

Niilöis hävinnyöt alamurdehet ollah:

  • Siämärven;
  • Tulemjärven;
  • Vieljärven.

Huomavukset

  1. ↑ 20 апреля — День карельской и вепсской письменности
  2. ↑ Правительство Карелии утвердило единый алфавит карельского языка
  3. ↑ В единый алфавит карельского языка внесли изменения (рус.). Карелinform (10. kezäkuudu 2014).
  4. ↑ Жаринова, Ольга Михайловна. Говорим по-карельски = Pagizemmo karjalakse : карельский язык для начинающих (ливвиковское наречие) / [Жаринова О. М. ; худож. Е. Агафонова]. – Petroskoi : Periodika, 2019

Kirjalližus

  • Финно-угры и балты в эпоху средневековья. Археология СССР. Под ред.: Рыбаков Б. А. — М., 1987 г.
  • Финны в Европе. В 2-х томах. — М., 1990 г.
  • Вага Т. В., Потахин С. Б. Особенности расселения и землепользования карелов-ливвиков // Н. М. Пржевальский и современное страноведение: Материалы международной научно-практической конференции. Часть II. Смоленск: Изд-во СГУ, 1999.
  • Бубрих Д. В. Догосударственный период истории балтийско-беломорского севера.
  • Браун Ф. А. Разыскания в области гото-славянских отношений. С-Пб., 1899.
  • Иордан. О происхождении и деяниях гетов. СПб., Алетейя, 1997.

Linkat

Lähteh - "https://olo.ruwiki.ru/w/index.php?title=Liygiläzet&oldid=126361312"